Day: September 13, 2022

ကုလသမဂ္ဂ၊ စက်တင်ဘာ-၁၃-၂၀၂၂ မျိုးဆက်(VOM) ယူကရိန်းရဲ့ ကောက်ပဲသီးနှံတင်ပို့မှုတွေကို လွန်ခဲ့တဲ့လမှာ ပြန်လည်စတင်ခဲ့ပေမယ့်လည်း ကမ္ဘာ့စားနပ်ရိက္ခာပြတ်လပ်မှုဟာ လာမယ့်နှစ်မှာ ပိုမိုဆိုးရွားလာနိုင်ကြောင်း ကမ္ဘာ့စားနပ်ရိက္ခာအဖွဲ့က သတိပေးပြောဆိုလိုက်ပါတယ်။ ပဋိပက္ခဖြစ်ပွားနေတဲ့ယူကရိန်းနိုင်ငံမှ လယ်ယာထွက်ကုန်တွေ ပြန်လည်တင်ပို့နိုင်တာဟာ အရေးပါတဲ့ ခြေလှမ်းတရပ်ဖြစ်ကြောင်း ဒါပေမယ့် စားနပ်ရိက္ခာရှားပါးပြတ်လပ်မှုဟာ လာမယ့်နှစ်မှာ ပိုမိုဆိုးရွားနိုင်တယ်လို့ ကမ္ဘာ့စားနပ်ရိက္ခာအစီအစဉ်ရဲ့ အရှေ့အလယ်ပိုင်း၊ မြောက်အာဖရိကနဲ့ အရှေ့ဥရောပဒေသဆိုင်ရာ ညွှန်ကြားရေးမှူး ကော်ရင်းဖလီချာက စက်တင်ဘာ ၁၂ ရက်မှာ ပြောပါတယ်။ လာမယ့်ရာသီမှာ ယူကရိန်းရဲ့ ကောက်ပဲသီးနှံရိတ်သိမ်းမှုဟာ ပြီးခဲ့တဲ့နှစ်ကထက် ၃၀ ရာခိုင်နှုန်းကျဆင်းဖွယ်ရှိပြီး တန်ချိန်သန်း ၁၀၀ ရိတ်သိမ်းနိုင်မယ်လို့ သူကမျှော်လင့်ထားပြီး ကမ္ဘာလုံးဆိုင်ရာ လယ်ယာစိုက်ပျိုးထုတ်လုပ်မှု ကျဆင်းနိုင်တယ်လို့ ဆိုပါတယ်။ ဒါ့အပြင် ကမ္ဘာတ၀န်းရှိ လယ်သမားတွေဟာ ဓါတ်မြေသြဇာထိပ်တန်းထုတ်လုပ်သူ ရုရှားက တင်ပို့မှုတွေကို ရပ်ဆိုင်းလိုက်ပြီးနောက် စျေးနှုန်းများကြီးမြင့်လာတာကြောင့် အခက်အခဲတွေနဲ့ရင်ဆိုင်နေရကြောင်း သူကပြောပါတယ်။ ပါကစ္စတန်မှာ ရေကြီးမှု၊ တရုတ်နဲ့ ဥရောပဒေသတို့မှာ မိုးခေါင်ရေရှားမှုတွေအပါအ၀င်…

ကုလသမဂ္ဂ၊ စက်တင်ဘာ-၁၃-၂၀၂၂ မျိုးဆက်(VOM) ခေတ်သစ်ကျွန်ပြုမှုတွေဟာ လက်နက်ကိုင်ပဋိပက္ခ၊ ရာသီဥတုပြောင်းလဲမှုနဲ့ကမ္ဘာ့ကပ်ရောဂါ ဖြစ်ပွားမှုတို့နဲ့ အတူ ကြီးထွားလာတဲ့စိန်ခေါ်မှုတရပ်ဖြစ်နေကြောင်း စက်တင်ဘာ ၁၂ ရက်မှာထုတ်ပြန်တဲ့ ကုလသမဂ္ဂရဲ့ အစီရင်ခံစာတရပ်မှာ သတိပေးထားပါတယ်။ အပြည်ပြည်ဆိုင်ရာ အလုပ်သမားအဖွဲ့ရဲ့ ခန့်မှန်းချက်အရ ကမ္ဘာ့လူဦးရေ သန်း ၅၀ သို့မဟုတ် အသက်ရှင်နေထိုင်သူ လူ ၁၅၀ ဦးမှာ တဦးနှုန်းအဓမ္မခိုင်းစေမှု သို့မဟုတ် အဓမ္မလက်ထပ်မှုတွေ ကြုံတွေ့နေရတယ်လို့ ဆိုပါတယ်။ ဒီအရေအတွက်ကိန်းဂဏန်းဟာ လွန်ခဲ့တဲ့ငါးနှစ်ကထက် ၁၀ သန်းနီးပါးမြင့်တက်လာခဲ့ခြင်းဖြစ်ပြီး အခြေအနေတွေ ပိုမိုဆိုးရွားလာတာဟာ တုန်လှုပ်ဖွယ်ဖြစ်ကြောင်း အပြည်ပြည်ဆိုင်ရာ အလုပ်သမားအဖွဲ့ ကပြောပါတယ်။ ကလေးသူငယ် ၃ ဒသမ ၃ သန်းအပါအ၀င် လူပေါင်း ၂၇ ဒသမ ၆ သန်းဟာ အဓမ္မခိုင်းစေခံနေရပြီး အခြား ၂၂ သန်းကတော့ အဓမ္မတလက်ထပ်ခံနေရကြောင်းပြီး သူတို့ထဲက အများစုမှာ အသက် ၁၅…

