Month: January 2024

ဘဂ္ဂဒက်၊ ဇန်နဝါရီ-၃၁-၂၀၂၄ မျိုးဆက်(VOM) ဂျော်ဒန်ရှိ အမေရိကန်စစ်အခြေစိုက်စခန်းကိုမောင်းသူမဲ့လေယာဉ်နဲ့ တိုက်ခိုက်ခဲ့တဲ့ အီရတ်ရှိစစ် သွေးကြွအဖွဲ့ဟာ အမေရိကန်အပေါ် စစ်ဆင်ရေးတွေကို ရပ်ဆိုင်းထားမယ်လို့ ထုတ်ပြန်လိုက်ပါတယ်။ ဇန်နဝါရီ ၂၈ ရက်က အီရန်ကျောထောက်နောက်ခံပြု ခါတိုက်ဘ်ဟဇ်ဘိုလာအဖွဲ့က တိုက်ခိုက်မှုကြောင့် အမေရိကန်တပ်ဖွဲ့ဝင် သုံးယောက်သေဆုံးခဲ့ပါတယ်။ အမေရိကန်အပေါ် တိုက်ခိုက်မှုတွေရပ်ဆိုင်းရတာဟာ အီရတ်အစိုးရ အနှောက်အယှက်ဖြစ်ရမှုကို တားဆီးဖို့ဖြစ်ကြောင်းထုတ်ပြန်ချက်မှာ ဖော်ပြထားပါတယ်။ ဒီတိုက်ခိုက်မှုကို ဘယ်လို လက်တုံ့ပြန်သွားမယ်ဆိုတာကို ဆုံးဖြတ်ထားပြီးဖြစ်ကြောင်း အမေရိကန်သမ္မတဂျိုးဘိုင်ဒင်ကပြောဆိုထားပေမယ့် ဘယ်လိုတုံ့ပြန် တိုက်ခိုက်မယ်ဆိုတာကို အသေးစိတ် ပြောဆိုတာမရှိပါဘူး။ အီရတ်အစိုးရရဲ့ အရှက်ရမှုကိုတားဆီးကာကွယ်ဖို့အတွက် အမေရိကန်အပေါ် စစ်ဆင်ရေးတွေဆိုင်းငံ့လိုက်ကြောင်းနဲ့ ဂါဇာရှိမိမိတို့ရဲ့ ပြည်သူတွေကို အခြားနည်းလမ်းတွေနဲ့ ဆက်လက်ကာကွယ်ပေးသွားမယ်လို့ စစ်သွေးကြွအဖွဲ့ရဲ့ ထုတ်ပြန်ချက်မှာ ဖော်ပြထားပါတယ်။ ဂျော်ဒန်နဲ့ ဆီးရီးယားနယ်စပ်ရှိအမေရိကန်ရဲ့ တာဝါ-၂၂ အခြေစိုက်စခန်းကို စစ်သွေးကြွတွေက အီရန်လုပ်မောင်းသူမဲ့လေယာဉ်နဲ့ တိုက်ခိုက်မှုကြောင့် တပ်ဖွဲ့ဝင်သုံးဦးသေဆုံးပြီး ဒါဇင်များစွာဒဏ်ရာရရှိခဲ့ပါတယ်။ Ref:BBC Photo:AFP

  အစ္စလာမ္မာဘတ်၊ ဇန်နဝါရီ-၃၁-၂၀၂၄ မျိုးဆက်(VOM) ပါကစ္စတန်ဝန်ကြီးချုပ် အိုင်မရာခန်းနဲ့ ဇနီးဖြစ်သူတို့ကို လာဘ်ပေးလာဘ်ယူမှုနဲ့ အပြစ်ရှိကြောင်း တွေ့ရှိပြီးနောက် ထောင်ဒဏ် ၁၄ နှစ်စီချမှတ်လိုက်ပါတယ်။ ဝန်ကြီးချုပ်ဟောင်း အိုင်မရာခန်းကို နိုင်ငံတော်လျှို့ဝှက်ချက်တွေပေါက်ကြားမှုနဲ့ မနေ့က ထောင် ၁၀ နှစ်ချမှတ်ခဲ့ပြီးနောက် အခုလို စီရင်ချက်ချမှတ်ခဲ့တာဖြစ်ပြီး ဝန်ကြီးချုပ်ဟောင်းဟာ နှစ်ရက်အတွင်း ထောင်ဒဏ် ၂၄ နှစ်ထိ ပြစ်ဒဏ်စီရင်ခံခဲ့ရတာဖြစ်ပါတယ်။ ၂၀၂၂ ခုနှစ်မှာ အတိုက်အခံတွေက ဝန်ကြီးချုပ်ရာထူးမှ ဖြုတ်ချခံခဲ့လိုက်ရတဲ့ အိုင်မရာခန်းဟာ အကျင့်ပျက်ချစားမှု စွဲချက်တွေကြောင့် ထောင်သုံးနှစ် ကျခံနေရပြီးဖြစ်ပါတယ်။ သူဟာ အထွေထွေရွေးကောက်ပွဲမတိုင်မီတပတ်အလိုမှာ နိုင်ငံတော် လျှို့ဝှက်ချက်ဥပဒေနဲ့ ထောင် ၁၀ နှစ်ချခံရတာဖြစ်ပြီး ဒါဟာ နိုင်ငံရေးခြေထိုးကွက်လို့ အိုင်မရာခန်းက ပြောပါတယ်။ နိုင်ငံတကာခရစ်ကတ်အကျော်အမော်ဖြစ်ခဲ့သူ အိုင်မရာခန်းက ဖေဖော်ဝါရီ ၈ ရက် ရွေးကောက်ပွဲမှာ မတရားမှုမှန်သမျှကို ဆန္ဒမဲတွေနဲ့ လက်စားချေရန် ပါကစ္စတန်ပြည်သူတွေကို ဝန်ကြီးချုပ်ဟောင်းအိုင်မရာခန်းကတိုက်တွန်းထားပါတယ်။…

