Month: August 2025

ဩဂုတ် ၁၆ – ‌၂၀၂၅ KKO(VOM) နိုင်ငံရေး အကျဉ်းသားဟောင်းတွေနဲ့ ယခင်ကနိုင်ငံရေးပြစ်မှုရှိခဲ့ဘူးသူတွေအနေနဲ့ နိုင်ငံကူးလက်မှတ်ပတ်စ်ပို့စာအုပ်လျှောက်ထားရာမှာကြန့် ကြာမှုတွေနဲ့ အခက်အခဲတွေများစွာရှိနေတယ်လို့ ပြည်တွင်းမှာရှိနေတဲ့ နိုင်/ကျဉ်းဟောင်းတွေထံကနေ သိရပါတယ်။ ယခင်ကနိုင်ငံရေးပြစ်မှုရှိခဲ့ဘူးသူတွေအနေနဲ့ နိုင်ငံကူးလက်မှတ်ပတ်စ်ပို့စာအုပ်လျှောက်ထားရာမှာအစစ်ဆေးခံရတာတွေ နောက်ကြောင်းရာဇဝင်တွေကိုစုံစမ်းခံရတာတွေကိုလည်းကြုံတွေ့နေရတယ်လို့ နိုင်/ကျဉ်းဟောင်းတွေကပြောပါတယ်။ လက်ရှိအချိန်အထိ နိုင်/ကျဉ်းဟောင်းလူဦးရေ ၅ဝ နီးပါးခန့်က နိုင်ငံကူးလက်မှတ်ပတ်စ်ပို့စာအုပ် တွေကိုလျှောက်ထားပေမယ့်အချိန်ကာလကြာမြင့်သည်အထိစာအုပ်လက်ဝယ်မရရှိကြသေးဘူးလို့ နိုင်/ကျဉ်းဟောင်းတွေက ဆိုပါတယ်။ “ပတ်စ်ပို့သက်တမ်းတိုးထားတာ အခုချိန်အထိမရသေးဘူး။သာမန်ဆို ၁၀ ရက်ကြာဆိုရနိုင်ပါလျှက်အခုချိန်ထိမရသေးတာပါ။ကျွန် တော်သားသမီးတွေအားလုံး ၁၀ ရက်နဲ့ ရကြတယ်။အမျိုးသမီးစာအုပ်ရရှိပြီးဖြစ်တယ်။ကျွန်တော်စာအုပ်ကျမရရှိသေးတာပါ။အကြောင်းစုံမေးမြန်းကြည့်တော့ နိုင်ငံ‌ရေးပြစ်မှုနဲ့ ထောင်ကျထားတာကိုစုံစမ်းနေလို့ဆိုပြီးပြောပါတယ်” လို့ နိုင်/ကျဉ်းဟောင်းတယောက်က VOM ကို ပြောပါတယ်။ နိုင်/ကျဉ်းဟောင်းတွေအနေနဲ့ ပတ်စ်ပို့စာအုပ်လျှောက်ထားရာမှာ ကြန့်ကြာမှုနဲ့ အခက်အခဲတွေကိုနေပြည် တော်အထိတင်ပြထားပေမယ့် ဒီနေ့အထိထူးခြားမှုမရှိသေးဘူးလို့လည်း သူတို့က ပြောပါတယ်။ “ကျွန်တော်ကလူမျိုးခြားလည်းမဟုတ်ဘူး။သူပုန်လည်းမဟုတ်ဘူး။ကရင်တိုင်းရင်သားပါ။၄ လပိုင်းထဲက QR ဝင်ပြီးလျှောက်ထားတာ သက်တမ်းတိုးထားတာ အခုအထိဆို ၅ လနီးပါးရှိနေပြီ၊စာအုပ်မရသေးဘူး။နယ်မြေခံသတင်းတပ်ဖွဲ့ကလာရောက်စုံစမ်းစစ်ဆေးတယ်။ရယကထောက်ခံချက်၊ရဲစခန်းမှာပြစ်မှုကင်းရှင်းကြောင်းထောင် ထွက်လက်မှတ်ဘယ်နှစ်ခုနှစ်မှာစတင်ပြီးနိုင်ငံရေးလုပ်ခဲ့သလဲ။ထောင်ဘယ်နှစ်ကြိမ်ကျခဲ့သလဲ။ပြစ်ဒဏ်ဘယ်လောက်ကျခဲ့သလဲအကုန်မေးမြန်းခံရတယ်၊အစစ်ခံရတယ်”လို့ သူက ဆက်ပြီး…

