Day: November 16, 2020

တောင်ကြီး -နိုဝင်ဘာ-၁၆-၂၀၂၀ နေနန်းနွယ်(VOM) ရွှေညောင်မြို့၊ ရွှေ‌ညောင် ရပ်စောက်သွား ကားလမ်းဘေးရှိ “ရွှေင်္ခြသေ့ဓာတ်ဆီဆိုင်”မှာနို၀င်ဘာ ၁၆ ရက် နေ့လည် ၁၂ နာရီခွဲအချိန်က မီးလောင်မှုဖြစ်ခဲ့တယ်လို့သိရပါတယ်။ “ဆီဘောက်ဆာကနေ ပေပါထဲကို ဆီထည့်တာက ဖြစ်တာ။ ကြားထဲမှာ ပိုက်လေးခံထားတာပေါ့၊ အဲ့ပိုက်တွေကတော့ မီးသတ်က ခွင့်ပြုထားတဲ့ ပိုက်တွေတော့ မဟုတ်ပါဘူး။ အဲ့တာကြောင့် တည်ငြိမ်လျှပ်စစ်ဖြစ်ပြီး စ လောင်တာပါ။ မီးငြှိမ်းတာကတော့ ကား ၁၄ စီးလောက်နဲ့ ငြိမ်းလိုက်နိုင်တယ်။” လို့ မြို့နယ်မီးသတ်ဦးစီးမှုး ဦးမြင့်သန်းက ပြောပါတယ်။ မီးလောင်ကျွမ်းမှုကြောင့် စုစုပေါင်းတန်ဖိုးငွေကျပ် (၇၅) သိန်းခန့်ဆုံးရှုံးခဲ့တယ်လို့သိရပြီး နေ့လည် ၂ နာရီခန့် ၀န်းကျင်မှာ ငြိမ်းသတ်နိုင်ခဲ့ကြောင်း သိရပါတယ်။ မီးလောင်လွယ်တဲ့ ပစ္စည်းကို ပေါ့လျော့စွာ အသုံးပြုခဲ့တဲ့အတွက် ၀န်ထမ်း ဦးမင်းအောင်ကို အမှုဖွင့်ထားပြီဖြစ်တယ်လို့ သိရပါတယ်။ ဒီမီးလောင်မှုကို တောင်ကြီး၊ ရွှေညောင်၊ ရပ်စောက်၊…

နိုဝင်ဘာ ၁၆-၂၀၂၀ သိင်္ဂီထွန်း ( VOM ) ရန်ကုန်တိုင်း၊ မှော်ဘီမြို့နယ်ထဲက ရွှေမြယာကျေးရွာမှာ အစိုးရကထောက်ပံ့တဲ့ ငွေကျပ် ၄သောင်းနဲ့ပတ်သက်ပြီး အုပ်ချုပ်ရေးအဖွဲ့နဲ့ ဒေသခံတွေအကြား အငြင်းပွားဖွယ်ရာကိစ္စရပ်တွေဖြစ်ပွားခဲ့တာကြောင့် ကျေးရွာအုပ်ချုပ်ရေးအဖွဲ့က အုပ်ချုပ်ရေးမှူးအပါအဝင် ရာအိမ်မှူး ၊ ဆယ်အိမ်မှူး၊ တာဝန်ခံနဲ့ အယောက် ၂၀ နီးပါး တာဝန်ကနေ နှုတ်ထွက်ထားတယ်လို့ သိရပါတယ်။ ဒါ့အပြင် အုပ်ချုပ်ရေးအဖွဲ့တွေနဲ့ ဒေသခံတွေ အငြင်းပွားဖွယ်ဖြစ်ခဲ့တာကြောင့် ဒေသခံတွေဟာ အဂတိလိုက်စားမှုတိုက်ဖျက်ရေးကော်မရှင်အထိ တိုင်ကြားတာတွေရှိနေတယ်လို့လည်းသိရပါတယ်။ ဒီကိစ္စနဲ့ပတ်သက်ပြီး ရွှေမြယာကျေးရွာအုပ်ချုပ်ရေးမှူး ကိုဝေမိုးကတော့ “ဒီငွေ ၄၀၀၀၀ နှုန်းကို ရွေးကောက်ပွဲမတိုင်ခင် ပေးမယ်ဆိုပြီး အသံထွက်တယ်၊ ဒါပေမယ့်မပေးဖြစ်ဘူး။ ဒါကို နိုင်ငံတော်ကထောက့်ပံ့မယ့် ၄၀၀၀၀ကို အုပ်ချုပ်ရေးမှူးကရထားပါလျက်နဲ့ ထုတ်မပေးဘဲ ဘတ်ထားတယ်၊ ထိန်ချန်ထားပါတယ်ဆိုပြီး အဂတိကော်မရှင်ကိုတင်တယ်ဗျ၊ ဝန်ကြီးချုပ်ဘာညာလည်း တင်တယ်ကြားတယ်။ အဲ့ဒါတွေက မြို့နယ်ထွေအုပ်ကိုဝင်လာတော့ ထွေအုပ်ကနေ ကျနော့်ကိုစစ်ဖို့ ခုံအဖွဲ့ဖွဲ့ထားတယ်။ အဲ့ဒီအချိန်…

