Day: October 4, 2022

အောက်တိုဘာ ၄-၂၀၂၂ SN (VOM) ဈေးကွက်အတွင်း ပြည်တွင်းစက်သုံးဆီဈေးဟာ အောက်တိန်း 92 Ron တစ်လီတာ ကျပ် ၂၀၀၀ အောက် ပြန်လည်ကျဆင်းလာခဲ့ပေမယ့်လည်း သိသာတဲ့ကျဆင်းမှု မဟုတ်သေးဘူးလို့ စက်သုံးဆီဝယ်ယူသူအချို့က ပြောပါတယ်။ ပြည်တွင်းစက်သုံးဆီဈေးမှာ အောက်တိုဘာလဆန်းပိုင်း ဝင်ရောက်ချိန်ကစလို့ သိသိသာသာ ကျဆင်းလာခဲ့ခြင်းဖြစ်ပြီး အောက်တိုဘာ ၃ ရက်အရောက်မှာတော့ တစ်လီတာ ကျပ်နှစ်ထောင်အောက်ကို ရောက်ရှိလာခဲ့ပါတယ်။ ဒါပေမယ့်လည်း ဒီဈေးတန်းက ဖြစ်သင့်ဖြစ်ထိုက်တဲ့ ဈေးထက်တော့ ပိုနေဆဲဖြစ်တယ်လို့ အငှားယာဉ်မောင်းတဦးက ပြောပါတယ်။ “အခု ဆီဈေးကကျပေမယ့် အဲ့လောက်ကတော့ မသိသာသေးပါဘူး။ လီတာ သိသိသာသာအများကြီး ရသွားတာမျိုး မဟုတ်သေးဘူး။ ဥပမာ ၁၅၀၀၊ ၁၆၀၀ ဈေးတန်းဝန်းကျင်လောက်ဆိုရင်တော့ နည်းနည်းလေး သိသာတဲ့သဘောမျိုး ဖြစ်သွားမယ်။ အခုက ဈေးကျတာက ကျတယ်လို့ပဲရှိသေးတာ။ အများကြီးသိသိသာသာ မဟုတ်သေးဘူး”လို့ သူက ပြောပါတယ်။ အောက်တိုဘာ ၄…

