Month: August 2025

ဩဂုတ် ၂၅ – ၂၀၂၅ SS (VOM) ပြည်တွင်းအခွန်များ ဦးစီးဌာန အမည်နဲ့ တံဆိပ် (Logo) ကို အသုံးပြုပြီး အွန်လိုင်းမှတဆင့် ငွေကြေး လိမ်လည်မှုတွေ ရှိနေတယ်လို့ ကိုယ်တွေ့ ကြုံခဲ့ရသူတွေက ပြောပါတယ်။ အဆိုပါ လိမ်လည်မှုဟာ အခွန်ရုံး ဝန်ထမ်းပုံစံနဲ့ Viber ကတဆင့် ဆက်သွယ်၊ စာပေးပို့ လိမ်လည်နေခြင်း ဖြစ်တယ်လို့ သိရပါတယ်။ ဒါနဲ့ ပတ်သက်လို့ ကိုယ်တွေ့ ကြုံခဲ့ရသူ တယောက်က “ကျွန်တော့်ဆီ ပြည်တွင်းအခွန် ဦးစီးဌာန လိုဂိုနဲ့ Viber က စာပို့လာတယ်။ နေပြည်တော်က ဆိုလားပဲ။ ကျွန်တော့်ကုမ္ပဏီ အချက်အလက်တွေနဲ့ မှန်/ မမှန် စစ်ဆေးဖို့ ဖုန်းလည်း ဆက်လာသေးတယ်။ တိုက်တိုက်ဆိုင်ဆိုင်ပဲ အဲဒီအချိန်မှာ ကျွန်တော်လည်း အခွန်ရှင်းတမ်းတွေ လုပ်ဖို့ ပြင်ဆင်နေတာဆိုတော့ မေးသမျှ ဖြေလိုက်ပါတယ်။…

ဩဂုတ် ၂၅ ၊ ၂၀၂၅ GG (VOM) နောင်ချိုမြို့နယ်ထဲက TNLA ထိန်းချုပ်ထားတဲ့ ရတနာသိင်္ဂီမိုင်းတွင်းနယ်မြေ နဲ့ မတ္တရာ – ပုသိမ်ကြီးမြို့နယ်အကြားက ဖယောင်းတောင်ရွှေလုပ်ကွက်ကို ဩဂုတ် ၂၄ ရက်မှာ စစ်တပ်က ပြန်လည်ထိန်းချုပ်လိုက်တယ်လို့သိရပါတယ်။ ” ပြင်ဦးလွင်- မိုးကုတ် လမ်းပေါ်က မိုးကုတ်ကို အဓိက ကာထားတဲ့ရတနာသိင်္ဂီ မိုင်တွင်းခြေကုဒ်စခန်းကိုတပ်က ပြန်သိမ်းလိုက်ပြီ။ဒီတော့ရှေ့မှာကြီးကြီးမားမား ဆိုလို့မိုင်းလုံ တခုပဲ ကျန်တယ်။ ” လို့ လုံခြုံရေးတပ်ဖွဲနဲ့ နီးစပ်သူကပြောပါတယ်။ ရတနာသိင်္ဂီမိုင်းတွင်းက မိုးကုတ် – ပြင်ဦးလွင် လမ်းပိုင်းမှာ အရေးပါတဲ့နေရာတခုဖြစ်ပြီး စစ်တပ်အနေနဲ့ အချိန်တိုအတွင်းမှာ TNLA လက်ထဲကနေ ပြန်လည်ထိန်းချုပ်နိုင်ခဲ့တာဖြစ်တယ်လို့သိရပါတယ်။ ” နောင်ချို-ကျောက်မဲလမ်းပိုင်းမှာ နောင်ပိန်ဒေသဟာ အရေးအပါဆုံးနေရာဖြစ်သလို မိုးကုတ်-ပြင်ဦးလွင်လမ်းပိုင်းမှာ ရတနာသိဂီမိုင်းတွင်းဟာ အရေးပါဆုံးနေရာဖြစ်နေပါတယ်။လေးရက် ရက်အတွင်းမှာ မတူညီတဲ့ လမ်းပိုင်းနှစ်ခုက စစ်ဗျူဟာအရေးကြီးဒေသတွေကို သိမ်းလိုက်တဲ့တပ်မတော်ဟာ အားလုံးကိုမျက်လှည့်ပြနေပါပြီ။”…

