Day: December 8, 2021

ဒေလီ၊ ဒီဇင်ဘာ-၈-၂၀၂၁ မျိုးဆက်(VOM)   အိန္ဒိယကာကွယ်ရေးဦးစီးချုပ် ဗိုလ်ချုပ်ကြီး Bipin Rawat နဲ့သူရဲ့မိသားစု လိုက်ပါတဲ့ အိန္ဒိယစစ်ဘက် ရဟတ်ယာဉ်တစင်းဟာ နိုင်ငံတောင်ပိုင်း တမီနာဒူပြည်နယ်မှာ ဒီဇင်ဘာ ၈ ရက်နေ့ ဒီနေ့မှာ ပျက်ကျခဲ့ပါတယ်။   ကာကွယ်ရေးဦးစီးချုပ်နဲ့ မိသားစုဟာ Mi-17V5 ရဟတ်ယာဉ်နဲ့ ခရီးသွားခဲ့တာဖြစ်ပြီး ရဟတ်ယာဉ်ဟာ ကိုနောမြို့အနီးမှာ ပျက်ကျသွားခဲ့တာဖြစ်ပါတယ်။   လက်ရှိမှာတော့ ဗိုလ်ချုပ်ကြီး Bipin Rawat နဲ့သူ့မိသားစုဟာ ဘေးကင်းမကင်း ရှင်းလင်းစွာမသိရသေးပါဘူး။ ရဟတ်ယာဉ်ပေါ်မှာ စုစုပေါင်း လူ ၁၄ ဦးလိုက်ပါသွားတယ်လို့ တာ၀န်ရှိသူတွေက ပြောပါတယ်။   ပျက်ကျသွားတဲ့လေယာဉ်ကတော့ အပိုင်းပိုင်းပျက်စီးခဲ့ပြီး ပျက်ကျရတဲ့အကြောင်းရင်းကို စုံစမ်းစစ်ဆေးဖို့ အမိန့်ပေးထားတယ်လို့ အိန္ဒိယလေတပ်ကပြောပါတယ်။   ကာကွယ်ရေး၀န်ကြီး Rajnath Singh ကတော့ ဒီကိစ္စနဲ့ပတ်သက်ပြီး ပါလီမန်မှာ အသေးစိတ်အချက်အလက်တွေကိုတော့ ပြောဖို့ရှိနေပါတယ်။  …

ဂျီနီဗာ၊ ဒီဇင်ဘာ-၈-၂၀၂၁ မျိုးဆက်(VOM)   လက်ရှိကာကွယ်ဆေးတွေဟာ အိုမီခရွန်ဗိုင်းရပ်စ်ကြောင့် ပြင်းထန်တဲ့ ကိုဗစ်-၁၉ ရောဂါဖြစ်ပွားမှုကို ကာကွယ်နိုင်ဆဲဖြစ်တယ်လို့ ကမ္ဘာ့ကျန်းမာရေးအဖွဲ့ (WHO)တာ၀န်ရှိသူတစ်ဦးက ဒီဇင်ဘာ ၇ ရက်မှာ ထုတ်ဖော်ပြောကြားလိုက်ပါတယ်။   တောင်အာဖရိကမှာ စတင်တွေ့ရှိခဲ့တဲ့ အဲဒီဗိုင်းရပ်စ်မျိုးကွဲနှင့်ပတ်သက်ပြီး ပထမဆုံးစမ်းသပ်ချက်တွေအရ ဖိုက်ဇာကာကွယ်ဆေးကို တစိတ်တပိုင်းရှောင်လွှဲနိုင်တယ်ဆိုတဲ့ အချက်အလက်တွေထွက်ပေါ်ပြီးနောက် ကမ္ဘာ့ကျန်းမာရေးအဖွဲ့က အခုလိုပြောဆိုလိုက်တာဖြစ်ပါတယ်။   ကာကွယ်ဆေးရဲ့ ပဋိပစ္စည်းတွေဟာ အိုမီခရွန် ဗိုင်းရပ်စ်မျိုးကွဲသစ်ကို တိုက်ထုတ်ရာမှာ အာနိသင်များစွာကျဆင်းကြောင်း သုတေသီတွေက ထုတ်ဖော်ပြောဆိုထားပါတယ်။   ဒါပေမယ့် ကမ္ဘာ့ကျန်းမာရေးအဖွဲ့မှ ထိပ်တန်းတာ၀န်ရှိသူတစ်ဦးဖြစ်သူ ဒေါက်တာမိုက်ရိုင်ယန်ကတော့ ဗိုင်းရပ်စ်မျိုးကွဲသစ်ဟာ ကာကွယ်ဆေးတွေကို ရှောင်လွှဲဖို့ပိုကောင်းတဲ့ လက္ခဏာမရှိဘူလို့ဆိုပါတယ်။   လက်ရှိချိန်ထိ ဗိုင်းရပ်စ်မျိုးကွဲတွေအားလုံးအတွက် ထိရောက်ကြောင်းသက်သေပြနိုင်တဲ့ ကာကွယ်ဆေးတွေရှိကြောင်း၊ အိုမီခရွန်ဗိုင်းရပ်စ်ကြောင့် ပြင်းထန်တဲ့ ရောဂါခံစားရမှုနဲ့ ဆေးရုံတက်ရတာတွေဖြစ်ဖို့ မျှော်လင့်စရာမရှိဘူးလို့ ဒေါက်တာမိုက်ရိုင်ယန်က ပြောဆိုပါတယ်။   Ref: BBC Photo:AP…

