Day: July 2, 2022

ဇူလိုင် ၊ ၂ ၊၂၀၂၂ SP (VOM) စစ်ကိုင်းတိုင်း ၊ ကသာခရိုင် ၊ အင်းတော်မြို့နယ်နဲ့ ဗန်းမောက်မြို့အကြားမှာ ကားတွေပိတ်မိနေတာဟာ ဒီကနေ့နဲ့ဆိုရင် ၅ ရက်ကြာသွားပြီဖြစ်တယ်လို့ ကားသမားတွေဆီက သိရပါတယ်။ ” ဗန်းမောက် – အင်းတော် လမ်းပိုင်း မြသီတာရွာနားမှာ ကားတွေပိတ်မိနေတာပါ ၊ ပြီးခဲ့တဲ့ ဇွန် ၂၈ ကစလို့ ပိတ်ထားတာဖြစ်တယ် ” လို့ မန္တလေး-ဟုမ္မလင်း ကားသမားတယောက်က ပြောပါတယ်။ အဲ့ဒီ နေရာမှာ ပိတ်မိနေတဲ့ကားတွေဟာ ဗန်းမောက်-ရန်ကုန်-မန္တလေး-မုံရွာ-ဟုမ္မလင်း စတဲ့ ခရီးသည်တင်ကားတွေ ပါသလို မုံရွာ-ဟုမ္မလင်း ကုန်စည်ပို့ဆောင်ရေး ကားတွေလည်း ပါတယ်လို့ သိရပါတယ်။ ဒါ့အပြင် ဗန်းမောက်-အင်းတော်ကြားမှာ ၅ ရက်ကြာ ပိတ်မိနေတဲ့ ခရီးသည်တင် လိုင်းကားသမား တယောက်က ” ကားသော့တွေ အကုန်လုံး ဖြုတ်ယူသိမ်းသွားတယ်…

ဇူလိုင် ၂-၂၀၂၂ SW(VOM) ရခိုင်ပြည်နယ်၊ ကျောက်တော်မြို့နယ်မှာ မနေ့ ဇူလိုင်လ ၁ ရက်နေ့ နေ့လယ် ၁ နာရီခန့်က ဝက်မှိုင်းကျေးရွာသားတဦး နွားရှာသွားစဉ် မိုင်းနင်းမိတာပြောင့် ဒဏ်ရာပြင်းထန်ရရှိခဲ့ပါတယ်။ ဒဏ်ရာပြင်းထန်တာကြောင့် စစ်တွေဆေးရုံမှာ ကုသမှုခံယူနေရင်း ဒီကနေ့ ညနေပိုင်း ၃ နာရီလောက်မှာ သေဆုံးသွားတယ်လို့ သေဆုံးသူရဲ့မိသားစုက ပြောပါတယ်။ သေဆုံးသူဟာ ဝက်မှိုင်းကျေးရွာက ဒေသခံတဦးဖြစ်တဲ့ ဦးသန်းစိန်မောင် ဖြစ်ပြီး မိုင်းထိတာကြောင့် ခြေနှစ်ဖက်လုံးဆုံးရှုံးသွားပြီး လက်ချောင်းတချို့ ထိခိုက်ဒဏ်ရာရသွားတာဖြစ်လို့ သွေးထွက်လွန်ရာကနေတဆင့် သွေးလိုအပ်ချက်ရှိတာကြောင့် သေဆုံးသွားတာဖြစ်တယ်လို့ မိသားစုက ပြောပါတယ်။ ဦးသန်းစိန်မောင် သေဆုံးသွားတာနဲ့ ပတ်သက်ပြီး သားဖြစ်သူ ကိုကျော်သန်း က “ အဖေဆုံးသွားတာ ဟုတ်ပါတယ်။ ဘာကြောင့် ဆုံးသွားတာလည်းဆိုတော့ ဒဏ်ရာကများပါတယ်။ ဒါကြောင့် သွေးတစ်လုံးသွင်းဖို့လိုအပ်တဲ့အခါ နောက်ကျသွားတယ်။ ကျောက်တော်က သွေးနှစ်လုံးပါတယ် အဲဒါနဲ့နေတာ။ ဒဏ်ရာကပြင်းလို့ သေဆုံးသွားတာပါ”…

