Month: February 2024

  တိုကျို၊ ဖေဖော်ဝါရီ-၁၈-၂၀၂၄ မျိုးဆက်(VOM) ဂျပန်စစ်တပ်ဟာ တပ်သားသစ်တွေစုဆောင်းရာမှာ လူငယ်တွေကို ပိုမိုဆွဲဆောင်နိုင်ဖို့ ကြိုးပမ်းမှုအဖြစ် စစ်တပ်မှာ ဆံပင်အရှည်ထားခွင့်ပြုမယ်လို့ ဂျပန်ကာကွယ်ရေးဝန်ကြီးဌာနက ထုတ်ပြန်ကြေညာလိုက်ပါတယ်။ တရုတ်နဲ့ မြောက်ကိုရီးယားတို့ရဲ့ စစ်ရေးလှုပ်ရှားမှုတွေအပေါ် စိုးရိမ်ပူပန်မှုတွေရှိနေပြီး တပ်သားသစ်ဝင်ရောက်မှု နည်းပါးနေချိန်မှာ ဆံပင်အရှည်ထားခွင့်နဲ့ပတ်သက်ပြီး ခွင့်ပြုမယ်လို့ ဂျပန်စစ်တပ်က ထုတ်ပြန်လိုက်တာဖြစ်ပါတယ်။ ဒီဖြေလျော့မှုကို လာမယ့်ဧပြီလကစပြီး ကျင့်သုံးသွားမှာဖြစ်ပြီး အမျိုးသားများအနေဖြင့် အနောက်ဆံပင်အတို၊ ဘေးနှစ်ဘက်ကို အရှည်ထားခွင့်ပြုမှာဖြစ်တယ်လို့ ထုတ်ပြန်ချက်မှာ ဖော်ပြထားပါတယ်။ အမျိုးသမီးတပ်ဖွဲ့ဝင်တွေကိုလည်း ဆံပင်အရှည်ထားခွင့်ပြုမှာဖြစ်ပေမယ့် ယူနီဖောင်းဝတ်ချိန်နဲ့ ဦးထုပ်ဆောင်းချိန်မှာ အနှောက်အယှက်မဖြစ်ရအောင်လို့ ပုခုံးအောက်ထားခွင့်တော့ရှိမှာမဟုတ်ပါဘူး။ ဂျပန်နိုင်ငံဟာ လာမယ့်ငါးနှစ်အတွင်း ကာကွယ်ရေးအသုံးစရိတ်ကို သိသိသာသာ တိုးမြှင့်မယ်လို့ ကြေညာခဲ့ပေမယ့် တပ်သားသစ်စုဆောင်းရေး ရည်မှန်းချက်ပြည့်မီဖို့ကတော့ ရုန်းကန်နေရတယ်လို့ ဂျပန်စစ်တပ် တာဝန်ရှိသူတွေက ပြောဆိုထားပါတယ်။ Ref:BBC Photo:Reuters

  မော်စကို၊ ဖေဖော်ဝါရီ-၁၈-၂၀၂၄ မျိုးဆက်(VOM) ယူကရိန်းအရှေ့ပိုင်း အဓိကမြို့ဖြစ်သော အက်ဗ်ဒီကာမြို့ကို ရုရှားတပ်တွေ အပြည့်အ၀ထိန်းချုပ်လိုက်ကြောင်း ရုရှားကာကွယ်ရေးဝန်ကြီး ဆာဂေးရှိုဂူက ထုတ်ဖော်ပြောဆိုလိုက်ပါတယ်။ ဒီမြို့ကို ထိန်းချုပ်နိုင်မှုဟာ ဒေသမြို့တော် ဒွန်နက်ခ်ကနေ ရှေ့တန်းစစ်မျက်နှာစာ ဝေးသွားနိုင်ကြောင်း ရုရှားကာကွယ်ရေးဝန်ကြီးဌာနက ဆိုပါတယ်။ အက်ဗ်ဒီကာမြို့ဟာ ဒွန်နက်ခ်မြောက်ဘက် ၁၅ ကီလိုမီတာအကွာမှာရှိပါတယ်။ ဒွန်နက်ခ်ဒေသရဲ့ အခြားအစိတ်အပိုင်းတွေကို ထိန်းချုပ်နိုင်ဖို့ ရုရှားတပ်တွေရဲ့ ထိုးစစ်ဆင်မှုတွေကို ဆက်လက်လုပ်ဆောင်သွားမှာဖြစ်ကြောင်း ရုရှားကာကွယ်ရေးဝန်းကြီးဌာနရဲ့ ထုတ်ပြန်ချက်မှာ ဖော်ပြထားပါတယ်။ အက်ဗ်ဒီကာမြို့ကို သိမ်းပိုက်နိုင်ခဲ့တဲ့အတွက် ရုရှားစစ်တပ်ကို သမ္မတပူတင်က ချီးကျူးပြောဆိုခဲ့ကြောင်း ရုရှားအစိုးရ ပြောရေးဆိုခွင့်ရှိသူ ဒီမီထရီပက်စ်ကော့ဗ်က ပြောပါတယ်။ ရုရှားတပ်တွေဟာ ပြီးခဲ့တဲ့အောက်တိုဘာလကတည်းက မြို့ကိုသိမ်းပိုက်ဖို့ ထိုးစစ်အရှိန်မြှင့်နေခဲ့တာဖြစ်ပြီး ရုရှားအစိုးရဟာ မတ်လမှာကျင်းပမယ့် သမ္မတရွေးကောက်ပွဲမတိုင်ခင် ဒီဒေသကို ထိန်းချုပ်နို်ငဖို့ ရည်ရွယ်နေပုံရပါတယ်။ Ref: NHK Photo:Getty Images  

