Day: March 4, 2023

မတ် ၄- ၂၀၂၂ SW(VOM) ရခိုင်ပြည်နယ်၊ စစ်တွေမြို့၊ စက်ရုံစုရပ်ကွက်ရှိ ဆီဆိုင်တန်းမှာ ဒီကနေ့ မနက် ၁၁ နာရီ မိနစ် ၄ဝ ကျော်လောက်က မီးလောင်မှုဖြစ်ပြီး မီးဝိုင်းဝန်းငြိမ်းတဲ့ ပြည်သူတဦး ဒဏ်ရာရရှိကာ စက်သုံးဆီသိုလှောင်ရုံတခု ဆုံးရှုံးသွားတယ်လို့ သိရပါတယ်။ မီးလောင်မှုဖြစ်ပွားရတဲ့အကြောင်းအရင်းကို စုံစမ်းနေဆဲဖြစ်ကြောင်း စစ်တွေမြို့နယ် မီးသတ်ဌာနက ပြောပါတယ်။ ” မီးလောင်မှုဖြစ်စဥ်နဲ့ ပတ်သက်ပြီး စစ်ဆေးနေတုန်းပဲရှိပါသေးတယ်။ ကျနော်တို့ နောက်ပိုင်းမှာ ထုတ်ပြန်ပေးသွားဖို့ရှိပါတယ်။” လို့ မီးသတ်ဌာနတာဝန်ရှိသူတဦးက ပြောပါတယ်။ မီးလောင်မှုဖြစ်စဥ်မှာ ဦးအေးကျော် စက်သုံးဆီအရောင်းဆိုင်က ဆီသိုလှောင်ရုံပါသွားတာလို့ ​မျက်မြင်မြို့ခံတွေနဲ့ လူမှုကူညီရေးအသင်းတို့က ပြောပါတယ်။ ” မီးလောင်တာဟုတ်ပါတယ်။ ပထမဆုံး မီးခိုးလိတ်တွေ တက်လာတာမြင်ရပြီး ပေါက်ကွဲသံတချို့လည်းကြားရပါတယ်။ ကျမတို့ အဲဒီကိုသွားကြည့်တော့ ဆီတန်းမှာ မီးလောင်တာလို့သိလိုက်ရပါတယ်။ လူတွေကအတော်ထိတ်လန့်သွားကြတယ်။” လို့ စစ်တွေမြို့ခံ အမျိုးသမီး တဦးက ပြောပါတယ်။…

မတ် ၄ – ၂၀၂၃ GG(VOM) ရန်ကုန်-မန္တလေး အမြန်လမ်း မိုင်တိုင် ၁၆၇ မှာ ဒီနေ့မတ်လ ၄ ရက်နေ့မနက် ၄ နာရီခွဲလောက်က ဒို့ညီနောင် Express ကားမှောက်မှုမှာ မြန်မာ့လက်ဝှေ့ချန်ပီယံ ရွှေဓူဝံ နဲ့ စစ်တပ်ကအရာရှိတဦးအပါ ၃ ယောက်သေဆုံးခဲ့တာဖြစ်တယ်လို့ ကူညီကယ်ဆယ်ရေးလုပ်သူဆီကသိရပါတယ်။ “ရွှေဓူဝံပါတယ် သူကလက်ပြတ်သွားတယ်၊ နောက်တယောက်က တပ်မတော်အရာရှိတဦးပါတယ်။၊နောက်တယောက်က ကားစပါယ်ယာသေတယ်။ နေပြည်တော်ပို့တဲ့သူတွေက မျက်နှာ၊ခြေထောက်ကျိုးတာ၊လက်ကျိုးတာပေါ့၊အကုန်လုံးဓာတ်မှန်ရိုက်ပြီးပို့တာ။လသားကလေးလည်းပါတယ်။ ” လို့ ကူညီကယ်ဆယ်ရေးလုပ်နေသူတဦးကပြောပါတယ်။ သေဆုံးသွားတဲ့ တပ်အရာရှိဆိုသူဟာ ဘယ်သူဖြစ်တယ်ဆိုတာကိုတော့ VOMအနေနဲ့ သီးခြားအတည်မပြုနိုင်သေးပါဘူး။ ကားပေါ်မှာ ၃၁ ယောက်ပါပြီး ထိခိုက်ဒဏ်ရာရရှိသူက အမျိုးသား ၁၅ ယောက်၊အမျိုးသမီး ၁၀ ယောက်နဲ့ သေဆုံးက ၃ ယောက်ဖြစ်ကြောင်း၊ ထိခိုက်ဒဏ်ရာရသူတွေအထဲက စိုးရိမ်ရတဲ့ လသားအရွယ် ကလေးငယ်အပါအဝင် ၁၀ ယောက်ကိုတော့ နေပြည်တော်ဆေးရုံကိုပို့ဆောင်ထားတယ်လို့သိရပါတယ်။ ဒဏ်ရာရရှိသူတွေထဲက…

