Day: September 14, 2022

ဘန်ကောက်၊ စက်တင်ဘာ-၁၄-၂၀၂၂ မျိုးဆက်(VOM) ထိုင်းနိုင်ငံ ဘန်ကောက်မြို့ရှိစစ်စခန်းတခုမှာ စက်တင်ဘာ ၁၄ ရက်ကဖြစ်ပွားခဲ့တဲ့ ပစ်ခတ်မှုကြောင့် နှစ်ဦးသေဆုံးပြီး တဦးဒဏ်ရာရရှိသွားတယ်လို့ တာ၀န်ရှိသူတွေက ပြောပါတယ်။ ထိုင်းဘုရင့်တပ်မတော် စစ်ကောလိပ်မှတပ်ကြပ်ကြီး Yongyuth Mungkornkim ဟာ ဒီနေ့မနက် ဒေသစံတော်ချိန် ၈ နာရီ ၄၅ မိနစ်မှာ အခြားစစ်သားသုံးဦးကို ပစ်ခတ်ခဲ့တာဖြစ်တယ်လို့ ထိုင်းစစ်တပ်က ထုတ်ပြန်ပါတယ်။ အသက် ၅၉နှစ်အရွယ် အဲဒီအမျိုးသားဟာ အခင်းဖြစ်ပွားရာနေရာကနေ ထွက်ပြေးဖို့ကြိုးစားခဲ့ပေမယ့် မနက် ၁၀ နာရီလောက်မှာ လက်နက်ချခဲ့ကြောင်း အမျိုးသားရဲဌာန လက်ထောက်ပြောရေးဆိုခွင့်ရှိသူ Kissana Phathanacharoen က သတင်းထောက်တွေကိုပြောပါတယ်။ သေဆုံးသွားတဲ့ စစ်သားတွေနဲ့ ဒဏ်ရာရရှိသူတွေအတွက် ၀မ်းနည်းကြောင်း ထိုင်းစစ်တပ်က ထုတ်ပြန်ထားပြီး မိသားစုနှင့် အဖွဲ့အစည်းအတွက် ကြီးမားသည့်ဆုံးရှုံးမှုဖြစ်ကာ ဖြစ်စဉ်ကို စုံစမ်းစစ်ဆေးနေကြောင်း ထုတ်ပြန်ပါတယ်။ ထိုင်းနိုင်ငံမှာ သေနတ်ကိုင်ဆောင်မှုနှုန်းမြင့်မားပေမယ့်လည်း အစုလိုက်အပြုံလိုက်သေနတ်ပစ်ခတ်မှုကတော့ ဖြစ်ခဲလှပါတယ်။ Ref:…

၀ါရှင်တန်၊ စက်တင်ဘာ-၁၄-၂၀၂၂ မျိုးဆက်(VOM) ရုရှားဟာ နိုင်ငံပေါင်း ၂၄ နိုင်ငံကျော်ရှိ နိုင်ငံရေးသမားတွေကို လွှမ်းမိုးဖို့အတွက် ၂၀၁၄ ခုနှစ်ကပြီး ဒေါ်လာ သန်း ၃၀၀ ကျော်ကို လျှိုဝှက်သုံးစွဲခဲ့တယ်လို့ အမေရိကန်က စွပ်စွဲလိုက်ပါတယ်။ အမေရိကန်နိုင်ငံခြားရေး၀န်ကြီးဌာနရဲ့ အဲဒီစွပ်စွဲချက်ဟာ အင်္ဂါနေ့ကထုတ်ပြန်ခဲ့တဲ့ အမေရိကန်ထောက်လှမ်းရေးရဲ့ အကဲဖြတ်ချက်အပေါ် အခြေခံပြီး ထွက်ပေါ်လာတာဖြစ်ပါတယ်။ ရုရှားကတော့ ဒီကိစ္စနဲ့ပတ်သက်ပြီး လူသိရှင်ကြားမှတ်ချက်မပေးပါဘူး။ ရုရှားနိုင်ငံကလည်း အမေရိကန်ဟာ ပြည်ပနိုင်ငံတွေအပေါ် သြဇာလွှမ်းမိုးဖို့ လုပ်ဆောင်နေတယ်လို့ အကြိမ်ကြိမ်စွပ်စွဲထားပါတယ်။ ရုရှားက ပြည်ပနိုင်ငံတွေမှာရှိတဲ့ နိုင်ငံရေးသမားတွေကို လွှမ်းမိုးဖို့ကြိုးစားနေတယ်လို့ ယူဆရတဲ့ နိုင်ငံနဲ့ လူပုဂ္ဂိုဟ်တွေကို အမေရိကန်က ထုတ်ဖော်ပြောဆိုခြင်းမရှိပေမယ့် တိုက်ကြီးလေးတိုက်မှာ ဖြန့်ကြက်လုပ်ဆောင်နေတယ်လို့ဆိုပါတယ်။ ၂၀၁၇ ခုနှစ်ရွေးကောက်ပွဲမှာ အယ်လ်ဘေးနီးယားရဲ့ ဗဟိုလက်ယာယိမ်းဒီမိုကရက်တစ်ပါတီကို ကျောထောက်နောက်ခံပြုဖို့ ရုရှားဟာ ဒေါ်လာငါးသိန်း အသုံးပြုခဲ့ပြီး ဘော့စနီးယား၊ မွန်တီနီဂရိုး၊ မာဒါဂတ်စကာတို့ရှိ ပါတီတွေ သို့မဟုတ် ကိုယ်စားလှယ်တွေအတွက် ငွေကြေးသုံးစွဲခဲ့ကြောင်း…

