Day: September 3, 2021

ဗန်ကောက်၊ စက်တင်ဘာ-၃-၂၀၂၁ မျိုးဆက် (VOM)   ကိုဗစ်-၁၉ ရောဂါတိုက်ဖျက်ရေးအပေါ် ထိုင်းအစိုးရရဲ့တုံ့ပြန်မှုတွေနဲ့ပတ်သက်ပြီး အမျက်ဒေါသထွက်နေတဲ့ အစိုးရဆန့်ကျင်ရေးဆန္ဒပြသူတွေဟာ စက်တင်ဘာ ၂ ရက်မှာလည်း လမ်းပေါ်ထွက်ဆန္ဒပြမှုတွေ ထပ်မံပြုလုပ်ခဲ့ကြပါတယ်။   ထောင်ပေါင်းများစွာသောဆန္ဒပြသူတွေဟာ ကပ်ရောဂါကြောင့် လူစုလူဝေးတားမြစ်ချက်ကို ဆန့်ကျင်ပြီး မြို့တော်ဗန်ကောက်မှာ စုဝေးဆန္ဒပြခဲ့ကြပြီး ၀န်ကြီးချုပ် ပရာယွတ်ချန်အိုချာ ရာထူးကနေနှုတ်ထွက်တဲ့အထိ နေ့တိုင်းလမ်းပေါ်ထွက်ဆန္ဒပြမယ်လို့ ဆန္ဒပြသူတွေကဆိုပါတယ်။   ထိုင်း၀န်ကြီးချုပ်ကို အယုံအကြည်မရှိအဆိုတင်သွင်းဖို့ကိစ္စအပေါ် လွှတ်တော်အမတ်တွေအကြား အခြေအတင် ဆွေးနွေးငြင်းခုန်မှုတွေရှိနေချိန်မှာဘဲ အစိုးရဆန့်ကျင်ရေးဆန္ဒပြပွဲတွေ ဘန်ကောက်မှာ တကျော့ပြန်ဖြစ်ပွားနေတာဖြစ်ပါတယ်။   ပြီးခဲ့တဲ့နှစ်ကစတင်ခဲ့တဲ့ ဆန္ဒပြပွဲတွေဟာ ဘုရင်စနစ်ပြုပြင်ပြောင်းလဲအရေးအပါအ၀င် နိုင်ငံရေး အပြောင်းအလဲတွေအတွက် တောင်းဆိုတာတွေကနေစတင်ခဲ့တာဖြစ်ပါတယ်။   ဒါပေမယ့် ကပ်ရောဂါဖြစ်ပွားမှုနဲ့ ဆန္ဒပြခေါင်းဆောင်တွေအပေါ် စွဲချက်တင်ဖမ်းဆီးတာတွေကြောင့် ဆန္ဒပြပွဲတွေအရှိန်လျော့ကျခဲ့ပေယ့် ပြီးခဲ့တဲ့ လအနည်းငယ်ကစပြီး ဆန္ဒပြပွဲတွေ တကျော့ပြန်အရှိန်မြင့်ခဲ့ပါတယ်။   ထိုင်းလွှတ်တော်မှာလည်း ၀န်ကြီးချုပ်အပေါ် အယုံအကြည်မရှိအဆိုနဲ့ ပတ်သက်ပြီး ယခုသီတင်းပတ်အတွင်းမှာ ဆွေးနွေးကြမှာဖြစ်ကာ…

