Author: Editor Htein Lin

အောက်တိုဘာ ၂၃ ၊၂၀၂၆ GG (VOM) ရခိုင်ပြည်နယ် ၊ စစ်တွေမြို့ပေါ်မှာ ဒီကနေ့ အောက်တိုဘာ ၂၃ ရက်နေ့ မနက်ပိုင်းပ လက်နက်ကြီးကျရောက် ပေါက်ကွဲမှုဖြစ်ပြီး သေဆုံးသူနဲ့ ဒဏ်ရာရသူတွေရှိခဲ့တယ်လို့ သိရပါတယ်။ မနက် ၈ နာရီလောက်မှာ စစ်တွေမြို့ ၊ မင်းဘာကြီးလမ်း ၊ ရွှေငါးစတိုးဆိုင် ခွဆုံးဝန်းကျင်မှာ ပေါက်ကွဲမှုဖြစ်ပွားခဲ့တာ ဖြစ်ကြောင်း ကနဦးသိရှိချက်အရ သေဆုံးသူ သုံးယောက်ရှိပြီး ဒဏ်ရာရရှိသူ အမျိုးသား ၊အမျိုးသမီး ၁၆ ယောက်လောက်ရှိတယ်လို့ သိရပါတယ်။ ” မနက် ၈ နာရီကျော်လောက်မှာ အမြှောက်ကျည်ဆံတခုပြုတ် ကျပုံရတယ်။ သေချာသဲသဲကွဲကွဲမသိကြဘူး။ လူတွေကလည်း ပေါက်ကွဲမှုဖြစ်မှသိကြတာလေ။ ပထမဆုံးသိရတာ နှစ်ယောက်ဆုံးတယ်။ နောက်ဆုံးသတင်းကတော့ သုံးယောက်သေတာပေါ့။ ဒဏ်ရာရတဲ့သူအရေအတွက်တော့ မသိရသေးဘူး။ ” လို့ စစ်ရေးသတင်းရင်းမြစ်က ပြောပါတယ်။ လက်ရှိမှာ ထိခိုက်ဒဏ်ရာရရှိသူအားလုံးကို စစ်တွေဆေးရုံကြီးမှာ…

အောက်တိုဘာ ၂၃၊ ၂၀၂၆ NN(VOM) ရှမ်းပြည်နယ်မြောက်ပိုင်း၊ လားရှိုးမြို့ပေါ် ရပ်ကွက်တွေမှာ အခုရက်ပိုင်း အတွင်း ဓားပြတိုက်မှုတွေ ခပ်စိပ်စိပ် ဖြစ်လာနေတယ်လို့ ဒေသခံတွေက​ပြောပါတယ်။ အခုလ ၂၂ ရက်နေ့က လားရှိုးမြို့ အမှတ် (၁၂) ရပ်ကွက်ရှိ ကုန်မာဆိုင်တဆိုင်ကို သေနတ်နဲ့ ဓားကိုင်ထားတဲ့ အမျိုးသားနှစ်ယောက် ဝင်ရောက်လုယက်ခဲ့ပါတယ်။ လုယက်မှုအတွင်း ငွေအချို့နဲ့ လက်ကိုင်ဖုန်းတလုံး ပါသွားတယ်လို့ မြို့ခံအချို့ဆီက သိရပါတယ်။ အလားတူပဲ အခုလ ၁၉ ရက်နေ့က ရွှေဆိုင်တဆိုင်မှာ ဆိုင်သိမ်းပြီး ပြန်လာတဲ့ လင်မယားနှစ်ယောက် လမ်းမှာ သေနတ်ထောက် လုယက်ခံ ခဲ့ရပါတယ်။ ရွှေထည်တွေ ပါမသွားပေမယ့် ငွေသိန်းရာနဲ့ချီ ပါသွားခဲ့တယ်လို့ လုယက်ခံရသူ တွေနဲ့ နီးစပ်သူတဦးဆီက သိရပါတယ်။ “အခုက ဟိုနားလု၊ ဒီနားဓားပြတိုက်နဲ့ ဖြစ်နေတာ။ လုံခြုံမှု မရှိတော့ဘူး။ မြို့မှာက စီးပွားရေးက မကောင်းပါဘူးဆို၊…