အောက်တိုဘာ ၄-၂၀၂၂ KT(VOM) ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီရဲ့ တတိယအကြိမ် ပါတီညီလာခံ (၂၀၂၂)အခမ်းအနားကို နေပြည်တော်ရှိ ပါတီဌာနချုပ်မှာ ဒီကနေ့ အောက်တိုဘာ ၄ ရက် မနက်ပိုင်းက ပြုလုပ်ခဲ့ပါတယ်။ အဲ့ဒီအခမ်းအနားမှာ ပြည်ခိုင်ဖြိုးပါတီဥက္ကဋ္ဌ ဦးသန်းဌေးက ပါတီကနေ အနားယူရတဲ့အကြောင်းအရင်း၊ ပါတီရဲ့ဗဟိုအလုပ်အမှုဆောင်အဖွဲ့အသစ် ထပ်မံဖွဲ့စည်းမယ့်အကြောင်းတွေကို ပြောကြားခဲ့တယ်လို့ သိရပါတယ်။ ” အဓိကအနားယူရတာကတော့ ၂၀၂၀ ရွေးကောက်ပွဲမှာ ပါတီကိုအနိုင်ရအောင် မစွမ်းဆောင်နိုင်ခြင်း၊ ပါတီဝင်များ အသတ်ခံရခြင်းကို ကာကွယ်မှုမပေးနိုင်ခြင်းနဲ့ ကျန်းမာရေးကြောင့်အနားယူခြင်းဖြစ်ပါ​တယ်၊ ကျွန်တော်အနေနဲ့ ထပ်မံပြီးအသစ်ဖွဲ့စည်းမယ့်အဖွဲ့သစ်မှာ ဗဟိုအလုပ်အမှုဆောင်အဖြစ် အဆိုမပြု၊ ဆန္ဒမပြုပါ​။ကျွန်တော်အနေနဲ့ကတော့ အဆိုမပြု၊ဆန္ဒမပြုတော့ကြောင်းကို စက်တင်ဘာ ၂၄ ရက်နေ့မှာ ကိုယ်တိုင်အတည်ပြုပေးခဲ့ပါတယ်၊ ဒီလိုဆုံးဖြတ်ရခြင်းဟာ ဆိုရှယ်မီဒီယာတွေပေါ်မှာ ဝေဖန်ထိုးနှက်မှုတွေကြောင့်မဟုတ်ပါဘူး၊ ဗဟိုအလုပ်အမှုဆောင်အဖွဲ့ကို ပြင်ဆင်ဖွဲ့စည်းတဲ့နေရာမှာ လက်ရှိဥက္ကဋ္ဌဖြစ်တဲ့ ကျွန်တော်ရဲ့ဩဇာလွှမ်းမိုးမှုကင်းရှင်းအောင် ဖွဲ့စည်းပုံစမ်းစစ်သုံးသပ်ရေးကော်မတီကို ဖွဲ့စည်းပေးပြီး လွတ်လွတ်လပ်လပ်ဆွေးနွေးတိုင်ပင်ဆောင်ရွက်စေခဲ့ပါ​တယ်၊ဒုတိယဥက္ကဋ္ဌကြီးသုံးပါးရဲ့အနီးကပ်ထိန်းကြောင်းမှုနဲ့ဖွဲ့စည်းပုံအခြေခံစည်းမျဥ်း၊စည်းမျဥ်းနဲ့အညီဖြစ်တဲ့ဦးတည်ပြီး ညီလာခံကိုကျင်းပသွားမှာဖြစ်ပါတယ်၊ ပြည်သူကိုလမ်းမှန်ပြပြီးတော့ အေးချမ်းသာယာတဲ့လူ့အဖွဲ့အစည်းကို ဖွဲ့စည်းထူထောင်ဖို့ သံဒိဌာန်ပြုထားကြတဲ့ နိုင်ငံရေးပါတီများအနေနဲ့ကတော့…

အောက်တိုဘာ၊ ၄- ၂၀၂၂ မင်းမြတ်(VOM) ဧရာဝတီတိုင်း၊ ဟိုင်းကြီးကျွန်းမြို့က ကျေးရွာတွေမှာ အခြေချနေထိုင်တဲ့ ရခိုင်တိုင်းရင်းသားအမျိုးသမီးတွေ အပါအဝင် တိုင်းရင်းသား အယောက် ၂၀ ကျော်ကို သက်ဆိုင်ရာကနေ ဖမ်းဆီးထားတယ်လို့ ဒေသခံတွေဆီကနေသိရပါတယ် ။ ဟိုင်းကြီးကျွန်းမြို့ရှိ ကျေးရွာတွေမှာနေထိုင်တဲ့ ရခိုင်တိုင်းရင်းသား အယောက် ၂၀ ကျော်ကို AAနဲ့ဆက်သွယ်မှုရှိတယ်ဆိုတဲ့ သံသယနဲ့ စက်တင်ဘာ ၁၃ ရက်ကနေ မနေ့ အောက်တိုဘာ ၃ ရက် အတွင်း ဖမ်းဆီးစစ်ဆေးနေတာဖြစ်တယ်လို့ သိရပါတယ် ။ “မနေ့ကအထိ ဇီးချိုင်ရွာက အသက် ၆၀ ကျော် အမျိုးသားတစ်ယောက်နဲ့ အသက် ၂၀ ကျော် လူငယ်တွေဖြစ်တဲ့ ယောက်ကျားလေး ၄ ယောက်နဲ့ မိန်းကလေး ၃ယောက် ၊အားလုံး ၈ ယောက်ကို ဖမ်းသွားတယ် ၊ အဖမ်းခံရတာ တိုင်းရင်းသား လူ…