Editor Htein Lin – Page 12 – Voice of Myanmar

NUG ရုံးစိုက်တယ်ဆိုတဲ့ ခါမ်းပါတ်မြို့ကို နှစ်နှစ်ကျော်အကြာမှာ အစိုးရတပ်က ပြန်ထိန်းချုပ်

ဇွန် ၂၀ ၊ ၂၀၂၆ GG (VOM) စစ်ကိုင်းတိုင်း ၊ ကလေး – တမူးလမ်းပေါ်က ခါမ်းပါတ်မြို့ကို ဒီကနေ့ ဇွန် ၂၀ ရက်မှာ အစိုးရတပ် စစ်ကြောင်းတွေ ဝင်ရောက်ပြီး မြို့ကို ပြန်လည်ထိန်းချုပ်လိုက်ပြီ ဖြစ်တယ်လို့ စုံစမ်းသိရှိရပါတယ် ။ ခါမ်းပါတ်မြို့ကို ပြန်ရဖို့အတွက် ဇွန်လ ၇ ရက်နေ့ကစပြီး အစိုးရတပ်က တမူး၊ ကလေးနဲ့ မော်လိုက်မြို့တွေကနေ စစ်ကြောင်းသုံးခုခွဲကာ အင်အားအများအပြားနဲ့ စစ်ကြောင်းထိုး ထိုးစစ်ဆင်တိုက်ခိုက်ခဲ့တာဖြစ်ပါတယ်။ အဲဒီနောက် ၁၄ ရက် အကြာမှာတော့ ခါမ်းပါတ်မြို့ကို အစိုးရတပ်က ပြန်လည်ထိန်းချုပ် နိုင်ခဲ့တာ ဖြစ်တယ်လို့ သိရပါတယ် ။ ” ခါမ်းပါတ်မြို့ကို ပြန်ရပါပြီ ။ အခုနယ်မြေရှင်းလင်းရေး ဆက်လုပ်နေပါတယ် ။ ” လို့ လုံခြုံရေးတပ်ဖွဲ့ နဲ့နီးစပ်သူက ပြောပါတယ်။…

ကျင်ဒွေးမြို့ကို လေကြောင်းတိုက်ခိုက်ခံရလို့ ခြောက်ယောက်သေဆုံးပြီး ၁၁ ယောက် ဒဏ်ရာပြင်းထန်

2 weeks ago Editor Htein Lin

ဇွန် ၂၀ ၊၂၀၂၆ CC (VOM) ချင်းပြည်နယ်တောင်ပိုင်း ၊ ကန်ပက်လက်မြို့နယ် ၊ ကျင်ဒွေးမြို့မှာ လေကြောင်းကနေဗုံးကြဲတိုက်ခိုက်ခံရပြီး လူခြောက်ယောက်သေဆုံးကာ ၁၁ ယောက်ဒဏ်ရာ ရရှိခဲ့တယ်လို့ စုံစမ်းသိရှိ ရပါတယ်။ ဇွန် ၁၉ ရက်နေ့ည ၁၁ နာရီ ခွဲလောက်က ကျင်ဒွေးမြို့မှာ လေကြောင်းတိုက်ခိုက်ခံခဲ့ရပြီး သေဆုံးသူတွေရှိသလို ထိခိုက်ဒဏ်ရာ ရရှိသူတွေထဲမှာ ဒဏ်ရာပြင်းထန်ပြီး စိုးရိမ်ရသူတွေလည်း ရှိနေတယ်လို့ သိရပါတယ် ။ ကန်ပက်လက်မြို့နယ် လူသားခြင်းစာနာဘေးစီမံဌာနကလည်း ကျင်ဒွေးမြို့မှာ လေကြောင်းတိုက်ခိုက်ခံရမှုကြောင့် သေဆုံးသူခြောက်ယောက်နဲ့ ဒဏ်ရာရသူ ၁၁ ယောက်ရှိကြောင်း ထုတ်ပြန်ထားတာ တွေ့ရပါတယ်။ ” ဒဏ်ရာရတဲ့ ၁၁ ယောက်ကလည်း ပြင်းထန်တယ်လို့ ပြောတယ်။ လက်ရှိ ဆေးကုပေးနေတယ် သိရပါတယ်။ ည ၁၁ ခွဲလောက်ဆိုတော့ အိပ်နေချိန် ဖြစ်သွားတာလို့ သိရတယ်။.ကျန်တဲ့ အခြေအနေတော့ သေချာမသိရသေးဘူး…

