Day: August 18, 2023

ဝါရှင်တန်၊ သြဂုတ်-၁၈-၂၀၂၃ အမြောက်ကျည်တွေ၊ နည်းဗျူဟာမြောက်စစ်သုံးယာဉ်ဆယ်ဂဏန်းနဲ့ မိုင်းရှင်းလင်းရေးကိရိယာတွေအပါအဝင် ယူကရိန်းအတွက် ဒေါ်လာသန်း ၂၀၀ တန် လက်နက်တွေ ထပ်မံပံ့ပိုးသွားမယ်လို့ အမေရိကန်ရဲ့ ပင်တဂွန်စစ်ဌာနချုပ်က ကြေညာခဲ့ပါတယ်။ ယူကရိန်းတပ်တွေဟာ ပြင်းထန်တဲ့ ထိုးစစ်ဆင်ရင်း ရုရှားခံတပ်တွေကို ချေမှုန်းဝင်ရောက်ဖို့ ကြိုးစားနေချိန်မှာ အထက်ပါပင်တဂွန်ထံမှ ပံ့ပိုးမှု ပေါ်ပေါက်လာခဲ့တာဖြစ်ပါတယ်။ အဲဒီလို ပံ့ပိုးမယ့်အကူအညီသစ်ကို အမေရိကန်စစ်ဘက်အရာရှိတွေက ဩဂုတ် ၁၄ ရက်၊ ညပိုင်းမှာ ကြေညာခဲ့တာဖြစ်ပါတယ်။ အကူအညီအသစ်တွေထဲမှာ ကိယက်ဗ်မြို့တော်သို့ Amer ကာကွယ်ရေးပစ္စည်းလုပ်ငန်းမှ ထုတ်လုပ်တဲ့ Patriot လေကြောင်းရန်ကာကွယ်ရေးစနစ်နဲ့ HIMARS ဒုံးကျည်စနစ်တွေ၊ ၁၂၀ မီလီမီတာ တင့်ကားသုံးလက်နက်တွေ၊ TOW ဒုံးကျည်တွေ၊ Javelin ဒုံးကျည်တွေနဲ့ လက်နက်ငယ်ကျည်ဆန် ၁၂ သန်းတို့ပါဝင်တဲ့အပြင် တခြားအရေးကြီးတဲ့ ခဲယမ်းမီးကျောက်တွေလည်း ပေးပို့သွားမယ်လို့ သိရပါတယ်။ ဒါ့အပြင် တချို့လက်နက်တွေရဲ့တန်ဖိုးကို ကျော်လွန်ဖော်ပြမိခဲ့တဲ့ အခုနှစ်အစောပိုင်းက ပင်တဂွန်ရဲ့စာရင်းအင်းအမှားကြောင့် ပြန်လည်ပြင်ဆင်ထားတဲ့…

