Month: October 2020

အောက်တိုဘာ ၂၉ -၂၀၂၀ ကိုတိုးကြီး (VOM) စစ်ကိုင်းတိုင်း၊ မုံရွာမြို့နယ်၊ ကြိုးကြာကန်ကျေးရွာက ရာအိမ်မှူးတစ်ယောက်ကို NLD ပါတီ အောင်နိုင်ရေး မဲဆွဲယာဉ်တန်း ကျေးရွာအတွင်း ဝင်ခွင့်မပေးတဲ့ကိစ္စနဲ့ပတ်သက်လို့ အမှုဖွင့်အရေးလိုက်တယ်လို့ သိရပါတယ်။ အောက်တိုဘာ ၂၇ရက် မနက်ပိုင်းက မုံရွာမြို့နယ် NLD ပါတီအဖွဲ့ဟာ တိုင်းဒေသကြီး ရွေးကောက်ပွဲကော်မရှင်ရဲ့ ခွင့်ပြုချက်အရ မုံရွာမြို့နယ် ၊ ကြိုးကြာကန်ကျေးရွာကို ပါတီအောင်နိုင်ရေး မဲဆွယ်စည်းရုံးရေး သွားရောက်ခဲ့ချိန် ရွာအဝင်ကနေ ရာအိမ်မှုးတစ်ယောက်က ဝါးလုံးနဲ့ လမ်းကိုပိတ်ပြီး ကျေးရွာအတွင်း ပါတီ မဲဆွယ်စည်းရုံးခွင့်ကို ဟန့်တားခဲ့တာ ဖြစ်တယ်လို့ သိရပါတယ်။ ” အဲ့ဒီကိစ္စနဲ့ ပတ်သက်လို့ မြို့နယ်အထွေထွေ အုပ်ချုပ်ရေးဦးစီးဌာနက ဦးစီးအရာရှိ ဦးအာကာမြင့်က တရားလိုပြုလုပ်ပြီး လမ်းပိတ်ဟန့်တားခဲ့တဲ့ ရာအိမ်မှူး ဦးမောင်ခိုင်ကို အရေးယူဖို့ တိုင်တန်းခဲ့တာဖြစ်တယ် ” လို့ မုံရွာနယ်မြေရဲစခန်းက ရဲဝန်ထမ်းတစ်ယောက်ကပြောပါတယ်။ အဲ့ဒီအမှုကို…

အောက်တိုဘာ၂၉-၂၀၂၀ ဂျန်ကိုးလ် (VOM) မကွေးမြို့၊ မြို့ဟောင်းရပ်ကွက်၊ ဘုရားကြီးလမ်းမှာ မနေ့အောက်တိုဘာ၂၈ရက်နေ့က ပြည်ခိုင်ဖြိုးပါတီဝန်းရံသူတွေ အင်အားပြလှည့်လည်နေချိန် ပါတီယာဉ်တန်း ခဲနဲ့ပစ်ပေါက်ခံရတဲ့အတွက် လူ၃ ဦးထိခိုက်ဒဏ်ရာရသွားတယ်လို့ မကွေးတိုင်း ပြည်ခိုင်ဖြိုးပါတီအတွင်းရေးမှူး ဦးဆန်းညွန့်အောင်ကပြောပါတယ်။ ”၃ယောက်ခေါင်းထိတယ်၊ ဆေးရုံမှာချုပ်ရတယ်၊ နစ်နာသူကိုယ်တိုင်အမှုဖွင့်ထားတယ်၊ ဖြစ်စဉ်က၂နေရာ၊ မကွေးနဲ့ ယင်းဆိပ်ရွာနဲ့၁၄မိုင်ဝေးတယ်၊ အဲ့ဒီကိုအပြန်မှာ ကားကိုခဲနဲ့ထုလို့ ဆင်းလိုက်ဖမ်းတော့၂ယောက်မိပါတယ်၊ ယင်းဆိပ်ရဲစခန်းအပ်တယ်”လို့ ဦးဆန်းညွန့်အောင်ကပြောပါတယ်။ မနေ့ အောက်တိုဘာ ၂၈ရက် နေ့လယ်ပိုင်းမှာလည်း ရေနံချောင်းမြို့ကနေ ဧရာဝတီမြစ်အတိုင်း စုန်ဆင်းလာကြတဲ့NLDဝန်းရံသူတွေနဲ့ မကွေးမြို့ပေါ်မှာလှည့်လည်နေကြတဲ့ USDPပါတီထောက်ခံသူတွေ ထိပ်တိုက်တွေ့ဆုံပြီး ပြဿနာဖြစ်မှာကိုဒေသခံတွေစိုးရိမ်နေချိန် မကွေးတိုင်းဝန်ကြီးချုပ် ဒေါက်တာအောင်မိုးညိုနဲ့ မကွေးတိုင်းရဲတပ်ဖွဲ့မှူးတို့က အချိန်မှီလာရောက်ဖြေရှင်းပေးနိုင်ခဲ့တယ်လို့ သိရပါတယ်။ ”ဒီလိုလုပ်တဲ့ဝန်းရံသူတွေမှာတော့ စိတ်ခံစားမှုတွေအမျိုးမျိုးရှိကြမှာပေါ့၊ ဒါပေမယ့် အချင်းချင်း ရန်လိုနေအောင်လုပ်ထားတဲ့လူတွေ၊ ပြည်သူကတော့ သူတို့စိတ်ခံစားမှုတွေရှိမှာပေါ့၊ တာဝန်ယူထားတဲ့လူတွေ ပါတီအချင်းချင်းကို မုန်းတီးအောင်လုပ်ထားတဲ့သူတွေ ထိန်းကြောင်းမှုအားနဲတယ်လို့မြင်ပါတယ်”လို မကွေးတိုင်း ပြည်ခိုင်ဖြိုးပါတီအတွင်းရေးမှူး ဦးဆန်းညွန့်အောင်ကပြောပါတယ်။ မကွေးတိုင်းဝန်ကြီးချုပ်ဒေါက်တာအောင်မိုးညိုကတော့ “ ကြံ့ခိုင်ရေးက…

ရန်ကုန်-အောက်တိုဘာ၂၈-၂၀၂၀ ထက်ခေါင်လင်း (VOM) အကျဉ်းထောင်တချို့မှာ ကိုဗစ်ရောဂါပိုး ကူးစက်မှု ဖြစ်ပွားလာနေတဲ့အတွက် ထောင်ထဲရှိ အချုပ်သားတွေကို အကျဉ်းထောင်ထဲမှာပင် ဗီဒီယိုကွန်းဖရန့်စနစ်နဲ့ ရုံးထုတ်ရမန်ယူကြောင်း အကျဉ်းဦးစီးဌာနက သိရပါတယ်။ တရားရေးဌာနနဲ့ အကျဉ်းဦးစီးဌာနတို့ ညှိနှိုင်းချက်တွေအရ မဖြစ်မနေ ရုံးထုတ်ရမယ့် အရေးကြီး အမှုတွေကိုပဲ ကျန်းမာရေး ဝန်ကြီးဌာန လမ်းညွှန်ချက်အတိုင်း PPE ဝတ်စုံနဲ့ ရုံးထုတ်နေပြီး အမှုတော်တော်များများကိုတော့ ထောင်ထဲမှာသာ ရုံးထုတ်ရမန်ယူတယ်လို့ ရန်ကုန်တိုင်း အကျဉ်းဦးစီးဌာနက ညွှန်ကြားရေးမှူး ဦးဇော်ဇော်က ပြောပါတယ်။ ဦးဇော်ဇော်က “တော်တော်များများကိုတော့ အပြင်ရုံး မထုတ်တော့ဘူး။ တရားသူကြီးနဲ့ အချုပ်တို့ တိုက်ရိုက်တွေ့ဆုံတဲ့ ဗီဒီယို ကွန်းဖရန့်နဲ့ ရမန်ယူတယ်။ အမှုအားလုံးနီးပါးတော့ ဒီအတိုင်းသွားနေတယ်။ အရေးကြီးလို့ တရားသူကြီးက ထုတ်မှ ရမယ်ဆိုတဲ့ အမှုမျိုးကိုပဲ သတ်မှတ်တဲ့အတိုင်း ထုတ်တယ်။ ဘယ်အမှုရယ်လို့တော့ သတ်သတ်မှတ်မှတ် ချမှတ်ထားတာ မရှိပါဘူး။ ဒီလိုလုပ်တော့ ရုံးချိန်းတွေမှာ…

