ဖေဖော်ဝါရီ ၃ – ၂၀၂၅ SN (VOM) လက်ရှိ သရုပ်ဆောင်တွေရဲ့ လှူဒါန်းမှုဟာ အကယ်ဒမီကြောင့် မဟုတ်ဘူးလို့ မြန်မာနိုင်ငံ ရုပ်ရှင်အစည်းအရုံး ဒုတိယဥက္ကဋ္ဌ ဦးအေးကြူလေးက ပြောပါတယ်။ လက်ရှိမှာ တချို့သော မီဒီယာတွေဟာ “ရုပ်ရှင်ထူးချွန်ဆုပေးကာနီးတွင် ရုပ်ရှင်သရုပ်ဆောင်များ ရုပ်ရှင်အစည်းအရုံးသို့ အပြိုင်အဆိုင်လှူဒါန်းကြ” ဆိုတဲ့ ခေါင်းစဉ်နဲ့ ပရိသတ်အထင်မှားစရာ၊ အထင်သေးစရာ သတင်းဆိုးတွေကို ဖော်ပြလျက်ရှိတယ်လို့ မြန်မာနိုင်ငံ ရုပ်ရှင်အစည်းအရုံး က ထုတ်ပြန် အသိပေးထားပါတယ်။ ဒီအကြောင်းအရာနဲ့ ပတ်သက်လို့ ဦးအေးကြူလေးက “လှူတာက ဆန်၊ ဆီဝေတဲ့ကိစ္စ လှူတာလေ။ အကယ်ဒမီပေးပွဲနဲ့ နည်းနည်းနီးတဲ့အခါကျတော့ လူတွေက အကယ်ဒမီကြောင့် လှူတယ်ဆိုပြီး ပြောနေကြတာ။ တကယ်က လုပ်လို့မှမရတာ။ လှူလည်း သူ့ဘာသာသူ လှူတာပဲရှိတာပဲ။ ကျွန်တော်တို့ဒီဘက်က ဘုတ်အဖွဲ့က ၂၀ ကျော်ရှိတယ်။ အဲဒီ ၂၀ ကျော်မဲနဲ့ သွားတာလေ။…

ဖေဖော်ဝါရီ ၂၊ ၂၀၂၅ ZY(VOM) ရှမ်းပြည်နယ်တောင်ပိုင်းဒေသမှာ လာရောက်ခိုလှုံနေကြတဲ့ ကယားပြည်နယ်က စစ်ဘေးရှောင်တွေကို လာမယ့်မတ်လကုန်မှာ နေရပ်ကို အပြီးပြန်ခိုင်းထားတဲ့အတွက် အခက်ကြုံတွေ့နေရတယ်လို့ စစ်ဘေးရှောင်အရေးကူညီသူတွေနဲ့ စစ်ဘေးရှောင်တွေထံကနေ သိရပါတယ်။ တောင်ကြီး၊ ပင်လောင်း၊ ညောင်ရွှေစတဲ့မြို့နယ်တွေမှာ လာရောက်ခိုလှုံနေတဲ့ ကယားပြည်နယ်က စစ်ဘေးရှောင်တွေကို မတ်လမကုန်ခင်မှာ နေရပ်ပြန်ခိုင်းဖို့ မြို့နယ်အထွေထွေအုပ်ချုပ်ရေးရုံးမှ သတိပေး ပြောဆိုလာတာဖြစ်တယ်လို့ သိရပါတယ်။ “လွိုင်ကော်မှာ အခြေအနေက တည်ငြိမ်နေပြီဖြစ်တဲ့အတွက် ပုံမှန်အတိုင်း ကိုယ့်နေရပ်မှာ ပြန်နေကြဖို့ စစ်ဘေးရှောင်စခန်းတာဝန်ခံတွေ၊ ရပ်ကွက်၊ ကျေးရွာအုပ်ချုပ်ရေးအဖွဲ့တွေကို ညွှန်ကြားလာတာပါ။ မတ်လ မကုန်ခင်မှာ အပြီးပြန်ရမယ်ပေါ့။ မတ်လကုန်ရင်တော့ စစ်ဘေးရှောင်စခန်းတွေကို ဖျက်သိမ်းတော့မယ်လို့လည်း ပြောလာပါတယ်”လို့ စစ်ဘေးရှောင်အရေးကူညီသူတယောက်က VOMကို ပြောပါတယ်။ လက်ရှိအချိန်မှာ ကယားစစ်ဘေးရှောင်တွေအနေနဲ့ စားသောက်နေထိုင်ရေးအတွက် အခက်ကြုံတွေ့နေရသလို ကယားပြည်နယ်ကို ပြန်ဖို့နဲ့ တိုက်ပွဲတွေ ပြန်လည်ဖြစ်ပွားလာပါက ထပ်မံတိမ်းရှောင်ဖို့ ငွေကြေးအခက်အခဲတွေ ရှိနေတဲ့အတွက် အခုလိုညွှန်ကြားလာတဲ့အပေါ် စိုးရိမ်မှုတွေ…

