Month: March 2022

ကိယက်ဗ်၊ မတ်-၁၅-၂၀၂၂ မျိုးဆက်(VOM)   ယူကရိန်းနိုင်ငံ ကိယက်ဗ်မြို့ကို ရုရှားက မတ် ၁၄ ရက် ညပိုင်းမှာ အပြင်းအထန် လေကြောင်းတိုက်ခိုက်မှုတွေ ပြုလုပ်ခဲ့ပြီး လူနေအဆောက်အအုံတွေပါ တိုက်ခိုက်ခံခဲ့ရပါတယ်။   ကိယက်ဗ်မြို့ပေါ်က လူနေအဆောက်အအုံတခုကို လေကြောင်းတိုက်ခိုက်ခဲ့ရာမှာတော့ လူနှစ်ဦးသေဆုံးပြီး ၃၅ ဦးကိုတော့ ကယ်တင်နိုင်ခဲ့တယ်လို့ ယူကရိန်းအရေးပေါ်ဌာနကပြောပါတယ်။   အဲဒီလို လေကြောင်းတိုက်ခိုက်မှုတွေမှာ ထိမှန်ပျက်စီးခဲ့တဲ့နေရာနဲ့ အဆောက်အအုံတွေက Sviatoshynskyi ခရိုင်မှာရှိတဲ့ ကိုးထပ်နဲ့ ၁၆ ထပ်အမြင့်ရှိ အဆောက်အအုံနှစ်ခု၊ Podilskyi ခရိုင်ရှိ၁၀ ထပ်လူနေ အဆောက်အအုံ၊ Darnytskyi ခရိုင်မှာရှိတဲ့ အိမ်ယာတခု၊ Lukyanivska မြေအောက်ရထားဘူတာရဲ့ အစိတ်အပိုင်းတွေဖြစ်ပြီး ဘူတာကတော့ လုပ်ငန်းလည်ပတ်နိုင်ဆဲဖြစ်တယ်လို့ ကိယက်ဗ်မြို့ အုပ်ချုပ်ရေးအဖွဲ့က ထုတ်ပြန်ထားပါတယ်။   ယူကရိန်းအပေါ် ရုရှားရဲ့ အခုလိုတိုက်ခိုက်မှုတွေကြောင့် နျူကလီးယားစစ်ပွဲဖြစ်ပွားလာနိုင်တဲ့ အလားအလာနဲ့ပတ်သက်ပြီး စိုးရိမ်ပူပန်ကြောင်း ကုလသမဂ္ဂအတွင်းရေးမှုးချုပ် အန်တိုနီယို…

ပေကျင်း၊ မတ်-၁၅-၂၀၂၂ မျိုးဆက်(VOM)   တရုတ်နိုင်ငံမှာ မတ် ၁၅ ရက်နေ့က ရောဂါကူးစက်ခံရသူ ငါးထောင်ကျော်ထိ စံချိန်တင်မြင့်တက်ခဲ့တယ်လို့ အာဏာပိုင်တွေက ထုတ်ပြန်ထားပြီး အများစုမှာ ဂျီလင်ပြည်နယ်မှဖြစ်တဲ့အတွက် ပြည်နယ်တွင်းနေထိုင်သူ ၂၄ သန်းကို မတ် ၁၄ ရက်မှာ လော့ခ်ဒေါင်းချလိုက်ပါတယ်။   ဂျီလင်ပြည်နယ်တစ်ခုလုံးနဲ့ နည်းပညာအချက်အခြာနေရာဖြစ်တဲ့ ရှန်ကျန်းဒေသရှိ ဒေသခံတွေအပါအ၀င် နိုင်ငံတ၀န်းရှိ ပြည်သူသန်းပေါင်းများစွာဟာ ကိုဗစ်ကန့်သတ်ချက်တွေနဲ့ လက်ရှိမှာရင်ဆိုင်နေရပါတယ်။   ဒီလို ကိုဗစ်-၁၉ဆိုင်ရာ ကန့်သတ်မှုတွေ ပိုမိုလုပ်ဆောင်လာမှုကြောင့် တရုတ်နိုင်ငံရှိ နိုင်ငံတကာကုမ္ပဏီတွေဟာလည်း သူတို့ရဲ့လုပ်ငန်းလည်ပတ်မှုတွေကို ရပ်ဆိုင်းလိုက်ရတဲ့ အခြေအနေတွေကြုံတွေ့နေရပါတယ်။   လုပ်ငန်းများရပ်ဆိုင်းထားရတဲ့ နိုင်ငံတကာ ကုမ္ပဏီများထဲမှာ တိုယိုတာ၊ ဗောက်၀က်စ်ဂွန် နဲ့ အက်ပဲအတွက် စမတ်ဖုန်းအစိတ်အပိုင်းတွေထုတ်လုပ်ပေးတဲ့ ဖော့စ်ကွန်း ကုမ္ပဏီတို့လည်း ပါ၀င်နေပါတယ်။   ကိုဗစ်-၁၉ ဆိုင်ရာလော့ခ်ဒေါင်းချမှတ်ခြင်းတွေကြောင့် အရေးပါသောထောက်ပံ့ရေး ကွင်းဆက်တွေပြတ်တောက်သွားနိုင်တယ်ဆိုတဲ့ စိုးရိမ်မှုများလည်း လက်ရှိမှာတိုးပွားလာနေပါတယ်။…

