Day: March 22, 2024

ဝါရှင်တန် ၊ မတ်-၂၂-၂၀၂၄ မျိုးဆက်(VOM) အမေရိကန်နိုင်ငံ ဘော်စတွန်က ခွဲစိတ်ဆရာဝန်တွေဟာ မျိုးရိုးဗီဇပြုပြင်ထားတဲ့ ဝက်ရဲ့ ကျောက်ကပ်ကို လူနာတယောက်အတွက် အောင်မြင်စွာခွဲစိတ်အစားထိုးနိုင်ခဲ့ပြီး လူနာဟာ အခြေအနေကောင်းမွန်နေတယ်လို့ ဆိုပါတယ်။ မက်ဆာချူးဆက် အထွေထွေဆေးရုံက ခွဲစိတ်ဆရာဝန်အဖွဲ့ဟာ ကမ္ဘာပေါ်မှာ ပထမဆုံးသော ဝက်ကျောက်ကပ် အစားထိုးကုသမှုကို သက်ရှိလူနာတယောက်ကို အစားထိုးလဲလှယ်ပေးခဲ့တယ်လို့ မတ် ၂၁ ရက်မှာ ထုတ်ပြန်ပါတယ်။ ခွဲစိတ်ဆရာဝန်တွေဟာ မတ် ၁၆ ရက်မှာ ကျောက်ကပ်ရောဂါခံစားနေရတဲ့ အသက် ၆၂ နှစ်အရွယ် အမျိုးသားကို ဝက်ကျောက်ကပ်အစားထိုးပေးခဲ့တာဖြစ်ပြီး လူနာဟာ ကျင်ငယ်စွန့်တာတွေ ပြုလုပ်နိုင်နေပြီး မကြာခင်မှာ ဆေးရုံက ဆင်းရတော့မယ်လို့ ဆရာဝန်တွေက ပြောပါတယ်။ အောင်မြင်တဲ့ အစားထိုးခွဲစိတ်မှုဟာ ကျောက်ကပ်ဝေဒနာရှင်တွေအတွက် ပိုမိုအလွယ်တကူရနိုင်တဲ့ ဝက်ကျောက်ကပ်တွေနဲ့ အစားထိုးကုသမှုအတွက် အဓိကသမိုင်းမှတ်တိုင်တခုဖြစ်ပါတယ်။ အမေရိကန်မှာ မျိုးရိုးဗီဇပြုပြင်ထားတဲ့ ဝက်ကျောက်ကပ်တွေကို လူသားတွေမှာအစားထိုးဖို့နည်းလမ်းတွေကို ယခင်ကတည်းက ရှာဖွေနေခဲ့ကြပါတယ်။၂၀၂၁ ခုနှစ်မှာလည်း…

