Day: August 15, 2022

သြဂုတ် ၁၅၊၂၀၂၂ KK(VOM) ရန်ကုန်က မြို့နယ်အချို့မှာ လုယက်မှု၊ခိုးမှုနဲ့ဓားပြတိုက်မှုတွေကြောင့် သွားလာနေထိုင်ရတာဟာ လုံခြုံမှုမရှိဘူးလို့ မြို့ခံအချို့က ပြောပါတယ်။ ရွှေပြည်သာမြို့နယ်၊ အမှတ် ၄ လမ်းမ၊ ငါးကန်လမ်းထိပ်မှာ မနေ့ သြဂုတ် ၁၄ရက် ညနေပိုင်းက ဆိုင်ကယ်ဖမ်းဆီးခံရလို့ သွားရွေးပြီး ပြန်လာသူလူငယ်တဦးဆီကနေ ဆိုင်ကယ်ကို လူသုံးဦးက ဓားထောက်လုသွားတယ်လို့ မြို့ခံတဦးက ပြောပါတယ်။ “ဆိုင်ကယ်အဖမ်းခံရလို့ သွားရွေးတာ အပြန်မှာ ဆိုင်ကယ်ရော ဖုန်းရောအလုခံရတယ်၊ ဓားနဲ့ထောက်ထားတော့ ဘာမှလုပ်လို့မရဘူး သုံးယောက်တောင်”လို့ ပြောပါတယ်။ မင်္ဂလာတောင်ညွန့်မြို့နယ်၊ စက်ဆန်းရပ်ကွက်၊ စက်ဆန်းမီးရထားဝင်းလိုင်းမှာနေတဲ့ ဝန်ထမ်းတဦးနဲ့ညီမဖြစ်သူကို ပြီးခဲ့တဲ့သြဂုတ် ၁၁ ရက်နေ့ညက လိုင်းခန်းမှာရှိနေတဲ့အချိန် အမျိုးသားခြောက်ဦး ကားတစီးနဲ့ရောက်လာကာ ရိုက်နှက်ပြီး သိန်းတစ်ရာကျော်နဲ့ရွှေခြောက်ကျပ်သား လုယူမှုဖြစ်ခဲ့တယ်လို့ မြို့ခံတဦးက ပြောပါတယ်။ “ဝန်ထမ်းအိမ်မှာ နေတဲ့သူတောင် လုယက်ခံရတယ်ဆိုတော့ စဥ်းစားကြည့်၊ ရန်ကုန်မှာ နေဖို့မကောင်းတော့ဘူး”လို့ ပြောပါတယ်။ အဲ့ဒီလို အိမ်မှာနေတဲ့သူတွေနဲ့…

Read More

သြဂုတ်၊ ၁၅ -၂၀၂၂ မင်းမြတ် ဧရာဝတီတိုင်းမှာ စက်သုံးဆီရောင်းချတဲ့ဆိုင်တွေကို ဆီဆိုင်မပိတ်ဖို့၊ဈေးတင်မရောင်းဖို့နဲ့ အကန့်အသတ်နဲ့ မရောင်းဖို့ဆိုပြီး ပူးပေါင်းအဖွဲ့တွေက ဒီကနေ့ သြဂုတ် ၁၅ ရက်ကစတင်ပြီး လိုက်လံစစ်‌ဆေးသတိပေးတာတွေလုပ်နေတယ်လို့ဒေသခံတွေဆီကသိရပါတယ်။ ဧရာဝတီတိုင်းထဲက ကျောင်းကုန်း၊ ပုသိမ်၊ ဟင်္သာတ ၊ဖျာပုံ၊ ဝါးခယ်မ၊ သာပေါင်း ၊ မြောင်းမြ ၊ ကျုံပျော် ၊ မအူပင် စတဲ့ မြို့နယ်တွေမှာ စက်သုံးဆီတွေရောင်းချတာ မရပ်ဖို့ ၊ အကန့်အသတ်နဲ့ မရောင်းဖို့ ၊ ဈေးတင်မရောင်းဖို့ ၊ ဆီပြတ်တာမဖြစ်စေဖို့ အဲ့ဒီစစ်ဆေးတဲ့အချက်တွေကို ဖောက်ဖျက်တာတွေ့ရင် အပြစ်ပေးအရေးယူမယ်ဆိုပြီး ပူးပေါင်းစစ်ဆေးရေးအဖွဲ့ကသတိပေးနေတာလို့သိရပါတယ်။ ”ရုတ်တရက် တစ်ခါမှ ရဲတွေစစ်သားတွေ လာမစစ်ဆေးဘူးတော့ လန့်သွားတာ၊ ဆီဈေးမကစားဖို့ ၊ မရောင်းဘဲမနေဖို့ ၊ အကန့်အသတ်နဲ့ မရောင်းဖို့ ၊ အဓိက လက်ရှိဖြစ်နေတဲ့ ဆီပြတ်လပ်နေတယ် ဆိုင်တွေပိတ်ရတယ်ဆိုတဲ့ကိစ္စတွေနဲ့ပတ်သက်ပြီးတော့ အရေးယူဖို့စစ်ဆေးတာလို့ပြောတယ်၊…

