အောက်တိုဘာ ၈ – ၂၀၂၄KKO(VOM)ရန်ကုန်မြို့၊ဒဂုံဆိပ်ကမ်းမြို့နယ်အတွင်းမှာ တရက်ကို ကင်ဆာလူနာ ၂ဝဝ အထိ ကုသပေးနိုင်တဲ့ ဆေးရုံသစ်ကြီးကို မကြာမီကာလအတွင်း ဖွင့်လှစ်ပေးသွားပြီး ကုသမှုတွေကို စတင်လုပ်ဆောင်သွားမယ်လို့ ကျန်းမာရေးဝန်ကြီးဌာနမှ သိရပါတယ်။ကနဦးအနေနဲ့ အမျိုးသားကင်ဆာရောဂါကုသရေးဌာန(ဒဂုံဆိပ်ကမ်း)မှာ တရက်လျှင် ကင်ဆာလူနာ ၅၀ မှ ၁၀၀ အထိ ကုသမှုပေးနိုင်ဖို့ စီစဉ်ဆောင်ရွက်ထားရှိပြီး လာမယ့် ဒီဇင်ဘာလမှစတင်လို့ တရက်ကို လူနာ အရေအတွက် ၂၀၀ အထိကို ဓာတ်ရောင်ခြည်ကုထုံးဖြင့် ကုသပေးနိုင်ဖို့ စီစဉ်ထားတယ်လို့ ဆိုပါတယ်။“လူနာသစ်တွေကို ကုသမှုပေးနိုင်ဖို့စီစဉ် နေပါတယ်။အခုအောက်တိုဘာလကစလို့ လူနာတွေကိုဘေးကင်းလုံခြုံစိတ်ချစွာနဲ့ စိတ်အေးချမ်းသာစွာ ကုသနိုင်ဖို့လုပ်ဆောင်နေပါတယ်။လိုအပ်တဲ့ လူ့စွမ်းအားအရင်း အမြစ်တွေပြည့်ဝစွာထားရှိနိုင်ရေးကိုလည်းစီစဉ်ထားပါတယ်”လို့ ကျန်းမာရေးဝန်ကြီးဌာနမှ တာဝန်ရှိသူတယောက်က ပြောပါတယ်။လက်ရှိတွင် အမျိုးသားကင်ဆာရောဂါကုသရေးဌာန(ဒဂုံဆိပ်ကမ်း)မှာ ဓာတ်ရောင်ခြည်ကုသစက်တွေနဲ့အတူ တွဲဖက်အသုံးပြုရမယ့် ဓာတ်ရောင်ခြည်ကုသမှုအထောက်အကူပြုစက်(CT Simulator)တပ်ဆင်ခြင်းလုပ်ငန်း တွေကိုဆောင်ရွက်လျက်ရှိတယ်လို့ သိရပါတယ်။စက်တပ်ခြင်းတွေဟာ မကြာမီပြီးစီး တော့မှာဖြစ်တဲ့အတွက် အခုအောက်တို ဘာလ တတိယပတ်မှစလို့ ကနဦးလက်တွေ့သင်ကြားကုသမှုတွေကိုစတင်နိုင်တော့မှာဖြစ်တယ်လို့လည်း သိရပါတယ်။လက်ရှိမှာတော့…

အောက်တိုဘာ ၈၊ ၂၀၂၄ ZY(VOM) ရှမ်းပြည်နယ်တောင်ပိုင်း၊ တောင်ကြီးမြို့နယ်နဲ့ ညောင်ရွှေမြို့နယ်မှာ ပြီးခဲ့တဲ့ စက်တင်ဘာလ ၁၁ရက်က စတင်ဖြစ်ပွားခဲ့တဲ့ သဘာဝဘေးအန္တရာယ်ကြောင့် ထိခိုက်ပျက်စီးမှု ကျပ်သိန်းပေါင်း ငါးသောင်းကျော် တန်ဖိုးရှိခဲ့တယ်လို့ ကူညီကယ်ဆယ်ရေးလုပ်ကိုင်သူတွေထံကနေ သိရပါတယ်။ ပြီးခဲ့တဲ့ စက်တင်ဘာလ ၁၁ရက်က စတင်ပြီး