မော်စကို၊ သြဂုတ်-၁၈-၂၀၂၃ မျိုးဆက်(VOM) ရုရှားသိမ်းပိုက်ထားတဲ့ ကရိုင်းမီးယားကျွန်းဆွယ်နဲ့ဆက်သွယ်ထားတဲ့ တံတားကို ယူကရိန်းက ဒုံးကျည်နှစ်စင်းနဲ့ ပစ်မှတ်ထားတိုက်ခိုက်ခဲ့ကြောင်း ရုရှားက ပြောပါတယ်။ ယူကရိန်းဟာ ကာ့ချ်တံတားကို အက်စ်-၄၀၀ ဒုံးကျည်တွေကို အသုံးပြုတိုက်ခိုက်ခဲ့တာဖြစ်ကြောင်း ရုရှားကာကွယ်ရေးဝန်ကြီးဌာနက ထုတ်ပြန်ထားပြီး ယူကရိန်းကတော့ တစုံတရာ မှတ်ချက်ပြုပြောဆိုခြင်းမရှိသေးပါဘူး။ ပြီးခဲ့တဲ့လအနည်းငယ်အတွင်းကလည်း ယူကရိန်းဟာ ရုရှားထိန်းချုပ်ထားတဲ့နယ်မြေတွေမှာရှိတဲ့ တံတားတွေကို တိုက်ခိုက်မှုနှစ်ကြိမ်ထက်မနည်း ပြုလုပ်ခဲ့ပါတယ်။ ကာ့ချ်တံတားကို ၂၀၁၈ ခုနှစ်မှာဖွင့်လှစ်ခဲ့ပြီး ၂၀၁၄ ခုနှစ်မှာ ရုရှားသိမ်းပိုက်ခဲ့တဲ့ ကရိုင်းမီးယားဒေသနဲ့ ရုရှားကို ကားလမ်း၊ ရထားလမ်း ဆက်သွယ်ပေးတဲ့ တံတားတစင်းဖြစ်ပြီး ယူကရိန်းတောင်ပိုင်းကို သိမ်းပိုက်ထားတဲ့ ရုရှားတပ်ဖွဲ့တွေအတွက် အရေးပါတဲ့ ထောက်ပံ့ပို့ဆောင်ရေး လမ်းကြောင်းလည်းဖြစ်ပါတယ်။ ယူကရိန်းဟာ ရုရှားနိုင်ငံ မော်စကိုမြို့လယ်ရှိ အဆောက်အအုံတခုကို သြဂုတ် ၁၇ ရက်ကလည်း မောင်းသူမဲ့လေယာဉ်နဲ့ တိုက်ခိုက်ခဲ့ကြောင်း ရုရှားကာကွယ်ရေးဝန်ကြီးဌာနက ထုတ်ပြန်ထားပါတယ်။ Ref:BBC Photo: Reuters #voiceofmyanmar#VOM#Crimeabridge…

ကွာလာလမ်ပူ၊ သြဂုတ်-၁၈-၂၀၂၃ မျိုးဆက်(VOM) မလေးရှားနိုင်ငံ အဝေးပြေးလမ်းမပေါ်မှာ ကိုယ်ပိုင်ဂျက်လေယာဉ်တစင်းပျက်ကျပြီး ကားတစီးနဲ့ မော်တော်ဆိုင်ကယ်တစီးတို့နဲ့ တိုက်မိပြီးနောက် လူ ၁၀ ဦးသေဆုံးသွားကြောင်း တာဝန်ရှိသူတွေက ပြောပါတယ်။ အဲဒီမတော်တဆမှုကြောင့် လေယာဉ်ပေါ်မှာလိုက်ပါသွားသူရှစ်ဦးနဲ့ မြေပြင်ပေါ်က မော်တော်ဆိုင်ကယ်စီးနှင်းသူနှစ်ဦး သေဆုံးသွားပြီး လေယာဉ်ဟာ လန်ကာဝီအပန်းဖြေကျွန်းကနေ မြို့တော်ကွာလာလမ်ပူရဲ့ အနောက်ဘက် ဆီလန်ဂေါကို ဦးတည်ပျံသန်းစဉ် ပျက်ကျခဲ့တာဖြစ်ပါတယ်။ ဘီးချ်-၃၉၀ အမျိုးအစား အဲဒီလေယာဉ်သည် သြဂုတ် ၁၇ ရက်က ပျက်ကျမှုမဖြစ်ပွားမီ လေကြောင်းထိန်းချုပ်ရေးမျှော်စင်နဲ့ အဆက်အသွယ်ပြတ်တောက်သွားခဲ့ကြောင်း တာဝန်ရှိသူတွေကပြောပါတယ်။ လေယာဉ်ဟာ နေ့လယ် ၂ နာရီ ၄၇ မိနစ်မှာ ဆူဘန်းလေကြောင်းထိန်းချုပ်ရေးမျှော်စင်နဲ့ ပထမဆုံးအကြိမ် ထိတွေ့ဆက်သွယ်ခဲ့ပြီး ၂ နာရီ ၄၈ မိနစ်မှာ လေဆိပ်ဆင်းသက်ဖို့ လမ်းရှင်းပေးပြီးနောက် ၂ နာရီ ၅၁ မိနစ်မှာ ပျက်ကျခဲ့တာဖြစ်ပါတယ်။ လေယာဉ်ပေါ်မှာ လိုက်ပါသွားသူတွေထဲက သေဆုံးသူတဉ်ီးဟာ နိုင်ငံရေးသမားတဦးဖြစ်ပြီး…

