Month: May 2022

ကိုလံဘို၊ မေ-၇-၂၀၂၂ မျိုးဆက်(VOM) သီရိလင်္ကာမှာ ဖြစ်ပွားနေတဲ့ စီးပွားရေးအကြပ်အတည်းအပေါ် တလကျော်ကြာမြင့်ပြီဖြစ်တဲ့ အစိုးရဆန့်ကျင်ရေး ဆန္ဒပြွပွဲတွေ ပိုမိုဆိုးရွားလာနေတာကြောင့် အာဏာပိုင်တွေက အရေးပေါ်အခြေအနေ ကြေညာလိုက်ပြန်ပါတယ်။ သမ္မတ Gotabaya Rajapaksa ဟာ အများပြည်သူလုံခြုံရေးအတွက် ဆိုကာ သောကြာနေ့မှာ အမိန့်ထုတ်ပြန်ခဲ့တာဖြစ်ပါတယ်။ ဒီလို အမိန့်ထုတ်ပြန်လိုက်တာကြောင့် ဖမ်းဝရမ်းမပါဘဲ လူတွေကို ဖမ်းဆီးဖို့ အာဏာပိုင်တွေ အခွင့်အာဏာတွေ ပိုမိုရရှိစေပါတယ်။ ပြီးခဲ့တဲ့ ဧပြီလကလည်း နိုင်ငံအရေးပေါ်အခြေအနေကြေညာခဲ့ရပါသေးတယ်။ သမ္မတကို ရာထူးမှ နုတ်ထွက်ပေးဖို့ လွှတ်တော်အပြင်ဘက်မှာလူစုလူဝေး ပြုလုပ်နေတဲ့ ဆန္ဒပြသူတွေကို ရဲတပ်ဖွဲ့က အစောပိုင်းမှာ မျက်ရည်ယိုဗုံးတွေနဲ့ ဖြိုခွင်းခဲ့ပါတယ်။ ဒီလိုမငြိမ်မသက်ဖြစ်မှုတွေဟာ ကပ်ရောဂါကြောင့်အပြင် ငွေကြေးဖောင်းပွမှုတွေကြောင့် စီးပွားရေကြပ်တည်းလာပြီးနောက် ဖြစ်ပေါ်လာတာ ဖြစ်ပါတယ်။ အစိုးရဟာ နိုင်ငံတကာငွေကြေးရန်ပုံငွေအဖွဲ့ဆီကနေ အကူအညီရယူဖို့ လုပ်ဆောင်နေပေမယ့် ဆွေးနွေးမှုတွေက အချိန်ကြာဦးမှာ ဖြစ်ပါတယ်။ Ref: NHK Photo:Reuters #voiceofmyanmar #VOM…

ဟာဗားနား ၊ မေ ၇ – ၂၀၂၂ မျိုးဆက်(VOM) ကျူးဘားနိုင်ငံ အထူးသီးသန့် ကြယ်ငါးပွင့်ဟိုတယ် တခုမှာ ကြီးမားတဲ့ ပေါက်ကွဲမှုကြောင့် အနည်းဆုံး လူ ၂၂ ဦး သေဆုံးပြီး ၆၀ ကျော် ဆေးရုံတင်ထားရပါတယ်။ Saratoga Hotel အပြင်ဘက်မှာ ရပ်ထားတဲ့ ဓာတ်ငွေ့တင်သင်္ဘောတစ်စီး မီးလောင်ပေါက်ကွဲခဲ့ပြီး အဆောက်အဦရဲ့ အထပ်တော်တော်များများ ပျက်စီးသွားခဲ့ပါတယ်။ လက်ရှိမှာတော့ အပျက်အစီးတွေအောက်မှာ ပိတ်မိနေသူတွေကို ကယ်ဆယ်ရေးသမားတွေက ရှာဖွေကယ်ဆယ်ရေးလုပ်ငန်းတွေ လုပ်ဆောင်လျက်ရှိပါတယ်။ သေဆုံးသူထဲမှာ ကိုယ်ဝန်ဆောင် အမျိုးသမီးတဦးနဲ့ ကလေးတစ်ဦးတို့ ပါဝင်ကြောင်း ကျူးဘားသမ္မတက ပြောပါတယ်။ ဒဏ်ရာရသူတွေကိုတော့ နီးစပ်ရာဆေးရုံတွေမှာ ကုသပေးနေပါတယ်။ အဲဒီဟိုတယ်ဟာ ၁၉ ရာစု ကိုလိုနီခေတ်လက်ရာ ရှေးဟောင်းအဆောက်အဦးဖြစ်ပြီး အနုပညာရှင်တွေအပါအဝင် နာမည်ကျော်တွေ လာရောက်လေ့ရှိပါတယ်။ Ref: BBC Photo: Getty Images #voiceofmyanmar…