Read More

သြဂုတ် ၊ ၁၅ ၊ ၂၀၂၂ SP( VOM) ကရင်ပြည်နယ် ၊ ကော့ကရိတ်မြို့မှာ ဒီကနေ့ မနက်ပိုင်းက ၃ နေရာ ပစ်ခတ်တာတွေဖြစ်ပြီး ကော့ကရိတ်မြို့နယ်ရဲတပ်ဖွဲ့မှူး အပါအဝင် ရဲ ၅ ဦးသေဆုံးပြီး ၄ ဦးဒဏ်ရာရခဲ့တယ်လို့ ကော့ကရိတ်မြို့နယ် ဝန်ထမ်းအသိုင်းအဝိုင်းဆီက သိရပါတယ်။ ” ဒီမနက် ၁၀ နာရီလောက်မှာစဖြစ်တယ်၊ ဒေါနတောင် လမ်းဟောင်း စစ်ဆေးရေးဂိတ်နားက ခရိုင်ရဲဝန်းနေရာ ၊ ခရိုင်ထွေ/အုပ်ရုံးနဲ့ မြန်မာ့စီးပွားရေး ဘဏ်နေရာတွေမှာ ဖြစ်တာပါ ၊ ၂ ဘက်ပစ်ခတ်ချိန် နာရီဝက်လောက်ကြာမယ် “လို့ ကော့ကရိတ် မြို့ခံ ဝန်ထမ်းတယောက်က ပြောပါတယ်။ အဲ့ဒီ ပစ်ခတ်မှုဖြစ်နဲ့ ပတ်သက်လို့ ကရင်ပြည်နယ် ရဲအသိုင်းအဝိုင်းနဲ့ နီးစပ်သူ တယောက်က ” ဖြစ်တာက ကရင်တိုင်းရင်းသား လက်နက်ကိုင်အဖွဲ့နဲ့ ဖြစ်တာပါ ၊…

Read More

သြဂုတ် ၁၅-၂၀၂၂ KT(VOM) နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ကို ဒီကနေမနက်ပိုင်းက နေပြည်တော်အချုပ်ထောင် အထူးတရားရုံးကနေ ဒေါ်ခင်ကြည်ဖောင်‌ဒေးရှင်းနဲ့ဆက်စပ်ပြီး စွပ်စွဲထားတဲ့အမှုတွေထဲက အဂတိလိုက်စားမှုတိုက်ဖျက်ရေးဥပဒေပုဒ်မ ၅၅ နဲ့ တရားစွဲဆိုထားတဲ့ အမှု ၄မှုအတွက် ဒီကနေ့မှာ ထောင်ဒဏ် ၆ နှစ် ထပ်မံချမှတ်လိုက်တယ်လို့ သိရပါတယ်။ တရားရုံးနဲ့ နီးစပ်သူတဦးက “အမှု (၄)မှုထဲက နေပြည်တော်က လရောင်တောမြေနေရာနဲ့ပတ်သက်တဲ့ အဂတိအမှု ၃မှုအတွက် ထောင်ဒဏ် ၃နှစ်စီကို တပေါင်းတည်းကျခံရမှာဖြစ်ပါတယ်။ ကျန်တစ်မှုဖြစ်တဲ့ ရန်ကုန်၊ ဗဟန်းမြို့နယ်က အဆောက်အအုံမြေနေရာနဲ့ပတ်သက်ပြီး စွဲဆိုတဲ့ အဂတိအမှုတစ်မှုအတွက် ၃နှစ်သတ်မှတ်တာကြောင့် စုစုပေါင်း ထောင်ဒဏ် ၆နှစ်ချမှတ်ခံရတာဖြစ်ပါတယ်”လို့ ပြောပါတယ်။ ဒေါ်အောင်ဆန်းစုကြည်ဟာ ထောင်ဒဏ် ၁၁နှစ်ချမှတ်ခံထားရတာဖြစ်ပြီး အခုအမှုနဲ့ဆိုရင် ထောင်ဒဏ် ၁၇ နှစ် ချမှတ်ခံထားရပြီးဖြစ်ပါတယ်။ #voiceofmyanmar #VOM #ဒေါ်အောင်ဆန်းစုကြည် #ထောက်၆နှစ်ထပ်ချခံရ

