Month: October 2022

အောက်တိုဘာ၊၂၈-၂၀၂၂ မင်းမြတ်(VOM) ဧရာဝတီတိုင်း၊ ငသိုင်းချောင်း နဲ့ ဂွ ကားလမ်းမကြီး ရဲ့ တောစပ်တစ်နေရာမှာ မနေ့ အောက်တိုဘာ ၂၇ ရက် မနက်ပိုင်းက အထောက်အထားမဲ့ဝင်လာတဲ့သူ ၄၆ ယောက်နဲ့ လမ်းပြ ၂ ယောက်ကို ဖမ်းမိခဲ့တယ်လို့ သိရပါတယ် ။ ဂွမြို့နယ် ငါးသိုင်းချောင်း -ဂွကားလမ်း ဒေါင်းချောင်း ကျေးရွာအုပ်စု၊ ဗောဓိကျေးရွာအနီး တောစပ်မှာအထောက်အထားမဲ့သူတွေဝင်လာပြီး ခေတ္တနား နေတယ်လို့ သတင်းရတာကြောင့် သက်ဆိုင်ရာက လိုက်လံရှာဖွေရာကနေ အခုလို အထောက်အထားမဲ့သူ ၄၆ ယောက်နဲ့ လမ်းပြ ၂ ယောက်ကို ဖမ်းဆီးရမိခဲ့တာဖြစ်တယ်လို့ သိရပါတယ်။ ”ဖမ်းဆီးရမိတဲ့ အထောက်အထားမဲ့သူတွေက စစ်တွေ နဲ့ မောင်တောဒေသက လာခဲ့ကြတာတဲ့ ၊ ပွဲစားတဦးရဲ့ အဆက်အသွယ်နဲ့ မလေးရှားကိုသွားဖို့အတွက် ထွက်လာတာပါ ၊ ဗောဓိကျေးရွာမှာ အခုလို ဖမ်းမိတာပါ။”လို့ တာဝန်ရှိသူတဦး…

အောက်တိုဘာ ၂၈-၂၀၂၂ KK(VOM) အဆိုတော်ပိုပိုနဲ့ ဗျူးတီးဘလော့ဂါဘဝင်းမင်းသန်းတို့နှစ်ဦး ဒီကနေ့ ညပိုင်းက အင်းစိန်အကျဥ်းထောင်ကနေ ပြန်လွှတ်လာတယ်လို့ အနုပညာအသိုင်းအဝိုင်းကသိရပါတယ်။ အဆိုတော်ပိုပို ပြန်လည်လွတ်မြောက်လာပြီး နေအိမ်ကို ရောက်ရှိနေသည်မှာ မှန်ကန်တယ်လို့ အမည်မဖော်လိုသူ သရုပ်ဆောင်တဦးက VOM ကိုပြောပါတယ်။ “အကျဥ်းဦးစီးက လိုက်ပို့တယ်လို့ ကြားတယ် ကျန်တာတော့မသိဘူး ပြန်လွှတ်လာတာပဲ ဝမ်းသာတယ်၊ မဝင်းမင်းသန်းလည်း ပါတယ်လို့ပြောတယ်”လို့ ပြောပါတယ်။ အဆိုတော် ပိုပို နဲ့အတူ ဗျူးတီးဘလော့ဂါဝင်းမင်းသန်းတို့ နှစ်ဦး ပုဒ်မ ၅၀၅ (က)နဲ့ ထောင်ဒဏ်သုံးနှစ်ကျခံပြီးနောက် တစ်နှစ်ကျော်အကြာမှာ ပြန်လည်လွှတ်မြောက်လာတာဖြစ်ပါတယ်။ သူတို့နှစ်ဦးနဲ့အတူ ဒါရိုက်တာမိုက်တီးလည်း ပြန်လွှတ်လာတယ်ဆိုတဲ့ သတင်းတွေထွက်ပေါ်ခဲ့ရာ မိသားစုဝင်တွေဆီ VOM က ဖုန်းဆက်အတည်ပြုခဲ့ပေမယ့် ဆက်သွယ်လို့မရသေးပါဘူး။ အဆိုတော် ပိုပို ကို တောင်ဥက္ကလာပမြို့နယ်ရှိ သူမနေအိမ်မှာ ၂၀၂၁ ခုနှစ် ‌ဧပြီလ ၁၅ ရက် က ဖမ်းဆီးခဲ့ပြီး…