မော်စကို၊ မတ်-၁၅ မျိုးဆက်(VOM)   ရုရှားနိုင်ငံပိုင်သတင်းဌာနဖြစ်တဲ့ ချန်နယ်၀မ်းရုပ်သံဌာနမှာ မတ် ၁၄ ရက်ညနေပိုင်းက သတင်းကြေညာတဲ့ အစီအစဉ်တစ်ခုပြုလုပ်ချိန် ၀န်ထမ်းအမျိုးသမီးတဦးက ယူကရိန်းစစ်ပွဲဆန့်ကျင်ရေး ဆိုင်းဘုတ်ကိုင်ဆောင်ကာ ဆန္ဒပြမှုဖြစ်ပွားခဲ့ပါတယ်။   သတင်းတင်ဆက်သူရဲ့နောက်မှာတော့ ဆန္ဒပြအမျိုးသမီး၀န်ထမ်းဟာ စစ်ပွဲအလိုမရှိ၊ စစ်ပွဲရပ်၊ ဝါဒဖြန့်တာတွေကို မယုံကြည်နဲ့ ၊ ဒီနေရာက မုသားတွေသုံးလိမ်ညာနေတယ်ဆိုတဲ့ ဆိုင်းဘုတ်ကို တွေ့မြင်ရပါတယ်။   စစ်ပွဲဆန့်ကျင်ရေးဆိုင်းဘုတ်ကိုင်ဆောင်ပြီး ဆန္ဒပြသူဟာ အဲဒီသတင်းဌာနက အယ်ဒီတာတစ်ဦးဖြစ်သူ မာရီနာအိုဗ်ဆေရာနီကိုဗာ ဆိုသူဖြစ်ပြီး လက်ရှိမှာတော့ ရဲစခန်းမှာ ထိန်းသိမ်းထားခံရတယ်လို့ ယူဆရပါတယ်။   ယူကရိန်းမှာ ဖြစ်ပွားနေတဲ့ ဖြစ်ရပ်တွေဟာ ရာဇ၀တ်မှုဖြစ်ပြီး ရုရှားအစိုးရရဲ့ ဝါဒဖြန့်သတင်းဌာနအတွက် အလုပ်လုပ်ကိုင်ခဲ့ရလို့ ရှက်ရွံ့မိကြောင်း ဆန္ဒပြမှုမတိုင်မီ ကိုယ်တိုင်ရိုက်ရုပ်သံမှတ်တမ်းတစ်ခုမှာ သူမကပြောပါတယ်။   ချန်နယ်၀မ်းရုပ်သံဌာနကို ရုရှားအစိုးရက တင်းတင်းကြပ်ကြပ်ထိန်းချုပ်ထားပြီး ယူကရိန်းမှာဖြစ်ပွားနေတဲ့ ဖြစ်ရပ်တွေကို ရုရှားအစိုးရအာဘော်တစ်ခုအတိုင်းသာ ထုတ်လွှင့်တင်ဆက်နေတဲ့ သတင်းဌာနတခုလည်း ဖြစ်ပါတယ်။…

ဝါရှင်တန်၊ မတ်-၁၄-၂၀၂၂ မျိုးဆက်(VOM)   အမေရိကန်သမ္မတဟောင်း ဘားရက်အိုဘားမားဟာ ကိုဗစ်-၁၉ ရောဂါကူးစက်ခံနေရပြီး အပျော့စား ရောဂါလက္ခဏာတွေ ခံစားနေရတယ်လို့ မတ် ၁၃ ရက်မှာ သူ့ရဲ့တွစ်တာမှာ ထုတ်ဖော်ပြောဆိုထားပါတယ်။   သူဟာ လည်ချောင်းနာတာကို နှစ်ရက်ကြာခံစားခဲ့ရပေမယ့် အခြေအနေကောင်းမွန်နေပြီး ဇနီးဖြစ်သူ မီရှဲအိုဘားမားကတော့ လက်ရှိအချိန်ထိ ရောဂါကူးစက်မှု မခံရသေးဘူးလို့ ဆိုပါတယ်။   လူအများအနေနဲ့ ကိုဗစ်-၁၉ ကာကွယ်ဆေးများ ထိုးနှံကြဖို့ကို သူကတိုက်တွန်းပြောဆိုခဲ့ပြီး သူ့မှာ ကိုဗစ်-၁၉ ရောဂါကူးစက်မှုကိုတွေ့ရှိခဲ့တာဟာ ကာကွယ်ဆေးထိုးနှံကြဖို့ သတိပေးချက်ဖြစ်ကြောင်း သမ္မတဟောင်း အိုဘားမားကပြောပါတယ်။   အမေရိကန်မှာ အသက်ငါးနှစ်အထက် လူအားလုံးရဲ့ ၈၀ ရာခိုင်နှုန်းကျော်ဟာ ကိုဗစ်-၁၉ ကာကွယ်ဆေး တစ်ကြိမ် အနည်းဆုံးထိုးနှံပြီးစီးထားပြီလို့ ရောဂါထိန်းချုပ်ရေးနဲ့ ကာကွယ်တားဆီးရေးဌာနက ပြောပါတယ်။   အမေရိကန်နိုင်ငံတ၀န်းမှာ ဇန်နဝါရီလအတွင်းက နေ့စဉ်ကူးစက်မှု ၈၁၀၀၀၀ ထိရောက်ရှိခဲ့ပေမယ့် အထွတ်အထိပ်ကာလနဲ့နှိုင်းယှုဉ်ပါက…