Month: August 2021

ဂျကာတာ၊ သြဂုတ်-၅-၂၀၂၁ မျိုးဆက် (VOM) အမေရိကန်နဲ့ အင်ဒိုနီးရှားတို့ရဲ့ အကြီးအစားစစ်ရေးပူးတွဲလေ့ကျင့်မှုကို အင်ဒိုနီးရှားနိုင်ငံမှာ သြဂုတ် ၄ ရက်က စတင်လိုက်ပါတယ်။ အဲဒီစစ်ရေးလေ့ကျင့်မှုကို ကာလီမန်တန်အပါအဝင် အင်ဒိုနီးရှားရှိအဓိကကျွန်းသုံးကျွန်းပေါ်မှာ သီတင်း နှစ်ပတ်ကြာပြုလုပ်မှာဖြစ်ပြီး အမေရိကန်နဲ့ အင်ဒိုနီးရှားတို့အကြား ဆက်ဆံရေးခိုင်မာအားကောင်းမှုကို အလေးပေးဖော်ပြဖို့ ပြုလုပ်တဲ့ စစ်ရေးလေ့ကျင့်မှုမှာ နှစ်နိုင်ငံတပ်ဖွဲ့ဝင် ၃၇၀၀ ကျော်ပါဝင်ပါတယ်။ အင်ဒိုနီးရှားနိုင်ငံဟာ တောင်တရုတ်ပင်လယ်ပြင်တောင်ပိုင်းရှိ နာတူနာကျွန်းစုရေပြင်ကို သူ့ရဲ့အထူး စီးပွားရေးဇုန်အဖြစ် သတ်မှတ်ထားပြီး တရုတ်နိုင်ငံကလည်း တောင်တရုတ်ပင်လယ်ဒေသအားလုံးနီးပါးကို ပိုင်ဆိုင်ကြောင်းအခိုင်အမာပြောဆိုထားပါတယ်။ သမ္မတဂျိုးဘိုင်ဒင်ရဲ့လက်ထက်မှာတော့ အမေရိကန်ဟာ တောင်တရုတ်ပင်လယ်နဲ့ ဒေသတွင်းမှာ တရုတ်နိုင်ငံရဲ့ လှုပ်ရှားမှုတွေကို ထိန်းချုပ်နိုင်ဖို့ အရှေ့တောင်အာရှမှာ သူ့ရဲ့ပါဝင်မှုကို မြှင့်တင်လို့နေပါတယ်။ ယခုနှစ်အတွင်း ရေကြောင်းလေ့ကျင့်ရေးစင်တာတစ်ခု တည်ဆောက်ဖို့ အမေရိကန်ဟာ အင်ဒိုနီးရှားနိုင်ငံကို ဒေါ်လာ ၃ ဒသမ ၅ သန်း ထောက်ပံ့ပေးသွားမှာဖြစ်ပြီး ဆောင်းဦးရာသီရောက်ရင်လည်း နှစ်နိုင်ငံရေတပ်ပူးတွဲလေ့ကျင့်ဖို့ စီစဉ်ထားပါတယ်။ Ref:…

စစ်တွေ၊ ဩဂုတ် ၅ – ၂၀၂၁ HAS (VOM) ရခိုင်ပြည်နယ်အတွင်း လက်ရှိဖြစ်ပွားနေတဲ့ ကိုဗစ်တတိယလှိုင်းမှာ သေဆုံးသူ (၂၄၂) ဦးရှိရှိလာပြီး ကိုဗစ်ကူးစက်ခံရသူ (၃၀၆၈) ဦးအထိ ရှိလာကြောင်း ပြည်နယ် ပြည်သူ့ကျန်းမာရေးဦးစီးဌာနရဲ့ ထုတ်ပြန်ချက်တွေအရ သိရပါတယ်။ ပြည်နယ်တွင်း ပြီးခဲ့တဲ့ မေလ ဒုတိယပတ်ကစပြီး တစ်ဖက်ဘင်္ဂလားဒေ့ရှ်နိုင်ငံနဲ့ နယ်စပ်ကုန်သွယ်ရေးလုပ်ငန်းလုပ်ကိုင်သူတွေမှာ ကိုဗစ်- ၁၉ရောဂါပိုး စစ်ဆေးတွေ့ရှိခဲ့ပြီး ဇွန်လနဲ့ ဇူလိုင်လအတွင်းမှာ ကုန်းတွင်း ပိုးတွေ့အတည်ပြုလူနာလည်း များလာကာ သေဆုံးသူဦးရေလည်း တဖြည်းဖြည်း များလာပါတယ်။ ကိုဗစ်ကြောင့် သေဆုံးသွားတဲ့ လူနာတွေထဲမှာ အဓိကအားဖြင့် သက်ကြီးပိုင်းအရွယ် (ဥပမာ- ဆီးချို၊ သွေးတိုး) ရောဂါအခံရှိသူတွေဖြစ်ကြောင်း သိရပြီး လူငယ်လူလတ်ပိုင်းတွေလည်း သေဆုံးမှုရှိတာကို တွေ့ရပါတယ်။ ပြည်နယ်တွင်း ကူးစက်မှုနဲ့ သေဆုံးမှုအများဆုံးဟာ စစ်တွေမြို့နယ်ဖြစ်ပြီး သေဆုံးသူ (၅၉) ဦးနဲ့ ပိုးတွေ့အတည်ပြုလူနာ (၅၈၆)…

ဂျီနီဗာ၊ သြဂုတ် ၅-၂၀၂၁ မျိုးဆက် (VOM) ကမ္ဘာတစ်ဝန်းမှာ ကိုဗစ်-၁၉ ရောဂါကူးစက်ခံရသူအရေအတွက်ဟာ သြဂုတ် ၄ ရက်ထိ သန်း ၂၀၀ ကျော်ရှိလာပြီဖြစ်ဖြစ်ပါတယ်။ လက်ရှိချိန်မှာ ဒယ်လ်တာ သန္ဓေပြောင်းဗိုင်ရပ်စ် ကူးစက်ပျံ့နှံ့မှုတွေ ပိုမိုများပြားလာနေပြီး ကာကွယ်ဆေးထိုးနှံမှု အစီအစဉ်တွေ နှောင့်နှေးနေတာတွေကလည်း ကျန်းမာရေးစနစ်အပေါ် ဖိအားတွေရှိနေပါတယ်။ ဒီလိုကူးစက်မှုနှုန်းမြင့်တက်လာဟာ ချမ်းသာတဲ့နိုင်ငံတွေနဲ့ ဆင်းရဲတဲ့ နိုင်ငံများအကြား ကာကွယ်ဆေးထိုးနှံမှု ကွာဟချက်ကြီးကြီးမားမားရှိနေတာကို မီးမောင်းထိုးပြနေတာဖြစ်ပါတယ်။ ကမ္ဘာ့နိုင်ငံတွေရဲ့ သုံးပုံတစ်ပုံမှာ ဗိုင်းရပ်စ်ကူးစက်မှုတွေ မြင့်တက်နေပြီး အဲဒီနိုင်ငံတွေထဲက နိုင်ငံအများအပြားမှာ နိုင်ငံ့လူဦးရေရဲ့ ထက်ဝက်ခန့်ကိုပင် ပထမအကြိမ် ကာကွယ်ဆေး မထိုးနှံရသေးပါဘူး။ ကမ္ဘာ့နိုင်ငံတိုင်းရဲ့ လူဦးရေ ၁၀ ရာခိုင်နှုန်းကို ကာကွယ်ဆေးထိုးနှံမှုပြီးချိန်ထိ တတိယမြောက် ကိုဗစ်-၁၉ ကာကွယ်ဆေးထိုးနှံတာတွေကို ရပ်ဆိုင်းဖို့ ကမ္ဘာ့ကျန်းမာရေးအဖွဲ့က တိုက်တွန်းထားပါတယ်။ ကိုဗစ်-၁၉ ရောဂါကူးစက်ခံရသူ ပထမဆုံးသန်း ၁၀၀ ပြည့်ဖို့ တစ်နှစ်ကြာမြင့်ခဲ့ပြီးနောက် ခြောက်လအတွင်း…