ဝါရှင်တန်၊ မေ-၅-၂၀၂၂ မျိုးဆက်(VOM) ယူကရိန်းစစ်ပွဲမှာ ရုရှားစစ်ဗိုလ်ချုပ်အများအပြားကို ယူကရိန်းက သုတ်သင်ခဲ့ရာမှာ အမေရိကန်ထောက်လှမ်းရေးက ကူညီပေးခဲ့တယ်လို့ အမေရိကန်တာ၀န်ရှိသူတွကို ကိုးကားပြီး နယူးယောက်တိုင်းမ်းသတင်းဌာနက မေ ၄ ရက်မှာ ဖော်ပြထားထားပါတယ်။ အမေရိကန်ဟာ ရုရှားတပ်တွေရဲ့တည်နေရာနဲ့ ရွှေ့ပြောင်းမှုဆိုင်ရာ အသေးစိတ်အချက်အလက်တွေ၊ စစ်ဌာနချုပ်တွေအကြောင်းနဲ့ အခြားအသေးစိတ်အချက်အလက်တွေကို ယူကရိန်းကို ပေးခဲ့ပြီး ယူကရိန်းကလည်း သူ့ရဲ့ ကိုယ်ပိုင်ထောက်လှမ်းရေးအချက်အလက်တွေနဲ့ ပေါင်းစပ်ကာ ရုရှားထိပ်တန်း စစ်ဗိုလ်ချုပ်တွေ ကျဆုံးတဲ့တိုက်ခိုက်မှုတွေ ပြုလုပ်ခဲ့တယ်လို့ ဆိုပါတယ်။ ဒါပေမယ့် ဒီကိစ္စနဲ့ပတ်သက်ပြီး မှတ်ချက်ပေးဖို့ ရိုက်တာရဲ့မေးမြန်းမှုကို ပင်တဂွန်နဲ့ အိမ်ဖြူတော်က တုံ့ပြန်ပြောဆိုခြင်းမရှိသေးပါဘူး။ ယူကရိန်းစစ်မြေပြင်မှာ လက်ရှိချိန်ထိ ရုရှားစစ်ဗိုလ်ချုပ် ၁၂ ဦးထိသေဆုံးခဲ့ပြီဖြစ်ကြောင်း ယူကရိန်းတာ၀န်ရှိသူတွေကို ကိုးကားပြီး နယူးယောက်တိုင်းမ် သတင်းဌာနက ဖော်ပြထားပါတယ်။ အမေရိကန်ထောက်လှမ်းရေးရဲ့ ပံ့ပိုးကူညီမှုကြောင့် သေဆုံးခဲ့တဲ့ ရုရှားစစ်ဗိုလ်ချုပ် ဘယ်လောက်ရှိတယ်ဆိုတာကို အမေရိကန်တာ၀န်ရှိသူတွေက ထုတ်ဖော်ပြောဆိုဖို့ ငြင်းဆိုထားကြောင်း အဲဒီသတင်းဌာနက ဆိုပါတယ်။…

မေ ၅-၂၀၂၂ မျိုးဆက်(VOM) မြောက်ကိုရီးယားဟာ ဂျပန်ပင်လယ်ပြင်ကို ဦးတည်ပြီး ပဲ့ထိန်းဒုံးပျံတစင်းကို မေ ၄ ရက်မှာ ပစ်ခတ်ခဲ့ကြောင်း တောင်ကိုရီးယား စစ်ဘက်က ထုတ်ပြန်ပါတယ်။ အဲဒီဒုံးကျည်ကို ပြုံးယမ်းအနီးရှိ ဆူနန်ဒေသ၀န်းကျင်ကနေ မေ ၄ ရက် နေ့လယ်ပိုင်းမှာ ပစ်ခတ်ခဲ့တာဖြစ်ကြောင်း တောင်ကိုရီးယားပူးတွဲစစ်ဦးစီးချုပ်များအဖွဲ့ရဲ့ ထုတ်ပြန်ချက်မှာ ဖော်ပြထားပါတယ်။ ဒုံးကျည်ဟာ အမြင့် ၇၈၀ ကီလိုမီတာကနေ ၄၇၀ ကီလိုမီတာထိ ပျံသန်းခဲ့ကြောင်း တောင်ကိုရီးယားစစ်ဘက်က ခန့်မှန်ထားပါတယ်။ မြောက်ကိုရီးယားဟာ ဖေဖော်ဝါရီနဲ့ မတ်လအတွင်းကလည်း တိုက်ချင်းပစ်ပဲ့ထိန်းဒုံးကျည်စမ်းသပ်မှုတွေကို ဆူနန်ဒေသကနေ ပြုလုပ်ခဲ့ပါတယ်။ လက်ရှိစမ်းသပ်မှုနဲ့ပတ်သက်ပြီး အမေရိကန်နဲ့ တောင်ကိုရီးယားတို့က အသေးစိတ်အချက်အလက်တွေကို လေ့လာနေကြပါတယ်။ ဧပြီ ၂၅ ရက်မှာ မြောက်ကိုရီးယားစစ်တပ်တည်ထောင်ခြင်း နှစ် ၉၀ ပြည့်အထိမ်းအမှတ် စစ်ရေးပြပွဲပြုလုပ်ခဲ့ပြီး ဟွာဆောင်-၁၇ တိုက်ချင်းပစ်ဒုံးကျည်အမျိုးအစားသစ်ကို မြောက်ကိုရီးယားက ထုတ်ဖော်ပြသခဲ့ပြီး နိုင်ငံရဲ့ နျူကလီးယားလက်နက်အစီအစဉ်ကို အရှိန်မြှင့်မယ်လို့…