မန္တလေး၊ အောက်တိုဘာ- ၂၃- ၂၀၂၆ SA(VOM) မန္တလေးတိုင်း လျှပ်စစ်၊ စွမ်းအင်နှင့် ဆောက်လုပ်ရေးဝန်ကြီးဟောင်း ဦးဇာနည်အောင် ဟာ ဒီကနေ့ အောက်တိုဘာ ၂၃ ရက်နေ့မနက်ပိုင်းက လွတ်ရက်စေ့လို့ အိုးဘိုထောင်ကနေ လွှတ်ခဲ့ပေမယ့် ရဲလုပ်ငန်းစဥ်တွေ မပြီးသေးတာကြောင့် နောက်တပတ် ရုံးချိန်မှ လွတ်မယ်လို့ သိရပါတယ်။ မဟာအောင်မြေတရားရုံးကို VOM သတင်းအဖွဲ့က သတင်းသွားယူတဲ့အခါမှာ မြို့နယ်တရားသူကြီးက ဦးဇာနည်အောင်ကို တနှစ်အတွင်း ကောင်းမွန်စွာနေထိုင်မယ့်အကြောင်း တရားလို ရဲသက်သေတွေကို စစ်ဆေးရာမှာ အချိန်မလောက်တဲ့အတွက် အောက်တိုဘာ ၃၀ ရက်နေ့ကို ချိန်းဆိုလိုက်တာ တွေ့ရပါတယ်။ နောက်ထပ်စွဲဆိုထားတဲ့ အမှုမရှိတဲ့အတွက် အောက်တိုဘာ ၃၀ ရက်နေ့ ရုံးချိန်းပြီးရင်တော့ လွတ်မြောက်မယ်လို့ ရဲတပ်ဖွဲ့အသိုင်းအဝိုင်းက သိရပါတယ်။ ဦးဇာနည်အောင် ဟာ ကျောက်ကပ်နဲ့ ဆီးချိုရောဂါတွေအတွက် ဆေးကုသမှုလိုအပ်နေတယ်လို့ ပြောပါတယ်။ မန္တလေးတိုင်း လျှပ်စစ်၊ စွမ်းအင်နှင့် ဆောက်လုပ်ရေးဝန်ကြီးဟောင်း…

အောက်တိုဘာ ၂၃၊ ၂၀၂၆။ NN(VOM) ၁၀၂၇ စစ်ဆင်ရေးအပြီး ရှမ်းပြည်မြောက်ပိုင်းက ဒေသခံတို့ရဲ့ ဘာသာစာပေနဲ့ မြေယာပိုင်ဆိုင်မှုတွေကို အတင်းအကျပ် ပြောင်းလဲနေတာကို ကန့်ကွက်တယ်လို့ ရှမ်းပြည်ပူးပေါင်းဆောင်ရွက်ရေးကော်မတီ (SSJAC) က ဒီနေ့မှာ ထုတ်ပြန်ပါတယ်။ MNDAA အနေနဲ့ ဒေသခံတွေနဲ့ အကျွမ်းတဝင်မရှိတဲ့ ဘာသာစကားတွေကို ရုံးသုံးဘာသာစကားမှာ အသုံးပြုခဲ့ပြီး အများပြည်သူနဲ့ သက်ဆိုင်တဲ့နေရာတွေမှာ သုံးစွဲဖို့ ဖိအားပေးနေတယ်လို့ ဆိုပါတယ်။ ဒါ့အပြင် ဒေသခံတွေ အသုံးပြုနေတဲ့ ဘိုးဘွားပိုင်မြေယာတွေကို အတင်းအကျပ် ပြုပြင်ပြောင်းလဲနေတာကို ကန့်ကွက်တယ်လို့ SSJAC ရဲ့ ထုတ်ပြန်ချက်မှာ ဖော်ပြပါတယ်။ MNDAA က ပြဋ္ဌာန်းလိုက်တဲ့ မြေယာဥပဒေနဲ့ အခြားအုပ်ချုပ်ရေးဥပဒေတွေဟာ ဒေသခံတွေထက် နိုင်ငံခြားသားတွေ မြေယာပိုင်ဆိုင်မှုကို သွယ်ဝိုက်တဲ့နည်းနဲ့ ဖြစ်ပေါ်စေတယ်လို့ SSJAC က ထောက်ပြပါတယ်။ “သိန္နီမှာ တရုတ်လွှမ်းမိုးမှုက ပိုများလာတယ်။ ပြီးတော့ ဒေသခံတွေရဲ့ စာပေနဲ့…

