Month: October 2020

အောက်တိုဘာ ၂၉ -၂၀၂၀ မောင်တာရာ(VOM) ပုဂံရှေးဟောင်းယဉ်ကျေးမှုနယ်မြေဒေသမှာ ကမ္ဘာ့အမွေအနှစ်စာရင်းဝင် ဒေသဆိုင်းဘုတ် ၅ နေရာစိုက်ထူသွားမယ်လို့ ရှေးဟောင်းသုတေသနနဲ့ အမျိုးသားပြတိုက်ဦးစီးဌာန(ပုဂံဌာနခွဲ)ကနေ သိရပါတယ်။ ကမ္ဘာ့အမွေအနှစ်စာရင်းဝင်ဒေသဆိုင်းဘုတ်တွေ စိုက်ထူသွားမယ့် ၅ နေရာကတော့ ရွှေစည်းခုံဘုရားအနီး၊ ငါးမျက်နှာဘုရားအနီး(ခေမင်္ဂဘုရားစုရှေ့) ၊သရပါဂိတ်ရှေ့ ၊ ဓမ္မရံကြီးဘုရားအနီး၊ မင်းနန်သူရွာ၊ ဆုတောင်းပြည့်အုတ်ကျောင်းအနီးမှာ စိုက်ထူသွားမှာဖြစ်တယ်လို့ ရှေးဟောင်းသုတေသနနှင့် အမျိုးသားပြတိုက်ဦးစီးဌာန(ပုဂံဌာနခွဲ)က ညွှန်ကြားရေးမှူး ဒေါက်တာသန်းထိုက်ကပြောပါတယ်။ ”ကမ္ဘာ့အမွေအနှစ် စာရင်းဖြစ်ဖို့ သက်ဆိုင်ရာနိုင်ငံတွေရဲ့ အမွေအနှစ်တွေရဲ့ ကမ္ဘာ့အဆင့် စံတန်းဖိုးတွေနဲကိုက်ညီဖို့ လိုတာကိုး ၊အဲ့ဒါတွေနဲ့ကိုက်ညီတဲ့ အမွေအနှစ် ဖြစ်မှလည်း ကမ္ဘာ့အမွေအနှစ်ကော်မတီက ဒီဒေသကို ကမ္ဘာ့အမွေအနှစ်စာရင်းသွင်းတာပေါ့။ ကမ္ဘာ့အမွေအနှစ်စာရင်းသွင်းခံရတဲ့ နိုင်ငံတိုင်းမှာရှိတဲ့ အမွေအနှစ်တွေရဲ့ ဆိုက်တွေမှာတော့ ဒီ logo တွေက စိုက်ထူကြတာပဲလေ၊ ပုဂံက ၂၀၁၉ ကတည်းက ကမ္ဘာ့အမွေအနှစ်ရပြီး ခုချိန်ထိ မစိုက်ထူရသေးတော့ ကျွန်တော်တို့ စိုက်ဖို့လုပ်တာပါ”လို့ ဒေါက်တာသန်းထိုက်ကပြောပါတယ်။ ပုဂံယဉ်ကျေးမှုအမွေအနှစ်ဒေသကို ၂၀၁၉…

အောက်တိုဘာ ၂၉-၂၀၂၀ ထက်အောင်စိုင်း(VOM) ရခိုင်ပြည်နယ်မြောက်ပိုင်း၊ မင်းပြားမြို့နယ်မှာ ဒီကနေ့ မနက်ပိုင်းက လက်နက်ကြီးငယ် ပစ်ခတ်မှုတွေဖြစ်ပွားပြီး စက္ကရေကျေးရွာက အသက် (၁၄) နှစ်နဲ့ (၁၃) နှစ်အရွယ် မိန်းကလေးငယ် နှစ်ဦးအပါအဝင် အသက် (၆၀) အရွယ် လူကြီးတစ်ဦး လက်နက်ကျည်ထိမှန် ဒဏ်ရာရရှိသွားပြီး အသက် (၁၄) နှစ်အရွယ် မိန်းကလေးဟာ ဒဏ်ရာပြင်းထန်တာကြောင့် စစ်တွေဆေးရုံကို ရောက်ရှိနေတယ်လို့ သိရပါတယ်။ စစ်တွေဆေးရုံကိုရောက်နေတဲ့ ကလေးဟာ အသက် (၁၄) နှစ်အရွယ် (၆) တန်းကျောင်းသူ မသန်းသန်းစိုး ဖြစ်ပြီး ညာဖက် ပေါင်ကို ကျည်ဝင်ဒဏ်ရာနဲ့ ကျန်တဲ့ နှစ်ဦးကတော့ မဌေးဌေးဝင်း အသက် (၁၃)နှစ်နဲ့ ဦးအောင်ကျော်နု အသက် (၆၀) နှစ်တို့ဖြစ်ကာ ဒဏ်ရာပြင်းထန်မှုမရှိတာကြောင့် ပေါက်တော်မြို့နယ်၊ ပြည်သူ့ဆေးရုံမှာ ဆေးကုသမှု ခံယူနေတယ်လို့ မသန်းသန်းစိုးရဲ့ ဖခင်ဖြစ်သူက ပြောပါတယ်။…