နိုဝင်ဘာ ၁၆- ၂၀၂၀ ထက်အောင်စိုင်း (VOM) ရခိုင်ပြည်နယ်အတွင်း လက်ရှိဖြစ်ပွားနေတဲ့ စစ်ရေးပဋိပက္ခကြားမှာ ပြည်နယ်မြောက်ပိုင်းနဲ့ အလယ်ပိုင်းက အပြစ်မဲ့ပြည်သူတွေ အသက်အိုးအိမ်စည်းတွေ ပျက်စီးဆုံးရှုံးမှု၊ အပြစ်မဲ့ ပြည်သူတွေနေရပ်စွန့်ခွာထွက်ပြေးပြီး ဒုက္ခသည်ဘဝကို ရောက်နေကြတဲ့အချိန် နိုင်ငံရေးပြဿနာကို ငြိမ်းချမ်းတဲ့ ဆွေးနွေးပွဲတွေနဲ့ အဖြေရှာကြစေလိုတယ်လို့ တပ်မတော်နဲ့ အေအေ နှစ်ဖက်စလုံးကို လက်ရှိ NCAလက်မှတ်ရေးထိုးထားတဲ့ ရခိုင်ပြည်လွှတ်မြောက်ရေးပါတီ(ALP) က မနေ့ နိုဝင်ဘာ ၁၅ရက်စွဲနဲ့ ထုတ်ပြန်ချက်မှာ တိုက်တွန်းထားတာဖြစ်ပါတယ်။ နိုဝင်ဘာလ ၁၁ ရက် နဲ့ ၁၂ ရက်နေ့က တပ်မတော်နဲ့ အေအေ နှစ်ဖက်ထုတ်ပြန်ချက်တွေဟာ အပြုသဘောဆောင်ကာ အပြန်အလှန်ထွက်ပေါ်လာတဲ့ ထုတ်ပြန်ကြေညာချက်တွေ ဖြစ်ကြောင်းနဲ့ ရခိုင်ပြည်သူလူထုအတွက် ကောင်းမွန်တဲ့ လက္ခဏာတစ်ရပ်ဖြစ်တယ်လို့ သုံးသပ်မိကြောင်း ALPပါတီရဲ့ ထုတ်ပြန်ချက်မှာ ဖော်ပြထားပါတယ်။ ရခိုင်ပြည်လွှတ်မြောက်ရေးပါတီ၊ ပြန်ကြားရေးဌာနတာဝန်ခံ ဒေါ်စောမြရာဇာလင်းကတော့ ” အရင်က ရခိုင်ပြည်မှာ တိုက်ပွဲပြင်းထန်နေခဲ့တယ်။…