ဩဂုတ် ၁၆ – ၂၀၂၅ SN (VOM) ကိုရီးယားရောက် မြန်မာလုပ်သားတွေ အနေနဲ့ မိသားစုဆီ လွှဲပို့ငွေ အထောက်အထားကို လာမယ့် ဩဂုတ် ၁၉ ရက်နေ့ နောက်ဆုံးထားပြီး ပြန်လည် တင်ပြရမှာ ဖြစ်တယ်လို့ အစိုးရ ပြည်ပအလုပ်အကိုင် အေဂျင်စီ (POEA) က မနေ့ ဩဂုတ် ၁၅ ရက်နေ့မှာ အသိပေး ကြေညာထားပါတယ်။ ၂ဝ၂၄ ခုနှစ်၊ စက်တင်ဘာလမှ ဒီဇင်ဘာလအတွင်း ကိုရီးယားသမ္မတနိုင်ငံကို နှစ်နိုင်ငံအစိုးရချင်း ချိတ်ဆက်စနစ် (EPS) နဲ့ သွားရောက်ခဲ့ကြတဲ့ မြန်မာလုပ်သားတွေ အနေနဲ့ အခု ၂၀၂၅ ခုနှစ်၊ ဩဂုတ်လအတွင်း လွှဲပို့ခဲ့တဲ့ ငွေလွှဲ အထောက်အထားတွေကို တင်ပြရမှာဖြစ်တယ်လို့ သိရပါတယ်။ ဒါနဲ့ပတ်သက်လို့ ကိုရီးယားနိုင်ငံရောက် မြန်မာလုပ်သားတယောက်က “မသိရင် ကျွန်တော်တို့လာတာ သူတို့ပိုက်ဆံနဲ့များ ထင်နေလာမသိဘူး။ ဒါကိုပဲ…

ဩဂုတ် ၁၄၊ ၂၀၂၅ Shy V (VOM) ကျောက်မဲမြို့နယ်၊ နောင်ပိန်ရွာမှာ ဩဂုတ်လ ၁၄ ရက်နေ့က နေအိမ်အချို့ ရေနစ်မြုပ်သွားကြောင်း ဒေသခံတွေဆီက သိရပါတယ်။ “တမနက်လုံး မိုးရွာလို့ နောင်ပိန် ဗုဗ္ဗာရုံကျောင်းနဲ့ ကျောင်းနား ဝန်းကျင်ရော ရေမြုပ်တာ” လို့ ဒေသခံ အမျိုးသမီး တယောက်က ပြောပါတယ်။ ဗုဗ္ဗာရုံကျောင်းတိုက် အုတ်တံတိုင်းတွေ ပြိုကျသွားလို့ ရေတွေ တွန်းကန်ထွက်လာကာ အနီးနားရှိ နေအိမ်တွေ ရေနစ်မြုပ်ကုန်တာလို့ ဆိုပါတယ်။ “နောင်ပိန်မှာ ‌ရေ ပြန်ကြီးနေတာ ဟုတ်တယ်။ ရပ်ကွက်နှစ် ခုက နေအိမ်တချို့ ရေ မြုပ်သွားတာ” လို့ ကျောက်မဲ ဒေသခံ တယောက်ကလည်း ပြောပါတယ်။ ဩဂုတ်လ ၁၄ ရက်နေ့ မနက်ပိုင်းကစသည်းထန်စွာ ရွာသွန်းတာကြောင့် နောင်ပိန် အမှတ် ၃ ရပ်ကွက် နဲ့…

ဩဂုတ် ၁၅ ၊ ၂၀၂၅ GG (VOM) မွန်ပြည်နယ် ၊ သံဖြူဇရပ်မြို့နယ် ၊ ဝဲခမီကျေးရွာမှာ ဩဂုတ် ၁၄ ရက်နေ့ ၊ မနက်ပိုင်းက ကားတစီးနဲ့လိုက်ပါလာတဲ့ ကျောင်းဆရာမ သုံးယောက်ကို ဒေသတွင်း လက်နက်ကိုင်အဖွဲ့တခုက ဖမ်းဆီးသွားတယ်လို့သိရပါတယ်။ အဆိုပါ ကျောင်းဆရာမတွေဟာ ရေးမြို့နယ်ကနေ မောင်းနှင်လာတဲ့ ကားဖြစ်ပြီး မနက် ၇ နာရီလောက်မှာ ဖမ်းဆီးခေါ်ဆောင်သွားခြင်းခံရတာဖြစ်တယ်လို့သိရပါတယ်။ ” ဆရာမသုံး​ယောက်အဖမ်းခံရတယ်။လက်နက်ကိုင်အဖွဲ့ဖမ်းသွားတယ်လို့ပဲသိရတာ။ဘယ်အဖွဲ့ကဆိုတာ မသိပါဘူး။ ဝဲခမီရွာအဝင်မှာ ဖမ်းသွားတာလို့တော့ ကနဦးသိရတယ်။ ရေးမြို့နယ်ထဲကကျောင်းဆရာမတွေပေါ့။ ဝဲခမီရွာက ရေး – သံဖြူဇရပ်ပြည်ထောင်စုလမ်းမကြီးပေါ်ကရွာပါ။အဲဒီဘက်မှာ တိုက်ပွဲလည်းမကြာခဏဖြစ်တယ်။ ” လို့ လုံခြုံရေး အဖွဲ့နဲ့နီးစပ်သူကပြောပါတယ်။ အဆိုပါ ဖမ်းဆီးခံလိုက်ရတဲ့ ကျောင်းဆရာ မတွေက လမိုင်း အ.ထ.က ကျောင်းက ဆရာမဒေါ်ဇာခြည်သော် ၊ မော့ကနင် အ.ထ.က ကျောင်းက ဒေါ်ခင်လေးမွန်…