အင်ဒိုနီးရှား သို့မဟုတ် အရှေ့တောင်အာရှလစ်ဘရယ်ဒီမိုကရေစီ ရဲ့ အမှတ်အသား

2 weeks ago Editor Htein Lin

MT(VOM) ကျနော်တို့ အရှေ့တောင်အာရှမြေပုံကို ဖြန့်ကြည့်လိုက်ရင် ကျွန်းစုပေါင်းသောင်းခြောက်ထောင်နဲ့ ဖွဲ့စည်းထားတဲ့ အင်ဒိုနီးရှားဆိုတဲ့ နိုင်ငံကြီးကို အထင်အရှား မြင်ရပါလိမ့်မယ်။ ဒီနိုင်ငံဟာ ဒီနေ့ခေတ်မှာတော့ အရှေ့တောင်အာရှရဲ့ အကြီးမားဆုံး စီးပွားရေးအင်အားကြီးနိုင်ငံ၊ တစ်ခါ ဒီမိုကရေစီစနစ် ထွန်းကားတဲ့ နိုင်ငံကြီးတစ်ခုအဖြစ် ကမ္ဘာ့အလယ်မှာ ဝင့်ဝင့်ကြွားကြွား ရပ်တည်နေပါပြီ။ ဒါပေမဲ့ ဒီကနေ့ မြင်ရတဲ့ ဒီမိုကရေစီ ပန်းတိုင်ကို ရောက်ဖို့ သူတို့ဖြတ်သန်းခဲ့ရတဲ့ သမိုင်းလမ်းကြောင်းဟာ ပန်းခင်းထားတဲ့လမ်းတော့ မဟုတ်ခဲ့ပါဘူး။ သွေးတွေ၊ မျက်ရည်တွေ၊ အာဏာရှင်စနစ်ရဲ့ ဖိနှိပ်မှုတွေနဲ့ အနိမ့်အမြင့်၊ အတက်အကျ အစုံစုံကို ကျော်ဖြတ်ခဲ့ရတဲ့ အင်ဒိုနီးရှား ရဲ့ သမိုင်းစာအုပ် ကို ကျနော်တို့ စာမျက်နှာ တစ်မျက်နှာချင်း လှန်လှောကြည့်ကြစို့။ ဒတ်ချ်ကိုလိုနီခေတ် ခါးသီးတဲ့အတွေ့အကြုံ အင်ဒိုနီးရှားဟာ နှစ်ပေါင်း ၃၅၀ နီးပါး ဒတ်ချ်အရှေ့အိန္ဒိယကုမ္ပဏီ (VOC) နဲ့ ဒတ်ချ်အစိုးရရဲ့ သွေးစုပ်ခြယ်လှယ်မှုကို ခံခဲ့ရပါတယ်။…

သူတို့အိမ် အခန်း (၁၄၆)

