Day: July 31, 2022

ကိယက်ဗ်၊ ဇူလိုင် ၃၁၊ ၂၀၂၂ မျိုးဆက်(VOM) ရုရှားတပ်တွေနဲ့ တိုက်ပွဲတွေ ပြင်းထန်လာတာကြောင့် ယူကရိန်းထိန်းချုပ်မှုအောက်ရှိ အရှေ့ပိုင်း ဒွန်နက်ဒေသရှိ အရပ်သားအားလုံးကို ဘေးလွတ်ရာသို့ ရွှေ့ပြောင်းဖို့ ယူကရိန်းသမ္မတ ဇီလန်စကီးက အမိန့်ထုတ်လိုက်ပါတယ်။ ဇူလိုင် ၃၀ရက် ညပိုင်းက မိန့်ခွန်းပြောကြာရာမှာ မစ္စတာ ဇီလန်စကီးက တိုက်ပွဲတွေပြင်းထန်လာတာနဲ့ပတ်သက်ပြီး အခုလိုသတိပေးလိုက်တာဖြစ်ပါတယ်။ ဒွန်နက်ဒေသရဲ့ အစိတ်အပိုင်းအများအပြားကို ထိန်းချုပ်ထားပြီးဖြစ်တဲ့ ရုရှားတပ်ဖွဲ့တွေရဲ့ အရှိန်အဟုန်နဲ့ ထိုးစစ် တိုးမြင့်လာနေချိန်ချိန်မှာ တိုက်ပွဲတွေ ပြင်းထန်စွာ ဖြစ်ပွားလျက်ရှိပါတယ်။ ဒွန်နက် ဒေသမှ ဒေသခံတွေ ထွက်ခွာလာလေလေ၊ ရုရှားစစ်တပ်တွေက အရပ်သားတွေကို သတ်ဖြတ်တဲ့အရေအတွက် နည်းလေလေလို့ သမ္မတ ဇီလန်စကီးကပြောပါတယ်။ မိမိတို့အနေနဲ့ အသက်ပေါင်းများစွာကို တတ်နိုင်သမျှ ကယ်တင်ဖို့နဲ့ ရုရှားရဲ့ အကြမ်းဖက်မှုကို တတ်နိုင်သမျှ ကန့်သတ်ဖို့ ရနိုင်တဲ့ အခွင့်အရေးအားလုံးကို အသုံးပြုမယ်လို့ သမ္မတကထုတ်ဖော်ပြောဆိုပါတယ်။ Ref: BBC Photo:…

ဝါရှင်တန်၊ ဇူလိုင် ၃၁၊ ၂၀၂၂ မျိုးဆက်(VOM) အမေရိကန်သမ္မတ ဂျိုးဘိုင်ဒင်ဟာ ကိုဗစ်-၁၉ ရောဂါ နောက်တကြိမ် ကူးစက်ခံနေရကြောင်း တာဝန်ရှိသူတွေက ဇူလိုင် ၃၀ ရက်မှာ အတည်ပြုပြောဆိုပါတယ်။ အသက် 79 နှစ်အရွယ်ရှိပြီဖြစ်တဲ့ ဂျိုးဘိုင်ဒင်ဟာ ဇူလိုင် ၂၁ ရက်ကလည်း ကိုဗစ်စက်ခံရပြီးအပျော့စားလက္ခဏာတွေခံစားခဲ့ရပါတယ်။ ၁၀ ရက်အတွင်း နောက်တကြိမ် ကူးစက်ခံရမှုမှာတော့ ရောဂါလက္ခဏာတွေခံစားရပေမယ့်လည်း ကွာရန်တင်းဝင်ရမယ်လို့ တာဝန်ရှိသူတွေက ပြောပါတယ်။ သမ္မတဟာ ပြီးခဲ့တဲ့ သီတင်းပတ်အတွင်း အင်္ဂါနေ့ကနေ သောကြာနေ့အထိ လေးကြိမ်တိုင်တိုင် ဗိုင်းရပ်စ်ပိုး ကူးစက်မှု ကင်းရှင်းကြောင်း စစ်ဆေးတွေ့ရှိထားပါတယ်။ ရောဂါကူးစက်မှုကြောင့် ကုသမှုပြန်လည်စတင်ဖို့ မလိုအပ်သော်လည်း သမ္မတဟာ အနီးကပ်စောင့်ကြည့်မှုအောက်မှာရှိနေတယ်လို့ သမားတော် Dr Kevin O’Connor က ပြောကြားထားပါတယ်။ Ref: BBC Photo:Getty Images #voiceofmyanmar #VOM #၀ါရှင်တန်

ပေကျင်း၊ ဇူလိုင် ၃၁၊ ၂၀၂၂ မျိုဆက်(VOM) တရုတ် ဒုံးပျံရဲ့ အစိတ်အပိုင်းတွေဟာ အိန္ဒိယ သမုဒ္ဒရာအတွင်းကျရောက်ခဲ့ကြောင်း အမေရိကန်နဲ့တရုတ်တာဝန်ရှိသူတွေက ပြောပါတယ်။ Long March 5 ဒုံးပျံအစိတ်အပိုင်းအများစုဟာ လေထုအတွင်း မီးလောင်ပျက်စီးသွားခဲ့ပြီလို့ တရုတ် အာကာသအေဂျင်စီက ပြောပါတယ်။ အစောပိုင်းက လူနေထူထပ်သော နေရာတခုအပေါ်ကို ဒုံးပျံအစိတ်အပိုင်းတွေ ကျရောက်နိုင်ခြေမှာ အလွန်နည်းပါးကြောင်း အာကာသကျွမ်းကျင်သူတွေက အစောပိုင်းကတည်းက ပြောကြားထားခဲ့ပါတယ်။ ဒုံးပျံအစိတ်အပိုင်းတွေ အထိန်းအကွပ်မဲ့စွာ ပြန်လည်ကျဆင်းလာတာဟာ အာကာသ အမှိုက်တွေနဲ့ပတ်သက်ပြီး မေးခွန်ထုတ်မှုတွေလည်း ရှိနေပါတယ်။ ဒုံးပျံ အစိတ်အပိုင်းတွေ နိုင်ငံတကာစံနှုန်းအတိုင်း ပြန်လည်ဝင်ရောက်လာချိန်မှာ သေးငယ်သောအပိုင်းအစတွေအဖြစ် ပြိုကွဲစေဖို့ ဒုံးပျံတွေကို ဒီဇိုင်းထုတ်ရေးအတွက် နာဆာက တရုတ်အာကာသအေဂျင်စီကို ယခင်က တောင်းဆိုခဲ့ဖူးပါတယ်။ Ref:BBC Photo:Getty Images #voiceofmyanmar #VOM #ပေကျင်း