မတ် ၁၅ – ၂၀၂၄ SN (VOM) ရန်ကုန်တိုင်း၊ ဗဟန်းမြို့နယ်၊ တက္ကသိုလ်ရိပ်သာလမ်းက ခြံအမှတ် (၅၄) နဲ့ နေအိမ်ကို လေလံတင် ရောင်းချမယ့်ကိစ္စ ဒေါ်အောင်ဆန်းစုကြည်ရဲ့ ရှေ့နေအဖွဲ့က တိုင်းတရားရုံးကို ပြင်ဆင်မှု လျှောက်ထားခဲ့တယ်လို့ တရားရုံးနဲ့ နီးစပ်တဲ့ အသိုင်းအဝိုင်းက သိရပါတယ်။ ခြံအမှတ် (၅၄) နဲ့ နေအိမ်တို့ကို လေလံတင်မယ့်ကိစ္စရပ်ဟာ နည်းလမ်းတကျ ဆောင်ရွက်ခြင်းမရှိတာကြောင့် အခုလို ပြင်ဆင်မှု လျှောက်ထားခဲ့တာ ဖြစ်တယ်လို့ သိရပါတယ်။ “ပြင်ဆင်မှုတက်ခဲ့တာကတော့ ပြီးခဲ့တဲ့ တပတ်လောက်ကပါ။ နေပြည်တော် အချုပ်ထောင်ကတဆင့် ဒေါ်အောင်ဆန်းစုကြည်ဆီကနေ ကိုယ်စားလှယ်လွှဲစာ ရခဲ့တဲ့အတွက် လေလံတင်မယ့်ကိစ္စကို ပြင်ဆင်မှု လျှောက်ထားခဲ့တာပါ” လို့ တရားရုံးနဲ့ နီးစပ်သူတယောက်က ပြောပါတယ်။ အခုလို ပြင်ဆင်မှု လျှောက်ထားခြင်းကို တိုင်းတရားရုံးက လက်ခံခြင်း ရှိ၊ မရှိ နှစ်ဖက်လျှောက်လဲချက် ကြားနာပြီးမှသာ…
Read Moreခြံအမှတ် ၅၄ နဲ့ နေအိမ်ကို လေလံတင်မယ့်ကိစ္စ ပြင်ဆင်မှု လျှောက်ထား
