တိုင်ပေ၊ အောက်တိုဘာ-၁၀-၂၀၂၄မျိုးဆက်(VOM)ထိုင်ဝမ်ကျွန်းကို သိမ်းပိုက်ဖို့ ကျူးကျော်မှုမှန်သမျှ တွန်းလှန်မယ်လို့ ထိုင်ဝမ်သမ္မတ လိုင်ချင်းတီက ဒီနေ့မှာကျရောက်တဲ့ ထိုင်ဝမ်အမျိုးသားနေ့မှာ ကတိပြုပြောဆိုလိုက်ပါတယ်။ထိုင်ဝမ်ကျွန်းကို ပိုင်ဆိုင်တယ်လို့ အခိုင်အမာဆိုထားပြီး လိုအပ်ရင် အင်အားသုံးမယ်လို့ ထုတ်ဖော်ပြောဆိုထားတဲ့ တရုတ်နိုင်ငံရဲ့ စစ်ရေး၊ နိုင်ငံရေးဖိအားတွေ တိုးမြင့်လာချိန်မှာ ထိုင်ဝမ်သမ္မတက အခုလို ကတိပြုလိုက်တာဖြစ်ပါတယ်။“ကျွန်တော်တို့ရဲ့ အချုပ်အခြာအာဏာကို ကျူးကျော်ခြင်း သို့မဟုတ် သိမ်းပိုက်ခြင်းတွေကို တွန်းလှန်ဖို့ ကတိကဝတ်အတိုင်းရှိကြောင်း၊ အချုပ်အခြာကိုကာကွယ်ဖို့၊ ထိုင်ဝမ်ရေလက်ကြား ငြိမ်းချမ်းရေးထိန်းသိမ်းဖို့ တရုတ်နဲ့ တန်းတူညီမျှ ဂုဏ်သိက္ခာရှိဆွေးနွေးပွဲတွေ လုပ်မယ့်ဆုံးဖြတ်ချက်လည်း မပြောင်းလဲပါဘူး ” လို့ ထိုင်ဝမ်သမ္မတက ပြောပါတယ်။လိုင်ချင်းတီဟာ ထိုင်ဝမ်အချုပ်အခြာကာကွယ်ရေးအတွက် ယခင်သမ္မတ ဆိုင်အင်းဝမ်ထက် ပြတ်သားစွာပြောဆိုမှုများကြောင့် သူ့ကို တရုတ်နိုင်ငံဘက်က ခွဲထွက်ရေးသမားလို့ တံဆိပ်ကမ်းထားပြီး သမ္မတဖြစ်လာတဲ့ မေလကတည်းက နှစ်ဘက်အကြား တင်းမာမှုတွေ မြင့်တက်နေခဲ့ပါတယ်။ဒါပေမယ့်လည်း နှစ်ဖက်ပြည်သူတွေ အေးချမ်းတည်ငြိမ်ရေး၊ ရေလက်ကြား ငြိမ်းချမ်းရေး၊ ကူးစက်ရောဂါနဲ့ သဘာ၀ဘေးဆိုင်ရာတို့မှာ တရုတ်နဲ့…

ဝါရှင်တန်၊ အောက်တိုဘာ-၁၀-၂၀၂၄မျိုးဆက်(VOM)အီရန်ကို လက်တုံ့ပြန်မယ့် အလားအလာနဲ့ပတ်သက်ပြီး အမေရိကန်သမ္မတ ဂျိုးဘိုင်ဒင်နဲ့ အစ္စရေးဝန်ကြီးချုပ် နေတန်ယာဟုတို့ ဆွေးနွေးခဲ့တယ်လို့ အမေရိကန်တာဝန်ရှိသူတွေက ပြောပါတယ်။ပြီးခဲ့တဲ့ သီတင်းပတ်အတွင်းက အစ္စရေးကို အီရန်က ဒုံးကျည် ၂၀၀ နီးပါးနဲ့ တိုက်ခိုက်ခဲ့ပြီးနောက် အစ္စရေးနဲ့ တင်းမာမှုတွေကြောင့် အရှေ့အလယ်ပိုင်းမှာ စစ်ပွဲသစ်ဖြစ်လာမှာကို စိုးရိမ်မှုတွေရှိနေချိန်မှာ ဂျိုးဘိုင်ဒင်နဲ့ နေတန်ယာဟုတို့ ဆွေးနွေးခဲ့ကြတာပါတယ်။မနေ့ကပြုလုပ်ခဲ့တဲ့ မိနစ် ၃၀ ကြာ တယ်လီဖုန်းနဲ့ဆက်သွယ်ဆွေးနွေးမှုမှာ အမေရိကန်ဒုတိယသမ္မတ ကမလာဟားရစ်လည်း ပါဝင်ခဲ့ပြီး ဆွေးနွေးမှုတွေကို အသေးစိတ်မထုတ်ပြန်ပေမယ့် အလွန်အကျိုးဖြစ်ထွန်းတဲ့ ဆွေးနွေးမှုလို့ အိမ်ဖြူတော်က ဆိုပါတယ်။သမ္မတနှစ်ယောက်ဟာ လာမယ့်ရက်တွေအတွင်းမှာလည်း အနီးကပ်ဆက်သွယ်ဆောင်ရွက်ဖို့ သဘောတူထားပြီး လက်ဘနွန်မှာ အရပ်သားထိခိုက်မှုအနည်းဆုံးဖြစ်အောင်လုပ်ဖို့ အစ္စရေးဝန်ကြီးချုပ်ကို အမေရိကန်သမ္မတက တိုက်တွန်းခဲ့ပါတယ်။အစ္စရေးကို အီရန်ရဲ့ ဒုံးကျည်တိုက်ခိုက်မှုနဲ့ပတ်သက်ပြီး ဂျိုးဘိုင်ဒင်က ထပ်မံရှုတ်ချခဲ့ပြီး ဟဇ်ဘိုလာတွေရဲ့ လုပ်ရပ်မှာ အစ္စရေးအတွက် ခုခံကာကွယ်ပိုင်ခွင့်ရှိတယ်လို့ သူကဆိုပါတယ်။ ဂါဇာစစ်ပွဲအဆုံးသတ်ရေးကိုတော့ သံတမန်ရေးရာ ကြိုးပမ်းမှုတွေ ပြန်လုပ်ဖို့…

ဒေလီ၊ အောက်တိုဘာ-၁၀-၂၀၂၄ရတီ (VOM)အိန္ဒိယနိုင်ငံ တာတာစီးပွားရေးလုပ်ငန်းရဲ့ ဥက္ကဋ္ဌဟောင်းဖြစ်သူ သန်းကြွယ်သူဌေး ရာတန်တာတာဟာ အသက် ၈၆ နှစ်အရွယ် အောက်တိုဘာ ၉ ရက်မှာကွယ်လွန်သွားကြောင်း တာတာကုမ္ပဏီက အတည်ပြုထုတ်ပြန်ပါတယ်။သူဟာ ၁၉၉၁ ခုနှစ်မှာ တာတာကုမ္ပဏီဥက္ကဋ္ဌ ဖြစ်လာပြီး ကုမ္ပဏီကို နိုင်ငံတကာလုပ်ငန်းစုကြီးဖြစ်လာအောင် အချိန်တိုအတွင်း လုပ်ဆောင်နိုင်ခဲ့ပြီး နှစ် ၂၀ ကြာဦးဆောင်ခဲ့ကာ တာတာကုမ္ပဏီကို ကမ္ဘာ့ထိပ်တန်းဖြစ်စေခဲ့ပါတယ်။တာတာကုမ္ပဏီဟာ လက်ရှိမှာတော့ စတီးလ်နဲ့ မော်တော်ကားထုတ်လုပ်ရေးအပါအဝင် လုပ်ငန်းများစွာကို လည်ပတ်လုပ်ကိုင်နေပြီး ကုမ္ပဏီရဲ့ တနှစ်တာဝင်ငွေဟာ ဒေါ်လာ ၁၀၀ ဘီလီယံထိ ရှိနေပါတယ်။ရာတန်တာတာလက်ထက်မှာ ကုမ္ပဏီဟာ ဥရောပ စတီးလ်ကုမ္ပဏီနဲ့ ဗြိတိန်အခြေစိုက် မော်တော်ကားကုမ္ပဏီတွေ၊ ကမ္ဘာ့ဒုတိယအကြီးဆုံး