ဇူလိူင် ၂-၂၀၂၂ VOM (GG) မြန်မာ့မီးရထားဌာနက ရထားလက်မှတ်ခနူန်းထားတွေကို ၂ ဆ နီးပါးအထိ တိုးမြင့်သတ်မှတ်လိုက်တယ်လို့ သိရပါတယ်။ ဇူလိုင်လ ၁ ရက်နေ့ ​မနေ့ကစပြီး ရထားလက်မှတ်ခနူန်းထားတွေကို ၆၇ ရာခိုင်နူန်းအထိ ပြောင်းလဲသတ်မှတ်လိုက်တာဖြစ်ပြီး အခုလိုစျေးတက်တာဟာ ဆီစျေးတွေတက်တာကြောင့်ဖြစ်တယ်လို့ သိရပါတယ်။ “ဆီစျေးတွေတက်တယ်လေ၊ အဲ့ဒီတော့ ကားခတွေကအရင်တက်တယ်လေ၊နောက်မှ ကျနော်တို့က တက်တာ ။မြို့ပတ်ရထားတွေလည်း တက်တယ်။ “လို့ ရန်ကုန်ဘူတာကြီးမှ တာဝန်ရှိသူတဦးကပြောပါတယ်။ ရန်ကုန်မြို့ပတ်ရထား လက်မှတ်စျေးနူန်းဆိုရင် ၁၀၀ တန်က ၂၀၀ ဖြစ်သွားပြီး ၂၀၀ တန်က ၃၀၀ ဖြစ်သွားတယ်လို့ သိရပါတယ််။ ” အရင်လက်မှတ်ခစျေးကို ၁.၆၇ နဲ့မြှောက်ပါ လက်ရှိစျေးနူန်းရပါလိမ့်မယ် “လို့ မီးရထားဝန်ထမ်းတဦးကပြောပါတယ်။ ဒါ့ကြောင့် ရန်ကုန်-မန္တလေး ခရီးစဥ်ဆိုရင် ၄၆၅၀ ကနေ ၇၇၅၀ ဖြစ်ပြီး အထက်တန်းဆိုရင် ၉၃၀၀ က​​နေ…

ဇူလိုင်၂၊ ၂၀၂၂ Shy V (VOM) ကချင်ပြည်နယ်ရှိ မြန်မာ နဲ့ တရုတ် ကုန်သွယ်ရာ ဗန်းမော် – လွယ်ဂျယ်လမ်းပိုင်းဟာ မိုးသည်းထန်စွာရွာသွန်းမှုကြောင်း လမ်းပိုက်းပျက်စီးသွားလို့ သွားလာဖို့ခက်ခဲနေတယ်လို့ ခရီးသွားပြည်သူတွေနဲ့ ကုန်သည်၊ယာဉ်မောင်းတွေဆီက သိရပါတယ်။ “မြစ်ကြီးနားခရီးသည်တွေ ဆိုရင်လည်း ဟိုဘက်ကနေ ပြီးတော့ တဝက်။ ဒီဘက်ကနေပြီးတော့ မြစ်ကြီးနားက လာတဲ့ကားနဲ့ ပြန်ချိန်းပေးရတာ၊ ပစ္စည်းထုပ်တွေကိုတော့ တနိုင်တပိုင်သာ ယူဆောင်သင့်ပြီး ဆိုင်ကယ်ကိုတော့ တွန်းနိုင်ရင် ယူလို့ ရသလို ကယ်ရီနဲ့ ကယ်ရီခပေးပြီးလည်း ယူလို့ရတယ်” လို့ ခရီးသွား ပြည်သူတဦးက ပြေပါတယ်။ မိုင်အားဖြင့် လွယ်ဂျယ်-ဗန်းမော်လမ်းကြောင်းဟာ ၅၆ မိုင်၊ ၄ ဖာလုံ သာ ရှိပေမယ့် လက်ရှိအခြေအနေမှာ ပြည်သူတွေ သွားလာရတာ အရမ်းခက်ခဲနေကြောင်း ယာဉ်မောင်း ၁ ဦး က ပြောပါတယ်။ “ကား…