အောက်တိုဘာ ၂၈-၂၀၂၂ SP(VOM) မန္တလေးတိုင်း ၊ မန္တလေးမြို့မှာ သာဿနာရေးနဲ့ နိုင်ငံရေးလောကမှာ ထင်ပေါ်ကျော်ကြားတဲ့ မြဝတီမင်းကြီး ကျောင်းတိုက်ဆရာတော် ဘဒ္ဒန္တအရိယာဝံသာဘိဝံသ ဟာ မနေ့ အောက်တိုဘာ ၂၇ ရက် ည ၁၀ နာရီဝန်းကျင်က ထိုင်းနိုင်ငံ ၊ မဲဆောက်မြို့ ၊ မဲဆောက်ဆေးရုံမှာ ရုတ်တရက် ပျံလွန်တော်မူခဲ့တယ်လို့ ၊ ဆရာတော်ရဲ့ တပည့် သံဃာတော်တွေဆီက သိရပါတယ်။ ” ဆရာတော်က ရင်ဘတ်တွေအောင့်ပြီး ၊ ကိုယ်လက် မအီမသာဖြစ်တယ်လို့ မိန့်တာကြောင့် ဆေးရုံကို အချိန်မီပို့ဆောင်တယ် ၊ ည ၁၀ နာရီမှာ ပျံလွန်တော်မူသွားတယ် ၊ ဆရာတော်ရဲ့ ကျန်းမာရေးနဲ့ ပတ်သက်လို့ ဆရာဝန်တွေရဲ့ တွေ့ရှိချက်က နှလုံးသွေးကြောပိတ် ရောဂါဖြစ်တယ် ” လို့ ဆရာတော်ရဲ့ တပည့်သံဃာ တပါးက ပြောပါတယ်။…

အောက်တိုဘာ ၂၇၊ ၂၀၂၂ Shy V (VOM) ကချင်ပြည်နယ်၊ ဗန်းမော်ခရိုင်၊ မိုးမောက်မြို့နယ်၊ နှင်းအီကျေးရွာအုပ်စု၊ မံခွန်ရွာမှာ မနေ့ အောက်တိုဘာ ၂၆ ရက် နေ့လယ်ပိုင်းက ယာခင်းထဲ လက်နက်ကြီးကျည် ကျရောက်ပေါက်ကွဲတာကြောင့် လက်နက်ကြီးကျည်စ ထိမှန်လို့ ပဲစိုက်နေတဲ့ အမျိုးသမီး တဦးသေဆုံးသွားတယ်လို့ ဒေသခံတွေနဲ့ မိသားစုဝင်တွေဆီက သိရပါတယ်။ “အစထိတာ။ ဗိုက်ဘေး နံပွင့်သွားတာပေါ့ ဘေးကနေ။ အူတွေ ထွက်ကုန်တာပေါ့၊ နေ့ခင်း မွန်းလွဲ ၁ နာရီကျော်လောက်က လယ်ခြံမှာ မြေထောက်ပဲစိုက်နေချိန် လက်နက်ကြီး ပစ်လိုက်တာ၊ သူတို့ ဘယ်လို ပစ်လဲတော့ မသိဘူး။ ကျသွားတာပေါ့ လက်နက်ကြီး ကျနော်တို့ မြေထောက်ပဲ စိုက်‌နေတဲ့ ဘေးနားကို။ သုံးယောက်သွားတာ။ ကျန်တဲ့သူတွေက မထိဘူး။ ဝပ်လိုက်တာ” လို့ သေဆုံးသွားသူရဲ့ မိသားစုဝင် တဦးက ပြောပါတယ်။…