ယဲ့ရီဗန်၊ စက်တင်ဘာ-၁၄-၂၀၂၂ မျိုးဆက်(VOM) အာမေးနီးယားနဲ့ အဇာဘိုင်ဂျန်တို့အကြား စက်တင်ဘာ ၁၂ ရက်ညပိုင်းက ဖြစ်ပွားခဲ့တဲ့ တိုက်ပွဲတွေကြောင့် နှစ်နိုင်ငံတပ်ဖွဲ့၀င် ၁၀၀ နီးပါးသေဆုံးခဲ့ကြောင်း တာ၀န်ရှိသူတွေက စက်တင်ဘာ ၁၄ ရက်မှာ ပြောပါတယ်။ တိုက်ပွဲတွေအတွင်း အာမေးနီးယားတပ်ဖွဲ့၀င် ၄၉ ဦးသေဆုံးခဲ့ကြောင်း အာမေးနီးယား၀န်ကြီးချုပ် နီကိုးလ်ပါရှင်ယန်က ထုတ်ဖော်ပြောဆိုထားပြီး အဇာဘိုင်ဂျန်တပ်ဖွဲ့၀င် ၅၀ ဦးသေဆုံးခဲ့တယ်လို့ အဇာဘိုင်ဂျန်ကာကွယ်ရေး၀န်ကြီးဌာနကလည်း ထုတ်ပြန်ထားပါတယ်။ အိမ်နီးချင်းနှစ်နိုင်ငံဖြစ်တဲ့ အာမေးနီးယားနဲ့ အဇာဘိုင်ဂျန်တို့သည် စစ်ပွဲနှစ်ပွဲဆင်နွှဲခဲ့ဖူးပြီး ဆယ်စုနှစ်သုံးခုအတွင်း အသေးစားတိုက်ပွဲတွေကတော့ ပုံမှန်ဖြစ်ပွားနေခဲ့ပါတယ်။ အငြင်းပွားမှု အဓိကအချက်ကတော့ နာဂေါ်နို-ခါရာဘတ်ဒေသကြောင့်ဖြစ်ပြီး နိုင်ငံတကာက အသိအမှတ်ပြုထားတဲ့ နယ်နိမိတ်အရ အဲဒီဒေသဟာ အဇာဘိုင်ဂျန်ရဲ့ အစိတ်အပိုင်းတခုဖြစ်ပေမယ့် အာမေးနီးယားလူမျိုးတွေ နေထိုင်နေကြပါတယ်။ နောက်ဆုံးဖြစ်ပွဲနေတဲ့ ပဋိပက္ခနဲ့ပတ်သက်ပြီး နှစ်ဘက်စလုံးက အပြန်အလှန်ပြစ်တင်ပြောဆိုထားကြကာ နှစ်နိုင်ငံအပစ်အခတ်ရပ်စဲရေးအတွက် စက်တင်ဘာ ၁၃ ရက်မှာ ရုရှားက ကြား၀င်စေ့စပ်ခဲ့ကြောင်း သိရပါတယ်။ Ref:…