Month: January 2024

  ပါရီ၊ ဇန်နဝါရီ-၃၀-၂၀၂၄ မျိုးဆက်(VOM) ပြင်သစ်လယ်သမားတွေဟာ မြို့တော်ပါရီကိုပိတ်ဆို့ဖို့ ကြိုးပမ်းမှုအဖြစ် ရာနဲ့ ချီသောလယ်ထွန်စက်တွေကို စတင်ရွှေ့ပြောင်းပြီး ဆန္ဒပြမှုတွေလုပ်ဆောင်နေပါတယ်။ လယ်သမားတွေဟာ ဝင်ငွေကျဆင်းခြင်း ၊ သဘာဝပတ်ဝန်းကျင်ဆိုင်ရာ စည်းမျဉ်းများ၊ သွင်းကုန်တွေနဲ့ ယှဉ်ပြိုင်နေရတဲ့ အတွက် ထိခိုက်နစ်နာဆုံးရှုံးမှုတွေ ဖြစ်ပေါ်နေကြောင်းလယ်သမားတွေ ကပြောဆိုထားပါတယ်။ မြို့တော်ပါရီနဲ့ အခြားမြို့တွေကို လယ်ထွန်စက်တွေ ဝင်ရောက်မှုကနေ တားဆီးရန် ရဲတပ်ဖွဲ့ဝင် ၁၅၀၀၀ ကို ဖြန့်ကြက်ချထားကြောင်း တာဝန်ရှိသူတွေက ပြောပါတယ်။ နိုင်ငံတွင်းရှိ အခြားမြို့တွေမှာလည်း ဆန္ဒပြမှုတွေ ဖြစ်ပွားနေပါတယ်။ လယ်သမားတွေက ၎င်းတို့ဂုှု ရည်ရွယ်ချက်မှာ စူပါမားကတ်တွေကို ရိက္ခာများပို့ဆောင်မှုတွေကိုရပ်တန့်ဖို့ ဖြစ်ကြောင်းပြောဆိုထားပြီး ဒီလုပ်ရပ်အပေါ် တာဝန်ရှိသူတွေက သတိပေးထားပါတယ်။ ရည်ရွယ်ချက်ကတော့ လယ်သမားတွေရဲ့ အခက်အခဲတွေ ကိုအစိုးရကအမြန်ဖြေရှင်းပေးဖို့ တွန်းအားပေးရေးဖြစ်ပြီး ပြင်သစ်နိုင်ငံနေရာအနှံ့မှာ ဆန္ဒပြမှုတွေ ဆက်လက်လုပ်ဆောင်သွားမယ်လို့ ပြင်သစ်စိုးပျိုးရေးလုပ်ငန်းရှင်များသမဂ္ဂကထုတ်ပြန်ထားပါတယ်။ Ref: BBC Photo:Getty Images  …

ဝါရှင်တန်၊ ဇန်နဝါရီ-၃၀-၂၀၂၄ မျိုးဆက်(VOM) နည်းပညာ ဘီလျံနာ အီလွန်မာ့ခ်ရဲ့ နျူထရယ်လင့်ခ် ကုမ္ပဏီဟာ ကြိုးမဲ့ ဦးနှောက်ချစ်ပ်တခုကို လူ့ဦးခေါင်းအတွင်း ပထမဆုံးအကြိမ် အောင်မြင်စွာ ထည့်သွင်းနိုင်ခဲ့ကြောင်း ထုတ်ဖော်ကြေညာလိုက်ပါတယ်။ ကနဦးရလဒ်တွေအရ အလားအလာရှိတဲ့ အာရုံကြောလှုပ်ရှားမှု သို့မဟုတ် အာရုံကြောတွန်းအားတွေကို တွေ့ရှိခဲ့ရပြီး လူနာဟာ ပြန်လည်ကောင်းမွန်းလာကြောင်း အီလွန်မတ်က ပြောပါတယ်။ ဒီချစ်ပ်ကို ဦးနှောက်အတွင်း ထည့်သွင်းထားခြင်းဖြင့် ဖုန်း သို့မဟုတ် ကွန်ပြုူတာအပါအဝင် စက်ပစ္စည်းနီးပါးတိုင်းကို စိတ်ဖြင့်ထိန်းချုပ် ဖွင့်နိုင်ဖွယ်ရှိနေပြီး ခြေလက်အင်္ဂါအသုံးပြုနိုင်စွမ်း ဆုံးရှုံးသွားသူတွေအတွက် ဦးစားပေးသွားမယ်လို့ အီလွန်မတ်က ပြောပါတယ်။ ကုမ္ပဏီရဲ့ ရည်မှန်းချက်မှာ လူဦးနှောက်ကို ကွန်ပြူတာတွေနဲ့ ချိတ်ဆက်ဖို့ဖြစ်ပြီး ရှုပ်ထွေးတဲ့ အာရုံကြောဆိုင်ရာ အခြေအနေတွေနဲ့ ဝေဒနာရှင်တွေကို ကိုင်တွယ်ဖြေရှင်းဖို့ ကူညီပေးလိုတယ်လို့ ဆိုပါတယ်။ ပြိုင်ဘက်ကုမ္ပဏီတွေဟာလည်း အလားတူနည်းလမ်းတွေကို စမ်းသပ်လျှက်ရှိပြီး အီလွန်မတ်ရဲ့ နျူထရယ်လင့်ခ်ကုမ္ပဏီဟာ ချစ်ပ်ပြားတွေကို လူနဲ့ လက်တွေ့စမ်းသပ်ခွင့်ရဖို့ ရုန်းကန်ခဲ့ရပြီး…

