ပေါက်ကွဲမှုကြီးဖြစ်ခဲ့တဲ့ ဘေရွတ်မှာ အစိုးရဆန့်ကျင်ရေး ဆန္ဒပြပွဲတွေ ဖြစ်ပေါ်နေ ဘေရွတ်၊ သြဂုတ်-၇-၂၀၂၀ မျိုးဆက် (VOM) လက်ဘနွန်နိုင်ငံဘေရွတ်မြို့မှာ သြဂုတ် ၆ ရက်ကဖြစ်ပွားခဲ့တဲ့ အစိုးရဆန့်ကျင်ရေးဆန္ဒပြပွဲတွေမှာ ဆန္ဒပြသူတွေနဲ့ လုံခြုံရေးတပ်ဖွဲ့ဝင်တွေအကြား ပဋိပက္ခတွေဖြစ်ပွားခဲ့ပါတယ်။ ပါလီမန်အနီးရှိ ဆန္ဒပြသူ ဒါဇင်များစွာကို လုံခြုံရေးတပ်ဖွဲ့ဝင်တွေက မျက်ရည်ယိုဗုံးတွေအသုံးပြုကာ လူစုခွဲခဲ့တာကြောင့် ထိခိုက်မှုတွေလည်းရှိနေပါတယ်။ ၂၀၁၃ ခုနှစ်ကတည်းက ဘေးကင်းလုံခြုံမှုမရှိပဲ သိုလှောင်ထားတဲ့ အမိုနီယမ်နိုင်ထရစ်တန်ချိန် ၂၇၅၀ ကြောင့်ဖြစ်ပွားခဲ့တဲ့ သြဂုတ် ၄ ရက်ပေါက်ကွဲမှုနဲ့ပတ်သက်ပြီး ဆန္ဒပြသူတွေက အမျက်ဒေါသထွက်နေကြပါတယ်။ အစိုးရရဲ့ပေါ့ဆမှုကြောင့် လူ ၁၃၇ ဦးသေဆုံးပြီး ငါးထောင်ကျော်ဒါဏ်ရာရရှိခဲ့တဲ့ ပေါက်ကွဲမှုကြီးဖြစ်ခဲ့တာလို့ လက်ဘနွန်ပြည်သူ အများအပြားက ဝေဖန်ပြောဆိုနေကြပါတယ်။ ပေါက်ကွဲမှုကြောင့် မြို့တော်ရှိ ခရိုင်တစ်ခုလုံးပျက်စီးသွားခဲ့ပြီး နေအိမ်တွေနဲ့ စီးပွားရေးလုပ်ငန်းတွေလည်း ပြိုလဲခဲ့ကာ လူဒါဇင်များစွာ ပျောက်ဆုံးနေဆဲဖြစ်ပါတယ်။ ဒီဖြစ်စဉ်နဲ့ပတ်သက်ပြီး လူ ၁၆ ဦးကိုဖမ်းဆီးထားပြီး စုံစမ်းစစ်ဆေးမှုတွေပြုလုပ်နေတယ်လို့် လက်ဘနွန်အစိုးရက ထုတ်ပြန်ထားပါတယ်။…
Read Moreပေါက်ကွဲမှုကြီးဖြစ်ခဲ့တဲ့ ဘေရွတ်မှာ အစိုးရဆန့်ကျင်ရေး ဆန္ဒပြပွဲတွေ ဖြစ်ပေါ်နေ
