အောက်တိုဘာ-၂၄-၂၀၂၄ ZY(VOM) ရှမ်းပြည်နယ်အရှေ့ပိုင်း၊ တာချီလိတ်မြို့နယ်မှာ ပြီးခဲ့တဲ့ အောက်တိုဘာလ၊ တတိယပါတ်အတွင်းက မိုင်းဖုန်းဆရာတော်တည်ထားတဲ့ ဓာတ်တော်စေတီနဲ့ ဘုရားရုပ်ပွားတော်တွေ ဖျက်ဆီးခံရမှု ဖြစ်ပွားခဲ့တယ်လို့ ဒေသတွင်း သတင်းရင်းမြစ်တွေထံကနေ သိရပါတယ်။ တာချီလိတ်မြို့နယ်၊ မိုင်းဖုန်းကျေးရွာအုပ်စု၊ နယ်မြေ (က)ရှိ မိုင်းဖုန်းဆရာတော် အညတရဝါသီ အရှင် ညာဏသံဝရ (ခူးဝါးဝန်းစုမ့်) တည်ထားတဲ့ ဓာတ်တော်စေတီရှိ ထီးတော်တွေကို အမည်မသိ လူတစုက ချိုးဖျက်ခဲ့သလို ဘုရားရုပ်ပွားတော်ရဲ့ ဦးခေါင်းတော်တွေကို ဖြတ်ပစ်ဖျက်ဆီးသွားတာဖြစ်တယ်လို့ သိရပါတယ်။ “ဘယ်သူတွေ လုပ်သွားတာလဲတော့ မသိဘူး။ အာဏာပိုင်တွေကတော့ အသည်းအသန် လိုက်စုံစမ်းနေတယ်။ တမင်သက်သက်ဖျက်ဆီးတာလား၊ မူးယစ်ဆေးကြောင်ပြီး လုပ်သွားတာလား တခုခုပေါ့။ အဲဒီနေရာတဝိုက်က ဆေးသမားတွေ များတယ်။ ဦးခေါင်းတော်တွေကို ဖြတ်ထားတာရှိတယ်။ ဆရာတော်ရုပ်ထုရဲ့ ဦးခေါင်းတော်ကိုလည်း ရေးခြစ်သွားတယ်။ ရုပ်ပွားတော်ကိုလည်း တံမျက်စည်းတွေ တင်ထားခဲ့ကြတာ”လို့ သတင်းရင်းမြစ်တယောက်က VOMကို ပြောပါတယ်။ ဓာတ်တော်စေတီ ထီးတော်နဲ့…

ဝါရှင်တန်၊ အောက်တိုဘာ-၂၄-၂၀၂၄မျိုးဆက်(VOM)လေးနှစ်အတွင်း လစာ ၃၅ ရာခိုင်နှုန်းတိုးပေးမယ့် ဘိုးအင်းကုမ္ပဏီရဲ့ ကမ်းလှမ်းချက်ကို အလုပ်သမားတွေက အောက်တိုဘာ ၂၄ ရက်မှာ ပယ်ချလိုက်ပါတယ်။ဘိုးအင်းရဲ့ ကမ်းလှမ်းချက်ကို အပြည်ပြည်ဆိုင်ရာ စက်ပြင်ဆရာနဲ့ လေကြောင်းလုပ်သားများသမဂ္ဂအဖွဲ့ဝင် ၆၄ ရာခိုင်နှုန်းက ကန့်ကွက်မဲပေးခဲကြောင်း ထုတ်ပြန်ထားပါတယ်။ ၁၀ နှစ်ကြာ အနစ်နာခံခဲ့ပြီးနောက်မှာ ညှိနှိုင်းဆွေးနွေးမှုတွေ ဆောလျင်စွာပြန်လုပ်နို်ငဖို့ မျှော်လင့်ထားတယ်လို့ ထုတ်ပြန်ချက်မှာ ဆိုပါတယ်။ဘိုးအင်းရဲ့ ဝန်ထမ်း သုံးသောင်းကျော်ဟာ ဘိုးအင်းရဲ့ ကနဦး ကမ်းလှမ်းချက်ကို ပယ်ချပြီးနောက် စက်တင်ဘာ ၁၃ ရက်ကစပြီး ဆန္ဒပြမှုတွေ ပြုလုပ်ခဲ့ပါတယ်။ ဒါဟာ လုပ်ငန်းခွင် ဒီမိုကရေစီဖြစ်ပြီး ကုမ္ပဏီအနေနဲ့ အလုပ်သမားတွေကို တနှစ်ထက်တနှစ် ဖိနှိပ်မှုအကျိုးဆက်တွေရဲ့ သက်သေတွေဖြစ်တယ်လို့ အလုပ်သမားတွေက ဆိုပါတယ်။ဘိုးအင်းအနေနဲ့ ဝယ်လိုအားကျဆင်းမှုနဲ့ အလုပ်သမားတွေရဲ့ သပိတ်ကြောင့်လုပ်ငန်းထိခိုက်ခဲ့ပြီး ပြီးခဲ့တဲ့ သုံးလပတ်အတွင်း ဒေါ်လာ လေးဘီလီယံကျော်ထိ ဆုံးရှုံးခဲ့ပြီး ကုမ္ပဏီအနေနဲ့ လမ်းဆုံးလမ်းခွရောက်နေပြီလို့ ဘိုးအင်း…

