Category: ဓာတ်ပုံ ဗီဒီယို

မန္တ​လေး ၊နိုဝင်ဘာ ၉-၂၀၂၅ Voice Of Myanmar အစိုးရတပ်မ​တော်မှာ ကစထမှူး ဒုတိယဗိုလ်ချုပ်ကြီးအဖြစ်က​နေ အငြိမ်းစားယူပြီး မန္တလေး အောင်မြေသာစံမြို့နယ်က​နေ ပြည်သူ့လွှတ်​တော်​ကိုယ်စားလှယ်​လောင်းအဖြစ် ဝင်​ရောက်ယှဥ်ပြိုင်မယ့် ဦး​တေဇ​ကျော်နဲ့ လက်ရှိမန္တ​လေးတိုင်းဝန်ကြီးချုပ် ဦးမျိုး​အောင်နဲ့ ကိုယ်စားလှယ်​လောင်း​တွေဟာ ဒီ​နေ့နိုဝင်ဘာ ၉ရက် မွန်းလွဲပိုင်းက မန္တလေး အောင်မြေသာစံမြို့နယ် လူထုတွေ့ဆုံပွဲ အခမ်းအနားလုပ်ပြီး မဲဆွယ်စည်းရုံးခဲ့ပါတယ်။ ဒီအခမ်းအနားမှာ ကိုယ်စားလှယ်​လောင်း​တွေကို လူထုနဲ့ မိတ်ဆက်​ပေးခဲ့သလို မဲ​ပေးရမယ့်အဆင့်ဆင့်​တွေရှင်းလင်းပြပြီး ဒုဗိုလ်ချုပ်ကြီး(ငြိမ်း) ဦး​တေဇ​ကျော်နဲ့ လက်ရှိမန္တ​လေးတိုင်းဝန်ကြီးချုပ် ဦးမျိုး​အောင်တို့က သူတို့ နိုင်ရင်လုပ်​ပေးမယ့် ကတိကဝတ်​တွေကို ရှင်းပြခဲ့တာ​တွေ့ရပါတယ်။

နိုဝင်ဘာ ၈ -၂၀၂၅ Voice Of Myanmar လာမယ့်​ရွေး​ကောက်ပွဲမှာ ပြင်ဦးလွင်မြို့နယ်က​နေ ပြည်သူ့လွှတ်​တော်​ကိုယ်စားလှယ်နေရာအတွက် ဝင်​ရောက်ယှဥ်ပြိုင်မယ့် ဗိုလ်ချုပ်ကြီး၊ ဒုတိယဝန်ကြီးချုပ်နဲ့ ကာကွယ်ရေးဝန်ကြီး(ငြိမ်း) လက်ရှိ ပြည်​ထောင်စု ပို့ဆောင်ရေးနဲ့ ဆက်သွယ်ရေးဝန်ကြီး ဦးမြတ်ထွန်းဦးဟာ ပြည်ခိုင်ဖြိုးပါတီက​နေဝင်ပြိုင်မယ့် တခြားကိုယ်စားလှယ်​တွေနဲ့အတူ ပြင်ဦးလွင်မှာ ဒီ​နေ့ နိုဝင်ဘာ ၈ရက်​နေ့မှာ မဲဆွယ်စည်းရုံးခဲ့ပါတယ်။ ဒီက​နေ့ ပြင်ဦးလွင်ရပ်ကွက်ကြီး (၁) က မင်္ဂလာခမ်းမတခုမှာ မဲဆန္ဒရှင်​တွေကို ကိုယ်စားလှယ်​လောင်း​တွေနဲ့ မိတ်ဆက်​ပေးခဲ့သလို မဲ​ပေးစနစ်​တွေကို ရှင်းပြခဲ့ပါတယ်။ ပြည်​ထောင်စုဝန်ကြီး ဦးမြထွန်းဦး ဘာ့​ကြောင့်ပြင်ဦးလွင်ကဝင်ပြိုင်ရသလဲဆိုတာ ရှင်းပြခဲ့သလို အမျိုးသားလွှတ်​တော်ကိုယ်စားလှယ်​လောင်း ဦးဟိန်းမင်းဦးနဲ့ ရှမ်းတိုင်း​သား​ရေးရာဝန်ကြီး စိုင်း​အောင်ကြည်တို့က ပြည်သူ့အတွက် သူတို့လုပ်​ဆောင်​ပေးမယ့်ကိစ္စ​တွေကို ခုလို​ပြောပြခဲ့ပါတယ်။

