Category: ရိုးရာယဉ်ကျေးမှု

Ms(VOM) ဖေဖော်ဝါရီ၁၆၊၂၀၂၅ ဧရာ၀တီတိုင်းမှာ စစ်ရေးတင်းမာမှုတွေရှိနေပေမယ့် မော်တင်စွန်းဘုရားပွဲတော်ကို မူလကျင်းပမြဲရက်များ အတိုင်းသာ ၁၅ရက်ကြာပြုလုပ်သွားမှာဖြစ်ကြောင်း ဂေါပကအဖွဲ့ကပြောပါတယ်။ မော်တင်စွန်းဘုရားပွဲတော်ကို ဖေဖော်ဝါရီ ၂၇ ရက်ကနေ မတ် ၁၃ ရက်အထိကျင်းပပြုလုပ်ဖို့ရှိနေတာဖြစ်ပြီး လက်ရှိမှာတော့ဘုရားပွဲတော်ကျင်းပဖို့ ဘုရားစေတီတော်ရင်ပြင် သန့်ရှင်းစေဖို့ပြင်ဆင်ဆောင်ရွက်တာတွေနဲ့ ဘုရားဖူးတွေရဲ့လုံခြုံရေးပိုင်းတွေအတွက် လုပ်ဆောင်ဖို့ပြုလုပ်နေတယ်လို့ဆိုပါတယ်။ ” ဘုရားပွဲကလုပ်ဖြစ်တာဟုတ်ပါတယ်။နှစ်စဉ်အတိုင်းပါပဲ ၊နှစ်စဉ်ပြုလုပ်နေကြ ရက်အတိုင်း လုပ်နေကြအတိုင်းလုပ်မှာပါ၊ကျန်တဲ့ဘုရားပွဲတော်အစီစဉ်တွေက ဘုရားပွဲလုပ်မယ့်ရက်နီးလာရင်ပြန်ပြောမှာပါ”လို့ မော်တင်စွန်းစေတီတော်ဂေါပကအဖွဲ့ဝင်တယောက်ကပြောပါတယ်။ ပြီးခဲ့တဲ့ရက်များအတွင်း ရခိုင်ပြည်နယ်အစပ်ဖြစ်တဲ့၊ဧရာဝတီတိုင်းငပုတောမြို့နယ်အနီးကရွာတွေမှာ တိုက်ပွဲအနည်းငယ်ဖြစ်ပွားတာတွေရှိခဲ့သလို မော်တင်စွန်းတောင်ခြေအနီးနဲ့ ဘုရားဖူးလာရာလမ်းတွေမှာ လုံခြုံရေးတပ်ဖွဲ့စခန်းတွေနဲ့ စစ်ဆေးရေးဂိတ်တွေ ပြုလုပ်စစ်ဆေးတာတွေရှိနေကြောင်း ဒေသခံတွေထံကသိရပါတယ်။ ” မော်တင်စွန်းဘုရားပွဲကဒီနှစ်တော့အကျဉ်းချုံးလုပ်မယ်ကြားနေရတာပဲ၊၁၅ရက်လုပ်တာကတော့နှစ်စဉ်အဲဒီရက်အတိုင်းပါပဲ။တိုက်ပွဲတွေဖြစ်တာရှိတော့အရင်ကလောက်တော့စည်မှာမဟုတ်ဘူးထင်တယ်။ဈေးဆိုင်ခန်းနဲ့တည်းခိုနေရာတွေတော့ မလုပ်ကြသေးဘူး။ပွဲတော်ကျင်းပရေးဘက်ကတော့ ဈေးဆိုင်တွေကိစ္စမကြာခင်ပြောမယ်ပြောတယ်။ခုထိတော့ ဘုရားပွဲတော်အတွက်သေချာမသိသေးဘူး။ရေကြောင်းကနေဘုရားဖူးလာမယ့်သူတွေအတွက်ကတော့ဒီဖေဖော်ဝါရီ၅ရက်ထဲကသင်္ဘောစပြေးနေတယ်”လို့ ငပုတောမြို့နေ ဒေသခံတယောက်ကပြောပါတယ်။ နှစ်စဉ် တပေါင်းလဆန်း ၁ ရက်ကနေ တပေါင်းလပြည့်နေ့အထိ ၁၅ ရက်ကြာ မော်တင်စွန်းဘုရားပွဲတော်ကို ကျင်းပတာဖြစ်ရာ ဘုရားဖူးများတနှစ်ထက်တနှစ်များပြားလာခဲ့လို့၂၀၂၃ခုနှစ်မှာ စေတီတော်ရင်ပြင်ကို တိုးချဲ့ပြုပြင်တာတွေရှိခဲ့တယ်လို့သိရပါတယ်။ မော်တင်စွန်းဘုရားမှာ ဧရာဝတီတိုင်း၊ ပုသိမ်ခရိုင်၊ ငပုတောမြို့နယ်၊ဟိုင်းကြီးကျွန်းအနီး…