အောက်တိုဘာ ၂၃ ၊ ၂၀၂၆ GG (VOM) ကရင်ပြည်နယ် ၊မြဝတီမြို့နယ် တောင်ဘက်ခြမ်းမှာဖြစ်ပွားနေတဲ့တိုက်ပွဲကြောင့် ထိုင်းဘက်ခြမ်းကို မြန်မာဘက်ကပစ်လိုက်တဲ့ လက်နက်ကြီးကျရောက်ပေါက်ကွဲပြီး နေအိမ်တချို့နဲ့ မြန်မာအမျိုးသမီးတယောက် ထိခိုက်ဒဏ်ရာ ရရှိခဲ့တယ်လို့ သိရပါတယ်။ အောက်တိုဘာ ၂၂ ရက်နေ့ ညနေပိုင်းမှာ ထိုင်း – မြန်မာနယ်စပ် ၊ တာ့ခ်ခရိုင်၊ မဲဆောက်မြို့နယ်၊ မဟာဝန်ကျေးရွာအုပ်စုအတွင်းမှာ မူး (၉) ရှိ ဝပ်ဟွေ့မဟာဝန်းဘုရားကျောင်းရှေ့နဲ့ မူး (၂) ရှိ ကွေ့ဆိပ်ကမ်းအနီး လက်နက်ကြီးလေးလုံး ကျရောက်ပေါက်ကွဲခဲ့တာဖြစ်ကြောင်း၊ နေအိမ် သုံးလုံးနဲ့ အခန်းနှစ်ခန်း ပျက်စီးခဲ့တယ်လို့ သိရပါတယ်။ ဒါကြောင့် ဒီကနေ့ အောက်တိုဘာ ၂၃ ရက်မှာတော့ ထိုင်းဘုရင့်တပ်မတော် ရာ့ချ်မနူးအထူးတပ်ဖွဲ့ (Ratchamanu Task Force) နဲ့ အမှတ် (၃၄၆) နယ်ခြားစောင့်ရဲတပ်ဖွဲ့တို့ပူးပေါင်းပြီး ထိုင်းနယ်စပ် သောင်းရင်းမြစ်ကမ်းတလျှောက်မှာ စစ်အင်အားဖြည့်တင်းကာ…

အောက်တိုဘာ ၂၃၊ ၂၀၂၆ Shy V (VOM) ကချင်ပြည်နယ်၊ ဗန်းမော် – မြစ်ကြီးနားလမ်းမကြီးပေါ်က မြို့သစ် – ကုန်းလော ချောင်းကူး တံတား ဒီနေ့ အောက်တိုဘာလ ၂၃ ရက်နေ့ မနက် ၁၀ နာရီ ဝန်းကျင်ခန့်က ဗုံးထိမှန် ပျက်စီးသွားကြောင်း ဒေသခံတွေဆီက သိရပါတယ်။ “မိုးမောက် အထက် ကားလမ်းမကြီး ပေါ်က မြို့သစ်တံတား ဗုံးထိမှန် ပျက်စီးသွားတယ်။ Y – 12 လို့ ယူဆရတယ် ဗုံးကြဲသွားတာ” လို့ ဒေသခံ အမျိုးသား တယောက်က ပြောပါတယ်။ တံတား အဟောင်းကတော့ လုံးဝ ပြိုကျ ပျက်စီးသွားပြီး တံတားအသစ်ကလည်း ကားကြီးကတော့ သွားလို့ မရတော့ဘူးလို့ သူက ပြောပါတယ်။ “ဗန်းမော်မြို့မှာလည်း တိုက်ပွဲ ပြင်းထန်နေတယ်။ နေတိုင်းနီးပါးပဲ။…

