Day: March 14, 2022

မတ် ၁၂-၂၀၂၂ TT(VOM)   မုံရွာမြို့ စက်မှုဇုံအတွင်းမှာ လျှပ်စစ်မီးကိုအသုံးပြုလည်ပတ်နေရတဲ့လုပ်ငန်း အများအပြားဟာ နိုင်ငံရေးအပြောင်းအလဲမဖြစ်မှီ COVID ကာလအတွင်း အခက်အခဲတချို့ကြုံတွေ့ခဲ့ကြပေမယ့် လုပ်ငန်းတွေရပ်တန့်ရတဲ့အခြေအထိ မဖြစ်ပေါ်ခဲ့ဘူးလို့ စက်မှုလက်မှုလုပ်ငန်းရှင်တဦးကပြောပါတယ်။   လက်ရှိနိုင်ငံရေးအပြောင်းအလဲကာလနောက်ပိုင်းမှာတော့ လမ်းပန်းဆက်ငွယ်ရေးအခက်အခဲတွေ၊ ကုန်ကြမ်းဝယ်ယူမှုအခက်အခဲတွေ၊ကုန်ချောပြန်လည်ရောင်းချရမှုအခက်အခဲတွေကြောင့် လုပ်ငန်းလည်ပတ်မှု သုံးပုံနှစ်ပုံအထိ ကျဆင်းသွားတယ်လို့ ပြောပါတယ်။   အခုလိုအခြေအနေမှာ လျှပ်စစ်မီးပြတ်တောက်မှုနဲ့ စက်သုံးဆီဈေး အဆမတန်မြင့်တက်လာမှုတွေကြောင့် လုပ်ငန်းတွေရပ်တန့်ရမယ့် အခြေအနေအထိ ကြုံတွေ့နေကြပါတယ်။   လုပ်ငန်းတွေရပ်တန့်ခဲ့ရင် လုပ်ငန်းရှင်တွေအပြင် ဒီလုပ်ငန်းကို အမှီပြုလုပ်ကိုင်နေရတဲ့ အလုပ်သမားတွေလည်း အခက်အခဲတွေ ကြုံတွေ့လာနိုင်တာကြောင့် နိုင်ငံရေးကာလအမြန်ဆုံးတည်ငြိမ်အေးချမ်းဖို့ လုပ်ငန်းရှင်တွေရော အလုပ်သမားတွေပါ မျှော်လင့်နေကြပါတယ်။   #voiceofmyanmar #VOM #မုံရွာ #မီးပြတ် #ဆီစျေးတက် #စက်မှုလက်မှု #ရပ်နားရဖွယ်ရှိ Youtube Link – https://youtu.be/dnYc5wF-blo

မတ် ၁၄-၂၀၂၂ Voice Of Myanmar စစ်ကိုင်းတိုင်း၊ ပုလဲမြို့နယ်ထဲက ကျေးရွာတွေမှာ ပြီးခဲ့တဲ့ ဇန်နဝါရီလကုန်ပိုင်းက စလို့ မကြာခဏဆိုသလို မီးဘေးသင့်တဲ့ဒဏ်ကို ခံစားနေရတာဖြစ်ပါတယ်။ ပြီးခဲ့တဲ့ မတ်လ (၁၁)ရက်နေ့က အိမ်ခြေ (၄၃) အိမ်သာရှိတဲ့ သပြေအေးကျေးရွာလည်း မီးဘေးသင့်ခဲ့ရပြီး လူနေအိမ် (၃၅)လုံး မီးလောင်ကျွမ်းခဲ့ပါတယ်။ အဲ့ဒီမီးလောင်မှုကြောင့် လက်ရှိမှာ မီးဘေးသင့်ပြည်သူတွေအနေနဲ့ နီးစပ်ရာတောတွေထဲမှာ တိမ်းရှောင်နေကြရပြီး စားဝတ်နေရေးအခက်အခဲတွေနဲ့ ကျန်းမာရေးစောင့်ရှောက်မှုတွေလိုအပ်နေတယ်လို့ မီးဘေးသင့်ပြည်သူတွေကပြောပါတယ်။ မီးလောင်မှုတွေဟာ ဒေသခံတွေရဲ့ပြောပြချက်အရ မီးရှို့ခံရတာဖြစ်တယ်လို့ သိရပေမယ့် VOMအနေနဲ့ သီခြားအတည်မပြုနိုင်ပါဘူး။ ပုလဲမြို့နယ်ထဲမှာ အခုလိုမီးဘေးသင့်မှုတွေဟာ ဇန်နဝါရီလကုန်ပိုင်းကစလို့ ဒီနေ့အချိန်အထိ သပြေအေးရွာအပါအဝင် မွေ့တုံ၊ ပန်းရွာ၊ လှော်ကား၊ ချောင်းဦး၊ ဇီးဖြူကုန်း၊ အင်မထီး၊ နှောရိုး၊ တုံးကန် ကျေးရွာတွေမှာထောင်နဲ့ချီတဲ့ လူနေအိမ်တွေ မီးဘေးသင့်ခဲ့ရတာလည်း ဖြစ်ပါတယ်။ #voiceofmyanmar #VOM #ပုလဲ #မီးဘးသင့်ပြည်သူ…