Read More

ဩဂုတ် ၁၅-၂၀၂၂ VOM (GG) တရားမဝင် ထုတ်လုပ်ရောင်းချခဲ့တဲ့ ရေစင်ရေမန်းတော်ကြီးသောက်ရေသန့်စက်ရုံနဲ့ရုံးချုပ်ကို ဝင်ရောက်ဖမ်းဆီးပြီး ၂ လအကြာမှာ သောက်သုံးဖို့မသင့်တဲ့ ရေသန့်ဖြစ်တယ်လို့ ကျန်းမာရေးဝန်ကြီးဌာန၊ အစားအသောက်နှင့်ဆေးဝါးကွပ်ကဲရေးဦးစီးဌာန FDA က အသိပေးထုတ်ပြန်လိုက်ပါတယ်။ “ရေစင်ရေမန်းတော်ကြီး” အမှတ်တံဆိပ် သောက်ရေသန့်ဟာ ဓာတ်ခွဲစစ်ဆေးချက်အရ အဏုဇီဝနဲ့ ဓာတုသတ်မှတ်ချက် ကိုက်ညီမှုမရှိကြောင်း စစ်ဆေးတွေ့ရှိရတဲ့အတွက် သောက်သုံးဖို့​မသင့်တဲ့ သောက်ရေသန့်ဖြစ်တယ်လို့ FDA ရဲ့ထုတ်ပြန်မှာ ပါရှိပါတယ်။ ဒါ့ကြောင့် ဈေးကွက်အတွင်း ဖြန့်ဖြူးရောင်းချခြင်းမပြုလုပ်ဖို့နဲ့ တကယ်လို့ လိုက်နာဆောင်ရွက်ခြင်းမရှိပါက အမျိုးသားအစားအသောက် ဥပဒေပုဒ်မ၂၈(က)အရ အရေးယူမှာဖြစ်တယ်လို့ သိရပါတယ်။ ” တံဆိပ်ဖြုတ်ပြီး တရားမဝင်ဖြန့်နေတာတွေရှိနေသေးတယ်လို့ ဈေးကွက်စောင့်ကြည့်တာဝန်ယူထားတဲ့ အသင်းသားတွေကပြောပါတယ် ၊ ရေသန့်ကို ​ထပ်မထုတ်ရလို့ပြောထားပါတယ်၊ ထပ်ထုတ်ရင်ဥပဒေအရ အရေးယူမယ်လို့ရေးထားတယ် “လို့ မြန်မာနိုင်ငံရေသန့်လုပ်ငန်းရှင်များအသင်းဥက္ကဋ္ဌဦးရဲထွဋ်ကပြောပါတယ်။ ရေသန့်ကို အဘရှိန်ရဲ့ရေစင်ရေမန်းအဖြစ်ပြုပြင်ရောင်းချခဲ့တဲ့ စက်ရုံနဲ့ အာတီးယားလမ်းက ရုံးချုပ်ကို ပြီးခဲ့တဲ့ ဇွန်လ ၁၅ ရက်နေ့မှာ…

