Month: September 2025

စက်တင်ဘာ ၁၆ ၊၂၀၂၅ GG (VOM) ရခိုင်ပြည်နယ်ရှိ AA ထိန်းချုပ်မြို့နယ်တွေမှာ စာသင်ကျောင်းတွေ မဖွင့်နိုင်သေးတာကြောင့် ပညာသင်ကြားခွင့်ဆုံးရှုံးနေရတဲ့ က​လေး​တွေအများအပြားရှိနေပြီး ကျောက်တက်ချင်သူတွေရှိနေတယ်လို့သိရပါတယ်။ “တိုက်ပွဲတွေကြောင့် စီးပွားရေးကလည်း အလုပ်မဖြစ်တော့ ကိုယ်ပိုင်ကျောင်းတွေ၊ ကျူရှင်တွေမထားနိုင်တော့ အခမဲ့ပညာရေးကျောင်းရှိရင်ထားချင်တာပါ။ ကိုယ့်ဒေသမှာရှိတဲ့ နီးနီးနားနားလောက်ဆို ပိုအဆင်ပြေတာပေါ့။နယ်မြေကလည်းမငြိမ်တော့ အဝေးကြီးလည်း ပို့ဖို့ကိုစိတ်မချဘူး။ ကျောင်းက ထားချင်ပါတယ်။ ” လို့ မြောက်ဦးမြို့ ဒေသခံကပြောပါတယ်။ စာသင်ကျောင်းတွေ မဖွင့်တဲ့အတွက် အခြေခံလူတန်းစားမိသားစုတွေ ၊ငွေကြေးမပြည့်စုံတဲ့မိသားစုတွေမှာရှိတဲ့ ကလေးတွေအနေနဲ့ ကိုယ်ပိုင်ကျောင်းတွေ၊ ကျူရှင်တွေ မထားနိုင်တာကြောင့် ကျောင်းတက်ရောက်ပညာသင်ကြားနိုင်ခြင်းမရှိကြဘူးလို့သိရပါတယ်။ ဒါကြောင့် ကျောင်းတက်ရောက် ပညာသင်ကြားနိုင်ဖို့အတွက် စစ်ရှောင်အရေးကူညီဆောင်ရွက်ပေးနေတဲ့ အဖွဲ့တွေဆီကို ကျောင်းတက်လိုကြောင်း ကူညီပေးဖို့ မိဘတွေဘက်မှ ဆက်သွယ်လာမှုတွေရှိနေတယ်လို့သိရပါတယ်။ “ပညာရေးကဏ္ဍကကြတော့ ပုံမှန်ကျောင်းတွေဖွင့်လှစ်နိုင်တာတော့မရှိသေးပါဘူး။ ရပ်ရွာတွေမှာကိုယ်ထူကိုယ်ထ ပညာသင်ကြားရေးအစီစဥ်တွေအကောင်ထည်ဖော်ပြီးတော့သင်ကြားနေကြတာတော့ရှိပါတယ်။ တချို့ငွေကြေးတတ်နိုင်တဲ့သူတွေကတော့ ကျုရှင်သဘောမျိုးတက်နေကြတယ်။ သက်ဆိုင်ရာပညာရေးဌာနကလည်း ပညာရေးနဲ့ပတ်သက်ပြီး လုပ်ဆောင်နေတာတွေရှိပါတယ်။ အခုအခြေနေက ပုံမှန်ကျောင်းတွေမဖွင့်လှစ်နိုင်သေးဘူးဆိုတော့ ပညာသင်ကြားခွင့်မရနိုင်သေးတဲ့ကလေးတွေအများအပြားရှိနေပါသေးတယ်။…