ကဘူး၊ စက်တင်ဘာ-၃-၂၀၂၁ မျိုးဆက် (VOM)   အာဖဂန်နစ္စတန်နိုင်ငံ ပန်ဂ်ျရှီယာတောင်ကြားဒေသမှာ တာလီဘန်အဖွဲ့နဲ့ သူတို့ကိုဆန့်ကျင်တိုက်ခိုက်နေတဲ့ တပ်ဖွဲ့တွေအကြား တိုက်ပွဲများပြင်းထန်နေပါတယ်။   အဲ့ဒီဒေသမှနယ်မြေအချို့ကို သိမ်းပိုက်နိုင်ခဲ့ပြီး ခုခံနေတဲ့ အမျိုးသားတော်လှန်ရေးတပ်ဦးဟာ အကြီးအကျယ်ရှုံးနိမ့်နေတယ်လို့ တာလီဘန်အဖွဲ့က စက်တင်ဘာ ၂ ရက်မှ ထုတ်ပြန်ပါတယ်။   ဒါပေမယ့်လည်း တော်လှန်ရေးတပ်ဦးကတော့ တောင်ကြားရဲ့ ၀င်ပေါက်အားလုံးကို ထိန်းချုပ်ထားနိုင်ပြီး တာလီဘန်တိုက်ခိုက်ရေးသမား ရာပေါင်းများစွာ သေဆုံးခဲ့တယ်လို့ ဆိုပါတယ်။   ပန်ဂျ်ရှီယာပြည်နယ်ဟာ အိုင်အက်စ်သို့မဟုတ် တာလီဘန်တို့လက်အောက်ကို မကျရောက်ခဲ့တဲ့ အာဖဂန်ရဲ့ တစ်ခုတည်းသောပြည်နယ်ဖြစ်ပြီး ထောင်ပေါင်းများစွာသော အတိုက်အခံတိုက်ခိုက်ရေးသမားတွဟာ အဲ့ဒီပြည်နယ်မှာ စုရုံးနေဖွယ်ရှိပါတယ်။   အာဖဂန်ဒုသမ္မတဟောင်း ဆာလက်၊ အာဖဂန်လုံခြုံရေးတပ်ဖွဲ့၀င်ဟောင်းတွေနဲ့ ဒေသခံပြည်သူ့စစ်တွေပါ၀င်တဲ့ အဲ့ဒီအင်အားစုကို ဒေသခံမျိုးနွယ်စုခေါင်းဆောင် အာမက်မာဆွတ်က ဦးဆောင်မှုပြုနေတယ်လို့သိရပါတယ်။   Ref : BBC Photo: Recents World #voiceofmyanmar…

ဆိုးလ်၊ စက်တင်ဘာ-၃-၂၀၂၁ မျိုးဆက် (VOM)   မြောက်ကိုရီးယားရဲ့ ခြိမ်းခြောက်ရန်ပြုမှုတွေကနေကာကွယ်ဖို့အတွက် စွမ်းဆောင်ရည်မြင့် ဒုံးပျံတွေထုတ်လုပ်သွားမယ်လို့ တောင်ကိုရီးယားကာကွယ်ရေး၀န်ကြီးဌာနက စက်တင်ဘာ ၂ ရက်မှာ ထုတ်ပြန်လိုက်ပါတယ်။   တောင်ကီုးယားဟာ ကာကွယ်ရေးအသုံးစရိတ်တိုးမြှင့်ခြင်းနဲ့ လာမယ့် ၅ နှစ်အတွက် စစ်အသုံးစရိတ်ကိုလည်း ကာကွယ်ရေး၀န်ကြီးဌာနက ထုတ်ပြန်ထားပါတယ်။   လာမည့် ၅ နှစ်အတွက် ကာကွယ်ရေးအသုံးစရိတ်အဖြစ် ၀မ် ၃၁၅ ဒသမ ၂ထရီလီယံ သတ်မှတ်ထားပြီး ဒါဟာ ၂၀၂၂ ခုနှစ်မှ ၂၀၂၆ ခုနှစ်ထိ နှစ်စဉ် ၅ ဒသမ ၈ ရာခိုင်နှုန်း တိုးမြှင့်သွားမယ်လို့ ဆိုပါတယ်။   ရန်ပုံငွေရဲ့ ၆၆ ရာခိုင်နှုန်းဟာ တပ်ဖွဲ့များစီမံခန့်ခွဲမှုအတွက် သုံးစွဲသွားမှာဖြစ်ပြီး ကျန်ရန်ပုံငွေတွေကိုတော့ ကာကွယ်ရေးစွမ်းရည်တိုးမြင့်ဖို့ အသုံးပြုသွားမယ်လို့ ကာကွယ်ရေး၀န်ကြီးဌာနက ထုတ်ပြန်ပါတယ်။   ကိုရီးယားကျွန်းဆွယ်မှာ ခြိမ်းခြောက်မှုတွေအတွက် အဟန့်အတားပြုနိုင်ဖို့နဲ့…