ဩဂုတ်၂၅၊ ၂၀၂၅ NN(VOM) ရှမ်းပြည်နယ်မြောက်ပိုင်းက TNLA လက်နက်ကိုင်အဖွဲ့ ထိန်းချုပ်ထားတဲ့ ကျောက်မဲမြို့ နယ်အတွင်းက ပိန္နဲကုန်းရပ်ကွက်ကို ဒီနေ့ မနက်ပိုင်း ၁၁ နာရီအချိန်မှာ လေကြောင်း ကနေ ဗုံးကြဲတိုက်ခိုက်ခံရလို့ ကိုရင်သုံးပါး ထိခိုက်ဒဏ်ရာရသွားတယ်လို့ ဒေသခံတွေက ပြောပါတယ်။ “ပိန္နဲကုန်းရပ်ကွက်ထဲမှာ ဝါဆိုကျောင်းဆိုတာရှိတယ်။ အဲဒီနားမှာကျတာ။ ကိုရင်တွေ ဒဏ်ရာရသွားတယ်။ သုံးပါးပေါ့ ထိတာ” လို့ ကျောက်မဲဒေသခံတယောက် ကပြောပါ တယ်။ လေကြောင်းကနေ ဗုံးကြဲခံရလို့ နေအိမ်တချို့လည်း ပျက်စီးတယ်လို့ ဒေသခံတွေက ပြောပါတယ်။ ဩဂုတ်လ ၂၃ ရက်နေ့က ကျောက်မဲမြို့နယ် ကွန်စလန်းရွာ ဘုန်းကြီးကျောင်း ဗုံးကြဲခံရ လို့ ကလေးငယ်တစ်ဦး သေဆုံးပြီး ကိုရင်နှစ်ပါး ထိခိုက်ဒဏ်ရာရခဲ့ပါတယ်။ ဩဂုတ် ၂၄ ရက်နေ့မှာတော့ ကျောက်မဲမြို့နယ် လုံကြိမ်ရွာမှာ လေကြောင်းကနေ ဗုံးကြဲခံရလို့ ဒေသခံနှစ်ဦး သေဆုံးခဲ့တယ်လို့ ဒေသခံတွေက…

ဩဂုတ်လ ၂၅၊ ၂၀၂၅ Shy V (VOM) ကျောက်မဲမြို့ ပိန္နဲကုန်းမှာ ဩဂုတ်လ ၂၅ ရက်နေ့ မနက် ၁၁ နာရီ ကျော်ခန့်က လေကြောင်း နဲ့ ထပ်မံ ဗုံးကြဲတိုက်ခိုက်ခံရပြီး နှစ်လ အတွင်း မြို့ပေါ်ကို လေကြောင်း ဗုံးကြဲ တိုက်ခိုက်မှု ရှစ် ကြိမ်ခန့်ထိရှိလာကြောင်း ဒေသခံတွေဆီက သိရပါတယ်။ “ပိန္နဲကုန်း ဝါဆိုကျောင်းနား ချသွားတယ်။ လူထိ မထိတော့ မသိဘူး။ အဲဒီ ဘက်လမ်း ပိတ်ထားတယ်။ အသိအိမ်တော့ ထိသွားတယ်။ ဘယ်နှစ်အိမ် ထိလဲလည်း အတိအကျ မသိရဘူး။ ထိတဲ့ အိမ်တွေတော့ များမယ်” လို့ ဒေသခံ အမျိုးသမီး တယောက်က ပြောပါတယ်။ ဒီနေ့ ဩဂုတ်လ ၂၅ ရက်နေ့ မနက် ၁၁ နာရီ ကျော်ခန့်က…