2 weeks ago Editor Htein Lin

ဆူးငှက် မြို့အနောက်ခြမ်းက မီးဘေး —————————— ထိုစဉ်က မြို့အနောက်ခြမ်းမှာ မီးကြီးလောင်နေတော့ ဘူတာကြီးအရှေ့ဘက် မြို့အရှေ့ခြမ်းက အတော်များများကလည်း မြိုကအနောက်ခြမ်းရှိ ဆွေမျိုးများ မိတ်ဆွေများ၏ အိမ်သို့ သွားရောက်ကူညီကြသည်။ ထို့အတူ မြို့အရှေ့ခြမ်းရှိ ဘုန်းကြီးကျောင်းတိုက်ကြီးများမှ သံဃာတော်များကလည်း အနောက်ခြမ်း မီးလောင်ပြင်သို့ သွားရောက် ညှိမ်းသတ် ကူညီကြ၏။ ထို့ကြောင့် မြို့အရှေ့ခြမ်းရှိ အိမ်များ ဘုန်းကြီးကျောင်းများတွင် မီးဘေးမှ ပြေးလာသူ မီးဘေးသင့်သူများ အထုပ်အပိုများနှင့် ရောက်လာကြသည်။ မီးလောင်ပြင်မှ မီးသတ်ကားများက ကျုံးအတွင်းသို့ ခေါက်တုန့်ခေါက်ပြန် ရေလာထည့်ကြရာ ထိုကားများပေါ်တွင် ခရာများမှုတ် လမ်းရှင်းပေးသော သံဃာတော်များလည်း ပါသည်။ ကျွန်တော် ဟေမာဇလအိမ်ရောက်တော့ အိမ်ရှေ့က ဆိုင်လေးကို ပိတ်ထားသည်။ အိမ်ရှိလူကုန် စိုးရိမ်နေကြ၏။ အဘနှင့် အမေက အနောက်ဝင်းမှာ ကျန်ရစ်သော မမခင်လှတို့နှင့် ကျန်သူများကို စိုးရိမ်သည်။ ခင်သော်ဇင်ကလည်း သူ့သင်္ဘောတန်းအိမ်ကို စိုးရိမ်နေ၏။…

ဗာဆိုင်းမှသည် ငြိမ်းချမ်းရေးဆီသို့

2 weeks ago Editor Htein Lin

MT(VOM) ကမ္ဘာ့ငြိမ်းချမ်းရေးနဲ့ စွမ်းအင်လုံခြုံရေးကို အကြီးအကျယ် ခြိမ်းခြောက်နေတဲ့ အရှေ့အလယ်ပိုင်း စစ်မီးကို ငြိမ်းသတ်နိုင်မယ့် သမိုင်းဝင် ဖြစ်ရပ်တစ်ခု ၂၀၂၆ ခုနှစ်၊ ဇွန်လ ၁၇ ရက်နေ့က ပြင်သစ်နိုင်ငံ ဗာဆိုင်းနန်းတော် (Palace of Versailles) မှာ ပေါ်ပေါက်ခဲ့ပါတယ်။ အမေရိကန်သမ္မတ ဒေါ်နယ်ထရမ့်နဲ့ အီရန်သမ္မတ မာဆု ပီဇက်ရှ်ကီယန် (Masoud Pezeshkian) တို့ဟာ အမေရိကန်-အီရန် စစ်ရေးပဋိပက္ခတွေကို အဆုံးသတ်ဖို့နဲ့ သံတမန်ရေးရာ လမ်းစဖွင့်ဖို့အတွက် ရက်ပေါင်း ၆၀ သက်တမ်းရှိတဲ့ သမိုင်းဝင် အပစ်အခတ်ရပ်စဲရေး နားလည်မှုစာချွန်လွှာ (MOU) တစ်ရပ်ကို အွန်လိုင်း ကနေ Digital Signing အဖြစ်လက်မှတ်ရေးထိုးခဲ့ကြပါတယ်။ သမိုင်းတစ်ပတ်လည်တဲ့အလား ပထမကမ္ဘာစစ်ကို အဆုံးသတ်ခဲ့တဲ့ ဗာဆိုင်းနန်းတော်မှာပဲ ယခုတစ်ကြိမ် ကမ္ဘာ့အန္တရာယ်အရှိဆုံး ပဋိပက္ခတစ်ခုကို တားဆီးဖို့ ခြေလှမ်းစနိုင်ခဲ့တာပါ။ သို့သော် ဒီစာချုပ်ဟာ ညတွင်းချင်း…

လက်နက်ကိုင်အဖွဲ့စည်းမျိုးစုံ က အလင်းဝင်လာတဲ့အဖွဲ့ဝင် ၃၇၆ ယောက်ကို လပခမှာ မိဘအုပ်ထိမ်းသူတွေဆီ အပ်နှံ