လက်ဖက်ခြောက်လုပ်ငန်းအပါအဝင် စီးပွားရေးလုပ်ငန်းများစွာကို ဝယ်ယူမှုပြုလုပ်ခဲ့ပါတယ်။တာတာဟာ ဗြိတိန်စက်မှုလုပ်ငန်းကို ပုံဖော်ရာမှာ ကြီးမားတဲ့အခန်းကဏ္ဍကနေ ပါဝင်ခဲ့တယ်လို့ ဗြိတိန် စီးပွားရေးဝန်ကြီး ဂျိုနသန်ရေးနိုးက ပြောပါတယ်။ သူဟာ အိန္ဒိယနဲ့ နိုင်ငံတကာမှာ ဩဇာရှိတဲ့…

Voice of Myanmarအင်္ဂလိပ်နက္ခတ္တဗေဒေပညာရှင် ဝီလျံလတ်ဆဲလ်သည် နက်ပကျွန်းဂြိုဟ်၏ အကြီးဆုံးဂြိုဟ်ရံလဖြစ်သော ထရီတန်ကို ၁၈၄၆ ခုနှစ် အောက်တိုဘာ ၁၀ ရက်တွင် ရှာဖွေတွေ့ရှိခဲ့သည်။

  ပြုံးယမ်း၊ အောက်တိုဘာ-၉-၂၀၂၄ မျိုးဆက်(VOM) တောင်-မြောက် ကိုရီးယားနှစ်နိုင်ငံကို လုံး၀ခွဲခြားဖို့ လုပ်ဆောင်မှုအဖြစ် တောင်ကိုရီးယားနဲ့ဆက်သွယ်ထားတဲ့ ကားလမ်း၊ ရထားလမ်းအကုန်လုံးကို အ​ပြီးတိုင် ဖြတ်တောက်မယ်လို့ မြောက်ကိုရီးယားက ပြောပါတယ်။ မြောက်ကိုရီးယား တောင်ပိုင်းနယ်စပ်ကို အပြီးပိတ်ဆို့လိုက်တာဟာ အဲဒီဘက်ခြမ်းမှာရှိတဲ့ နယ်မြေတွေရဲ့ လုံခြုံရေး ပိုမိုခိုင်မာစေတယ်လို့ မြောက်ကိုရီးယားစစ်တပ်က ပြောပါတယ်။ ဒါဟာ စစ်ပွဲကိုတားဆီးဖို့ ကိုယ့်ကိုကိုယ် ခုခံကာကွယ်ပို်ငခွင့်လို့ ဆိုပါတယ်။ ဒေသတွင်းမှာ အမေရိကန်နဲ့ တောင်ကိုရီးယားတို့ရဲ့ မဟာမိတ်ဆက်ဆံရေးနဲ့ စစ်ရေးလှုပ်ရှားမှုတွေအပေါ် မြောက်ကိုရီးယားက ကြိမ်ဖန်များစွာ ဝေဖန်ခဲ့ပြီး ကားလမ်းနဲ့ ရထားလမ်းတွေ ဖြတ်တောက်မယ့်အစီအစဉ်က မကြာသေးမီကာလတွေအတွင်း တင်းမာမှုအမြင့်ဆုံးရောက်လာတယ်ဆိုတဲ့ အရိပ်လက္ခဏာလည်းဖြစ်ပါတယ်။ ပြီးခဲ့တဲ့ နှစ်တွေအတွင်းကလည်း မြောက်ကိုရီးယားကနေ တောင်ကိုရီးယားကို ဦးတည်သွားရောက်နိုင်တဲ့ လမ်းတွေကို မြောက်ကိုရီးယား အာဏာပိုင်တွေက တဖြည်းဖြည်း ပိတ်ပင်ဖြတ်တောက်မှုတွေ လုပ်ဆောင်ခဲ့ပါတယ်။ မကြာသေးမီကလည်း အမေရိကန်-တောင်ကိုရီးယား ပူးတွဲစစ်ရေးလေ့ကျင့်မှု ၊ မြောက်ကိုရီးယားရဲ့ ဒုံးကျည်စမ်းသပ်မှုတွေအပြင်…