Day: June 28, 2022

ပုသိမ် ၊ ဇွန် -၂၈ ၊၂၀၂၂ မင်းမြတ် ဧရာဝတီတိုင်းထဲက မအူပင်မြို့နဲ့ဖျာပုံမြို့တွေက ကျေးရွာတွေမှာ ဇွန်လ ၁ ရက်ကနေ ဒီကနေ့ ၂၅ ရက် အထိ ရက်ပေါင်း ၂၅ရက်အတွင်း လူ ၃၀ ကျော် ဖမ်းဆီးခံထားရတယ်လို့ ဖမ်းဆီးခံရသူတွေနဲ့နီးစပ်သူတွေဆီက သိရပါတယ်။ မအူပင်မြို့အတွင်းရှိ ကျေးရွာတွေက ဒေသခံ အယောက် ၂၀ နဲ့ ဖျာပုံမြို့ရှိ ကျေးရွာတွေက ဒေသခံ ၁၂ ယောက် ဖမ်းဆီးခံထားရတာဖြစ်ပြီး သူတို့တွေကို မိသားစုတွေက ဒီကနေ့အချိန်ထိ အဆက်အသွယ်မရဖြစ်နေတယ်လို့ သိရပါတယ်။ “မအူပင်မှာက အယောက် ၂၀ အဖမ်းခံရတယ်။လူငယ်နဲ့ လူလတ်ပိုင်းတွေပါ လူသတ်မှု၊ညဘက်အပြင်ထွက်မှု၊ဗုံးပေါက်ကွဲမှုတွေနဲ့ပတ်သက်တယ်လို့ဆိုပြီးအဖမ်းခံရတာ။လက်ရှိအချိန်အထိ ပြန်မလွှတ်သေးပါဘူး။ ဖျာပုံဘက်ကတော့ ၁၂ ယောက်အထိ အဖမ်းခံထားရတယ် ”လို့ ဖမ်းဆီးခံရတဲ့သူတွေနဲ့နီးစပ်သူတယောက်ကပြောပါတယ်။ အဲ့ဒီလို့ ဖမ်းဆီးခံရသူတွေဟာ လူသတ်မှုနဲ့ ပတ်သက်တယ်ဆိုပြီး ၂ ယောက်…

ကိုလံဘို၊ ဇွန်-၂၈ မျိုးဆက်(VOM) သီရိလင်္ကာနိုင်ငံမှာ ဆယ်စုနှစ်များစွာအတွင်း အဆိုးရွားဆုံး စီးပွားရေးအကြပ်အတည်းနဲ့ ရင်ဆိုင်နေရချိန်မှာ မရှိမဖြစ်မဟုတ်တဲ့ ယာဉ်တွေအတွက် လောင်စာဆီရောင်းချမှုကို ဇွန် ၂၇ ရက်မှာ ရပ်ဆိုင်းလိုက်ပါတယ်။ လာမယ့် သီတင်းနှစ်ပတ်အတွင်း ဆေးဘက်ဆိုင်ရာ၀န်ဆောင်မှုတွေနဲ့ အစားအသောက်တွေ သယ်ယူပို့ဆောင်ရာမှာ အသုံးပြုတဲ့ ဘတ်စ်ကားတွေ၊ ရထားတွေနဲ့ သတ်မှတ်ယာဉ်တွေကိုသာ လောင်စာဆီဖြည့်ခွင့်ပြုတော့မှာဖြစ်ပါတယ်။ ပုဂ္ဂလိကပိုင် ယာဉ်တွေကို ဓါတ်ဆီနဲ့ ဒီဇယ်၀ယ်ယူတာတွေကို ဇူလိုင် ၁၀ ရက်ထိ တားမြစ်သွားမယ်လို့ သီရိလင်္ကာအစိုးရက ကြေညာပါတယ်။ မြို့ပြဒေသတွေမှာ စာသင်ကျောင်းတွေကိုလည်း ပိတ်ထားရပြီး ပြည်သူတွေကို နေအိမ်မှသာ အလုပ်လုပ်ကြဖို့ တာ၀န်ရှိသူတွေက တိုက်တွန်းထားပါတယ်။ သီရိလင်္ကာနိုင်ငံဟာ လောင်စာဆီနဲ့ စားနပ်ရိက္ခာလိုမျိုး သွင်းကုန်တွေအတွက် နိုင်ငံခြားငွေပေးချေဖို့ ရုန်းကန်နေရပြီး နိုင်ငံသမိုင်းမှာ ဒီလောက်ဆိုးရွားတဲ့ စီးပွားရေးအကြပ်အတည်းကို တကြိမ်မှမကြုံဖူးကြောင်း အစိုးရပြောရေးဆိုခွင့်ရှိသူတဦးက ထုတ်ဖော်ပြောဆိုပါတယ်။ Ref: BBC Photo:Getty Images #voiceofmyanmar…

ဇွန် ၂၈- ၂၀၂၂ SW(VOM) ရခိုင်ပင်လယ်ပြင်အတွင်းကို မနေ့ ဇွန် ၂၇ ရက် ည ၁၁နာရီလောက်က တရုတ်အာကာသယာဉ် အပိုင်းအစတွေ ကျရောက်ပေါက်ကွဲမှု ဖြစ်ပွားခဲ့​တယ်လို့ သံတွဲခရိုင်နဲ့ အနီးပတ်ဝန်းကျင်မြို့နယ်တွေက ဒေသခံတွေရဲ့ပြောပြချက်အရ သိရပါတယ်။ တရုတ်အာကာသယာဉ်အပိုင်းအစတွေ ကျရောက်နိုင်ကြောင်း သက်ဆိုင်ရာက ကြိုတင်အသိပေးထုတ်ပြန်ထားပြီး မနေ့က ညအချိန်မှာ သံတွဲမြို့နယ်၊ နံ့သာကျွန်း အနောက်တောင်ဘက် ပင်လယ်ရေပြင်ပေါ်သို့ ကျရောက်ခဲ့တာဖြစ်​တယ်လို့ သိရပါတယ်။ သံတွဲမြို့ခံ ကိုမင်းမင်းလှက “ တရုတ်အာကာသ အစိတ်အပိုင်းအစတွေ ကျတယ်ဆိုတဲ့ သတင်းနဲ့ ပတ်သက်ပြီး ကျနော်အသေချာမသိလိုက်ဘူး။ ဒါပေမယ့် ကျနော်အိပ်နေတုန်း ည ၁၁ နာရီလောက်မှာ “ဝုန်း” ဆိုတဲ့ အသံတသံတော့ ကြားလိုက်တယ်” လို့ ပြောပါတယ်။ အဲဒီလို ပေါက်ကွဲသံကို သံတွဲမြို့နယ်အပြင် တခြား တောင်ကုတ်နဲ့ မာန်အောင်မြို့နယ်တွေကပါ ကြားလိုက်ရပြီး ဆင့်ကဲပေါက်ကွဲသံ ၃…