ပေကျင်း၊ ဧပြီ-၃၀-၂၀၂၅ ရတီ(VOM) တရုတ်နိုင်ငံ အရှေ့မြောက်ပိုင်း လျောင်နင်းပြည်နယ်ရှိ စားသောက်ဆိုင်တဆိုင် မီးလောင်မှုကြောင့် လူ ၂၂ ယောက်သေဆုံးပြီး သုံးယောက်ဒဏ်ရာရရှိခဲ့ကြောင်း တာဝန်ရှိသူတွေက ပြောပါတယ်။ စားသောက်ဆိုင်ဟာ နှစ်ထပ်ဖြစ်ပြီး မီးစတင်လောင်ကျွမ်းချိန်မှာ လေပြင်းတွေတိုက်ခတ်မှုကြောင့် လျင်မြန်စွာကူးစက်လောင်ကျွမ်းခဲ့တယ်လို့ ဒေသတွင်းသတင်းဌာနတွေက ဖော်ပြထားပါတယ်။ စားသောက်ဆိုင်ပိုင်ရှင်ကို ရဲတွေက ဖမ်းဆီးထိန်းသိမ်းထားပါတယ်။ မီးလောင်ရတဲ့ အကြောင်းရင်းကို စုံစမ်းစစ်ဆေးနေဆဲဖြစ်ပြီး ဖြစ်စဉ်နဲ့ပတ်သက်တဲ့ တာဝန်ရှိသူကို ဥပဒေအရ ပြင်းပြင်းထန်ထန်အရေးယူဖို့ တရုတ်သမ္မတ ရှီကျင်းပင်က အမိန့်ပေးထားပါတယ်။ မကြာခင်မှာ မေလရုံးပိတ်ရက်ကာလကို ရောက်ရှိတော့မှာကြောင့် အများပြည်သူဘေးကင်းလုံးခြုံရေး အရေးကြီးတယ်လို့ ဆိုပါတယ်။ အဆောက်အအုံနဲ့ လုပ်ငန်းခွင်ဆိုင်ရာ ဘေးကင်းလုံခြုံမှု လျော့ရဲမှုတွေကြောင့် တရုတ်နိုင်ငံမှာ လူအသေအပျောက်များတဲ့ မီးလောင်မှုတွေ မကြာသေးမီကာလတွေအတွင်း မြင့်တက်လာပါတယ်။ ယခုလအတွင်း နိုင်ငံမြောက်ပိုင်း ဟီဘေးပြည်နယ် ဘိုးဘွားရိပ်သာမီးလောင်မှုကြောင့် လူ ၂၀ သေဆုံးခဲ့သည်။ ဇန်နဝါရီလအတွင်းကလည်း ပေကျင်းအနောက်မြောက်ပိုင်း စျေးတခုမီးလောင်မှုကြောင့် လူရှစ်ယောက်သေဆုံးပြီး…

ဒေလီ၊ ဧပြီ-၃၀-၂၀၂၅ မျိုးဆက် (VOM) အိန္ဒိယဟာ လာမယ့် ၂၄ နာရီကနေ ၃၆ နာရီအတွင်း ပါကစ္စတန်ကို စစ်ရေးအရတိုက်ခိုက်ဖို့ရည်ရွယ်နေကြောင်း ယုံကြည်ရတဲ့ ထောက်လှမ်းရေး သတင်းအချက်အလက်တွေရရှိထားတယ်လို့ ပါကစ္စတန် သတင်းအချက်အလက်ဝန်ကြီးက ပြောပါတယ်။ ပြီးခဲ့တဲ့ သီတင်းပတ်အတွင်းက ခရီးသွား ၂၆ ယောက်သေဆုံးခဲ့တဲ့ အိန္ဒိယထိန်းချုပ်ထားတဲ့ ကက်ရှ်မီးယားဘက်ခြမ်းမှာဖြစ်ပွားခဲ့တဲ့ တို်ကခိုက်မှုနောက်ကွယ်မှာ ပါကစ္စတန်ရှိတယ်လို့ အိန္ဒိယက စွပ်စွဲပြီးနောက် အာတွတ်လာတာရာက အခုလို ပြောဆိုလာတာပါ။ ဒီတိုက်ခို်ကမှုမှာ ပါဝင်ပတ်သက်တာမရှိဘူးလို့ ပါကစ္စတန်က ငြင်းဆိုထားပါတယ်။ အိန္ဒိယဟာ ပါကစ္စတန်ကို တိုက်ခိုက်ဖို့အတွက် မှားယွင်းတဲ့အကြောင်းပြချက်တရပ်ကို အသုံးပြုဖို့ရည်ရွယ်နေပြီး စစ်ရေးလုပ်ဆောင်မှုအားလုံးကို ပြတ်ပြတ်သားသား တုံ့ပြန်သွားမယ်လို့ ပါကစ္စတန်က ဆိုပါတယ်။ ဒီစွပ်စွဲချက်နဲ့ပတ်သက်ပြီး အိန္ဒိယနိုင်ငံခြားရေးဝန်ကြီးဌာနကတော့ မှတ်ချက်ပေးခြင်းမရှိသေးပါဘူး။ ကမ္ဘာ့လှည့်ခရီးသွားတွေလာရောက်လေ့ရှိတဲ့ ပါဟယ်ဂမ်အနီး တိုက်ခိုက်မှုဟာ အငြင်းပွားရာနယ်မြေမှာ ဆယ်စုနှစ်များစွာအတွင်း အသေအပျောက်အများဆုံးတိုက်ခိုက်မှုဖြစ်ပါတယ်။ တိုက်ခို်ကမှုနဲ့ပတ်သက်ပြီး လူပေါင်း ၁၅၀၀ ကျော်ကို ဖမ်းဆီးစစ်ဆေးနေပြီး…

မက်ဒရစ်၊ ဧပြီ-၂၉-၂၀၂၅ ရတီ(VOM) စပိန်နဲ့ ပေါ်တူဂီနိုင်ငံတို့မှာ လျှပ်စစ်ဓါတ်အား အကြီးအကျယ်ပြတ်တောက်မှုတွေကြောင့် ခရီးသွားသန်းနဲ့ချီသောင်တင်ခဲ့ကာ ဖုန်းနဲ့ အင်တာနက်ဆက်သွယ်ရေးတွေ ဆိုးရွားစွာ ထိခိုက်ခဲ့ပြီး ဒီကနေ့မှာတော့ ဓါတ်အားစနစ် ပြန်လည်စတင်နေပြီဖြစ်ပါတယ်။ ဒီလိုအခြေအနေကြောင့် လူအများ ထိတ်လန့်တုန်လှုပ်ခဲ့ရပြီး ဘဏ်တွေမှာ အပြေးအလွှားငွေုထုတ်ဖို့ ကြိုးစားသူတွေ၊ ဖုန်းလိုင်းအဆက်အသွယ်ရဖို့ လမ်းပေါ်ထွက်လာသူတွေနဲ့ ရထားပြေးဆွဲမှုအားလုံးပါ ရပ်ဆိုင်းခဲ့ရပါတယ်။ သောင်တင်နေတဲ့ ခရီးသည်တွေ အိပ်စက်ဖို့အတွက် မက်ဒရစ်၊ ဘာစီလိုနာ၊ ဘီဘာအို၊ ဗလင်စီယာ၊ ဆီဗီလာနဲ့ အခြားမြို့ကြီးလေးမြို့ရှိ ဘူတာရုံတွေကို ညလုံးပေါက် ဖွင့်လှစ်ပေးခဲ့ရပါတယ်။ ဒီကနေ့ မနက်အစောပိုင်းမှာ စပိန်ပြည်မကြီးရဲ့ ၉၀ ရာခိုင်နှုန်းနီးပါး လျှပ်စစ်ဓါတ်အား ပြန်လည်ရရှိခဲ့တယ်လို့ REE လျှပ်စစ်ကုမ္ပဏီက ထုတ်ပြန်ထားပါတယ်။ စပိန်မြို့တော်နဲ့၊ ပေါ်တူဂီမြို့တော်တို့မှာလည်း လျှပ်စစ်မီး ပြန်လည်ရရှိပြီဖြစ်ပါတယ်။ လူဦးရေသန်း ၆၀ ရှိတဲ့ အိုင်ဘာရီယန်ကျွန်းဆွယ်ရဲ့ မဆိုသလောက်နေရာမှာသာ ဓါတ်အားမပြတ်ဘဲ ကျန်နေခဲ့ပါတယ်။ ဒီချို့ယွင်းမှုဟာ ဆိုက်ဘာတိုက်ခိုက်မှုကြောင့်လို့…