Read More

ဇန်နဝါရီ၂၄-၂ဝ၂၅ Ms(VOM) လာမယ့်နှစ်အတွင်းမှာ မြန်မာနိုင်ငံအနေနဲ့ မြန်မာ့လက်ဖက်စားသုံးတဲ့ဓလေ့ကိုကမ္ဘာ့ ဒြပ်မဲ့ယဉ်ကျေးမှုစာရင်းဝင်ဖို့ UNESCO အဖွဲ့ကို စာတမ်းတင်သွင်းသွားဖို့ရှိကြောင်းသိရပါတယ်။ လက်ဖက်စားသုံးတဲ့ဓလေ့ကိုကမ္ဘာ့ဒြပ်မဲ့ယဉ်ကျေးမှု အမွေအနှစ် အဖြစ် စာရင်းဝင်ဖို့ စာတမ်းတင်မှာ က မြန်မာနိုင်ငံအနေနဲ့ တတိယမြောက်ဒြပ်မဲ့ယဉ်ကျေးမှုအဖြစ်စာရင်းတင်သွင်းမှာဖြစ်တယ်လို့ဆိုပါတယ်။ ပြီးခဲ့တဲ့ ၂၀၂၄ခုနှစ် ဒီဇင်ဘာလ၅ရက်က မြန်မာ့ရိုးရာနှစ်သစ်ကူး အတာသင်္ကြန်ပွဲတော်ကိုကမ္ဘာ့ဒြပ်မဲ့ ယဉ်ကျေးမှုအမွေအနှစ်အဖြစ် ယူနက်စကိုအဖွဲ့အစည်းကသတ်မှတ်ပေးခဲ့ရာ ယခု၂၀၂၅ခုနှစ်မတ်လမှာလည်း ဒုတိယ အကြိမ်အဖြစ် မြန်မာ့ရိုးရာ သနပ်ခါးလိမ်းခြယ်တဲ့ ဓလေ့ကို ယူနက်စကို မှာစာတမ်းတင်သွင်းသွားမယ်လို့သိရပါတယ်။ ၂၀၂၄ ခုနှစ် မတ်လအထိ စာရင်းအရ မြန်မာနိုင်ငံမှာ အမျိုးသားအဆင့် ဒြပ်မဲ့စာရင်းအဖြစ် သတ်မှတ်ထားတဲ့ အမွေအနှစ်ပေါင်း နှစ်ထောင်ကျော်ရှိကာ အဲဒီထဲက ယဉ်ကျေးမှုအမွေအနှစ်တွေကို သက်ဆိုင်ရာ လူမှုအဖွဲ့အစည်းတွေက ယူနက်စကို တင်သွင်းရတာ လို့ဆိုပါတယ်။ ” ယူနက်စကို မှာ ဒြပ်မဲ့ယဉ်ကျေးမှုအမွေအနှစ်စာရင်းဝင်နိုင်ဖို့ စာရင်းတင်သွင်းတာကို တနှစ်မှာ တခုသာ တင်သွင်းနိုင်တဲ့အတွက် တနှစ် တခုစီ တင်သွင်းသွားမယ်”လို့…

