Day: February 21, 2020

ကိုရိုနာဗိုင်းရပ်စ်ပိုးကို ရန်ကုန်မြို့မှာ ဓာတ်ခွဲစစ်ဆေးနိုင်ပြီ ရန်ကုန် ဖေဖော်ဝါရီလ ၂၁-၂၀၂၀ သိင်္ဂီ(VOM) ကိုရိုနာဗိုင်းရပ်စ်ပိုးရှိ မရှိကို ရန်ကုန်က အမျိုးသားကျန်းမာရေးဓာတ်ခွဲမှုဆိုင်ရာဌာနမှာ ဓာတ်ခွဲစစ်ဆေးနိုင်ပြီဖြစ်တယ်လို့ ပြည်သူ့ကျန်းမာရေးဦးစီးဌာနမှ ဒုတိယညွှန်ကြားရေးမှူး ဒေါက်တာခင်ခင်ကြီးကအတည်ပြုပြောပါတယ်။ အခုလက်ရှိ မြန်မာနိုင်ငံမှာ ကိုရိုနာဗိုင်းရပ်စ်ပိုးရှိမရှိကို ရည်ညွန်းဓာတ်ခွဲခန်းအဖြေ စောင့်ဆိုင်းနေတဲ့ စောင့်ကြည့်လူနာ ၁ ဦးသာရှိတယ်လို့ သိရပြီး အကယ်၍ ကိုရိုနာဗိုင်းရပ်စ်ပိုးသံသယရှိလူနာ ထပ်မံတွေ့ရှိလာပါက ပိုးရှိ မရှိကို ရန်ကုန်မှာတင် စစ်ဆေးနိုင်ပြီဖြစ်တယ်လို့ သိရပါတယ်။ ” စတွေ့ကတည်းက မနေ့ကထိ စောင့်ကြည့်လူနာနဲ့သံသယလူနာ ၄၀ ရှိတယ်။ ဒီထဲမှာ ၃၉ ဦးက ပိုးလုံးဝမရှိကြောင်း အဖြေရပြီးပြီ၊ ခုဆို တစ်ယောက်ပဲကျန်တော့တယ်။ မကွေးပြည်သူ့ဆေးရုံမှာ တက်နေတဲ့သူပါ။ နောက်ထပ် လူနာတွေကိုတော့ ရန်ကူန်မှာ ဓာတ်ခွဲစစ်ဆေးနိုင်ပါပြီ၊ WHOက သတ်မှတ်ထားတဲ့အတိုင်း လုပ်နေပါတယ်။ မနေ့ကဆိုရင်လူနာ ၃ ဦးကို ရန်ကုန်မှာစစ်တယ်။ ပိုးလုံးဝ မတွေ့ရဘူး။…

ပဲခူးမြို့ NLDရပ်ကွက်ရုံးအတွင်းက ပါတီပိုင်ပစ္စည်းများ ဖျက်ဆီးခံရ ပဲခူး ဖေဖော်ဝါရီ ၂၁ -၂၀၂၀ ဝေဇင်ကြည်(VOM) ပဲခူးမြို့၊ ဥဿာမြို့သစ်ရပ်ကွက်ကြီး(၄)ရှိ NLDရုံးမှာ မနေ့ဖေဖော်ဝါရီနေ့ညပိုင်းက အမည်မသိလူတစ်စု ရုံးအတွင်းဝင်ရောက်ပြီး ဒေါ်အောင်ဆန်းစုကြည်နဲ့ ဗိုလ်ချုပ်အောင်ဆန်းတို့ရဲ့ ဗီနိုင်းရုပ်ပုံတွေကိုဖြုတ်ချကာ ပါတီမှတ်တမ်းစာအုပ်တွေ၊ ပါတီအလံတွေယူဆောင်သွားတယ်လို့ ပဲခူးတိုင်းNLDကပြောပါတယ်။ ‟ရပ်ကွက်ကြီး(၄)က ရုံးပါ ရပ်ကွက်ထဲမှာ အစောင့်လည်းမရှိဘူး၊ အစည်းအဝေးလုပ်မှဖွင့်ထားတာ ကျန်တဲ့အချိန်က ပိတ်ထားတာများပါတယ်။ မနေ့က သန့်ရှင်းရေးလုပ်မှ သော့ကိုရိုက်ချိုးပြီး အစည်းအဝေးမှတ်တမ်းတွေ ယူသွားတာတွေ့တယ်၊ ဗီနိုင်းကပ်ထားတာ ဒေါ်စုပုံတို့ ဗိုလ်ချုပ်ပုံတို့ဆွဲ ဖြုတ်သွားတယ်၊ ကျန်တာဖျက်ဆီးတာတော့မရှိဘူး၊ အထဲမှာ သံဗီဒိုတစ်လုံးရှိတယ်၊ ပန်ကန်လုံးတွေ၊ ဖန်ခွက်တွေရှိတယ်၊ ဘာမှမလုပ်သွားဘူး။ အမှတ်(၃)ရဲစခန်းမှာတော့ အမှုဖွင့်ထားပါပြီ၊ ကျနော်တို့လည်း စုံစမ်းနေဆဲပါ၊ သူခိုးလို့လည်း ပြောလို့မရပါဘူး၊ စာရွက်စာတမ်းဘဲယူသွားတာဆိုတော့ မလိုလားတဲ့ အဖွဲ့အစညိးကပဲ လုပ်တာလားဘာလားပေါ့”လို့ ပဲခူးတိုင်းNLDဥက္ကဋ္ဌ ဦးသိန်းဒန်ကVOMကိုပြောပါတယိ။ အခုလိုပြုလုပ်သွားတဲ့အပြင် ရုံးရှိ ပါတီဝင်အင်အားစာရင်း၊ အစည်းအဝေးမှတ်တမ်း စာရွက်စာတမ်းတွေ…

စစ်တွေကိုရောက်နေတဲ့ ရသေ့တောင်က စစ်ဘေးရှောင်တွေ စားဝတ်နေရေးလိုအပ်ချက်ရှိ စစ်တွေ၊ ဖေဖော်ဝါရီ ၂၁-၂၀၂၀ ခိုင်လင်းစံ(VOM) ရခိုင်ပြည်နယ်မြောက်ပိုင်း၊ ရသေ့တောင်မြို့နယ်၊ သမီးလှကျေးရွာက စစ်ဘေးဒုက္ခသည်တွေဟာ မနေ့ဖေဖော်ဝါရီ၂၀ ရက်နေ့ ညနေပိုင်းက စစ်တွေမြို့ကို အောင်တံခွန် (၂) သဘောၤနဲ့ ရောက်ရှိလာကြတာဖြစ်ပါတယ်။ စစ်ဘေးရှောင်ဒုက္ခသည် ၆၀ ကျော်လောက်ဟာ ရသေ့တောင်မြို့ပေါ်နဲ့ သည်ကန်ခွဆုံကျေးရွာ ဖက်ကအများဆုံးဖြစ်ပြီး တိုက်ပွဲတွေကြောင့် ကျေးရွာတွင်း နေအိမ်တွေမီးရှိူ့ခံရတဲ့အတွက် ထွက်ပြေလာကြကာ ရသေ့တောင်မှာ ရက်ပေါင်း ၂၀ လောက် နေထိုင်ခဲ့တယ်လို့လည်း သိရပါတယ်။ ” ရွာမှာလည်းမနေရဘူး။ ဟိုပြေးဒီပြေးနဲ့ သွားဖို့လာဖို့လည်း အဆင်မပြေဘူး။ ပစ်ဆံလည်းမရှိတော့ဘူး။ တိုက်ပွဲကျလို့ လမ်းမှာကင်းပုန်းလည်း ဝပ်ခဲ့ရပါတယ်။ ထွက်ပြေးတာက ညည့် ၁ နာရီလောက်မှာ အုန်းချောင်းရွာကိုပြေးတယ်။ ပြီးတော့ ကျောက်ပြင်ဆိပ်၊ အဲ့ဒီကတစ်ဆင့် ရသေ့တောင်မြို့ တောင်ရင်းတန်းရပ်ကွက်ကို ပြေးရတယ်။” လို့ နေအိမ်တွေမီးရှိူ့ခံရတဲ့ သမီးလှရွာက ထွက်ပြေးလာသူ…