တောင်ကြီးမြို့နယ်အတွင်း တောင်ကြီး၊ အေးသာယာ၊ ရွှေညောင်၊ ကျောက်တလုံးကြီး၊ ပုံးအင်းစတဲ့ ဒေသတွေနဲ့ ညောင်ရွှေမြို့နယ်၊ ညောင်ရွှေမြို့ပေါ်၊ နမ့်ပန်၊ အင်းလေးဒေသတွေမှာ မိုးသည်းထန်စွာရွာသွန်းပြီး ရေကြီးရေလျှံမှုဖြစ်ပေါ်ခဲ့တာ ဖြစ်တယ်လို့ သိရပါတယ်။ “အင်းလေးနဲ့ ပုံးအင်း၊ နမ့်ပန်ကတော့ ရေမကျသေးဘူး။ ကျန်တဲ့နေရာကတော့ ကျသွားကြပြီ။ စပါးခင်းတွေတော့ ရေမြှုပ်နေတုန်းပဲ။ ပျက်စီးဆုံးရှုံးမှုကတော့ တော်တော်လေး များတယ်။ သိန်း ၅သောင်း ကျော်လောက်ရှိမယ်လို့ ခန့်မှန်းရတယ်။ ကူညီကယ်ဆယ်ရေးလုပ်ကိုင်ပေးနေသူတွေနဲ့ ဒေသခံ အုပ်ချုပ်ရေး အဖွဲ့ဝင်တွေ၊ ပိုင်ရှင်တွေက စာရင်းပြုစုပြီး တွက်ချက်ထားတာပေါ့။ ဒါတောင်…

အောက်တိုဘာ ၆-၂၀၂၄KKO(VOM)နစက ဥက္ကဋ္ဌ ဗိုလ်ချုပ်မှူးကြီးမင်းအောင်လှိုင်ဟာ ယခုအောက်တိုဘာလလယ်အတွင်း ဘီလာရုဇ်နိုင်ငံသို့ ချစ်ကြည်ရေးခရီးစဉ် သွားရောက်ဖို့ရှိနေတယ်လို့ နေပြည်တော်အသိုင်းအဝိုင်းနဲ့ နီးစပ်သူတွေထံကနေ သိရပါတယ်။“နစက ဥက္ကဋ္ဌ က ဘီလာရုဇ်နိုင်ငံကို သွားဖို့ရှိနေတယ်လို့ သိရတယ်။ အခုအောက်တိုဘာလလယ်ပိုင်းလောက်တော့ဖြစ်ဖို့များပါတယ်။ ခရီးစဉ်ကတော့နှစ်နိုင်ငံချစ်ကြည်ရေးခရီးစဉ်ပါပဲ”လို့ သူက ပြောပြပါတယ်။ယခု နစကလက်ထက်မှာ မြန်မာနိုင်ငံဟာ ရုရှားနိုင်ငံ အပါအဝင် ဘီလာရုဇ်နိုင်ငံတို့နဲ့ ရင်းနှီးသောဆက်ဆံမှုတွေရှိထားတာလည်းဖြစ်ပါတယ်။ပြီးခဲ့တဲ့နှစ်၂၀၂၂ ခုနှစ်၊စက်တင်ဘာလ ၇ ရက်နေ့ မှာ နစက ဥက္ကဋ္ဌ ဟာ ရုရှားနိုင်ငံသမ္မတ ဗလာ ဒီမီယာ ပူတင်နဲ့ ရုရှားနိုင်ငံ၊ ဗလာဒီဗော့စတော့မြို့မှာ တွေ့ဆုံဆွေးနွေးမှုတွေကိုလည်းပြုလုပ်ခဲ့ပါသေးတယ်။ဒါ့အပြင် ရုရှားနိုင်ငံမှာကျင်းပခဲ့တဲ့ (၇)ကြိမ်မြောက်အရှေ့ဖျားစီးပွားရေးဖိုရမ်မျက်နှာစုံညီအစည်းအဝေးသို့လည်း နစက ဥက္ကဋ္ဌ က တက်ရောက်ခဲ့တာဖြစ်ပါတယ်။“ဘီလာရုဇ်နိုင်ငံက ရုရှားရဲ့ တကယ့်အမာခံနိုင်ငံပဲလေ။ ကျွန်တော်တို့ အမြင်ပြောရရင် ဒီခရီးစဉ်မှာ နှစ်နိုင်ငံစစ်ရေးကိစ္စတွေ ပူးပေါင်းဆောင်ရွက်ဖို့ ဆွေးနွေးတာတွေရှိကောင်းရှိသလို အခြားသောနှစ်နိုင်ငံရေးရာ ကိစ္စရပ်တွေကိုလည်းဆွေးနွေးဖို့ရှိနိုင်ပါမယ်”လို့ ပြည်တွင်းရှိ နိုင်ငံရေးလေ့လာသုံးသပ်သူတယောက်က သူရဲ့အမြင်ကို ပြောပြခဲ့ပါတယ်။ဘီလာရုဇ်နိုင်ငံဟာ…

မန္တလေး ၊ အောက်တိုဘာ ၆-၂၀၂၄Voice Of Myanmar (VOM)မန္တလေးတိုင်းဝန်ကြီးချုပ်ဟောင်း ဒေါက်တာဇော်မြင့်မောင် ကျန်းမာရေး မကောင်းတဲ့အတွက် လွတ်ငြိမ်းခွင့် ပေးလိုက်တယ်လို့ အခုတပတ်အတွင်းမှာ သတင်းတွေ ထွက်ပေါ်နေပါတယ်။လုံခြုံရေးတပ်ဖွဲ့နဲ့နီးစပ်တဲ့အသိုင်းအဝိုင်းကတော့” မနေ့က သွေးတွင်းအောက်ဆီဂျင်ထိုးကျတယ်၊မနေ့ နေ့လယ်လောက်က ပြည်သူ့ဆေးရုံ ICU မှာ အောက်ဆီဂျင်နှာခေါင်းပိုက်ပေးပြီးကုသတယ်၊အသက်သိပ်မရှုနိုင်ဘူးထင်တယ်၊အောက်ဆီဂျင်တက်မလာသေးဘူး။အကျဥ်းဦးစီးကတော့ လွတ်ငြိမ်းပေးတယ်”လို့ ပြောပါတယ်။နောက်ထပ် လုံခြုံရေးတပ်ဖွဲ့နဲ့နီးစပ်သူတဦးကလည်း” ဒီတပတ်ထဲမှာ လွတ်ငြိမ်း ပေးထားတယ်လို့ သိရတယ်၊ ကျန်းမာရေးအခြေအနေကတော့ မကောင်းပါဘူး၊ အခုတပတ်အတွင်းမှာပဲ ဖြစ်သွားတာပါ”လို့ ပြောပါတယ်။ဒေါက်တာဇော်မြင့်မောင် ရဲ့ မိသားစုအသိုင်းအဝိုင်းကို ဆက်သွယ်ရာမှာတော့ ဆက်သွယ်လို့ မရ‌သေးတဲ့အတွက် သတင်းအတည်ပြုဖို့ ခက်ခဲနေပါတယ်။နောက်ထပ်အသေးစိတ်သိရသမျှကိုတော့ ထပ်မံတင်ဆက်ပေးသွားမှာဖြစ်ပါတယ်။ပုံစာ – ယခင် NLDအစိုးရလက်ထက်က VOMရဲ့ အင်တာဗျူးကို လက်ခံဖြေဆိုနေပုံ

အောက်တိုဘာ-၆၊ ၂၀၂၄ ZY(VOM) ရှမ်းပြည်နယ်တောင်ပိုင်းနဲ့ ကယားပြည်နယ်နယ်စပ်၊ ဖယ်ခုံမြို့နယ်၊ ဖယ်ခုံအင်း အနောက်ဘက်ခြမ်းရှိ စစ်ဘေးရှောင်စခန်းတွေမှာ အောက်တိုဘာလအစပိုင်းကနေ ဒီကနေ့အချိန်ထိ ဆေးဝါးပြတ်လပ်မှု ဖြစ်ပေါ်နေတာကြောင့် ဆေးဝါးတွေ အရေးပေါ်လိုအပ်နေတယ်လို့ စစ်ဘေးရှောင်အရေး ကူညီနေသူတွေထံကနေ သိရပါတယ်။ အဲဒီစစ်ရှောင်စခန်းတွေမှာ စက်တင်ဘာလကုန်ပိုင်းကနေ ဒီကနေ့အထိ ရာသီတုပ်ကွေး၊ ဖျားနာမှုတွေအပြင် သောက်သုံးရေ မသန့်ရှင်းမှုကြောင့် အရေပြားရောဂါတွေ၊ ဝမ်းရောဂါတွေ ဆက်တိုက်ဖြစ်ပွားနေတာကြောင့် ဆေးဝါးပြတ်လပ်မှုတွေ ဖြစ်ပေါ်နေတာကြောင့် အခက်ကြုံနေရတယ်လို့ ဆိုပါတယ်။ “အဲဒီကတော့ ရေပြဿနာကြောင့်ဖြစ်တာပေါ့၊ သောက်ရေကော သုံးရေကောက တမျိုးတည်း သုံးနေရတာ။ အဲဒီကနေ အရေပြားရောဂါတွေက စဖြစ်ပြီး ကူးကုန်ကြတယ်။ ဝမ်းရောဂါဖြစ်တာကလည်း ဆက်တိုက် ဖြစ်လာပြီ။ နောက်တစ်ခုက ဆောင်းတွင်းရောက်လာတာရယ်၊ ခြင်ထောင်တွေမရှိတာတွေကြောင့် ရာသီ တုပ်ကွေးတွေလည်း ဖြစ်နေကြပြီ”လို့ စစ်ဘေးရှောင်အရေး ကူညီနေသူတယောက်က VOMကို ပြောပါတယ်။ စစ်ဘေးရှောင်စခန်းတွေမှာ ဆေးခန်းတွေနဲ့ သူနာပြုတွေရှိပေမယ့် ဈေးဝါးပြတ်လပ်မှုတွေကြောင့် လူနာတွေကို…

အောက်တိုဘာ ၆ – ၂၀၂၄SN (VOM)ချင်းပြည်နယ်၊ ပလက်ဝမြို့နယ်နဲ့ အိန္ဒိယနိုင်ငံ၊ မီဇိုရမ်ပြည်နယ်က ပလက်ဝ စစ်ဘေးရှောင်ပြည်သူ တသောင်းကျော်အတွက် ဆေးဝါး၊ စားနပ်ရိက္ခာနဲ့ ဆောင်းတွင်းအဝတ်အထည်တွေ လိုအပ်နေတယ်လို့ စစ်ရှောင်အရေး ဆောင်ရွက်နေသူတွေဆီက သိရပါတယ်။အဲဒီ စစ်ဘေးရှောင်ပြည်သူ တသောင်းကျော်ဟာ ပလက်ဝမြို့နယ်နဲ့ မီဇိုရမ်ပြည်က လူဦးရေစာရင်းဖြစ်ပြီး လက်ရှိ မီဇိုရမ်မှာ ပလက်ဝစစ်ဘေးရှောင် ၄၀၀၀ ကျော်ရှိကာ ပလက်ဝမြို့နယ်မှာတော့ တသောင်းကျော်ရှိတယ်လို့ သိရပါတယ်။“စစ်ရှောင်တွေက အလုပ်အကိုင်ကလည်း မရှိကြတော့ ပုံမှန်ဝင်ငွေလည်း မရှိကြဘူး။ အရမ်းဒုက္ခရောက်နေကြတယ်။ အလှူရှင်တွေရဲ့ အားနဲ့ပဲ ရပ်တည်နေရတာပေါ့။ စားနပ်ရိက္ခာ၊ ဆေးဝါး အဲဒါတွေလည်း မလုံလောက်ကြဘူး။ ပြီး‌တော့ ဆောင်းရာသီကလည်း ရောက်လာတော့မှာဆိုတော့ အနွေးထည်အင်္ကျီ၊ ဘောင်းဘီ၊ စောင် စတဲ့ အကူညီတွေလည်း လိုအပ်နေကြတယ်” လို့ စစ်ရှောင်အရေး ဆောင်ရွက်နေသူတယောက်က ပြောပါတယ်။ပလက်ဝမြို့ကို အာရက္ခတပ်တော် (AA) က အခု…