ဘန်ကောက်၊ ဇန်နဝါရီ-၃၀-၂၀၂၄ မျိုးဆက်(VOM) မြန်မာဒုက္ခသည်တွေအတွက် လူသားချင်းစာနာထောက်ထားမှုဆိုင်ရာ အကူအညီတွေပေးပို့ိဖို့ အာဆီယံနိုင်ငံခြားရေး ဝန်ကြီးတွေက သဘောတူလိုက်ကြပြီး ဒါဟာ ၂၀၂၁ ခုနှစ် နိုင်ငံရေးအပြောင်းအလဲဖြစ်ပွားပြီးနောက် ပထမဆုံးအကြိမ်လည်းဖြစ်ပါတယ်။ အာဆီယံအလှည့်ကျဥက္ကဌ လာအိုက လက်ခံကျင်းပတဲ့ အာဆီယံနိုင်ငံခြားရေးဝန်ကြီးများ အစည်းအဝေးမှာ အခုလို သဘောတူလိုက်တာဖြစ်ပြီး အကူအညီတွေကို ဖေဖော်ဝါရီနှောင်းပိုင်းမှာ ပေးပို့သွားမှာဖြစ်ပါတယ်။ လူသားချင်းစာနာမှုဆိုင်ရာ အကူအညီတွေထဲမှာ စားနပ်ရိက္ခာနဲ့ ဆေးဝါးတွေလည်းပါဝင်ပြီး ကီလိုမီတာ ၂၀၀၀ ကျော်ရှည်လျားတဲ့ ထိုင်း-မြန်မာနယ်စပ်ကနေ ပေးပို့ဖို့ အာဆီယံအဖွဲ့က သဘောတူခဲ့ကြပါတယ်။ လူသားချင်းစာနာထောက်ထားမှုဆိုင်ရာ အာဆီယံညှိနှိုင်းရေးဌာနအောက်ကနေ မြန်မာဒုက္ခသည်တွေကို အကူအညီတွေပေးအပ်နိုင်ရေးအတွက် သင့်တော်တဲ့နယ်စပ်ဂိတ်တခုထားရှိဖို့ ထိုင်းအာဏာပိုင်တွေက နယ်စပ်က မဲဆောက်မှာ စီစဉ်နေတယ်လို့ ထိုင်နိုင်ငံခြားရေးဝန်ကြီးက သတင်းထောက်တွေကို ပြောပါတယ်။ အာဆီယံအနေနဲ့ ၂၀၂၁ ခုနှစ် ဧပြီလမှာ မြန်မအာဏာပိုင်တွေနဲ့ သဘောတူခဲ့တဲ့ အကြမ်းဖက်မှုတွေ ရပ်တန့်ရေးနဲ့ တွေ့ဆုံဆွေးနွေးရေးတွေပါဝင်တဲ့ အာဆီယံဘုံသဘောတူညီချက်ကို အကောင်အထည်ဖော်ဖို့ တိုက်တွန်းချက်ကို အခိုင်အမာ…