တိုကျို၊ စက်တင်ဘာ-၁၂-၂၀၂၂ မျိုးဆက်(VOM) ဂျပန်တာ၀န်ရှိသူတွေဟာ နိုင်ငံစီးပွားရေးကို မြှင့်တင်ဖို့အားထုတ်မှုအဖြစ် ပြည်ပခရီးသွားတွေအတွက် နယ်စပ်ကန့်သတ်ချက်တွေကို ထပ်မံဖြေလျော့ဖို့ စီစဉ်နေပါတယ်။ ဂျပန်ယန်းငွေဟာ အမေရိကန်ဒေါ်လာနဲ့နှိုင်းယှဉ်ပါက လွန်ခဲ့တဲ့သီတင်းပတ်အတွင်း ၁ ဒသမ ၇ ရာခိုင်နှုန်းထိ ကျဆင်းသွားပြီး ဒါဟာ ၂၄ နှစ်အတွင်း အနိမ့်ဆုံးဖြစ်ပါတယ်။ ဂျပန်နိုင်ငံဟာ ကိုဗစ်-၁၉ ရောဂါကူးစက်မှုကို ထိန်းချုပ်ဖို့ အစီအမံတွေကြောင့် လွန်ခဲ့တဲ့နှစ်နှစ်အတွင်း နိုင်ငံခြားခရီးသွားလာမှုအများစုကို ပိတ်ပင်ခဲ့ပါတယ်။ ဒါပေမယ့် ယခုလအစောပိုင်းမှာ နိုင်ငံတွင်းသို့ ၀င်ရောက်ခွင့်ပြုတဲ့ နိုင်ငံခြားခရီးသွားဦးရေသည် တရက်ကို နှစ်သောင်းမှ ငါးသောင်းထိ တိုးလာခဲ့ပြီး ဧည့်လမ်းညွှန်နဲ့အတူ လာရောက်ဖို့ ကန့်သတ်ချက်ကို လည်းဖျက်သိမ်းခဲ့ပါတယ်။ ဂျပန်နိုင်ငံသို့ ပြီးနှစ်အတွင်းက နိုင်ငံခြားခရီးသွားဧည့်သည် ၂၄၆၀၀၀ သာလာရောက်ခဲ့ပြီး ၂၀၁၉ ခုနှစ်မှာ စံချိန်တင်ခဲ့တဲ့ ၃၁ ဒသမ ၉ သန်းထက် များစွာလျော့နည်းခဲ့ပါတယ်။ Ref: BBC Photo:Getty Images…

ပေကျင်း၊ စက်တင်ဘာ-၁၂-၂၀၂၂ မျိုးဆက်(VOM) တရုတ်နိုင်ငံတ၀န်းမှာ ကိုဗစ်-၁၉ ရောဂါကြောင့် လော့ခ်ဒေါင်းချထားတဲ့ဒေသတွေမှာ စာနပ်ရိက္ခာနဲ့ မရှိမဖြစ်လိုအပ်တဲ့ ပစ္စည်းတွေပြတ်လပ်နေပြီး ဒီကိစ္စအပေါ် ဒေသခံတွေက မကျေမနပ်ဖြစ်နေကြပါတယ်။ အနည်းဆုံး ဒေသ ၃၀ ထက်မနည်းက သန်းနဲ့ချီတဲ့ဒေသခံတွေဟာ တစိတ်တပိုင်းလော့ခ်ဒေါင်း သို့မဟုတ် အလုံးစုံလော့ခ်ဒေါင်းချတဲ့အောက်မှာ နေထိုင်နေကြရပါတယ်။ ဂျုံ၊ ဆန်နဲ့ ဥတွေကုန်သွားတာ ၁၅ ရက်လောက်ရှိပြီဖြစ်ကြောင်း ကလေးငယ်တွေအတွက် နို့မှုန့်တွေလည်း ပြီးခဲ့တဲ့ ရက်အနည်းငယ်က ကုန်သွားပြီလို့ ရှင်ကျန်းအနောက်ပိုင်းက ဒေသခံတဦးကပြောပါတယ်။ တရုတ်အာဏာပိုင်တွေဟာ အောက်တိုဘာလမှာကျင်းပမယ့် တရုတ်ကွန်မြူနစ်ပါတီရဲ့ ကွန်ဂရက်အစည်းအဝေး မတိုင်မီ ကိုဗစ်-၁၉ ရောဂါ ကူးစက်မှုတွေကို အပြင်းအထန် ထိန်းချုပ်နေပါတယ်။ တရုတ်နိုင်ငံဟာ ကိုဗစ်ကူးစက်မှုလုံး၀မရှိစေရေး မူဝါဒကို ဆက်လက်ကျင့်သုံးနေပြီး ကူးစက်မှုနှုန်းများပြားတဲ့ ဒေသတွေကို လော့ခ်ဒေါင်းချမှုတွေ ပြုလုပ်နေပါတယ်။ ဒါပေမယ့်လည်း စက်တင်ဘာ ၁၂ ရက်မှာ နိုင်ငံတ၀န်း ကိုဗစ်ကူးစက်မှု ၉၄၉ ဦးထိရှိနေပါတယ်။…