အောက်တိုဘာ ၂၉-၂၀၂၀ ကိုတိုးကြီး (VOM) စစ်ကိုင်းတိုင်း၊ ထီးချိုင့်မြို့၊ မောင်းကုန်းကျေးရွာ၊ ဗန်းမော် – မန္တလေး ကားလမ်းဘေးက မြန်မာစီနီကို နီကယ်စက်ရုံမှာ တာဝန်ထမ်းဆောင်နေတဲ့ တရုတ်နိုင်ငံသား အလုပ်သမား ၂ ယောက်နဲ့ မြန်မာအလုပ်သမား ၁ ယောက်တို့ ခိုက်ရန်ဖြစ်ပွားရာကနေ တရုတ်နိုင်ငံသား ၂ ယောက် ဒဏ်ရာရခဲ့တယ်လို့ ထီးချိုင့်မြို့နယ်ရဲတပ်ဖွဲ့ကနေ သိရပါတယ်။ ” နီကယ်စက်ရုံထဲမှာ ရိုက်ပွဲဖြစ်တာဟုတ်တယ် ၊ ဖြစ်ပွားတဲ့နေ့ရက်နဲ့ အချိန်က အောက်တိုဘာ ၂၆ရက် ညနေ ၅ နာရီ ၄၅ မှာဖြစ်တယ် ၊ ရဲစခန်းကိုလာပြီး အမှုဖွင့်တိုင်တန်းတာက နောက်တနေ့ ည ၁၁ နာရီကျော်မှ ဖြစ်တယ်”လို့ ထီးချိုင့်မြို့နယ်ရဲတပ်ဖွဲ့က ရဲဝန်ထမ်းတစ်ယောက်က ပြောပါတယ်။ နီကယ်စက်ရုံရှိ သတ္ထုချော်ထုတ်ဌာနက အဖွဲ့ခေါင်းဆောင် တရုတ်နိုင်ငံသား ဟန်လိမင်း (ဗီဇာသက်တမ်းရှိ)သူဟာ ချော်ထုတ်ဌာန နားနေခန်းအတွင်းရှိနေချိန်…

အောက်တိုဘာ ၂၉-၂၀၂၀ ဖြူဖြူ(VOM) မန္တလေး-ပြင်ဦးလွင်သွားရာကားလမ်းရှိ ၁၆ မိုင်စစ်ဆေးရေးတိုးဂိတ်မှာ မနေ့ အောက်တိုဘာ ၂၈ရက်နေ့ညပိုင်းကတွေ့ရှိခဲ့တဲ့ ချိန်ကိုက်မိုင်းဟာ သောင်းကြမ်းသူတွေအသုံးပြုတဲ့ မိုင်းဖြစ်ပြီး အနည်းဆုံးမီတာ သုံးဆယ်လောက်အတွင်းကို ပေါက်ကွဲနိုင်တယ်လို့ အလယ်ပိုင်းတိုင်းစစ်ဌာနချုပ် ပြောရေးဆိုခွင့်ရှိသူ ဗိုလ်မှူးကြီး စိုးကြည်ခင်က ပြောပါတယ်။ “ယမ်းက ကိုးလုံးပါတယ်ဆိုတော့ ပြင်းအားက သာမန်လောက်ရှိတာပေါ့။ အနည်းဆုံးမီတာ သုံးဆယ်လောက်ကတော့ ထိရောက်မှုရှိတာပေါ့။ ဒါက လက်လုပ်မိုင်း၊ သောင်းကြမ်းသူတွေ အများဆုံးအသုံးပြုတဲ့မိုင်းပဲ”လို့ ဗိုလ်မှူးကြီး စိုးကြည်ခင်ကပြောပါတယ်။ ချိန်ကိုက်မိုင်းကို အောက်တိုဘာ ၂၈ ရက် ည ၈ နာရီဝန်းကျင်က ပုသိမ်ကြီးမြို့နယ် ကျောက်ချောကျေးရွာရှိ ၁၆ မိုင် စစ်ဆေးရေးဂိတ်အနီးမှာ တိုးဂိတ်မှာတာဝန်ကျတဲ့ အမှတ်-၉၁၀ စစ်မြေပြင်အင်ဂျင်နီယာတပ်က တပ်သားနှစ်ဦးဟာ ဆိုင်ကယ်နဲ့ ဖြတ်သွားချိန် လမ်းဘေးမှာ မသင်္ကာဖွယ်ရာ ကြွပ်ကြွပ်အိတ်အမဲရောင်နဲ့ ဖုံးအုပ်ထားတဲ့ အရာကိုတွေ့ရှိခဲ့ပြီး သက်ဆိုင်ရာကို သတင်းပေးပို့ခဲ့တာဖြစ်တယ်လို့ သိရပါတယ်။ ည…