ဘရာဆီးလီးယား၊ မတ်-၂၂-၂၀၂၄ မျိုးဆက်(VOM) ဘရာဇီးလက်ရွေးစင် ဘောလုံးကစားသမားဟောင်း ရော်ဘင်ဟိုဟာ မုဒိမ်းမှုအတွက် ထောင်ကိုးနှစ်ကျခံဖို့ အတွက် ဘရာဇီးမှာ ဖမ်းဆီးခံလိုက်ရပါတယ်။ သူဟာ ၂၀၁၃ ခုနှစ်က အီတလီနိုင်ငံ မီလန်မြို့ရှိ နိုက်ကလပ်တခုမှာ အယ်လ်ဘေးနီးယား အမျိုးသမီးတယောက်ကို အုပ်စုဖွဲ့ မုဒိမ်းကျင့်မှုမှာ ပါဝင်ခဲ့တဲ့အတွက် အီတလီတရားရုံးက လွန်ခဲ့တဲ့နှစ်နှစ်က ပြစ်ဒဏ်နဲ့ပတ်သက်ပြီး အမိန့်ချခဲ့တာဖြစ်ပါတယ်။ အသက် ၄၀ အရွယ် ရော်ဘီဟိုဟာ ဆန်းတို့စ်ရှိ သူရဲ့ နေအိမ်မှာ ဖမ်းဆီးခံလိုက်ရတာဖြစ်ပါတယ်။ အီတလီအစိုးရဟာ သူ့ကိုလွှဲပြောင်းပေးဖို့ ကြိုးပမ်းမှုမအောင်မြင်ပြီးနောက် ဘရာဇီးမှာ ပြစ်ဒဏ်ချဖို့ တောင်းဆိုခဲ့ပါတယ်။ ဒီနောက်မှာတော့ ဘရာဇီးတရားရုံးဟာ ဒီကိစ္စအပေါ် ထောက်ခံခဲ့ပြီး နေအိမ်အကျယ်ချုပ်အစား ထောင်ဒဏ်ကျခံဖို့ ဆုံးဖြတ်ခဲ့တာဖြစ်ကာ ချမ်းသာမှုနဲ့ ကျော်ကြားမှုတွေကြောင့် တရားစီရင်ရေးကို ရှောင်လွှဲဖို့လုပ်ဆောင်နေတာကို ပြတ်ပြတ်သားသာ အရေးယူခဲ့တာကြောင့် ဘရာဇီးသတင်းဌာနတွေက ချီးကျုးရေးသားထားပါတယ်။ နိုင်ငံတကာ ပွဲပေါင်း ၁၀၀ ကျော်ကစားပေးခဲ့တဲ့ ဘရာဇီးလက်ရွေးစင်ဟောင်း…

ဒေလီ၊ မတ်-၂၂-၂၀၂၄ မျိုးဆက်(VOM) ထင်ရှားတဲ့ အိန္ဒိယအတိုက်အခံနိုင်ငံရေးသမားနဲ့ ဒေလီဝန်ကြီးချုပ်ဖြစ်သူ အာဗင်ကာဂျ်ရီဝယ်လ်ကို အိန္ဒိယ အဂတိလိုက်စားမှုတိုက်ဖျက်ရေး ကော်မရှင်က ဖမ်းဆီးထိန်းသိမ်းလိုက်ကြောင်း သူ့ရဲ့ အေအေပီပါတီက ပြောပါတယ်။ မစ္စတာကာဂျ်ရီဝယ်လ်နဲ့ အေအေပီပါတီတို့ကတော့ ဘာအမှားမှကျူးလွန်ခြင်းမရှိကြောင်း ငြင်းဆိုထားပြီး ဒါဟာ နိုင်ငံရေးအရ ခြေထိုးမှုဖြစ်တယ်လို့ ဝေဖန်ပြောဆိုထားပါတယ်။ ဖမ်းဆီးမှုဟာ မြို့တော်ဒေလီမှာ အရက်ရောင်းချမှုမူဝါနဲ့ ပတ်သက်နေပြီး အဂတိလိုက်စားမှု စွဲချက်တွေနဲ့ ဆက်စပ်နေကာ အထွေထွေရွေးကောက်ပွဲ မကျင်းပမီ ရက်သတ္တပတ်အနည်းငယ်အတွင်း ထွက်ပေါ်လာခြင်းဖြစ်ပါတယ်။ ရဲတပ်ဖွဲ့ဟာ သူ့ရဲ့နေအိမ်ကို မတ် ၂၁ ရက်က ရှာဖွေမှုတွေ ပြုလုပ်ခဲ့ပါတယ်။ အစိုးရရဲ့ လက်ဝါးကြီးအုပ်မှုကို အဆုံးသတ်ခဲ့တဲ့ ၂၀၂၂ ခုနှစ်က ဒေလီအစိုးရက အကောင်အထည်ဖော်ခဲ့တဲ့ အရက်ရောင်းချမှု မူဝါဒဟာ ပုဂ္ဂလိက ရောင်းချသူတွေကို မလျော်ကန် အခွင့်ကောင်းတွေ ပေးခဲ့တယ်လို့ စွပ်စွဲခံထားရပါတယ်။ ဖမ်းဆီးမှုဟာ အာဏာရ ဘီဂျေပီပါတီရဲ့ မရိုးဖြောင့်တဲ့ နိုင်ငံရေးကစားကွက်ဖြစ်ပြီး…