2 weeks ago Editor Htein Lin

မန္တလေး၊ ဇွန်- ၁၉- ၂၀၂၆ SA(VOM) မန္တလေးတိုင်းအတွင်းမှာ လက်နက်ကိုင်လှုပ်ရှားနေတဲ့ အဖွဲ့အသီးသီးကPDF တွေအပြင် လက်နက်ကိုင်အဖွဲ့အမျိုးမျိုးက အလင်းဝင်လာသူ ၃၇၆ ယောက်ကို အလယ်ပိုင်းတိုင်းစစ်ဌာန ချုပ်မှာ မန္တလေးတိုင်းဒေသကြီးအစိုးရအဖွဲ့နဲ့ လပခ တိုင်းမှူးအပါအဝင် တာဝန်ရှိသူတွေက လက်ခံကြိုဆိုခဲ့ပြီး မိဘအုပ် ထိန်းသူတွေဆီ ပြန်လည်အပ်နှံခဲ့တယ်လို့ သိရပါတယ်။ လက်နက်ကိုင်အဖွဲ့စည်း အသီးသီးကနေ ဥပဒေဘောင်အတွင်း ပြန်လည်ဝင်ရောက်လာကြတဲ့ မန္တလေးတိုင်းဒေသကြီး၊ အောင်မြေသာစံမြို့နယ်မှ အမျိုးသား(၁၂)ဦး၊အမျိုးသမီး(၅)ဦး၊ ချမ်းမြသာစည်မြို့နယ်မှ အမျိုးသား(၃)ဦး၊ အမရပူရမြို့နယ်မှအမျိုးသား (၄၀)ဦး၊ အမျိုးသမီး(၄)ဦး၊ ပြင်ဦးလွင်မြို့နယ်မှ အမျိုးသား(၈)ဦး၊အမျိုသမီး (၃)ဦး၊ သပိတ်ကျင်းမြို့နယ်မှ အမျိုးသား(၄၅)ဦး၊ အမျိုးသမီး(၃)ဦး၊မိုးကုတ် မြို့နယ်မှ အမျိုး သား(၂၄)ဦး၊ အမျိုး သမီး(၈)ဦး၊ စဉ့်ကူးမြို့နယ်မှအမျိုးသား (၃၇)ဦး၊ အမျိုးသမီး (၅)ဦး၊ မိုးမိတ်မြို့နယ်မှ အမျိုးသား (၁)ဦး၊မတ္တရာမြို့နယ်မှ အမျိုး သား (၅၀)ဦး၊ အမျိုးသမီး (၂)ဦး၊ မြင်းခြံမြို့နယ်မှ…

မန္တလေး က.ည.န ရုံးရှေ့မှာ နေရာရောင်းစားတာတွေမရှိဖို့နဲ့ လာဘ်ပေးလာဘ်ယူမှု ပပျောက်ရေးအတွက် စစ်ဆေးဆောင်ရွက်မယ်

2 weeks ago Editor Htein Lin

မန္တလေး၊ ဇွန်- ၁၉- ၂၀၂၆ SA(VOM) မန္တလေးမြို့၊ မဟာအောင်မြေမြို့နယ်၊ သိပ္ပံလမ်းဘေးမှာရှိတဲ့ ကုန်းလမ်းပို့ဆောင်ရေးညွှန်ကြားမှုဦးစီးဌာန (က.ည.န)ရှေ့မှာ ရုံးဖွင့်ချိန် သက်တမ်းတိုးဆောင်ရွက်ဖို့ မော်တော်ယာဥ်တွေနဲ့တင်မဟုတ်ဘဲ အုတ်ခဲတွေ ကားတာယာကွင်းတွေ ၊စက်ဘီးတွေ၊ ဆိုင်ကယ်တွေနဲ့ပါ နေရာယူထားပြီး နေရာပြန်လည်ရောင်းစားသူတွေမရှိဖို့နဲ့ လာဘ်ပေးလာဘ်ယူမှုပပျောက်ဖို့အတွက် စစ်ဆေးကြပ်မတ်ဆောင်ရွက်နေတယ်လို့ လျှပ်စစ်၊ စွမ်းအင်၊ စက်မှုနှင့်လမ်းပန်းဆက်သွယ်ရေး ဝန်ကြီး ဌာန ဝန်ကြီး ဦးကျော်မိုးသက် က ပြောပါတယ်။ အမရပူရမြို့နယ်၊ ကိုယ်စားလှယ်အမှတ် ၁၊ တိုင်းဒေသကြီးလွှတ်တော်ကိုယ်စားလှယ်၊ ဦးဇော်အောင်ထက် က “မဟာအောင်မြေမြို့နယ်၊ သိပ္ပံလမ်းမဘေးမှာရှိတဲ့ ကုန်းလမ်းပို့ဆောင်ရေးညွှန်ကြားမှုဦးစီးဌာန (က.ည.န) ရုံးမှာ မော်တော်ယာဥ်သက်တမ်းတိုးခြင်းအတွက် လွယ်ကူလျင်မြန်စွာ ဆောင်ရွက်ပေးနိုင်ခြင်း ရှိ/ မရှိ၊ online မှ သက်တမ်းတိုး ဆောင်ရွက်ပေးနိုင်ခြင်း ရှိ/မရှိ၊ နေရာရောင်းစားသူများအား မည်ကဲ့သို့ အရေးယူဆောင် ရွက်မယ်ဆိုတာ သိရှိလိုသည့်ကိစ္စ” ကို တတိယအကြိမ် မန္တလေးတိုင်းဒေသကြီးလွှတ်တော် ဒုတိယပုံမှန်အစည်းအဝေး…

