Month: August 2025

ဩဂုတ် ၁၀ – ၂၀၂၅ SN (VOM) ယာယီသမ္မတ ဦးမြင့်ဆွေရဲ့ နိုင်ငံတော်အဆင့် ဈာပနကို မနက်ဖြန် ဩဂုတ် ၁၁ ရက်၊ နေ့လယ် ၁ နာရီခွဲ အချိန်မှာ စတင် ပြုလုပ်မှာဖြစ်ပြီး နေပြည်တော်ရှိ တပ်မတော် စစ်သင်္ချိုင်းကို ပို့ဆောင် မီးသင်္ဂြုဟ်သွားမှာ ဖြစ်တယ်လို့ သိရပါတယ်။ အဆိုပါ ဈာပနအခမ်းအနားကို နိုင်ငံတော်ဝန်ကြီးချုပ် ဦးညိုစောက ဦးဆောင်ပြုလုပ်မှာဖြစ်ပြီး အခမ်းအနားကျင်းပရေး ဦးစီးကော်မတီ ဒုတိယဥက္ကဋ္ဌ (၁) ကတော့ ပြည်ထဲရေးဝန်ကြီး ဒုတိယဗိုလ်ချုပ်ကြီး ထွန်းထွန်းနောင်ဖြစ်ကာ ဒုတိယဥက္ကဋ္ဌ (၂) ကတော့ ညှိနှိုင်းကွပ်ကဲရေးမှူး (ကြည်း၊ ရေ၊ လေ) ဗိုလ်ချုပ်ကြီးကျော်စွာလင်း ဖြစ်တယ်လို့ သိရပါတယ်။ ဈာပနအခမ်းအနား ကျင်းပနိုင်ရေးအတွက် လုပ်ငန်းကော်မတီ ၁၁ ခုအထိ ဖွဲ့စည်းထားပြီး အဆိုပါ ကော်မတီဝင်တွေထဲမှာ ပြည်ထောင်စု ဝန်ကြီးတွေနဲ့…

ဩဂုတ် ၉ ၊ ၂၀၂၅ GG(VOM.) အမျိုးသားရေးလှုပ်ရှားသူ ဇော်ဘုန်းဟိန်းကို ဩဂုတ် ၈ရက်မှာ ပြင်ဦးလွင်မြို့နယ်တရားရုံးက အလုပ်ကြမ်းနဲ့ ထောင်ဒဏ် ၁၁ နှစ်ချမှတ်လိုက်တယ်လို့ နီးစပ်သူတွေဆီကသိရပါတယ်။ ကိုဇော်ဘုန်းဟိန်း ထောင်ဒဏ်ချမှတ်ခံရတာနဲ့ပတ်သက်ပြီး မှတ်ကန်ကြောင်း ပေါက်ကိုယ်တော်ကလည်း အတည်ပြုပြောဆိုထားသလို မိသားစုဝင်ဘက်ကလည်း မီဒီယာသမားတယောက်ကိုပြောဆိုထားပါတယ်။ ပေါက်ကိုယ်တော်က “ကိုဇော်ဘုန်းဟိန်းကိုအမိန့်ချလိုက်ပါပြီ။ ၁၁ နှစ်လို့သိတယ်။ကိုဇော်ဘုန်းဟိန်းကိုဝန်းရံတဲ့သူတွေ အနီးကပ်လူတွေ ပြည်ပကိုအားမကိုးပါနဲ့၊တခါတလေ ပြည်ပကြောင့်ဒုက္ခရောက်သွားသူတွေရှိပါတယ်။ပြည်ပကလူတေ်ကဘာမှလုပ်မပေးနိုင်ပါဘူး။အဲတော့ ဦးဇင်းတို့က ကိုဇော်ဘုန်းဟိန်းကို လွတ်ငြိမ်းပဲမျှော်ရတော့မယ်။ဘာပြောပြော ဥပဒေအထက်မှာဘယ်သူမှမရှိစေရဆိုတော့ ဥပဒေအလုပ် ဥပဒေအတိုင်းလုပ်မှာ ဥပဒေအတိုင်း ဆော်မှာပဲ။အပြစ်ပြောလို့မရဘူး။လွတ်ငြိမ်းကိုပဲမျှော်ရမယ်။ကိုဇော်ဘုန်းဟိန်းကလည်းသူ့ကိုအမိန့်ချပေမယ့် ပျော်ပျော်ကြီးပါဘဲ။ အပြုံးမပျက်ပါဘူး။” လို့ လူမှုကွန်ယက်စာမျက်နာကနေ ပြောဆိုထားပါတယ်။ ကိုဇော်ဘုန်းဟိန်းကို အကြမ်းဖက်တိုက်ဖျက်ရေးဥပဒေ ပုဒ်မ ၃(ခ)(၁၅)၊ နိုင်ငံတော်အကြည်ညိုပျက်စေမှု ပုဒ်မ ၅၀၅ ( က) အပါအဝင် ပုဒ်မအချို့အတွက် အလုပ်နဲ့ထောင် ၁၁ နှစ်ချမှတ်လိုက်တာဖြစ်တယ်လို့ ကနဦးသတင်းအရ သိရပါတယ်။ ကိုဇော်ဘုန်းဟိန်းအနေနဲ့ ရန်ကုန်…