မတ် ၄၊ ၂၀၂၃ Shy V (VOM) ရှမ်းပြည်နယ်မြောက်ပိုင်း၊ လားရှိုးမြို့၊ ရပ်ကွက် ၁၀၊ နယ်မြေ ၁၊ ဂေါက်ကွင်းလမ်းရှိ ရွှေတောင်တန်း သောက်ရေသန့်စက်ရုံမှာ ဒီနေ့ မတ်လ ၄ ရက် မနက် အစောပိုင်း၂ နာရီခန့်က မီးလောင်မှုဖြစ်ပွားခဲ့ကြောင်း လားရှိုးမီးသတ်ဦးစီးဌာနကနေ သိရပါတယ်။ “ဟောင်းနွှမ်းနေတဲ့ ဝါယာကြိုးတွေ ဝန်အားမမျှ သုံးစွဲလို့ အဲ့ဒီကနေပြီးတော့ စဖြစ်တာပါဗျ။” လို့ မီးသတ်ဦးစီး အရာရှိ ဦးမင်းမင်းသစ်က VOM ကို ပြောပါတယ်။ လားရှိုးခရိုင်၊ လားရှိုးမြို့နယ်၊ လားရှိုးမြို့ ရပ်ကွက် ၁၀၊ ရပ်ကွက် ၅၊ ရပ်ကွက် ၃ နဲ့ လားရှိုး စည်ပင် တို့မှ မီးသတ်ယာဉ် နဲ့ ရေသယ်ယာဉ် စုစုပေါင်း ၁၃ စီးနဲ့ ၂ နာရီခွဲခန့်ကစ မီးငြှိမ်းသတ်ရာ…

မတ် ၄ – ၂၀၂၃ GG(VOM) ရန်ကုန် မန္တလေး အမြန်လမ်း မိုင်တိုင် ၁၆၇ မှာ တောင်ကြီး မြဝတီ ပြေးဆွဲတဲ့ ဒို့ညီနောင် Express ကားတိမ်းမှောက်လို့ ၃ ယောက်သေပြီး အယောက် ၃၀ ထိခိုက်ဒဏ်ရာရရှိခဲ့တယ်လို့ကူညီကယ်ဆယ်ရေးလုပ်နေသူတွေဆီကသိရပါတယ်။ ဒီနေ့ မတ်လ ၄ ရက်နေ့မနက်အစော ၄ နာရီခွဲလောက်မှာ ကားကအရှိန်မထိန်းနိုင်ဘဲတိမ်းမှောက်ခဲ့တာဖြစ်တယ်လို့ သိရပါတယ်။ “ခုလူနာတွေကိုစောင့်နေတာ ဆေးရုံမှာပါ။နေပြည်တော်ကိုလွှဲရမယ်သူတွေရှိတယ်။ကားကအကွေ့မှာအရှိန်များပြီးမှောက်တဲ့သဘောပါသေတာ ၃ယောက်၊ ဒဏ်ရာရတာ၃၀ ပါ ” လို့ ကူညီကယ်ဆယ်ရေးလုပ်နေတဲ့ ကေတုလူမှူကူညီရေးအသင်းကသိရပါတယ်။ ဒဏ်ရာရသူတွေထဲမှာ ယောကျ်ားလေးက ၂၁ ယောက်၊မိန်းကလေးက ၉ ယောက်ဖြစ်ပြီး သေဆုံးက ကျား၂ ယောက်နဲ့နောက်ထပ်တယောက်လို့ကနဦးသိရပါတယ်။ လက်ရှိမှာ ဒဏ်ရာရသူတွေအားလုံးကို ဆွာဆေးရုံကိုပို့ဆောင်ထားပြီးအဲ့ဒီထဲကမှာ ကလေး၁ယောက်၊အမျိုးသမီး၁ယောက်နဲ့အမျိုးသား၁ယောက်ကို နေပြည်တော်ဆေးရုံကိုပို့ဆောင်ဖို့လုပ်နေတယ်လို့သိရပါတယ်။ ” ကျနော့်ညီကားပေါ်ပါတယ်၊သူဿားမှောက်တာလှမ်းဆက်လိ့ုအသိတွေအကူညီတောင်းတော့အသိတွေက ကူညီရေးအသင်းတွေဆက်ပေးတာ။မှောက်တာက ၄နာရိခွဲလောက်၊ကူညီရေးတွေက၅နာရိကျော်လောက်မှာရောက်တယ်လို့သိရတယ် ” လို့ကားပေါ်ပါခရီးသည်တဦးရဲ့ အကိုဖြစ်သူကပြောပြပါတယ်။…