အင်တာနက် ပြတ်တောက်တဲ့အချိန်ကာလကို လျှော်ကြေးနဲ့ အစားထိုးဝန်ဆောင်မှု တောင်းခံလို့ရ၊ တိုင်ကြားလာရင် လိုင်စင်ပိတ်သိမ်းတဲ့အထိ အရေးယူခံရနိုင်

2 weeks ago Editor Htein Lin

နေပြည်တော်၊ ဇွန် – ၁၉ – ၂၀၂၆ KKL(VOM) အင်တာနက်လိုင်း ပြတ်တောက်တဲ့အချိန်ပေါ် မူတည်ပြီး သတ်မှတ်လျော် ကြေးငွေ ပြန်လည်တောင်းဆိုမှု(သို့မဟုတ်) အင်တာနက် လိုင်းပြတ်တောက် တဲ့ ကာလအတိုင်း အစားထိုးဝန်ဆောင် မှု ပေးအပ်ဖို့ သက်ဆိုင်တဲ့ကုမ္ပဏီကို တောင်းဆိုနိုင်ပြီး ကုမ္ပဏီအနေနဲ့ ဝန်ဆောင်မှုပျက်ကွက်ခဲ့ရင် လိုင်စင်ပယ်ဖျက်တဲ့အထိ အရေးယူခံရနိုင်တယ်လို့ ဒီဂျစ်တယ်ဖွံ့ဖြိုးတိုးတက်ရေးနှင့် ဆက်သွယ်ရေးဝန်ကြီးဌာန ဒုတိယဝန်ကြီး ဦးသက်ဝင်းအောင် ကပြောပါတယ်။ ဒီနေ့ပြုလုပ်တဲ့ တတိယအကြိမ် ပြည်သူ့လွှတ်တော် ဒုတိယပုံမှန်အစည်း အဝေး ၁၁ ရက်မြောက်နေ့က ဘုတ်ပြင်းမြို့နယ်၊ ပြည် သူ့လွှတ်တော်ကိုယ်စားလှယ် ဦးအောင်လင်းလှိုင် မေးမြန်းတဲ့ ဒီဂျစ်တယ်ဖွံ့ဖြိုးတိုးတက်ရေးနှင့် ဆက်သွယ်ရေးဝန်ကြီးဌာနအနေဖြင့် ကုမ္ပဏီများက WiFi လိုင်းများ၊ Internet Package များ ရောင်းချရာတွင် မည်ကဲ့သို့ စည်းမျဉ်းစည်းကမ်းများ သတ်မှတ်ချုပ်ဆိုထားသည်ကို ရှင်းလင်းပေးရန် အစီအစဉ် ရှိ/မရှိ သိရှိလိုခြင်း နှင့်…

ဒေါ်အောင်ဆန်းစုကြည်ကိုပြန်လွှတ်ပေးဖို့ မြန်မာအခြေစိုက် အနောက်နိုင်ငံ သံရုံးတချို့ တောင်းဆို