ဒေလီ၊ ဇန်နဝါရီ-၃၁-၂၀၂၄ မျိုးဆက်(VOM) ဆိုမာလီ ကမ်းလွန်ပင်လယ်ပြင်မှာ ပြန်ပေးဆွဲခံထားရတဲ့ သင်္ဘောနှစ်စင်းကို အိန္ဒိယရေတပ်က ကယ်ဆယ်နိုင်ခဲ့တယ်လို့ တာဝန်ရှိသူတွေက ပြောပါတယ်။ အိန္ဒိယစစ်သင်္ဘော အိုင်အင်န်အက်စ် ဆူမားတြားကက ၃၆ နာရီအတွင်း ကယ်ဆယ်နိုင်ခဲ့တာဖြစ်ပြီး မကြာသေးမီရက်အတွင်းကလည်း ပင်လယ်ဓါးပြတွေဖမ်းဆီးထားတဲ့ ငါးဖမ်းသမားတစုကို ဆေးရှဲလ်နိုင်ငံ တပ်ဖွဲ့တွေက ကယ်တင်ခဲ့ရပါသေးတယ်။ ဆိုမာလီကမ်းရိုးတန်း ရေပြင်ဟာ ယခင်က ပင်လယ်ဓါးပြတွေ ထကြွသောင်းကျန်းခဲ့တဲ့ ဒေသဖြစ်ပြီး နိုင်ငံတကာ တပ်ဖွဲ့ဝင်တွေ ကင်းလှည့်မှုတွေပြုလုပ်နေတာကြောင့် ပြန်ပေးဆွဲမှုတွေ ရပ်တန့်သွားခဲ့ပါတယ်။ အိန္ဒိယဟာ ၂၀၀၈ ခုနှစ်ကတည်းက ကင်းလှည့်ရာမှာ ပါဝင်ကူညီနေခဲ့ပါတယ်။ ဒါပေမယ့် ဟူသီသူပုန်တွေရဲ့ တိုက်ခိုက်မှုကြောင့် ်ဆိုမာလီကမ်းရိုးတန်းမှာရှိတဲ့ ရေတပ်တပ်ဖွ့ဲဝင်အများအပြားဟာ ပင်လယ်နီဒေသကို ရွှေ့ပြောင်းကင်းလှည့်လာကြတယ်လို့ အေအက်ဖ်ပီသတင်းဌာနက ဖော်ပြထားပါတယ်။ ဒီအခြေအနေကို ဆိုမာလီပင်လယ်ဓါးပြတွေက အသုံးချမှာကို ကျွမ်းကျင်သူတွေက စိုးရိမ်နေကြပါတယ်။ သို့သော် မကြာသေးမီက တိုက်ခိုက်မှုတွေဟာ အခွင့်အရေးကောင်းရမယ်ထင်တဲ့သဘောနဲ့ ပင်လယ်ဓါးပြများက တိုက်ခိုက်တာဖြစ်ပြီး ယခင်လိုအခြေအနေမျိုး…

Voice of Myanmar ဂျာမနီသည် အတ္တလန္တိတ်သမုဒ္ဒရာတွင် အကန့်အသတ်မရှိ ရေငုပ်သင်္ဘောစစ်ဆင်ရေးကို ၁၉၁၇ ခုနှစ် ဇန်နဝါရီ ၃၁ ရက်တွင် ပြန်လည်စတင်ခဲ့ပြီး အရပ်ဘက်ခရီးသည်တင်သင်္ဘောများအပါအဝင် သင်္ဘောများအားလုံးကို တိုက်ခိုက်သွားမည်ဖြစ်ကြောင်း ကြေညာခဲ့သည်။