ဇူလိုင် ၂၊၂၀၂၂ KK(VOM) မြန်မာသံအဆိုတော် ပိုင်သက်ကျော်ကို ပြီးခဲ့တဲ့ရက်ပိုင်းအတွင်းက အင်းစိန်အကျဥ်းထောင်ရှိ အထူးတရားရုံးမှာ အလုပ်နဲ့ထောင်ဒဏ်သုံးနှစ်ချမှတ်ခဲ့တယ်လို့ တရားရုံးနဲ့နီးစပ်သူတွေဆီက သိရပါတယ်။ အင်းစိန်အကျဥ်းထောင်ရှိ အထူးတရားရုံးကနေ ဇွန်လကုန်ပိုင်းက အဆိုတော်ပိုင်သက်ကျော်ကို ပုဒ်မ ၅၀(ည)နဲ့အလုပ်နဲ့ထောင်ဒဏ် သုံးနှစ်ချခဲ့တာဖြစ်တယ်လို့ ရှေနေတဦးက ပြောပါတယ်။ “သူကို အကြမ်းဖက်တိုက်ဖျက်ရေးဥပဒေနဲ့ အမိန့်ချတာအလုပ်နဲ့ထောင်ဒဏ်သုံးနှစ်၊ CDM ဝန်ထမ်းတွေကို ကူညီထောက်ပံ့တဲ့ကိစ္စနဲ့ တရားစွဲတာပါ”လို့ ပြောပါတယ်။ အဆိုတော် ပိုင်သက်ကျော်ကို သူနေထိုင်ရာ လှိုင်သာယာမြိုနယ် နဝဒေးအိမ်ရာဝင်းမှာ မေလ ၂ ရက် မနက်ပိုင်းက ဖမ်းဆီးခံခဲ့ရတာဖြစ်ပါတယ်။ CDM ဝန်ထမ်းတွေထောက်ပံ့မှုနဲ့ ထောင်ဒဏ်အပြစ်ပေးခံရတဲ့ အဆိုတော်ပိုင်သက်ကျော်ဟာ မသန်စွမ်းသူတဦးဖြစ်ပြီး မြန်မာသံတေးသီချင်းတွေနဲ့ အောင်မြင်နေသူတဦးလည်းဖြစ်ပါတယ်။ ရန်ကုန်မှာ ပိုင်သက်ကျော်ဖမ်းဆီးခံရပြီးနောက် ဧပြီလ ၂၀ ရက်နေ့ကလည်း လူရွှင်တော်ကောင်းကျော် ဖမ်းဆီးခံခဲ့ရပါသေးတယ်။ #voiceofmyanmar #VOM #အဆိုတော်ပိုင်သက်ကျော် #ထောင်သုံးနှစ်ချမှတ်ခံရ

ဇူလိူင် ၂ VOM (GG) စိုက်ပျိုးရေးဘဏ်ကနေ တောင်သူတွေကို ထုတ်ချေးထားတဲ့ ၂၀၂၀ မိုးစပါးစိုက်ပျိုးစရိတ် ချေးငွေတွေကို ပြန်ဆပ်ခိုင်းနေတာကြောင့် ပြင်ပကနေ ၅ ကျပ်တိုးနဲ့ချေးကာ ဘဏ်ကိုပြန်ဆပ်နေရတယ်လို့ ပြည်ခရိုင်ထဲကတောင်သူတွေဆီကနေ သိရပါတယ်။ ” မဖြစ်မနေဆပ်ကိုဆပ်ရမယ်လို့ အသိပေးလာတော့ လက်ထဲလည်းအပိုငွေမရှိကြဘူး။ဒီတော့ ဆပ်ချေးလုပ်ရတယ်။ဆပ်ချေးဆိုတာက အပြင်ကနေ ၁ သိန်းကို ၅ ကျပ်တိုးနဲ့ချေးပြီး ဘဏ်ကိုဆပ်ရတာပါ။ ဘဏ်ကနေပြန်ထုတ်ရင် ၅ ကျပ်အတိုးသမားကိုဆပ်။ကျနော် တို့က ဘဏ်တိုးရော၊ ချေးတဲ့ ၅ ကျပ်တိုးပါ ထပ်ဆင့်ပေးရတာပေါ့။ တကယ်လို့ ဘဏ်ကသာ အတိုးပဲဆပ် အရင်းချန်ထားပေးမယ်ဆိုရင် တောင်သူတွေ အဆင်ပြေတာပေါ့၊၅ကျပ်တိုး ထပ်မကုန်တော့ဘူး၊အခုကျတပူပေါ်တပူဆင့်ဖြစ်ရတယ် ” လို့ ပြည်ခရိုင်ထဲကတောင်သူတဦးက ပြောပါတယ်။ တောင်သူအနေနဲ့ ဘဏ်ချေးငွေ ပြန်ပေးဆပ်ဖို့ပျက်ကွက်ပါက ဘဏ်တည်ဆဲဥပဒေအရဖြစ်စေ၊မြေခွန်ကျန်ငွေဖြစ်သကဲ့သို့ဖြစ်စေ အရေးယူမှာဖြစ်တယ်လို့ သတိပေးထားတာကြောင့် တောင်သူတွေအနေနဲ့ အတိုးနဲ့ချေးငှားပြီး ပြန်ဆပ်နေရတာဖြစ်တယ်လို့​ သိရပါတယ်။ ဒါ့အပြင် ဘဏ်ကို…