အောက်တိုဘာ၂၈-၂၀၂၀ ဂျန်ကိုးလ် (VOM) မကွေးမြို့မှာ ပြည်ခိုင်ဖြိုးပါတီနဲ့ NLDပါတီ ၀န်းရံသူတွေက ဒီကနေ့နေ့လယ်ပိုင်း အင်အားပြလှည့်လည်နေချိန် ပြဿနာမဖြစ်ဖို့အတွက် မကွေးတိုင်းဝန်ကြီးချုပ်ကိုယ်တိုင်လာရောက်​ခဲ့တယ်လို့ ဒေသခံတွေပြောပြချက်အရ သိရပါတယ်။ ရေနံချောင်းမြို့ကနေ ဧရာဝတီမြစ်အတိုင်း စုန်ဆင်းလာကြတဲ့NLDဝန်းရံသူတွေနဲ့ မကွေးမြို့ပေါ်မှာလှည့်လည်နေကြတဲ့ USDPပါတီထောက်ခံသူတွေ ထိပ်တိုက်တွေ့ဆုံပြီး ပြဿနာဖြစ်မှာကိုဒေသခံတွေစိုးရိမ်နေချိန် မကွေးတိုင်းဝန်ကြီးချုပ် ဒေါက်တာအောင်မိုးညိုနဲ့ မကွေးတိုင်းရဲတပ်ဖွဲ့မှူးတို့က အချိန်မှီလာရောက်ဖြေရှင်းပေးနိုင်ခဲ့တယ်လို့ သိရပါတယ်။ “ ကြံ့ခိုင်ရေးက ဒီမှာသူတို့လှည့်လည်ပြီးတော့စည်းရုံးအင်အားပြတယ်၊ ရေနံချောင်းကလည်း NLDဝန်းရံသူတွေကလည်း စက်လှေတွေနဲ့လာပြီးထောက်ခံအားပေးတယ်၊ အဲ့ဒီ၂ဖွဲ့ကြားမှာပြဿနာမဖြစ်အောင်ထိန်းရတာပါ၊ အေးအေးဆေးဆေး ထိန်းနိုင်တဲ့အတွက်ပြဿနာတစ်စုံတစ်ရာမဖြစ်တာကြောင့် ဝမ်းသာပါတယ်၊ ၂ဖက်လုံးက နင်းကန်တက်ကြွနေကြ​ပြီးစိတ်ကလှုပ်ရှား‌နေကြတော့ တစုံတခုဖြစ်သွားရင်မကောင်းဘူး၊ အဲ့ဒါကြောင့်မလို့ လာတားလိုက်တယ်၊ တားနိုင်လိုက်တော့ ပြဿနာမဖြစ်ပါဘူး၊ တိုင်းရဲမင်းကြီးလည်း ကျေးဇူးတင်ပါတယ်သူပြောလို့သိရတာ” လို့ မကွေးတိုင်းဝန်ကြီးချုပ် ဒေါက်တာအောင်မိုးညိုက လာရောက်ဖြေရှင်းချိန် ပြောဆိုခဲ့တာဖြစ်ပါတယ်။ ရေနံချောင်းကလာတဲ့ စက်လှေအဖွဲ့နဲ့ မြို့ပေါ်မှာလှည့်လည်နေတဲ့ ၀န်းရံနေသူတို့ ကမ်းနားလမ်းမှာ စတင်ဆုံတွေ့ကြတာဖြစ်ပြီး လူအင်အားများပြားလွန်းတဲ့အတွက် ရဲတပ်ဖွဲ့ရဲ့အကူအညီနဲ့လမ်းကြောင်းလွှဲကာ ဝန်ကြီးချုပ်က တားမြစ်ခဲ့တာဖြစ်တယ်လို့ ဒေသခံတွေပြောပြချက်အရ…