နေပြည်တော်ရှိ FDAဌာနခွဲစာရေးနေတဲ့ တိုက်ခန်းမှာ မီးလောင်မှုဖြစ်ပွား နေပြည်တော်၊ ဖေဖော်ဝါရီ ၂၁-၂၀၂၀ ကိုထွန်း(VOM) နေပြည်တော်၊ ဇမ္ဗူသီရိမြို့နယ်၊ ဉာဏသိဒ္ဓိရပ်ကွက်၊ တိုက် ၃၃၇၂၊ အခန်း (၁၆)ရှိ FDAဌာနခွဲစာရေးနေထိုင်တဲ့ တိုက်ခန်းမှာ ဒီကနေ့မနက်ပိုင်းက အဲယာကွန်းမီးဖြတ်စက်အပူလွန်ကဲပြီး မီးလောင်ကျွမ်းမှုဖြစ်ပွားခဲ့ပါတယ်။ မီးလောင်မှုကြောင့် အခန်းတွင်းပစ္စည်းတွေမီးလောင်ပျက်စီးခဲ့ပြီး တန်ဖိုးငွေ ၃သိန်းကျပ် မီးလောင်ပျက်စီးခဲ့ကာ ဘေးအခန်းတွေကို ကူးစက်တာမရှိခဲ့ပါဘူး။ မီးလောင်ရာကို နေပြည်တော်မီးသတ်ဦးစီးဌာန ညွှန်ကြားရေးမှူးဦးဇော်လင်းထွန်းနဲ့ မီးသတ်တပ်ဖွဲဝင်တွေက မီးသတ်ယာဉ် (၁၈)စီးနဲ့ မီးငြိမ်းသတ်ခဲ့ပြီး တိုက်ခန်းမှာနေထိုင်တဲ့ ဝန်ထမ်းကို ဇမ္ဗူသီရီမြို့နယ်၊ အမှတ်(၇)နယ်မြေနရဲစခန်းက (ပ) ၇/၂၀၂၀၊ ရာဇသတ်ကြီးဥပဒေပုဒ်မ(၂၈၅)နဲ့ အမှုဖွင့်ထားတာဖြစ်ပါတယ်။ နေပြည်တော်ကို စတင်တည်ဆောက်ပြီး ဝန်ထမ်းတွေအခြေချနေထိုင်မှု စတင်တဲ့ ၂၀၀၇.ခုနှစ်ကစပြီး မီးလောင်မှုတစ်ကြိမ်မှမရှိခဲ့ဘဲ အခုမီးလောင်မှုဟာ ပထမဦးဆုံးအကြိမ်ဖြစ်တယ်လို့လည်း သိရပါတယ်။ #VOM #voiceofmyanmar #နေပြည်တော် #ဝန်ထမ်းနေတဲ့တိုက်ခန်း #မီးလောင်မှု Zawgyi ေနျပည္ေတာ္ရိွ FDAဌာနခြဲစာေရးေနတဲ့ တိုက္ခန္းမွာ…

တပ်မတော်ရဲ့ တရားစွဲဆိုမှုကြောင့် ထောင်ကျခဲ့တဲ့ မင်းထင်ကိုကိုကြီး အင်းစိန်ထောင်က လွတ်မြောက် ရန်ကုန်၊ ဖေဖော်ဝါရီ ၂၁-၂၀၂၀ သိင်္ဂီ (VOM) တပ်မတော်ရဲ့ တရားစွဲဆိုမှုကြောင့် ထောင်ဒဏ်တစ်နှစ် ချမှတ်ခံခဲ့ရတဲ့ ကဗျာဆရာ၊ ရုပ်ရှင်ဒါရိုက်တာ မင်းထင်ကိုကိုကြီးဟာ ဒီကနေ့မနက်ပိုင်းမှာ အင်းစိန်ထောင်ကနေ လွတ်မြောက်လာပါတယ်။ အကျဉ်းသားတွေ လူ့အခွင့်အရေးအပြည့်အဝရရှိဖို့အတွက်ဆိုရင် လက်ရှိအကျဉ်းဦးစီးဌာနက ကျင့်သုံးနေတဲ့ အကျဉ်ေးထာင်ဥပဒေကို ပြင်ဆင်ဖို့လိုအပ်နေတယ်လို့ ပြောဆိုခဲ့တာဖြစ်ပါတယ်။ ” “ အကျဉ်းဦးစီးဌာနက ကိုင်ဆောင်ထားတဲ့ ဥပဒေစာအုပ်ရှိတယ်။ ဒါဟာ အင်္ဂလိပ်ခေတ်ထဲက ကိုင်ဆောင်ထားတာ၊ ရေးထားတာဖြစ်တယ်၊ ခုထိ အဲ့စာအုပ်ထဲကအတိုင်း အကျဉ်းသားတွေအပေါ် ပြုမူဆက်ဆံနေတုန်းပဲ။ အဲ့ဒါတွေဟာ ပြောင်းလဲရမယ့်အရာဖြစ်တယ်။”လို့ မင်းထင်ကိုကိုကြီးက ပြောပါတယ်။ ဦးမင်းထင်ကိုကိုကြီးကို တပ်မတော်က ပုဒ်မ ၅၀၅ (က)နဲ့ အင်းစိန်မြို့နယ်တရားရုံးမှာ ပြီးခဲ့တဲ့ ၂၀၁၉ ခုနှစ် ဧပြီလက တရားစွဲဆိုခဲ့ပြီး ဩဂုတ်လကုန်ပိုင်းမှာ ထောင်ဒဏ်တစ်နှစ် ချမှတ်ခံခဲ့ရတာဖြစ်ပါတယ်။ထောင်ထဲမှာ ၁၀…

ဖွဲ့စည်းပုံပြင်ဆင်ရေးမူကြမ်းများကို ဖေဖော်ဝါရီ ၂၅မှာ စတင်ဆွေးနွေးမယ် နေပြည်တော်၊ဖေဖော်ဝါရီ ၂၁-၂၀၂၀ ကိုထွန်း(VOM) ဖွဲ့စည်းပုံပြင်ဆင်ရေး မူကြမ်းတွေကို လာမယ့် ဖေဖော်ဝါရီ ၂၅မှာ စတင်ဆွေးနွေးမှာဖြစ်တယ်လို့ ဒီကနေ့မနက်ပိုင်းက ဒုတိယအကြိမ်၊ပြည်ထောင်စုလွှတ်တော် အစည်းအဝေးမှာ ပြည်ထောင်စုလွှတ်တော် နာယက ဦးတီခွန်မြတ်က ပြောခဲ့တာဖြစ်ပါတယ်။ ဒုတိယအကြိမ်၊ပြည်ထောင်စုလွှတ်တော် အစည်းအဝေးမှာ လွှတ်တော်နာယက က ဖွဲ့စည်းပုံအခြေခံဥပဒေကို ဒုတိယအကြိမ် ပြင်ဆင်သည့် ဥပဒေမူကြမ်းများပါ ပုဒ်မ၊ ပုဒ်မခွဲများအပေါ် ဆွေးနွေးမယ့် အစီအစဉ် လျာထားချက်နဲ့ စပ်လျဉ်းတဲ့အကြောင်း လွှတ်တော်ကိုရှင်းလင်းတင်ပြရာမှာ ပြောကြားခဲ့တာဖြစ်ပါတယ်။ ဖွဲ့စည်းပုံပြင်ဆင်ရေး မူကြမ်းတွေကို ဆွေးနွေးဖို့အတွက် လွှတ်တေ် ကိုယ်စားလှယ် ၂၈၂ ဦးရဲ့ အမည်စာရင်း ပေးသွင်းထားတာဖြစ်ပြီး ယခုအခါ ၁၄၉ ဦးသာ ဆွေးနွေးရမှာဖြစ်တဲ့အပြင် ကိုယ်စားလှယ် တစ်ဦးကို ၈ မိနစ်ခန့်သာ ဆွေးနွေးခွင့် ပြုသွားမှာဖြစ်တယ်လို့လည်း ပြည်ထောင်စုလွှတ်တော် နာယကကပြောကြားခဲ့ပါတယ်။ လွှတ်တော် ကိုယ်စားလှယ်တွေအနေနဲ့ ဥပဒေကြမ်းတွေကို…