2 weeks ago Editor Htein Lin

ဇွန် ၁၉ ၊ ၂၀၂၆ GG (VOM) ဒေါ်အောင်ဆန်းစုကြည် နဲ့အတူ ဖမ်းဆီးခံထားရတဲ့ အကျဥ်းသားအားလုံးကို ပြန်လွှတ်ပေးဖို့ ဒီကနေ့ ဇွန် ၁၉ ရက်မှာကျရောက်တဲ့ ဒေါ်အောင်ဆန်းစုကြည်ရဲ့ ၈၁ နှစ်ပြည့်မွေးနေ့မှာ ရန်ကုန်အခြေစိုက် သံရုံးတချို့က တောင်းဆိုလိုက်ပါတယ်။ ဆွစ်ဇာလန်သံရုံးက ” ဒေါ်အောင်ဆန်းစုကြည်၏ ၈၁ နှစ် ပြည့် မွေးနေ့တွင် ဆွစ်ဇာလန်နိုင်ငံမှ ဒေါ်အောင်ဆန်းစုကြည်နှင့် မြန်မာနိုင်ငံရှိ ဖမ်းဆီးခံထားရသော အခြားအကျဉ်းသားအားလုံး လွတ်မြောက် ရေးအတွက် တောင်းဆိုကြောင်း ထပ်လောင်း ပြောကြားပါတယ် ။ “ဆိုပြီး တောင်းဆိုထားတာ တွေ့ရပါတယ် ။ အလားတူ ကနေဒါ သံရုံးကလည်း ” ယနေ့ကျရောက်သော ဒေါ်အောင်ဆန်းစုကြည်၏ (၈၁) နှစ်မြောက် မွေးနေ့တွင် သူမအား ခြွင်းချက်မရှိ လွှတ်ပေးရန်၊ ဆေးကုသမှုခံယူနိုင်စေရန်၊ ကျန်ရှိနေသော နိုင်ငံရေးအကျဉ်းသားအားလုံး လွှတ်ပေးရန်နှင့် အကြမ်းဖက်မှုများကို…

NDAA (မိုင်းလား) နဲ့ UWSA/UWSP (“ဝ”) တပ်ဖွဲ့တို့ကို NSPNC အဖွဲ့ သွားရောက်တွေ့ဆုံ

2 weeks ago Editor Htein Lin

ပန်ဆန်း၊ ဇွန် ၁၉-၂၀၂၆ Shy V (VOM) အမျိုးသားစည်းလုံးညီညွတ်ရေးနဲ့ ငြိမ်းချမ်းရေးဖော်ဆောင်မှု ညှိနှိုင်းရေးကော်မတီ (NSPNC) ဥက္ကဋ္ဌ ဒုတိယဗိုလ်ချုပ်ကြီး ရာပြည့် ဦးဆောင်တဲ့ ကိုယ်စားလှယ်အဖွဲ့ဟာ FPNCC အဖွဲ့ဝင်ဖြစ်တဲ့ NDAA (မိုင်းလား) နဲ့ UWSA/UWSP (“ဝ”) တပ်ဖွဲ့တို့ကို ဆက်တိုက် သွားရောက်တွေ့ဆုံခဲ့တယ်လို့ သိရပါတယ်။ “ငြိမ်းချမ်းရေးနဲ့ ပတ်သက်ပြီး အလွတ်သဘော တွေ့ဆုံတာပါ။ NCA နဲ့လည်း ဆက်စပ်နိုင်ပါတယ်။ ဇွန်လ ၁၇ ရက် ညနေပိုင်းမှာ မိုင်းလားကို ရောက်လာပြီး အဲဒီကနေ ပန်ဆန်းကို ဆက်သွားတာပါ” လို့ ဒေသခံ အမျိုးသားတယောက်က VOM ကို ပြောပါတယ်။ NSPNC အဖွဲ့ဟာ ဇွန်လ ၁၇ ရက် ညနေပိုင်းမှာ အထူးဒေသ (၄) မိုင်းလားကို ရောက်ရှိခဲ့ပြီး NDAA ခေါင်းဆောင်ပိုင်းနဲ့…