စက်တင်ဘာ ၂၅ – ၂၀၂၅ SN (VOM) မိုးသည်းထန်စွာ ရွာသွန်းမှု၊ မြစ်ရေ မြင့်တက်မှု အခြေအနေတွေကြောင့် နေပြည်တော် ကောင်စီနယ်မြေ အပါအဝင် ပဲခူးတိုင်း တောင်ငူမြို့နယ် မကွေးတိုင်း မင်းဘူးမြို့နယ်နဲ့ စစ်ကိုင်းတိုင်း စစ်ကိုင်းမြို့နယ်တို့မှာ ရေကြီးရေလျှံမှုတွေ ဖြစ်ပေါ်နေတယ်လို့ ဒေသခံတွေနဲ့ လူမှုကူညီရေးအသင်းတွေဆီက သိရပါတယ်။ ပဲခူးတိုင်း၊ တောင်ငူမြို့နယ်မှာ မိုးသည်းထန်စွာ ရွာသွန်းပြီး စစ်တောင်းမြစ်ရေ မြင့်တက်လာမှုနဲ့အတူ မနေ့ စက်တင်ဘာ ၂၄ ရက်၊ ညနေပိုင်းကစပြီး အဲဒီ မြို့နယ်အတွင်းက အနိမ့်ပိုင်းနေရာတွေမှာ ရေကြီးရေလျှံမှုတွေ ဖြစ်ပေါ်နေတယ်လို့ သိရပါတယ်။ မနေ့ ညနေ ၅ နာရီဝန်းကျင်မှ စတင်ကာ တောင်ငူမြို့စွန်ရှိ (၉) ရပ်ကွက်၊ (၁၀) ရပ်ကွက်နဲ့ မြစ်ရိုးတလျှောက်ရှိ သဖန်းပင်၊ အနောက်ဆင်၊ မြစ်ကြီးပေါက်‌၊ အလယ်ကျွန်း၊ ရွှေချိုင်းရွာတွေမှာ ရေဝင်ရောက်မှု ဖြစ်ပေါ်နေတယ်လို့…

စက်တင်ဘာ ၂၅၊ ၂၀၂၅ CC (VOM) ထိုင်းရောက် အထောက်အထားမဲ့မြန်မာလုပ်သားတွေကိုထုတ်ပေးနေတဲ့ မည်သူမည်ဝါဖြစ်ကြောင်း သက်သေခံ CI စာအုပ်ကနေ Passport for Job (PJ ) ပြောင်းလဲသူတွေကို စာအုပ်မှာ Passport for only Thailand ထိုင်းနိုင်ငံအတွက်သာ သွားလာခွင့်ပြုကြောင်း စာသားကို တုံးထုရိုက်နှိပ်ပြီး ကန့်သတ်လိုက်တယ်လို့ သိရပါတယ်။ CI စာအုပ်အစိမ်းကနေ PJ စာအုပ်အနီ ပြောင်းလဲသူတွေကို ဒီနေ့စက်တင်ဘာ ၂၅ ရက်ကစပြီး ထိုင်းနိုင်ငံအတွင်းသာ သွားလာနိုင်တယ်ဆိုတဲ့စာသားကို ရိုက်နှိပ်ပေးနေတာဖြစ်ကြောင်း ၊ ခုလို နိုင်ငံကူးလက်မှတ်အပေါ် ကန့်သတ်လိုက်တာက နိုင်ငံသားတယောက်ရဲ့အခွင့်အရေးကို ပိတ်ဆို့ကန့်သတ်မှုဖြစ်တယ်လို့ အလုပ်သမားရေးလှုပ်ရှားသူကပြောပါတယ်။ ” အခုက ထိုင်းနိုင်ငံဆိုင်မြန်မာသံရုံးက ထိုင်းနိုင်ငံအတွက်သာလို့ရေးပေးလိုက်တဲ့အတွက် အခြားနိုင်ငံတွေကိုသွားလို့လာလို့မရတော့ဘူးပေါ့။အဲဒီအခါကျ ကိုယ်ကထိုင်းကနေ မလေးရှားဖြစ်ဖြစ် စင်ကာပူဖြစ်ဖြစ်တခြားနိုင်ငံတွေကို ကူးသန်းသွားလာစရာရှိတယ်ထားအုံး။တချို့မရှိဘူးပဲထားအုံး ဘာပဲဖြစ်ဖြစ်နိုင်ငံသားတယောက်ရဲ့အခွင့်အရေးကိုပိတ်ဆို့ကန့်သတ်လိုက်တဲ့ စိတ်ပိုင်းဆိုင်ရာနှိပ်စက်မှုကြီးတခုဖြစ်တယ်လို့သုံးသပ်လို့ရပါတယ်။” လို့ မြန်မာပြည်သားများအရေးပူးတွဲလှုပ်ရှားမှုကော်မတီ(JACBA)ရဲ့ ဥက္ကဋ္ဌ…