အောက်တိုဘာ ၂၃၊ ၂၀၂၆။ NN(VOM) UWSA “ဝ” တပ်ဖွဲ့ထိန်းချုပ်ဒေသတွင်းမှာ ယာယီပိတ်ထားတဲ့ ဘုရားကျောင်းတွေကို အခုရက်ပိုင်းမှာ ပြန်ဖွင့်ပေးလိုက်ပြီလို့ ဒေသခံတွေဆီကနေ သိရပါတယ်။ “ဘုရားကျောင်းတွေ ပြန်ဖွင့်ခွင့်ရတာ ဟုတ်ပါတယ်” လို့ ပန်ဆန်းမြို့ခံ တယောက်က ပြောပါတယ်။ “ဝ” တပ်ဖွဲ့တာဝန်ရှိသူ တစ်ယောက်ကလည်း ပန်ဆန်းအပါအဝင် “ဝ” ဒေသအတွင်း ပိတ်ထားတဲ့ ခရစ်ယာန်ဘုရားကျောင်းတွေကို ပြန်ဖွင့်ခွင့်ပေး လိုက် တာ ဟုတ်မှန်တယ်လို့ ပြောပါတယ်။ “ယေရှုတရုတ်မ” လို့ အမည်ရတဲ့ အစွန်းရောက်တဲ့ ခရစ်ယာန်ဘာသာ ရေးအဖွဲ့ အချို့ ဝင်ရောက်လာလို့ဆိုပြီး တရုတ်အစိုးရဘက်က သတိပေး တာကြောင့် “ဝ” ဒေသက ခရစ်ယာန်ဘုရားကျောင်းတွေကို အခုနှစ် အောက် တိုဘာလယ်ပိုင်းမှာ “ဝ” တပ်ဖွဲ့က ပိတ်ခဲ့တာပါ။ အဲဒီနောက်ပိုင်း “ဝ” ဒေသက ဘုရားကျောင်းတွေကို စစ်ဆေးမှုတွေလုပ် ခဲ့ပြီး “ယေရှုတရုတ်မ”…

နေပြည်တော်၊ အောက်တိုဘာ- ၂၂ – ၂၀၂၆ SA(VOM) ပြစ်ဒဏ်ကျခံနေရတဲ့ ဒေါ်အောင်ဆန်းစုကြည်ဟာ သူမရဲ့ သားဖြစ်သူ Mr. Kim Aris (ခ) ကိုထိန်လင်းနဲ့ ဒီကနေ့ အောက်တိုဘာလ ၂၂ ရက်နေ့ နေ့လယ် ၂ နာရီ ၃၀ မိနစ်ကနေ ၂ နာရီ မိနစ် ၅၀ အထိ လန်ဒန်မြိုက မြန်မာသံရုံးကတစ်ဆင့် တယ်လီဖုန်းနဲ့ အပြန်အလှန် ကောင်စစ်ဆိုင်ရာ ဆက်သွယ်ပြောဆိုမှု ပြုလုပ်ခဲ့တယ်လို့ သိရပါတယ်။ ပြီးခဲ့တဲ့ အောက်တိုဘာ ၁၉ ရက်နေ့ကလည်း ဒေါ်အောင်ဆန်းစုကြည်ဆီကို ဗြိတိန်နိုင်ငံ၊ တတိယမြောက် ချားစ်ဘုရင် ပေးပို့တဲ စာအုပ် နှစ်အုပ်နဲ့ စာအိတ်တွေကို ပြည်ထဲရေးဝန်ကြီးဌာနက လွှဲပြောင်းပေးအပ်ခဲ့တယ်လို့ သမ္မတရုံး ပြောရေးဆိုခွင့်ရှိသူ ဒေါက်တာ ခိုင်ခိုင်စိုးရဲ့ သတင်းထုတ်ပြန်ချက် အရ သိရပါတယ်။ ‘The Land…