ZY(VOM) အောက်တိုဘာ ၂၄၊ ၂၀၂၄ ရှမ်းပြည်နယ်တောင်ပိုင်း၊ ကလောမြို့နယ်မှာ လက်ရှိကာလအတွင်း သဘာဝဘေးကြောင့် ပြန်လည် ထူထောင်ရေးအတွက် ရုန်းကန်နေဆဲကာလမှာ ကလောတန်ဆောင်တိုင်ပွဲတော် ကျင်းပပြုလုပ်မယ့် အပေါ် ဒေသခံတွေ ဝေဖန်ပြောဆိုနေကြပါတယ်။ ကလောမြို့နယ်မှာ ပြီးခဲ့တဲ့ စက်တင်ဘာလ ၁၂ရက်ကစတင်ပြီး တောင်ကျချောင်းရေတွေ အဆမတန် တက်လာကာ ရေကြီးရေလျှံမှုဖြစ်ပွားခဲ့သလို မြေပြိုမှုတွေလည်း မြို့နယ်အနှံ့အပြားမှာ ဖြစ်ပွားခဲ့ပြီး အဲဒီသဘာဝဘေး ကြောင့် သေဆုံးသူ ၂၅ ယောက်ထက်မနည်း၊ ပျောက်ဆုံးသူ ၄၀ ခန့်နဲ့ ထိခိုက်ဒဏ်ရာရရှိသူ ၁၀၀ ကျော် ရှိခဲ့တယ်လို့ သိရပါတယ်။ အဲဒီဖြစ်စဉ်အတွင်း ရေဘေးသင့်အိမ်ထောင်စု ၉၃၀ ဝန်းကျင်ရှိပြီး အဲဒီထဲက အိမ်ထောင်စု ၂၅၅ စုကတော့ အိမ်ပြိုကျ ပျက်စီးသွားတာကြောင့် ပြန်လည်ထူထောင်ရေးအတွက် လက်ရှိအချိန်ထိ ရုန်းကန်နေဆဲကာလ ဖြစ်ပေမယ့် ဒေသအာဏာပိုင်တွေက ကလောတန်ဆောင်တိုင်(သို့) ၁၉ ကြိမ်မြောက် ရိုးရာမီးရှော်တိုင်နှင့် မီးကြာစံထွန်းညှိပူဇော်…

အောက်တိုဘာ ၂၃ – ၂ဝ၂၄ KKO(VOM) နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင်ဟာ လာမယ့် နို၀င်ဘာလအတွင်းမှာ တရုတ်နိုင်ငံသို့ချစ်ကြည် ရေးခရီးစဉ်သွားရောက်မယ်ဆိုတဲ့ သတင်းတွေဟာ အခုလပိုင်းအတွင်းမှာကျယ်ပြန့်စွာထွက်ပေါ်လာခဲ့ပါတယ် ။အဲအပြင်ဗိုလ်ချူပ်မှူးကြီးရဲ့တရုတ်ပြည်ခရီးစဉ်မတိုင်မီမှာဖြစ်ပေါ်ခဲ့တဲ့အခြေအနေတွေအပေါ်ကိုကျယ်ပြန့်စွာသုံးသပ်မှု‌တွေလည်းစတင်ထွက်ပေါ်လို့လာခဲ့တာပါ။ ဒီနှစ်ဩဂုတ်လအတွင်းမှာ နစက ဥက္ကဌ ဗိုလ်ချုပ်မှူးကြီး မင်းအောင်လှိုင်နဲ့ တရုတ်နိုင်ငံခြားရေးဝန်ကြီး ဝမ်ယိတို့ နေပြည်တော် တွေ့ဆုံပွဲအပြီးမှာ အခုလို သတင်းတွေထွက်ပေါ်လာခဲ့တာလည်းဖြစ်ပါတယ်။ အခုဗိုလ်ချူပ်မှုးကြီးမင်းအောင်လှိုင်သွားရောက်မယ်ဆိုတဲ့ တရုတ်ပြည်ချစ်ကြည်ရေးခရီးစဉ်ဟာ ခေတ်သစ် တရုတ်- မြန်မာဆက်ဆံရေးကိုစတင်တော့မယ့်အချိန်အခါလို့ နိုင်ငံရေးလေ့လာသုံးသပ်သူတွေက တွေးထင်ယူဆထားကြပါတယ်။ “ဒါကတရုတ်နိုင်ငံခြားရေး၀န်ကြီးရဲ့မြန်မာပြည်ခရီးစဉ်အပြီးမှာစတင်ခဲ့တဲ့နွေးထွေးတဲ့ဆက်ဆံရေးကိုအသစ်တဖန်ပြန်လည်စတင်လိုက်တယ်လို့ပဲ ယူဆရပါတယ်။ခေတ်သစ်တရုတ်-မြန်မာဆက်ဆံရေးကိုစတင်တော့မယ့် အချိန်အခါမှာ ဒီအချက်ကိုလည်းအဓိကထားပြီးဆွေးနွေးရမှာပါ။မြန်မာနဲ့ တရုတ်နှစ်နိုင်ငံလုံးက ကမ္ဘာကြီးရဲ့အရေးကြီးတဲ့အာရှ-ပစိဖိတ်ရပ်၀န်းဒေသမှာယှဉ်တွဲနေထိုင်ကြတဲ့နိုင်ငံတွေဖြစ်ပါတယ်။ဟိုးယခင်ကတည်းက ပြင်ပဖိအားတွေကိုလည်းအတူတူရင်ဆိုင်ခဲ့ရတာဖြစ်တယ်။Win Win Theory အရအတူတူလက်တွဲလုပ်ကိုင်ကြနိုင်မှသာအာရှတိုက်ကြီးဟာငြိမ်းချမ်းစွာနဲ့တည်ရှိမှာဖြစ်ပါတယ်။ဒါမှတရုတ်-မြန်မာချစ်ကြည်ရင်းနှီးစွာဆက်ဆံရေးဟာလည်းအောင်မြင်လာမှာဖြစ်ပါတယ်” လို့ နိုင်ငံရေးလေ့လာသုံးသပ်သူတယောက်က သူရဲ့သဘောထားအမြင်ကို မှတ်ချက်ပြု ပြောပြခဲ့ပါတယ်။ တရုတ်-မြန်မာဆက်ဆံရေးကိုပြန်လည်သုံး သပ်ရရင် ၁၉၈၈ ခုနှစ်၊စက်တင်ဘာလ ၁၈ ရက်နေ့လောက်ကစပြီးအကြမ်းဖျင်းသုံးသပ်ကြည့်သင့်တယ်လို့ ဆိုပါတယ်။ ၁၉၈၈ ခုနှစ်ပြည်တွင်းမှာ သပိတ်မှောက်မှုပေါင်းစုံနဲ့အတူ ထိုစဉ်ကအုပ်ချူပ်နေတဲ့…

သတင်း-ZY+Shy V (VOM) အောက်တိုဘာ ၂၃၊ ၂၀၂၄ ကိုးကန့်တပ် MNDAAထိန်းချုပ်ထားတဲ့ ရှမ်းပြည်နယ်မြောက်ပိုင်း၊ လားရှိုးမြို့ကို နစကေလတပ်က ဒီကနေ့ အောက်တိုဘာလ ၂၃ရက်မှ လေကြောင်းကနေ ၄ကြိမ်တိုင်တိုင် ဗုံးကြဲတိုက်ခိုက်ခဲ့ပြီး လားရှိုးအကျဉ်းထောင်ရှိ စစ်သုံ့ပန်း ၁၀ဦး လွတ်မြောက်သွားသလို သေဆုံးမှုတွေရှိတယ်လို့ ဒေသတွင်းသတင်းရင်းမြစ်တွေထံနေ သိရပါတယ်။ ဒီကနေ့ မနက် ၈နာရီခွဲဝန်းကျင်မှာ လားရှိုးမြို့အဝင်ရှိ ရိုးရာ ဆန်အရက်ချက်စက်ရုံကို ၂ကြိမ် လာရောက်ဗုံးကြဲ တိုက်ခိုက်ခဲ့သလို နံနက် ၁၀နာရီဝန်းကျင်မှာ ရပ်ကွက် ၁၂ဖက်နဲ့ လားရှိုးမြို့ပြင်ရှိ ဟက်ကာရွာဖက်ကို ဗုံးကြဲတိုက်ခိုက်ခဲ့ပြီး ညနေ ၃နာရီ ၅မိနစ်ဝန်းကျင်မှာ လားရှိုးရဲစခန်းနဲ့ အကျဉ်းထောင်ဖက်ကို ထပ်မံဗုံးကြဲ တိုက်ခိုက်ခဲ့တယ်လို့ သိရပါတယ်။ “ထောင်ကို ဗုံးထိပြီး ထောင်က စစ်သုံ့ပန်း ၁၀ယောက် ထွက်ပြေးလွတ်မြောက်သွားတယ်။ အရက်ချက်စက်ရုံကိုတော့ ၂ကြိမ်လာကြဲတာ။ ညနေကတော့ ထောင်ကိုလာကြဲတာဆိုတော့ စစ်သုံ့ပန်းတွေ ထွက်ပြေးဖို့…