နိုဝင်ဘာ ၁၆-၂၀၂၀ ဂျန်ကိုးလ်(VOM) မကွေးတိုင်း၊ ငဖဲမြို့မှာ NLDပါတီမှ တိုင်းလွှတ်တော်ကိုယ်စားလှယ် (အခု ပြည်သူ့လွှတ်တော်ကိုယ်စားလှယ်လောင်း)ရဲ့ကားနဲ့ ဆိုင်ကယ်မောင်းလာသူတို့ နိုဝင်ဘာ ၁၀ရက်နေ့က မတော်တဆပွတ်တိုက်မှုဖြစ်ပွားခဲ့ပြီး မနေ့ နိုဝင်ဘာ ၁၅ရက်နေ့မှာပဲ သေဆုံးသွားတယ်လို့ ငဖဲမြို့မရဲစခန်းကနေ သိရပါတယ်။ ချောင်းဖြူကျေးရွာ၊ ရွာလယ်လမ်းကွေ့မှာ နိုဝင်ဘာ၁၀ရက်နေ့က မျက်နှာချင်းဆိုင်တိုက်မိကြတဲ့အတွက် ဝဲပါး ပွန်းခြစ်ဒဏ်ရာရရှိခဲ့ပြီး ပြင်ပဒဏ်ရာမရခဲ့တဲ့အတွက် ဆေးကုသမှုခံယူမှုမရှိခဲ့ဘဲ နိုဝင်ဘာ၁၅ရက်နေ့ မနက်၁၀နာရီခန့်မှာ ဝမ်းဗိုက်အောင့်လာလို့ ငဖဲပြည်သူ့ဆေးရုံကိုပို့တဲ့လမ်းမှာပဲ သေဆုံးခဲ့တာဖြစ်တယ်လို့ ရဲမှတ်တမ်းတွေအရ သိရပါတယ်။ “သေဆုံးသွားတဲ့သူကိုရော၊ ဦးစန်းကြူကိုရော အမှုတော့ဖွင့်ထားတယ်။ ဘယ်သူမှားတယ် မှန်တယ်ဆိုတာကတော့ စုံစမ်းစစ်ဆေးဆဲဖြစ်လို့အတိကျတော့ ပြောလို့မရသေးဘူး။ ခုက စစ်ဆေးဆောင်ရွက်နေတုန်းပဲရှိသေးတယ်။ ဒါကြောင့်ဘယ်လိုဆောင်ရွက်ထားလဲဆိုတာ ပြောလို့မရသေးဘူး။ ခုက သက်သေတွေလိုက်စစ်နေဆဲဖြစ်တယ်။ ရဲလုပ်ငန်းနဲ့အညီတော့ လုပ်နေတယ်၊ လောလောဆယ် အမှုဖွင့်ထားတုန်းရှိသေးတယ်၊ စုံထောက်စစ်ဆေးနေတုန်းရှိသေးတယ်။ ပြီးတာနဲ့ ဥပဒေနဲ့အညီ ဆက်လုပ်မယ်”လို့ ငဖဲမြို့မရဲစခန်းမှ စခန်းမှူး ဒု-ရဲမှူးကျော်မင်းဦးကပြောပါတယ်။ သေဆုံးသူ အသက်…

နိုဝင်ဘာ ၁၆-၂၀၂၀ အေးချမ်းသူ(VOM) ရန်ကုန်တိုင်း၊ ထန်းတပင်မြို့နယ်၊ ရခိုင်ရိုးကြီးကျေးရွာမှာ နိုဝင်ဘာ ၁၄ရက်နေ့ ညပိုင်းက နိုင်ငံတော်ထောက်ပံ့ကြေး ငွေလေးသောင်းရလိုမှုနဲ့ ကျေးရွာအုပ်ချုပ်ရေးမှူးရုံးရှေ့မှာ လူစုလူဝေးဖြစ်ပေါ်ခဲ့ရာ ရဲတပ်ဖွဲ့နဲ့ ရွာသားတွေ ရုန်းရင်းဆန်ခတ်ဖြစ်ပြီး ရွာသား ၁၀ဦး ဖမ်းဆီးခံခဲ့ရတယ်လို့ ကျေးရွာဒေသခံတစ်ဦးက VOMကို ပြောပါတယ်။ “ကျွန်မကို အဲ့ဒီညက ရုံးက ဘာလာလုပ်တာလဲမေးတယ်၊ ကျွန်မက ထောက်ပံ့ကြေးကိစွလာမေးတာလို့ပြောတယ်။ ကျွန်တော်တို့ စာရင်းဇယားတွေလုပ်နေလို့ပါ ဆန္ဒတွေမစောပါနဲ့လို့ ပြောတယ်။ လာကောက်ပေးမယ် အိမ်မှာနေပါလို့ပြောတယ်။ အဲ့ဒီအချိန်မှာ လူစုလူဝေးထဲက ဒို့အရေးလို့ ထအော်လို့ ရဲတွေနဲ့ဖြစ်တာပါ”လို့ ကျေးရွာဒေသခံတစ်ဦးကပြောပါတယ်။ အဲ့ဒီဖြစ်စဉ်နှင့်ပတ်သက်ပြီး ရိုးကြီးကျေးရွာအုပ်ချုပ်ရေးမှူး ဦးသန်းဌေးဦးကတော့”ဖမ်းခံရတာ ရွာသား ၁၀ဦး၊ ရှင်းရှင်းပြောရရင် ရွာသားမဟုတ်ဘူး။ ရွှေ့ပြောင်းအလုပ်သမားတွေ၊ အဲ့ဒီညက လူ ၅ ရာလောက်ရုံးရှေ့မှာ လူစုလူဝေးလာလုပ်တယ်။ မေတ္တာရပ်ခံတယ် မရဘူး။ ဖမ်းခံရတာလည်း အခြားအကြောင်းကြောင့်မဟုတ်ဘူး။ လုံခြုံရေးရဲသေနတ်ကို ဝင်လုရင်း ရုန်းရင်းဆန်ခတ်ဖြစ်ပြီး…