မန္တလေး၊ သြဂုတ် – ၉- ၂၀၂ SA(VOM) မန္တလေးမြို့၊ ချမ်းမြသာစည်မြို့နယ် ၁၁၀ E လမ်း၊ ၄၉ လမ်းနဲ့ ၅၀ လမ်းကြားမှာ မနေ့ သြဂုတ်လ ၈ ရက်နေ့ ည ၈ နာရီဝန်း ကျင်ခန့်က ဆိုင်ကယ်မောင်းနှင်လာတဲ့ သားအမိသုံးယောက်ကို လုယက်သူနှစ်ဦးက ဓားပြခြိမ်းချောက်ပြီး ဆိုင်ကယ်ကို လုယူထွက်ပြေးသွားခဲ့တဲ့ ဗီဒီယိုဖိုင်တခု လူမှုကွန်ယက်စာမျက်နှာတခုမှာ တွေ့ရပါတယ်။ ” MDY အခြေအနေကတော့ ကိုယ်တိုင်ခံလိုက်ရပြီ၊ ခလေးတွေထိမှာဆိုးလို့ အေးဆေးပေးလိုက်ရတယ်၊ ငါ့ဆိုင်ကယ်လေး နှမြောပေမယ့် ခလေးတွေဘာမှ မဖြစ်ပါဘူးဆိုတဲ့စိတ်နဲ့ ဖြေနေရတယ် ” Moe Thu facebook account စားမျက်နှာမှာ ရုပ်သံဖိုင်နဲ့တကွ တင်ထားတာကိုတွေ့ရပါတယ်။ ၂၀၂၂ ခုနှစ်နောက်ပိုင်း မန္တလေးမြို့ပေါ်မှာ ဆိုင်ကယ်၊ ကား၊ အိုးဝေတွေကို ပစ်မှတ်ထား လုယက်သတ်ဖြတ်ခံရတဲ့ အရေ…