Read More

ဇန်နဝါရီ၁၉-၂ဝ၂၅ Ms(VOM) မြန်မာ့သနပ်ခါးလိမ်းချယ်တဲ့ ဓလေ့ကို ယူနက်စကိုရဲ့ကမ္ဘာ့ဒြပ်မဲ့ယဉ်ကျေးမှုအမွေအနှစ် အဖြစ်သတ်မှတ်နိုင်ရန်”မြန်မာ့သနပ်ခါးယဉ်ကျေးမှုဓလေ့”ခေါင်းစဉ်နဲ့ UNESCO တွင် စာရင်းဝင်နိုင်ရန် ရေးသားပြုစုနေပြီဖြစ်တယ်လို့ရှေးဟောင်းသုတေသနနှင့်အမျိုးသားပြတိုက်ဦးစီးဌာနက နေသိရပါတယ်။ ရှေးဟောင်းသုတေသနနှင့်အမျိုးသားပြတိုက်ဦးစီးဌာနက “မြန်မာ့သနပ်ခါးယဉ်ကျေးမှုဓလေ့”ကို UNESCO ရဲ့ Representative List of the Intangible Cultural Heritage of Humanity တွင် စာရင်းဝင်နိုင်ရန် တင်ပြဖို့စီစဉ်နေပြီး သနပ်ခါးလိမ်းတဲ့ယဉ်ကျေးမှုတွေအကြောင်းတင်ပြမယ့်Nomination Form ( ICH-02) ကို အချိန်မီတင်သွင်းဖို့ ရေးသားမှုတွေရှိနေတာလို့ဆိုပါတယ်။ ” သနပ်ခါးနဲ့ပတ်သက်တဲ့ မြန်မာကရိုးရာဓလေ့တွေ ယဉ်ကျေးမှုအကြောင်းတွေကို အခုရေးသားပြုစုနေကြတယ်။အဲ့ဒါကို မြန်မာလို၊အင်္ဂလိပ်လို၊ပြင်သစ်လိုဘာသာ၃မျိုးနဲ့ ရေးသားနေတယ်။အဲ့ဒါကို စာတမ်းဖောင်တင်သွင်းမယ့်မတ်လမတိုင်မှီ ကောင်းမွန်အောင်ရေးသားနေပါတယ်။လို့ သာသနာရေးနဲ့ယဉ်ကျေးမှုဝန်ကြီးဌာန၊ ရှေး‌‌ ဟောင်းသုတေသန ဦးစီးဌာန မှဒုတိယညွှန်ကြားရေးမှူးချုပ် ဦးဝင်းကြိုင် ကပြောပါတယ်။ “မြန်မာ့သနပ်ခါးယဉ်ကျေးမှုဓလေ့” စာတမ်းကို ယူနက်စကို အဖွဲ့ထံ တင်သွင်းရန် ၂၀၂၅ခုနှစ်မတ်လ ၃၁ရက်မတိုင်မှီ နောက်ဆုံးထားဆောင်ရွက်နေရာမှာ စာတမ်းရေးသားပြုစုရေးလုပ်ငန်းအဖွဲ့’က အမျိုးသားပြတိုက်(နေပြည်တော်)ရေးသားဆောင်ရွက်တာတွေရှိနေတယ်လို့ဆိုပါတယ်။…

Read More

  ကျောက်ဆည်၊ အောက်တိုဘာ – ၂၃- ၂၀၂၃ SA(VOM) Covid- 19 ကပ်ရောဂါ မြန်မာနိုင်ငံကို ဝင်ရောက်လာတဲ့အချိန်က စတင်ပြီး နှစ်ပေါင်းများစွာ အကျဥ်းချုံး ကျင်း ပခဲ့ရတဲ့ မန္တလေးတိုင်း၊ ကျောက်ဆည်မြို့က ဆင်အလှူပွဲနဲ့ ဆင် အက အလှပြိုင်ပွဲကို ဒီနှစ် သတင်းကျွတ်လဆန်း ၁၄ ရက်နေ့က စတင်ပြီး ရွှေသာလျောင်းတောင်ခြေမှာစည်ကားသိုက်မြိုက်စွာ ကျင်းပသွားမယ်လို့ သိရပါတယ်။ ” အရင်နှစ်တွေကထက် စည်မယ်လို့ပြောလို့ရတယ်၊ အရင်နှစ်က ဆင်လှူပွဲကို လပြည့်နေ့မှာ လုပ်တယ်၊ ဖျော်ဖြေပွဲတွေကိုတောင် သီတင်းကျွတ်လပြည့်ကျော် ၁၃ ရက်နေ့ကမှ လုပ်လိုက်တာကို အတော်စည်တယ်၊ အခုနှစ်လည်း အတော်စည်ကားမှာပါ၊ တမြို့လုံးက တောင်းတနေတဲ့ ပွဲကြီးဆိုတော့လေ” လို့ ဇော်ဂျီမောင် ဆင်အကအဖွဲ့ တာဝန်ရှိသူတဦးက VOM ကိုပြောပါတယ်။ ပြိုင်ပွဲဝင်ဖို့အတွက် ခန့်မှန်းချေ ဘော်ကြယ်ဆင် ၄ စီး၊…

Read More