သြဂုတ် ၊ ၅ -၂၀၂၁ ရွှေဘုန်းမြတ်စံ (VOM) စစ်ကိုင်းတိုင်း၊ ယင်းမာပင်ခရိုင် ၊ ကနီမြို့နယ် ၊ တောင်ပေါက်ရွာနဲ့ ယင်းမာပင်မြို့နယ် တရော်ကျင်းကျေးရွာ အနီးဝန်းကျင် တောထဲနေရာတွေမှာ ပြီးခဲ့တဲ့ ဇူလိုင်လကုန်ပိုင်းက တွေ့ရတယ်ဆိုတဲ့ ရုပ်အလောင်းတွေထဲမှာ CDM ရဲတချို့ပါဝင်နေတယ်လို့ အဲ့ဒီနယ်ခံတွေက ယူဆထားကြတယ်လို့ သူတို့ရဲ့ ပြောပြချက်အရ သိရပါတယ်။ ” တစ်ရက်ကို ဖုန်း သုံး၊လေးကြိမ် ဆက်နေကြလေ ၊ ဇူလိုင် ၂၅ ရက်ကစလို့ အကြောင်းမဲ့အဆက်အသွယ်ပြတ်သွားတယ် ၊ ၂၆ ရက်ကနေ ၂၉ ရက်အထိ တောထဲမှာ ဟိုနေရာတွေ့ ဒီနေရာတွေ့နဲ့ အလောင်းတွေ တွေ့ရတယ်လို့ အသိမိတ်ဆွေတစ်ယောက်က ဖုန်းဆက်ပြောတယ် ၊ သူသေသွားပြီဆိုတာ အတည်ပြုလို့ရတယ် ၊အဆက်အသွယ် လုံးဝမရတာ ၁၀ ရက်ကျော်သွားပြီ၊ ဘာကြောင့် ပြောနိုင်တာလဲဆိုရင် သူက ဘယ်လိုအခက်အခဲရှိရှိ…

ရေးဖွင့်ထားသည့် အမှုများကို ဥပဒေနှင့်အညီ ပိတ်သိမ်းခြင်း၊ ရုပ်သိမ်းခြင်းများ ဆောင်ရွက်ပေးမည် ဖြစ်သဖြင့် ဆက်သွယ်သတင်းပို့နိုင်ရန် အသိပေးကြေညာခြင်း   နေပြည်တော်၊ ဩဂုတ် ၃ တပ်မတော်က နိုင်ငံတော်တာဝန်ကို လွှဲပြောင်းရယူခဲ့သည့် ၂၀၂၁ ခုနှစ်၊ ဖေဖော်ဝါရီလ ၁ ရက်နေ့ နောက်ပိုင်းမှစ၍ NLD ပါတီဝင်များ၊ ၎င်းပါတီကိုထောက်ခံသူ အစွန်းရောက်များ၊ မတရားအသင်းနှင့် အကြမ်းဖက်အုပ်စုများဖြစ်သည့် CRPH နှင့် NUG၊ CDM လှုံ့ဆော်မှုနှင့် နိုင်ငံတော် တည်ငြိမ် အေးချမ်းရေးကို မလိုလားသည့် ပြည်တွင်း၊ ပြည်ပမှပုဂ္ဂိုလ်၊ အဖွဲ့အစည်းများ၏ သွေးထိုး လှုံ့ဆော်မှု၊ ခြောက်လှန့်မှုတို့ကြောင့် အချို့သောကျောင်းသား၊ ကျောင်းသူ၊ လူငယ်လူရွယ်များ၊ နိုင်ငံ့ ဝန်ထမ်းများနှင့် မိမိတို့နိုင်ငံသားများသည် ဆူပူဆန္ဒပြခြင်းများ၊ ဆန့်ကျင်လှုပ်ရှားမှုများတွင် ပါဝင်ခဲ့ မှုများကြောင့် အရေးယူခံရမည်ကို စိုးရိမ်ခဲ့ပြီး တိမ်းရှောင်နေကြကြောင်း တွေ့ရှိရပါသည်။ ယခုအခါ ၎င်းတို့သည် နိုင်ငံတော်စီမံအုပ်ချုပ်ရေးကောင်စီ၏…

ရန်ကုန်၊သြဂုတ် ၄၊၂၀၂၁ KK(VOM)   ရန်ကုန်မြို့၊ တောင်ဒဂုံမြို့နယ်၊ (၁၄၄)ရပ်ကွက်၊ ရွာသာကြီးစက်မှုဇုန်ရှိ ရွှေလှေမုန့်စက်ရုံ မီးလောင်ကျွမ်းမှုကို မီးငြိမ်းသတ်ရင်း ရန်ကုန်တိုင်းမီးသတ်ဦးစီးဌာနမှ ဒု-ညွန်ကြားရေးမှူးနဲ့ဒု-တပ်ကြပ်တစ်ဦးတို့ ထိခိုက်ဒဏ်ရာရရှိခဲ့တယ်လို့ မီးသတ်ဦးစီးဌာနကနေ သိရပါတယ်။   ” ဒီကနေ့မနက် ၄နာရီခွဲက မီးစတင်လောင်ကျွမ်းခဲ့တယ်၊ မီးလောင်မှုအဆင့် Level 3နဲ့ တစ်နာရီကြာ မီးငြိမ်းသတ်ခဲ့တယ်၊ မနက်၅နာရီ၅၀မှာ မီးငြိမ်းခဲ့တယ်”လို့ မီးသတ်တပ်ဖွဲ့ဝင်တစ်ဦးက ပြောပါတယ်။   မီးငြိမ်းသတ်ရာမှာ ရန်ကုန်တိုင်းဒေသကြီး၊မီးသတ်ဦးစီးဌာနမှ ဒုတိယညွန်ကြားရေးမှူး ဦးသိန်းမြင့်ဟာ ၁၅ပေအမြင့်ကနေ ပြုတ်ကျပြီး ထိခိုက်ဒဏ်ရာရရှိခဲ့သလို ဒု-တပ်ကြပ်တစ်ဦးကလည်း ပေါင်ကိုသွပ်ပြားထိကာ ပြတ်ရှဒဏ်ရာရရှိခဲ့တယ်လို့ သူကရှင်းပြပါတယ်။   အဲ့ဒီမီးလောင်မှုကြောင့် ရွာသာကြီးစက်မှုဇုန်၊ရာဇသင်္ကြန်လမ်းနဲ့ဝက်မစွပ်ဝန်ထောက်လမ်းထောင့်ရှိ ရွှေရွက်လှေမုန့်တိုက်နဲ့ တံဆပ်ရိုက်လုပ်ငန်းမှာရှိတဲ့ အဆောက်ဦးသုံးလုံးနဲ့ အတွင်းရှိပစ္စည်းတွေ မီးလောင်ကျွမ်းခဲ့တယ်လို့လည်း သိရပါတယ်။   လက်တလောမှာတော့ ရွှေလှေမုန့်တိုက်က မန်နေဂျာဖြစ်သူကို တောင်ဒဂုံမြို့မရဲစခန်းမှာ အမှုဖွင့်အရေးယူထားတယ်လို့ ရဲတပ်ဖွဲ့ကနေ သိရပါတယ်။  …