စက်တင်ဘာ – ၁၆ – ၂ဝ၂၅ NL(VOM ) စစ်မှုထမ်းစာရင်းပါတယ်ဆိုပြီး မန္တလေးမြို့ပေါ်ကရပ်ကွက် အုပ်ချုပ်ရေးမှူးရုံးကလိုလို ပုံမှားရိုက်ပြီး မိဘတွေဆီကို ဖုန်းနံပါတ်တခုက ဖုန်းဆက်ပြီး ငွေကြေးတောင်းခံမှုတွေရှိနေတဲ့ကိစ္စ နစ်နာသူ ကာယကံရှင်တွေက VOM သတင်းဌာနကို ပေးပို့အ​ကြောင်းကြားတဲ့သတင်း ​ဖော်ပြပြီးဖြစ်ပါတယ်။ အဲဒီ​နောက် မန္တ​လေးတိုင်း​အစိုးရအဖွဲ့ကလည်း အထူးစုံစမ်း​ရေးအဖွဲ့ ဖွဲ့ပြီး ​ငွေလိမ်သူ​ပေါ်​ပေါက်​အောင် နည်းလမ်း​ပေါင်းစုံနဲ့ စုံစမ်း​ဖော်ထုတ်​နေတယ်လို့ နီးစပ်သူ​တွေဆီက သိရပါတယ်။ လုံခြုံ​ရေးနဲ့ အုပ်ချုပ်​ရေး တာဝန်ရှိသူတ​ယောက်က ” သဲလွန်စရတာနဲ့ တရားခံ​ဖော်ထုတ်နိုင်ဖို့ လုပ်​နေပါတယ်။ အဲလို အ​ကြောင်းအမျိုးမျိုးပြ ဖုန်းဆက်​ငွေ​တောင်းရင် နီးစပ်ရာတာဝန်ရှိသူနဲ့ ပူး​ပေါင်း​ဖော်ထုတ်သင့်ပါတယ်” လို့ ဆိုပါတယ်။ ဒီလိုစစ်မှုထမ်းကိစ္စရပ်နဲ့ ပတ်သက်လို့ မသိနားမလည်သူတွေဆီကနေ ငွေကြေးလိမ်လည်တောင်းခံတာတွေဟာလည်း အောက်ခြေမှာ အများအပြားဖြစ်ပေါ်နေတယ်လို့လည်း ရန်ကုန်မြို့နဲ့ မန္တလေးမြို့မှာ နေထိုင်သူအချို့က ပြောပါတယ်။ ယခုလို စစ်မှုထမ်းကိစ္စရပ်တွေနဲ့ပတ်သက်လို့ အောက်ခြေမှာ ငွေကြေးလိမ်လည် တောင်းခံတာ လာဘ်ပေးလာဘ်ယူပြုလုပ်တာတွေရှိလာပါက…

စက်တင်ဘာ ၁၅၊ ၂၀၂၅ Shy V (VOM) ရွေးကောက်ပွဲ ကျင်းပမှာ မဟုတ်တဲ့ မဲဆန္ဒနယ်များစာရင်းမှာ နလအ ဌာနဆိုင်ရာ ဝင်လာမယ်လို့ သတင်းထွက် နေတဲ့ သိန္နီ ပါဝင် နေကြောင်း MOI ရဲ့ ထုတ်ပြန်ကြေညာစာ အရ သိရပါတယ်။ ပြည်သူ့လွှတ်တော် မဲဆန္ဒနယ်တွေ ဖြစ်တဲ့ UWSA ထိန်းချုပ်နယ်မြေက ပန်ဆန်း(ပန်ခမ်း)၊ နားဖန်း၊ ဟိုပန်မြို့၊ မိုင်းမော၊ ပန်ဝိုင်၊ NDAA ထိန်းချုပ် နယ်မြေက မိုင်းလား၊ MNDAA ထိန်းချုပ် နယ်မြေက သိန္နီ၊ ကွမ်းလုံ၊ လောက်ကိုင်၊ ကုန်းကြမ်း၊ TNLA ထိန်းချုပ်နယ်မြေက နမ့်ဆန်၊ မန်တုံ၊ နမ္မတူ၊ ကွတ်ခိုင်၊ နမ့်ခမ်း၊ မိုးမိတ် နဲ့ KIA နဲ့ ပူးပေါင်းတပ်ဖွဲ့ ထိန်းချုပ် နယ်မြေက မဘိမ်း စတဲ့…