အဘူဒါဘီ၊ ဒီဇင်ဘာ-၈-၂၀၂၁ မျိုးဆက်(VOM)   ယူအေအီးနိုင်ငံဟာ နိုင်ငံတကာစီးပွားရေးလုပ်ငန်းတွေကို စွဲဆောင်မှုအဖြစ် လက်ရှိကျင့်သုံးနေတဲ့ သောကြာ၊ စနေ ရုံးပိတ်ရက်အစား စနေ၊ တနင်္ဂနွေကို ရုံးပိတ်ရပ်အဖြစ် ပြောင်းလဲလိုက်တဲ့ ပထမဆုံးသော ပင်လယ်ကွေ့နိုင်ငံဖြစ်လာပါတယ်။   ဒီလို ရုံးပိတ်ရက်တွေပြောင်းလဲသတ်မှတ်တာနဲ့ပတ်သက်ပြီး ယူအေအီးအစိုးရက ဒီဇင်ဘာ ၇ ရက်မှာ ကြေညာခဲ့ကာ ဒီစနစ်ကိုလာမယ့် နှစ်ဆန်းပိုင်းမှစပြီ ပြောင်းလဲကျင့်သုံးသွားမှာဖြစ်ပါတယ်။   ဒီအပြောင်းအလဲဟာ ပြည်တွင်းစီးပွားရေးကို နိုင်ငံတကာစျေးကွက်နဲ့ပိုမိုကောင်းမွန်စွာ ပေါင်းစပ်နိုင်ဖို့နဲ့ ယှဉ်ပြိုင်နိုင်စွမ်းကို မြှင့်တင်ပေးနိုင်ဖို့ဖြစ်ပြီး ပုဂ္ဂလိကကဏ္ဍအနေနဲ့လည်း လိုက်ရောညီထွေလုပ်ဆောင်ကြဖို့ တိုက်တွန်းကြောင်း ယူအေအီးအစိုးရကပြောပါတယ်။   လုပ်ငန်းခွင်တွေမှာတော့ သောကြာနေ့လယ်ပိုင်းမှာ အလုပ်များပြီးဆုံးမှာဖြစ်တာကြောင့် ပြည်သူများအနေနဲ့ မွတ်ဆလင် ၀တ်ပြုဆုတောင်းပွဲများကိုလည်း တက်ရောက်နိုင်မည်ဖြစ်ပါတယ်။   ဒီလိုသတ်မှတ်လိုက်တာကြောင့် ယူအေအီးနိုင်ငံဟာ ကမ္ဘာပေါ်မှာ ရုံးပိတ်ရက် နှစ်ရက်ခွဲရှိလာတဲ့ ပထမဆုံးနိုင်ငံဖြစ်တယ်လို့ နိုင်ငံပိုင်သတင်းဌာနက ဖော်ပြထားပါတယ်။   အစ္စလာမ်ကို နိုင်ငံတော်ဘာသာအဖြစ် သတ်မှတ်ထားတဲ့…