Read More

ဩဂုတ် ၁၅-၂၀၂၂ VOM (GG) ပြည်တွင်းရွှေစျေး ဒီနေ့ဩဂုတ် ၁၅ ရက်နေ့မှာ အခေါက်ရွှေ တကျပ်သားကို ၂၇ သိန်း စျေး ​​​ရှိနေပြီး အမေရိကန်ဒေါ်လာက အမြင့်ဆုံး တဒေါ်လာကို ၃၀၀၀ ကျော်အထိ စျေးကွက်ရှိနေတယ်လို့သိရပါတယ်။ ဒီနေ့ရဲ့ ၁၆ ပဲရည် အခေါက်ရွှေစျေးက ပြင်ပစျေးကွက်မှာ ၂၇၀၀၀၀၀ ဝန်းကျင် ရှိနေပြီး အမေရိကန်ဒေါ်လာက တဒေါ်လာကို ၂၉၅၀ ကနေ ၃၀၅၀ အထိ စျေးရှိနေကာ ကြိုက်ရောင်းကြိုက်ဝယ်စနစ်ဖြစ်ပြီး ဒေါ်လာစျေးကွက်ပျက်နေပြီလို့ ဒေါ်လာဝယ်ရောင်းလုပ်သူတွေကပြောပါတယ်။ ” တနေ့က ၂၈ သိန်း ကျော်ထိတက်သွားတယ်။မနေ့ကတော့ ၂၆ သိန်းကျော်ထိပြန်ကျတယ်။ဒီနေ့ စျေးစဖွင့်တော့ ၂၆ သိန်းကျော်နဲ့စတယ်၊ အခု ၁ နာရီကျော်စျေး ၂၇ ပြန်ဖြစ်လာတယ်။ဒါကြောင့် တချို့ဆိုင်တွေဆို အခေါက်ရွှေ အရောင်းရပ်ထားကြတယ်။ ဆိုင်ကြီးတွေတောင်ပါတယ်၊ ဒေါ်လာကလည်း ၃၀၀၀ ကျော်တာက…

Read More

ဩဂုတ် ၁၅-၂၀၂၂ GG(VOM) ကချင်ပြည်နယ်၊ ဟိုပင်မြို့နယ်က ပြည်နယ်လွှတ်တော်ကိုယ်စားလှယ်ဟောင်း ဦးမျိုးကျော်နဲ့ ဖားကန့် သပိတ်ခေါင်းဆောင် ကိုစိုင်းမောင်တို့ ၂ ယောက်ဟာ မနေ့က ဩဂုတ်၁၄ ရက်နေ့က မြစ်ကြီးနားမြို့ ၂၁ မိုင်ဂိတ်မှာ ဖမ်းဆီးခံလိုက်ရတယ်လို့သိရပါတယ်။ ” မနေ့က ၁၀ နာရီလောက်မှာ သူတို့အဖမ်းခံလိုက်ရတယ်။ ဂိတ်မှာစစ်ဆေးချိန် NUG ငွေတိုက်စာချုပ်တွေတွေ့လို့ ဖမ်းခံလိုက်ရတာလို့သိရတယ်။ ဖမ်းခံရတာ ၂၁မိုင်ဂိတ်မှာပေါ့ “လို့ ဒေသခံတဦးကပြောပါတယ်။ လက်ရှိမှာ ကိုမျိုးကျော်နဲ့ ကိုစိုင်းမောင်တို့ကို မြစ်ကြီးနားမြို့က မြောက်ပိုင်းတိုင်းစစ်ဌာနချုပ်မှာ ထိန်းသိမ်းထားတယ်လို့ သိရပါတယ်။ ဦးမျိုးကျော်ဟာ NLDပါတီရဲ့ဟိုပင်မြို့နယ် အမှတ်၂ ပြည်နယ်လွှတ်တော်ကိုယ်စားလှယ်တဦးဖြစ်ပြီး ပရဟိတအလုပ် လုပ်ကိုင်သူတဦးလည်းဖြစ်တယ်လို့သိရပါတယ်။ ဖားကန့်က ကချင်ပြည်နယ် သံယံဇာတဝန်ကြီး ဒါရှိလှဆိုင်းနဲ့ ပြည်နယ်လွှတ်တော်ကိုယ်စားလှယ်ဦးတင်စိုးလည်း ပြီးခဲ့တဲ့ လပိုင်းတွေက ဖမ်းဆီးခံထားရတာဖြစ်ပါတယ်။ ပြီးခဲ့တဲ့ ဇူလိုင်လကလည်း ဖားကန့်၊ဆိပ်မူကျေးရွာမှာ ဆန္ဒပြသူ ၇ ဦး ဖမ်းဆီးခံရမှုလည်း…

Read More