ဖေဖော်ဝါရီ ၂ -၂၀၂၅ KKO(VOM) နိုင်ငံတော်အကြပ်အတည်းနဲ့ ပတ်သက်လို့ နိုင်ငံရေးဆွေးနွေးပွဲ စကားဝိုင်းတရပ်ကို ဒီနေ့ ဖေဖော် ဝါရီ ၂ ရက်၊ နံနက်ပိုင်းအချိန်က ရန်ကုန်မြို့မှာ ပြုလုပ်ကျင်းပခဲ့ကြပါတယ်။ ဒီကနေ့ ပြုလုပ်တဲ့ ဆွေးနွေးပွဲစကားဝိုင်းမှာ နိုင်ငံတော်အကြပ်အတည်းနဲ့ အစိုးရ၊ နိုင်ငံသားတွေနဲ့ နိုင်ငံရေးပါတီ‌တွေရဲ့အခန်းကဏ္ဍတွေကို အဓိကထားဆွေးနွေးခဲ့ကြတာလည်းဖြစ်ပါတယ်။ ယခုစကားဝိုင်းကို ပြည်သူ့ရှေ့ဆောင်ပါတီ(PPP)က ဉီးဆောင်ကျင်းပခဲ့တာဖြစ်ပြီး ရခိုင့်ဦးဆောင်ပါတီ(Arakan Front Party)က ဒေါက်တာအေးမောင်၊ အမျိုးသားဒီမိုကရေစီအင်အားစုပါတီ(NDF)က ဦးထက်အောင်ကျော်၊ သေနင်္ဂမဟာဗျူဟာလေ့လာရေးအဖွဲ့က ဦးသိန်းထွန်းဦးနဲ့ PPP ပါတီက ဒေါက်တာမျိုးဆက်သွေးတို့က ပါဝင်ဆွေးနွေးခဲ့ကြတာဖြစ်ပါတယ်။ “အခုအကြပ်အတည်းက နိုင်ငံရေးအရ သဘောထားကွဲလွဲနေတဲ့အဆင့်လား၊နိုင်ငံရေးအရ သဘောထားကွဲလွဲနေတဲ့ အဆင့်ကိုကျော်ပြီး လက်ရှိအကြပ်အတည်းသည် လက်နက်ကိုင်ပဋိပက္ခအဆင့်ဆီကို ကူးပြောင်းသွားပြီလား၊အဲဒီအခါမှာ အစိုးရရဲ့ယန္တရားသည် အုပ်ချုပ်ရေး ယန္တရားသည် ခနော်ခနဲ့ မတည်ငြိမ်တဲ့ အနေအထားကိုရောက် သွားပြီလား၊အဲဒီအနေအထားကို ပြန်ပြီးတော့ ပြင်ဆင်ဖို့အတွက် နိုင်ငံရေးအားဖြင့် ကြားဝင်ဆွေးနွေးဖို့ ရနိုင်ချေရှိလား၊ဒါလေးတွေကို ကျွန်တော်တို့စဉ်းစားပြီး…

ဖေဖော်ဝါရီ ၁ – ၂၀၂၅ SS (VOM) မကွေးတိုင်း၊ ဆိပ်ဖြူမြို့နယ်ထဲက ကျေးရွာတွေမှာ စစ်ရေးအခြေအနေ တင်းမာနေတဲ့အတွက် ဒေသခံ ထောင်နဲ့ချီ စစ်ဘေး တိမ်းရှောင်နေရတယ်လို့ ကူညီပေးနေသူတွေဆီက သိရပါတယ်။ ဆိပ်ဖြူမြို့နယ်ထဲမှာ ပြီးခဲ့တဲ့ ဇန်နဝါရီလ ၃၀ ရက်ကစပြီး နစကတပ်က နယ်မြေရှင်းလင်းရေး လုပ်ဆောင်လာတဲ့အတွက် တိုက်ပွဲဖြစ်လာမှာကို စိုးရိမ်ပြီး ရွှေဘို့ကျွန်း၊ ကျောက်ကြီး၊ ညောင်ဂွေး၀၊ တောင်ဖြူ (အရှေ့/အနောက်)၊ ရှားတော၊ ကူရှည်အလယ်စု စတဲ့ ကျေးရွာတွေက ဒေသခံ ရှစ်ထောင်ကျော် အရေးပေါ် စစ်ရှောင်နေရတာဖြစ်တယ်လို့ သိရပါတယ်။ “ရွှေဘို့ကျွန်းရွာမှာ အခြေစိုက်ထားတဲ့ အမှတ် (၂၂) ကာကွယ်ရေးပစ္စည်းစက်ရုံ (ကပစ – ၂၂) ကို ကာကွယ်ဖို့အတွက် နစကတပ်တွေက နယ်မြေရှင်းလင်းရေး လုပ်နေတာ။ ဒေသတွင်း လက်နက်ကိုင်တပ်တွေနဲ့ တိုက်ပွဲတွေ ဖြစ်တာလည်းရှိတယ်။ ဒေသခံတွေ ဘယ်သူမှ…