မတ် ၁၃-၂၀၂၂ GG (VOM)   နိုင်ငံကူးလက်မှတ်လျှောက်ထားခြင်းကို လူကိုယ်တိုင်လာရာက်တန်းစီစောင့်ဆိုင်းခြင်းအစား အွန်လိုင်းကနေ ရက်ချိန်ပြီး လျှောက်ထားရမယ့်စနစ်ကို အခုလထဲမှာပဲ စတင်လုပ်ဆောင်မယ်လို့ ရန်ကုန်ပတ်စပို့စ်ရုံးက အသိပေးထားပါတယ် ။   အခုလို ပြောင်းလဲမယ့် အွန်လိုင်းစနစ်က ပတ်စပို့ကို ကိုယ်တိုင်လျှောက်ထားမယ့်သူတွေအတွက် အဆင်မပြေကြောင်း၊ ဝက်ဘ်ဆိုက်ကိုဝင်ရောက်ဖို့အဆင်မပြေခြင်း၊အသုံးမပြုတတ်ခြင်း စတဲ့အခက်အခဲတွေရှိတယ်လို့ ပတ်စ်ပို့လျှောက်ထားသူတွေဆီက သိရပါတယ်။   ” အခုဝင်ကြည့်နေတာ သူတို့ဝက်ဘ်ဆိုက်က ဝင်မရဘူး။ ဝင်ရရင်လည်း ဖောင်ဖြည့်တာတွေက မရင်းနှီးဘူး၊လုပ်တတ်မှာမဟုတ်ဘူး။ဒီကြားထဲ အင်တာနက်က အဆင်မပြေတာ ရှိအုံးမယ်။ကျနော်တို့လို နယ်ကလူတွေအတွက် အဆင်မပြေပါဘူး။လူကိုယ်တိုင်ဆိုရင်မှ ကိုယ့်ဘာသာ ရုံးကိုသွားစောင့်လုပ်ရင် လုပ်တတ်သေးတယ် ၊ အခုကတော့ ပွဲစားတွေနဲ့ ကုမ္ပဏီတွေက ပိုအလုပ်ဖြစ်မယ်၊သူတို့တောင်းသလောက်ပေးနေရတော့မှာပေါ့ “လို့ မလေးရှားကိုသွားဖို့စောင့်ဆိုင်းနေသူ တဦးကပြောပါတယ်။   မတ်လ ၂၁ ရက်နေ့ကစပြီး ပတ်စ်ပို့စ်ရုံးကို လူကိုယ်တိုင်လာရောက်တန်းစီစောင့်ဆိုင်းစရာမလိုတော့ဘဲ အွန်လိုင်းကနေသာ ရက်ချိန်းရယူပြီး သတ်မှတ်ရက်မှာ ရုံးကိုသွားကာ…

မတ် ၁၃-၂၀၂၂ KK(VOM)   ဒါရိုက်တာမိုက်တီးကို ရန်ကင်းမြို့နယ်၊ ၁၆ရပ်ကွက်၊ ဘောက်ထောက်က နေအိမ်မှာ မနေ့ မတ်လ ၁၂ရက် ညပိုင်းက လာရောက်ဖမ်းဆီးသွားတယ်လို့ အနုပညာအသိုင်းအဝိုင်းက သိရပါတယ်။   ဒါရိုက်တာမိုက်တီးကို ရန်ကင်းမြို့နယ်၊ ဘောက်ထော်က နေအိမ်မှာ တာမွေမြို့နယ်ရဲစခန်းမှ လာရောက်ဖမ်းဆီးသွားတာဖြစ်တယ်လို့ ညီမဖြစ်သူ သရုပ်ဆောင်လင်းဇာနည်ဇော်က VOMကိုပြောပါတယ်။   “သတင်းက မှန်ပါတယ် ညကလာဖမ်းတာ၊ တာမွေ ရဲစခန်းက လာဖမ်းတာ၊ အခုတာမွေရဲစခန်းမှာပါ”လို့ သူကပြောပါတယ်။   လက်တလောမှာ တာမွေမြို့နယ်ရဲစခန်းက ဒါရိုက်တာမိုက်တီး(ခ)ဦးသန်းထွန်းဇော်ကို ပုဒ်မ ၅၀၅(က)နဲ့ အမှုဖွင့်အရေးယူထားတယ်လို့ အမည်မဖော်လိုတဲ့ ရဲအရာရှိတဦးက ပြောပါတယ်။   တာမွေမြို့နယ်ရဲစခန်းက ၂၀၁၈ ခုနှစ် သြဂုတ်လ ၁၆ရက်နေ့ညကလည်း ဒါရိုက်တာမိုက်တီးကို မူးယစ်ဆေးဝါးအမှုနဲ့ ဖမ်းဆီးခဲ့ပြီး တရားရင်ဆိုင်ရကာ အမှုပိတ်သိမ်းပြီး ပြန်လွှတ်မြောက်လာသူတဦးလည်းဖြစ်ပါတယ်။   ဒါရိုက်တာမိုက်တီးဟာ ယခင်…