မန္တလေး၊ အောက်တိုဘာ- ၄- ၂၀၂၅ SA(VOM) မန္တလေးမြို့၊ မဟာအောင်မြေမြို့နယ်မှာရှိတဲ့ မန္တလေးတက္ကသိုလ်ကြီးဟာဆိုရင် ဒီနှစ် ၂၀၂၅ ခုနှစ်မှာ နှစ်ပေါင်း ၁၀၀ ပြည့်ခဲ့ပြီဖြစ်ပြီး ရာပြည့်သဘင်အခမ်းအနားကို ဗိုလ်ချုပ်မှူးကြီးမင်းအောင်လှိုင်နဲ့အတူ ပြည်ထောင်စုအစိုးရအဖွဲ့ဝင်တွေ တက်ရောက်တာကို တွေ့ရပါတယ်။ အခမ်းအနားမှာ ပြည်ထောင်စုအစိုးရအဖွဲ့ဝင်တွေက ဖဲကြိုးဖြတ်ဖွင့်လှစ်ပေးခဲ့ပြီး ရာပြည့်အထိမ်းအမှတ်ကျောက်စာကိုတော့ ဗိုလ်ချုပ်မှူးကြီးမင်းအောင်လှိုင်က စက်ခလုပ်နှိပ်ဖွင့်လှစ်ခဲ့ပါတယ်။ အဲ့ဒီနောက်မှာတော့ ဘွဲ့နှင်းသဘင် ခန်းမမှာ မန္တလေးနဲ့ မန္တလေးတက္ကသိုလ်ကြီးအတွက် ဂုဏ်ပြုစကားပြောကြားခဲ့ပါတယ်။ မန္တလေးတက္ကသိုလ် ရာပြည့်သဘင်အခမ်းအနားကို တက္ကသိုလ် ကျောင်းသား/သူ ဟောင်းတွေ၊ မြို့မိမြို့ဖတွေနဲ့ အငြိမ်းစား ဆရာ၊ ဆရာမဟောင်းတွေ ကျောင်းသားကျောင်းသူအဟောင်းရော အသစ်တွေပါ တက်ရောက်ခဲ့ပါတယ်။ မန္တလေးတက္ကသိုလ် ပင်မဆောင်ကြီးဟာ မတ်လ ၂၈ ရက်က လှုပ်ခတ်ခဲ့တဲ့ ငလျင်အတွင်း မီးလောင်ခဲ့ရာမှာ အထက်မြန်မာပြည်က တက္ကသိုလ်ဝင်တန်းအဖြေလွှာတွေ မီးလောင်ပျက်စီးခဲ့ပါတယ်။ ဒီပျက်စီးမှုတွေကို ရာပြည့်ပွဲအချိန်မီပြုပြင်နိုင်ခဲ့လို့ ခုလို မန္တလေးတက္ကသိုလ်ရာပြည့်သဘင်ပွဲ ကျင်းနိုင်တာဖြစ်ပါတယ်။ ဒီရာပြည့်သဘင်ပွဲကို…

မန္တလေး၊ စက်တင်ဘာ- ၂၇- ၂၀၂၅ SA(VOM) စာရေးဆရာ သင့်နော်(ခ) ဦးသန်းဌေး အသက် ၇၈ နှစ်ဟာ ကျောက်ကပ်ရောဂါကို ကုသနေရင်း ဒီနေ့ မွန်းလွဲ ၁ နာရီခွဲဝန်းကျင်က မန္တလေးမြို့က ပုဂ္ဂလိက ဆေးရုံတခုမှာကွယ်လွန်ခဲ့ပါတယ်။ ဆရာ့ရဲ့ စျာပနကို တနင်္လါနေ့ မနက် ၁၀ နာရီ အေးရိပ်ငြိမ်သုဿာန်မှာ ဂူသွင်းသဂြိုလ်မှာဖြစ်ပါတယ်။ ဆရာသင့်နော်ဟာ ဥတ္တရလွင်ပြင် စာပေဆိုပြီးစာအုပ်အရောင်းဆိုင်ဖွင့်လှစ်ထားသလို စာပေတွေကို ကွယ်လွန်ချိန်ထိ ရေးသားခဲ့သူဖြစ်ပါတယ်။ ဆရာ့ရဲ့ စာပေသမိုင်းဖြတ်သန်းမှုတွေနဲ့ ပါတ်သက်ပြီး မန္တလေးမြို့က စာရေးဆရာတွေဖြစ်ကြတဲ့ ဆရာမင်းထက်ငြိမ်းချမ်းနဲ့ ဆရာနောင် (ရူပ) တို့က အခုလို ဝမ်းနည်းစကားဆိုပါတယ်။ #vom #voiceofmyanmar #mandalay #သင့်နော်စာရေးဆရာ #ဆရာသင့်နော်ကွယ်လွန်