ဩဂုတ် ၁၅ ၊ ၂၀၂၅ KC (VOM ) မိုးကုတ်မြို့ အရှေ့ပိုင်းကို ဩဂုတ် ၁၄ ရက်နေ့ ည ၈ နာရီ ၃၀ မိနစ်အချိန်က လေကြောင်းကနေ ဗုံးကြဲတိုက်ခိုက်ခဲ့တာကြောင့် လူ ၁၀ ယောက်ထက်မနည်းသေဆုံးခဲ့ပြီး ထိခိုက်ဒဏ်ရာရရှိသူတွေ များတယ်လို့ ဒေသခံတွေဆီကသိရပါတယ်။ ” အရှေ့ပိုင်းက လင်းရောင်ခြည်ဘုန်းကြီးကျောင်း နဲ့ ရွှေကူကြား ငါးပတ်တောင် ဘက်ကိုကြဲခံရ တာပါ။ ထိခိုက်သေဆုံး များပါတယ်။ ခုညသိရသလောက်တင် ၁၀ ယောက်ကျော်တယ်။ ထိခိုက်သူလည်းများတယ်။ ဆေးရုံအကုန်သယ်ပြီးကုသမှုပေးနေတယ်။ အရေးပေါ်သွေးလိုအပ်မှုလည်းရှိတယ်။” လို့ ဒေသခံကပြောပါတယ်။ သေဆုံးတဲ့အထဲမှာ ကလေးတွေလည်းပါဝင်သလို အသက်ကြီးပိုင်းအရွယ်တွေလည်း ပါတယ်လို့သိရပါတယ်။ ” တချို့အလောင်းတွေဆိုတစစီကိုဖြစ်သွားတယ်။” လို့သူကထပ်ပြောပါတယ်။ ထိခိုက်ဒဏ်ရာရရှိသူတွေကိုတော့ ဆေးရုံကိုပို့ဆောင်ကာ TNLA က ဆေးဝါးကုသမှုအပိုင်း လုပ်ဆောင်ပေးနေတယ်လို့သိရပါတယ်။ မိုးကုတ်မြို့ကို လေကြောင်းတိုက်ခိုက်မှုအနေနဲ့ ယခုဩဂုတ်လထဲမှာတင် သုံးကြိမ်ထက်မနည်းရှိပြီဖြစ်ကြောင်း…

ဩဂုတ် ၁၄၊ ၂၀၂၅ Shy V (VOM) လားရှိုးမှာ ဩဂုတ်လ ၁၄ ရက်နေ့က နလအ နဲ့ MNDAA ထပ်မံတွေ့ဆုံကြောင်း ဒေသခံတွေဆီက သိရပါတယ်။ “သိန္နီ ပေးဖို့ လက်မှတ်ထိုးတယ်ကြားတယ်။ ဒီနေ့ ဆင်နှစ်ကောင်မှာ အစည်းဝေး လုပ်တယ်။” လို့ ဒေသခံ လူငယ် တယောက်က ပြောပါတယ်။ ဒီကိစ္စ နှစ်ဖက်လုံးက ထုတ်ပြန်တာမရှိသလို VOM ကလည်း ဆက်သွယ်အတည်ပြုနိုင်တာ​တော့ မရှိ​သေးပါဘူး။ “MNDAA နဲ့ စစ်တပ် ဩဂုတ်လ ၁၄ ရက်နေ့က ဆင်နှစ်ကောင် ဟိုတယ်မှာ တွေ့ကြတယ်လို့ ပြောနေကြတယ်။ ကျမတို့ ဖြတ်လာတော့ ‌လမ်းတွေလည်း လိုက်ရှင်းနေတာ တွေ့ရတယ်” လို့ ဒေသခံ အမျိုးသမီး တယောက်က ပြောပါတယ်။ MNDAA အနေနဲ့ သိန္နီကနေ ဆုတ်ခွာမယ့် အရိပ်အယောင်…