စက်တင်ဘာ ၂၄ – ၂၀၂၅ SS (VOM) မကွေးတိုင်းအတွင်းက ပခုက္ကူ၊ မြိုင်နဲ့ ရေစကြိုမြို့နယ်တွေမှာ နလအတပ်တွေရဲ့ စစ်ကြောင်းထိုးတာကြောင့် ကျေးရွာ ၁၁ ရွာထက်မနည်း စစ်ဘေး တိမ်းရှောင်နေရတယ်လို့ ကူညီပေးနေသူတွေဆီက သိရပါတယ်။ ပခုက္ကူ တပ်မ (၁၀၁) ကတပ်ဖွဲ့ဝင်တွေဟာ ပြီးခဲ့တဲ့ စက်တင်ဘာ ၂၂ ရက်နေ့၊ မနက်ပိုင်းမှ စတင်ကာ အဲဒီ မြို့နယ်တွေအစပ်က ကျေးရွာတွေကို နယ်မြေရှင်းလင်းရေး လုပ်ဆောင်နေတာ ဖြစ်တယ်လို့ သိရပါတယ်။ ဒါကြောင့် ပခုက္ကူမြို့နယ်က မြောက်လူးကန်၊ မကြီးကန်၊ ကိုင်းရွာ၊ မြိုင်မြို့နယ်က ကျောက်ဖူး၊ ဝက်ကျ၊ နှောပင်၊ ကင်းရွာနဲ့ ရေစကြိုမြို့နယ်က ကွမ်းသီးကန်၊ ကျောက်ထပ်ရွာတွေ အပါအဝင် ကျေးရွာ ၁၁ ရွာထက်မနည်းက ဒေသခံ ၈၀၀၀ ဝန်းကျင် နေရပ်စွန့်ခွာ တိမ်းရှောင်နေရတယ်လို့ သိရပါတယ်။ “လက်နက်ကြီး…

စက်တင်ဘာ ၂၄ – ၂ဝ၂၅ KKO(VOM) ရုရှားနိုင်ငံ၊မော်စကိုမြို့မှာကျင်းပပြုလုပ်မယ့်ကမ္ဘာ့အနုမြူသတင်းပတ်ဖိုရမ်(World Atomic Week 2025)ခရီးစဉ်အတွင်းမှာရုရှားနိုင်ငံသမ္မတမစ္စတာဗလာဒီမာပူတင်နဲ့ ယာယီသမ္မတ ဗိုလ််ချုပ်မှူးကြီးမင်းအောင်လှိုင်တို့ ထပ်မံတွေ့ဆုံဆွေးနွေးဖို့ရှိနေပါတယ်။ ရုရှားဖက်ဒရေးရှင်းနိုင်ငံသမ္မတရဲ့ဖိတ်ကြားချက်အရ ပြည်ထောင်စုသမ္မတမြန်မာနိုင်ငံတော် ယာယီသမ္မတ နိုင်ငံတော်လုံခြုံရေးနှင့် အေးချမ်းသာယာရေးကော်မရှင်ဥက္ကဋ္ဌ ဗိုလ်ချုပ်မှူးကြီး မင်းအောင်လှိုင် ဦးဆောင်တဲ့ မြန်မာအဆင့်မြင့် ကိုယ်စားလှယ်အဖွဲ့ဟာ ကမ္ဘာ့အနုမြူသတင်းပတ်ဖိုရမ်(World Atomic Week 2025)ကိုတက်ရောက်ဖို့ဒီနေ့ (စက်တင်ဘာ၂၄ ရက်)၊နံနက်ပိုင်းကနေပြည် တော်လေဆိပ်ကနေအထူးလေယာဉ်နဲ့ရုရှားနိုင်ငံကိုထွက်ခွာသွားပြီး ​နေ့ခင်းပိုင်းမှာ ရုရှားဖက်ဒရေးရှင်းနိုင်ငံ နိုဗာစီဗစ်မြို့သို့ ရောက်ရှိ​နေပြီဖြစ်ပါတယ်။ “နူကလီးယားစွမ်းအင်ကိစ္စအတွက်ကိုပဲအဓိကထားတဲ့အထူးအစည်း အဝေးဖြစ်ဖို့များပါတယ်။မြန်မာပြည်အနေနဲ့ နူကလီးယားပါဝါကနေတဆင့်လျှပ်စစ်ဓါတ်အားရယူဖို့ကြိုးစားနေတာကြပါပြီ”လို့ ပြည် တွင်းကဝါရင့်သတင်းစာဆရာတယောက်ကသူရဲ့အမြင်ကိုသုံးသပ်ပြောပြပါတယ်။ ဒါအပြင်ယခုခရီးစဉ်အတွင်းယာယီသမ္မတဟာ ရုရှားနိုင်ငံသမ္မတ မစ္စတာဗလာဒီမာပူတင် အပါအဝင် ရုရှားနိုင်ငံက တာဝန်ရှိသူတွေနဲ့ တွေ့ဆုံဖို့ရှိနေတာပါ။ ဒါ့အပြင် နှစ်နိုင်ငံအစိုးရနဲ့ ပြည်သူတွေအကြားချစ်ကြည်ရေး၊ စီးပွား ရေး၊ လုံခြုံရေးဆိုင်ရာတွေကိုကဏ္ဍပေါင်းစုံကနေမဟာဗျူဟာမြောက်ပူးပေါင်းဆောင်ရွက်မှုဆိုင်ရာကိစ္စရပ်တွေကိုပိုမိုတိုးတက်ခိုင်မာအောင်ဆောင် ရွက်သွားဖို့ရှိနေတယ်လို့လည်း နလအ သတင်း ထုတ်ပြန်ရေးအဖွဲ့က ထုတ်ပြန်ထားပါတယ်။ “Nuclearဘာသာရပ်နဲ့ပတ်သက်ပြီး ဟိုးယခင်ကတည်းကနိုင်ငံခြားကို မြန်မာကနေပညာတော်သင်တွေ စေလွှတ်ခဲ့တာရှိပါတယ်…