အောက်တိုဘာ ၂၈-၂၀၂၀ နေနန်းနွယ်(VOM) ပြည်ထောင်စုရွေးကောက်ပွဲကော်မရှင်က အောက်တိုဘာလ ၂၇ ရက်နေ့မှာ ထုတ်ပြန်ခဲ့တဲ့ကြေငြာချက်ထဲမှာ ရှမ်းပြည်နယ်ရှိ မြို့နယ် ၃ ခုက ကျေးရွာအုပ်စု ၂ ခုနဲ့ ရပ်ကွက်တစ်ခု ပါဝင်ခဲ့ပေမယ့် မိုင်းကိုင်မြို့နယ်ပါဝင်မှုမရှိဘူးလို့ သိရပါတယ်။ “မနေ့ကကြေညာချက်မှာ မူဆည်၊ လားရှိုးနဲ့ ကွမ်းလုံက ‌ရွာ ၂ ရွာနဲ့ ရပ်ကွက်တစ်ခု ပါတယ်၊ ဒါပေမယ့် သူတို့ မိုင်းကိုင်ကို ပိုပြီးတော့ စဉ်းစားပေးရမှာလေ၊ မိုင်းကိုင်ကိုကျတော့ ဘာမှ မစဉ်းစားပေးဘူးဆိုတော့ ဒီကြေညာချက်ကတော့ ဘာမှ သိပ်ပြီးထူးခြားတယ်လို့ ပြောလို့ မရပါဘူး” လို့ ရှမ်းတိုင်းရင်းသားများ ဒီမိုကရေစီအဖွဲ့ချုပ် (SNLD) တွဲဖက်အတွင်းရေးမှူး စိုင်းကျော်ညွန့်က ပြောပါတယ်။ မိုင်းကိုင်မြို့နယ်လိုမျိုး လုံခြုံရေးပြဿနာ၊ တိုက်ပွဲတွေမရှိတဲ့နေရာကို ရွေးကောက်ပွဲကျင်းပခွင့်မပြုတာကိုတော့ ဘယ်လိုအကြောင်းပြချက်ကြောင့် ခွင့်မပြုဘူးဆိုတာကို UECက တိတိကျကျ ထုတ်ပြန်သင့်တယ်လို့ စိုင်းကျော်ညွန့်က ပြောပါတယ်။ ပြည်ထောင်စုရွေးကောက်ပွဲကော်မရှင်က…

အောက်တိုဘာ ၂၈-၂၀၂၀ ထက်အောင်စိုင်း (VOM) ရသေ့တောင်မြို့နယ်မှာ ဒီကနေ့ မနက်ပိုင်းက မေယုမြစ်အတွင်း နိုင်ငံတကာကြက်ခြေနီအသင်း(ICRC) က ဘုတ်(ရေယာဉ်)တစ်စီးပစ်ခတ်ခံရပြီး ရေယာဉ်မှာပါလာတဲ့ အမျိုးသားတစ်ဦး သေဆုံးသွားတယ်လို့ သိရပါတယ်။ ပစ်ခတ်ခံရတဲ့ ICRC က ကယ်ဆယ်ရေးပစ္စည်းတွေ တင်ဆောင်လာတဲ့ ဘုတ်(ရေယာဉ်) ဟာ ရသေ့တောင်မြို့နယ်အတွင်း ကယ်ဆယ်ရေးပစ္စည်းတွေထောက်ပံ့ပေးနေတဲ့ ရေယာဉ်ဖြစ်ပြီး ပြိန်းတောကျေးရွာအနီး မေယုမြစ်အတွင်းမှာ လက်နက်ကြီးနဲ့ ပစ်ခတ်ခံရကာ ရေယာဉ်မီးလောင်း နစ်မြုပ်သွားတယ်လို့ သိရပါတယ်။ အဲ့ဒီ ရေယာဉ်မှာပါလာတဲ့ လူ (၄) ဦးထဲက တစ်ဦးသေဆုံးပြီး (၃) ဦးဒဏ်ရာရရှိသွားကြောင်းနဲ့ သေဆုံးသွားသူမှာ ပုဏ္ဏားကျွန်းမြို့နယ်၊ ကန်ချောင်းကျေးရွာက ကိုမောင်ချေ (၁၈) နှစ်ဖြစ်ပြီး ဒဏ်ရာရရှိသူတွေကတော့ ပုဏ္ဏားကျွန်းမြို့နယ်က တစ်ဦး၊ မြောက်ဦးမြို့နယ်က တစ်ဦးနဲ့ ကျောက်ဖြူမြို့နယ်က တစ်ဦးတို့ဖြစ်တယ်လို့ သိရပါတယ်။ အခုဖြစ်စဉ်နဲ့ပတ်သက်ပြီး ရသေ့တောင်မြို့နယ်က စစ်ဘေးရှောင်တွေကို ကူညီပေးနေတဲ့ ကိုဘက္ကာကိုဆက်သွယ်ရာမှာတော့ “…