ဩဂုတ် ၉ ၊ ၂၀၂၅ GG (VOM) မြန်မာနိုင်ငံ ရုပ်ရှင်အစည်းအရုံးဝင်၊ အစည်းအရုံးဝင်အဖြစ်လျှောက်ထားဆဲ အနုပညာရှင်နဲ့ အတတ် ပညာရှင်တွေ ပါဝင်တဲ့ ရုံတင်ရုပ်ရှင်ဇာတ်ကား၊ ဇာတ်လမ်းတွဲ၊ ဗီဒီယို ဇာတ်လမ်း၊ တေးသီချင်းဗီဒီယို၊ မှတ်တမ်းရုပ်ရှင်၊ ဇာတ်လမ်းတိုတွေ ကိုသာ ရိုက်ကူးခွင့်ပေးပြီး ဆင်ဆာကြည့်ရှုခွင့်ထောက်ခံချက် ပေးတော့မှာဖြစ်တယ်လို့ မြန်မာနိုင်ငံ ရုပ်ရှင်အစည်းအရုံးက ဩဂုတ် ၈ ရက်မှာ အသိပေးလာပါတယ်။ အဆိုပါ ဆောင်ရွက်ချက်စနစ်သစ်ကို လာမယ့် အောက်တိုဘာလ ၁ ရက် မှစပြီး စတင်လုပ်ဆောင်သွားမှာဖြစ်တယ်လို့ သိရပါတယ်။ ခုလိုသတ်မှတ်လိုက်တဲ့အပေါ် ဒါရိုက်တာ ညိုမင်းလွင်က “ဒါကြီးက ဘယ်လိုစိတ်ကူးနဲ့လဲတော့ကျွန်တော်လည်းမသိပါဘူး။ကျွန်တော်တို့တလျှောက်လုံးသိထားခဲ့တာက ရုပ်ရှင်အစည်းအရုံးဝင်အဖြစ်လျှောက်ထားဖို့ဆိုတာသတ်မှတ်ထားတဲ့ရုပ်ရှင်၊ဗီဒီယိုကားအရေအတွက်ပြည့်အောင်ရိုက်ဖူးထားမှရမယ်။ အဲဒီလိုမရိုက်ဖူးသေးပဲနဲ့ရုပ်ရှင်အစည်းအရုံးဝင်အဖြစ်လျှောက်ထားလို့မရဘူး။ခုက အဲဒီလိုအစည်းအရုံးဝင်အဖြစ်လျှောက်ထားမှပဲကားထဲမှာခေါ်ရိုက်လို့ရမယ်ဆိုတော့ တကားမှမရိုက်ဖူးလည်းလျှောက်လို့ရနေပြီလား။” လို့ သူ့ရဲ့လူမှုကွန်ယက်စာမျက်နာကနေ ပြောဆိုထားပါတယ်။ မြန်မာနိုင်ငံရုပ်ရှင်အစည်းအရုံးကတော့ ခုလိုဆောင်ရွက်တာက ရုပ်ရှင်လောကသားတွေအတွက် ထိခိုက်မှုမရှိအောင် လုပ်ဆောင်ခြင်း ဖြစ်ကြောင်းနဲ့ အစည်းရုံးဝင်ဖြစ်ဖို့အတွက်က ယခင် သတ်မှတ်ထားတဲ့…

ဩဂုတ် ၉ – ၂၀၂၅ SN (VOM) အိတ်ခ်ျအိုင်ဗွီ၊ အေအိုင်ဒီအက်စ် ကူးစက်ခံ လူနာတွေအတွက် ART (Antiretroviral Therapy) ဆေးကို အစိုးရ ဆေးရုံကြီးတွေမှာပဲ ထုတ်ယူခွင့် ပေးတော့မှာ ဖြစ်တယ်လို့ ကျန်းမာရေး အသိုင်းအဝိုင်းက သိရပါတယ်။ မနေ့ ဩဂုတ် ၈ ရက်ကနေ စတင်ပြီး မြန်မာနိုင်ငံတွင်းရှိ HIV/AIDS လူနာတွေအတွက် မရှိမဖြစ်လိုအပ်တဲ့ ART ဆေးတွေကို အရပ်ဖက် အဖွဲ့အစည်းတွေဖြစ်တဲ့ NGO/INGO အဖွဲ့တွေက‌နေတဆင့် ဆေးပေးခွင့် ရပ်ဆိုင်းလိုက်ပြီ ဖြစ်တယ်လို့ သိရပါတယ်။ ဒါနဲ့ ပတ်သက်လို့ ကျန်းမာရေး ဝန်ထမ်းတယောက်က “ကျွန်တော်တို့လည်း ဒီသတင်း ကြားပါတယ်။ သေချာသလောက်တော့ ရှိတယ်ပေါ့။ တကယ်လို့သာ ဒီသတင်း အတည်ဖြစ်ခဲ့မယ်ဆိုရင် ဘယ်လိုဖြစ်သွားနိုင်လဲ ဆိုတော့ ဒါက HIV/AIDS လူနာတွေအတွက် သတင်း‌ကောင်းတော့ မဖြစ်နိုင်ဘူး”…