This Day in History(August-18.2023) Voice of Myanmar ၁၉၂၀ ခုနှစ် သြဂုတ် ၁၈ ရက်တွင် အတည်ပြုခဲ့သော အမေရိကန်ဖွဲ့စည်းပုံအခြေခံဥပဒေ ၁၉ ကြိမ်မြောက် ပြင်ဆင်ချက်အရ တင်နက်ဆီပြည်နယ်သည် အမျိုးသမီးများ မဲပေးခွင့်ရှိသည့် ၃၆ ခုမြောက် အမေရိကန်ပြည်နယ် ဖြစ်လာခဲ့သည်။ #voiceofmyanmar#VOM #ThisDayInHistory #august182023

ဆိုးလ်၊ သြဂုတ်-၁၇-၂၀၂၃ မျိုးဆက်(VOM) ယခုသီတင်းပတ်မှာကျင်းပမယ့် အမေရိကန်၊ တောင်ကိုရီးယားနဲ့ ဂျပန်နိုင်ငံတို့ရဲ့ သုံးပွင့်ဆိုင်ထိပ်သီးဆွေးနွေးပွဲကို ကန့်ကွက်တဲ့အနေနဲ့ မြောက်ကိုရီးယားဟာ တိုက်ချင်းပစ်ဒုံးကျည် ပစ်ခတ်ဖို့ ပြင်ဆင်နေဖွယ်ရှိကြောင်း တောင်ကိုရီးယားထောက်လှမ်းရေးအဖွဲ့က ပြောပါတယ်။ ဒီကိစ္စနဲ့ပတ်သက်ပြီး တောင်ကိုရီးယားအမျိုးသာထောက်လှမ်းရေးဌာနဟာ ဒီနေ့ပြုလုပ်တဲ့ လွှတ်တော်ကော်မတီရဲ့ တံခါးပိတ်အစည်းအဝေးမှာ ထောက်လှမ်းရေးဆိုင်ရာ သုံးသပ်ချက်ကို တင်ပြခဲ့တာဖြစ်ပါတယ်။ မြောက်ကိုရီးယားဟာ မနက်ဖြန်မှာပြုလုပ်မယ့် အမေရိကန်၊ တောင်ကိုရီးယားနဲ့ ဂျပန်တို့ရဲ့ ထိပ်သီးဆွေးနွေးပွဲ သို့မဟုတ် အမေရိကန်-တောင်ကိုရီးယား ပူးတွဲစစ်ရေးလေ့ကျင့်မှုကို တုံ့ပြန်တဲ့အနေနဲ့ တိုက်ချင်းပစ်ဒုံးကျည်ပစ်ခတ်ခြင်းအပါအဝင် ရန်စသည့်စစ်ရေးလှုပ်ရှားမှုတွေ လုပ်ဆောင်နိုင်ကြောင်း တောင်ကိုရီးယားထောက်လှမ်းရေးအဖွဲ့ကပြောပါတယ်။ ဒါ့အပြင် မြောက်ကိုရီးယားဟာ စက်တင်ဘာ ၉ ရက်မှာကျရောက်မယ့် နိုင်ငံထူထောင်ခြင်း ၇၅ နှစ်မြောက်ကို ဂုဏ်ပြုတဲ့အနေနဲ့ သူ့ရဲ့ ပထမဆုံး စစ်ထောက်လှမ်းရေးဂြိုဟ်တုကို သြဂုတ်လကုန် သို့မဟုတ် စက်တင်ဘာအစောပိုင်းမှာ လွှတ်တင်နိုင်ကြောင်း ထောက်လှမ်းရေးအစီရင်ခံစာမှာ ဖော်ပြထားပါတယ်။ အဲဒီဂြိုဟ်တုလွှတ်တင်မှုကို မေလမှာပြုလုပ်ခဲ့ပေမယ့် မအောင်မြင်ခဲ့ပါဘူး။ မြောက်ကိုရီးယားဟာ ယခုနှစ်အတွင်းမှာ…