  ဘန်ကောက်၊ ဖေဖော်ဝါရီ-၁၈-၂၀၂၄ မျိုးဆက်(VOM) ထိုင်းဝန်ကြီးချုပ်ဟောင်း သက်ဆင်ဟာ ဒီနေ့ ဖေဖော်ဝါရီ ၁၈ ရက်မှာ လွတ်ငြိမ်းချမ်းသာခွင့်နဲ့ ပြန်လည်လွတ်မြောက်လာခဲ့ကြောင်း သူ့ရဲ့ ရှေ့နေက ပြောပါတယ်။ တာဝန်ထမ်းဆောင်စဉ်အတွင်း အာဏာအလွဲသုံးစားမှုနဲ့ အခြားသောပြစ်မှုတွေကြောင့် ၁၅ နှစ်ကြာ ပြည်ပတိမ်းရှောင်ခဲ့ရာက ထိုင်းနိုင်ငံကိုပြန်အလာမှာ ထောင်ရှစ်နှစ်ချခံရပြီး ထိုင်းဘုရင်က ပြစ်ဒဏ်တနှစ်ထိ လျှော့ပေါ့ပေးခဲ့ပါတယ်။ အသက်အရွယ်၊ ကျန်းမာရေးအခြေအနေနဲ့ တာဝန်ထမ်းဆောင်ခဲ့မှုတို့အတွက် လျှော့ပေါ့ပေးလိုက်တဲ့ ပြစ်ဒဏ်တနှစ်ဟာ အကျဉ်းထောင်မှာနေထိုင်ခဲ့ရတာမရှိဘဲ ကျန်းမာရေးအကြောင်းပြချက်နဲ့ ဆေးရုံမှာခြောက်လနေထိုင်ပြီးနောက် အခုလိုလွတ်မြောက်လာတာဖြစ်ပါတယ်။ အသက် ၇၄ နှစ်အရွယ် ဝန်ကြီးချုပ်ဟောင်းသက်ဆင်ဟာ ဒီနေ့မနက်အစောပိုင်းက အနက်ရောင်မာစီဒီးကားပေါ်မှာ သမီးဖြစ်သူ ဖြူထိုင်းပါတီခေါင်းဆောင် ပေထောင်ထရန်ရှင်နာဝပ်ထရာနဲ့အတူ ထွက်ခွာသွားတယ်လို့ မျက်မြင်တွေ့ရှိသူတွေက ပြောပါတယ်။ ဝန်ကြီးချုပ်ဟောင်း သက်ဆင်အပေါ် စွဲဆိုထားတဲ့ တရားစွဲမှုတွေ ပြီးဆုံးသွားပြီး တရားဝင်ပြန်လည်လွတ်မြောက်လာခဲ့တာဖြစ်ပြီး ထိုင်းမြေကို ပြန်လည်ရောက်ရှိပြီးနောက် ပထမဆုံးသော လွတ်မြောက်ခြင်း နေ့ရက်စတင်ပြီလို့ သူ့ရဲ့ ရှေ့နေက…

Voice of Myanmar နက္ခတ္တဗေဒပညာဖြင့် တရားဝင် ဘွဲ့ရထားခြင်းမရှိသော အမေရိကန်နိုင်ငံသား အသက် ၂၄ နှစ်အရွယ် ကလိုက်ဒဗလျူတွမ်ဘာ့သည် ၁၉၃၀ ခုနှစ် ဖေဖော်ဝါရီ ၁၈ ရက်တွင် အရီဇိုးနားပြည်နယ် လိုဝဲလ် လေ့လာရေးစခန်းမှ ၁၃ လက်မအရွယ် အာကာသကြည့်မှန်ပြောင်းကိုအသုံးပြုပြီး ပလူတိုဂြိုဟ်ကို ရှာဖွေတွေ့ရှိခဲ့သည်။