Month: May 2025

မေ- ၄ ၊၂၀၂၅ GG (VOM) မွန်ပြည်နယ်၊ သထုံမြို့နယ်၊ ရန်ကုန် – သထုံ – မော်လမြိုင် ပြည်ထောင်စုကားလမ်းမပေါ်က ကျိုက်ကော်အထွက် မိုးကောင်းတံတား မေလ ၃ ရက်နေ့ ညပိုင်းက ဒုတိယအကြိမ် ထပ်မံမိုင်းခွဲခံရပြီး ပြိုကျပျက်စီးသွားတာကြောင့် ကုန်ကားနဲ့ကားကြီးတွေ သွားလာမရတော့ဘဲ ပိတ်မိနေတယ် လို့သိရပါတယ်။ ကားအသေးတွေကတော့ လတ်တလောမှာ မိုးကောင်းတံတား ရှောင်ကွင်းလမ်းဖြစ်တဲ့ ကရင်လေးဆိပ်- ကလိကျွန်း- ကင်းပွန်ခြုံ ရွာခြင်း ဆက်လမ်းကနေ ရှောင်ကွင်းပြီး သွားလာနေရပြီး ကုန်တင်ကားတွေကတော့ လမ်းပိုင်းအဆင်မပြေတာကြောင့် လမ်းမကြီးတလျှောက်မှာပဲ သွားလာခွင့်မရဘဲပိတ်မိနေကြတာဖြစ်တယ်လို့သိရပါတယ်။ ” ည ၁၁ နာရီကျော်လောက်ပေါက်ကွဲတာ။အသံအကျယ်ကြီးပဲ။ ခုမနက်အစောရောက်မှတံတားဖောက်ခွဲခံရတာကိုသိရတာ။ လူထိခိုက်တော့မရှိဘူး။ တံတားကတော့ကျိုးကျပျက်စီးသွားလို့ ကားတွေ သွားမရတော့ဘူး။ ကားကြီးတွေပိတ်မိနေတယ်။ ကားလေးတွေက ရွာတွေကနေပတ်သွားနေကြတယ်။” လို့ သထုံဒေသခံကပြောပါတယ်။ မိုးကောင်းတံတားဖျက်စီးခံလိုက်ရတာကြောင့် ကုန်ကားနဲ့ကားကြီးတွေသွားလာလို့မရတဲ့အတွက် ခရီးသည်တင်လိုင်းအချို့လည်း ကားပြေးဆွဲမှုယာယီရပ်နားကြောင်း အသိပေးမှုရှိလာသလို…

မေ ၃၊ ၂၀၂၅ Shy V (VOM) ကူမင်းဆွေးနွေးပွဲမှာ TNLA တပ်ဖွဲ့ကို မန်တုံ နဲ့ နမ့်ဆန် အထိ ဆုတ်ခွာဖို့ နစက တပ်ဖွဲ့ဘက်ကပြောလို့ ဆေးနွေးပွဲ ရပ်တန့်သွားကြောင်း PSLF/TNLA သတင်းနဲ့ ပြန်ကြား ရေးဌာနက သတင်း ထုတ်ပြန်ထားပါတယ်။ နစက တပ်ဖွဲ့ ကိုယ်စားလှယ်တွေက နောင်ချို၊ ကျောက်မဲ၊ သီပေါ၊ မိုးကုတ်၊ မိုးမိတ် ဒေသ တွေကနေ ပလောင်ကိုယ်ပိုင်အုပ်ချုပ်ခွင့်ရဒေသ ဖြစ်တဲ့ နမ့်ဆန်နဲ့ မန်တုံ မြို့နယ်အတွင်းထိ TNLA တပ်ဖွဲ့တွေ အားလုံး ပြန်လည်ဆုတ်ခွါရန် ပြောတာကြောင့် TNLA ဘက်က သဘောမတူနိုင်လို့ နှစ်ဖက် ဆွေးနွေးမှု ရပ်ဆိုင်းသွားကြောင်း ထုတ်ပြန်ချက်မှာ ဖော်ပြထားပါတယ်။ နှစ်ဖက် အပစ်အခတ် ရပ်စဲနိုင်ရန်အတွက် လာမယ့် ဩဂုတ်လမှာ ထပ်မံတွေ့ဆုံဖို့ သဘောတူခဲ့ကြတယ်လို့လည်း ဖော်ပြထားပါတယ်။…

မေ ၃၊ ၂၀၂၅ Shy V (VOM) နစက တပ်ဖွဲ့ နဲ့ TNLA တပ်ဖွဲ့တို့ တရုတ်နိုင်ငံ၊ကူမင်း ဆွေးနွေးပွဲ သဘောတူညီမှု မရရှိတဲ့နောက် မေလ ၂ ရက်ညနဲ့ ၃ ရက်မနက် တွေမှာ နောင်ချို နဲ့ မိုးကုတ် ဗုံးကြဲတိုက်ခိုက်ခံခဲ့ ရကြောင်း ဒေသခံတွေဆီနဲ့ TNLA ဘက်က ထုတ်ပြန်ချက်အရ သိရပါတယ်။ “မိုးကုတ် အနောက်ပိုင်း ကသဲ ရပ်ကွက် အနောက်ကျောင်းနား ဗုံးကြဲသွားတယ်။ လမ်းခင်းနေတဲ့ တယောက် ‌သေဆုံးသွားတယ်။ တယောက် ဒဏ်ရာ ပြင်းထန်တယ်။” လို့ ဒေသခံတယောက်က ပြောပါတယ်။ ဒီနေ့ မေလ ၃ ရက် မနက် ၉ နာရီဝန်းကျင်ခန့်က မိုးကုတ်မြို့အနောက်ပိုင်း၊ ကသဲရပ်ကွက်ရှိ အနောက်ကျောင်းကို ဂျက်ဖိုက်တာနဲ့ ဗုံး တလုံး လာကြဲခဲလို့…

မေ ၂၊ ၂၀၂၅ Shy V (VOM) မြန်မာနိုင်ငံမှာ လူဦးရေ ထောင် ဂဏန်းသာ ရှိဝောာ့တဲ့ သက် လူမျိုးတွေ နေရာ တကွဲ တပြား စစ်ဘေး ရှောင်ေနရတာကြောင့် လူဦးရေ ပိုနည်းပြီး လူမျိုး ပျောက်ကွယ် လာမှာကို စိုးရိမ်နေကြောင်း သက် လူမျိုးတွေဆီက သိရပါတယ်။ “စစ်ဘေးရှောင်ရင်းနဲ့ ဟိုရောက်၊ ဒီရောက် အကုန်လုံး နေရာ အနှံ့ ပြန့်ကျဲ သွားပြီ။ စုစည်းမှု မရှိတော့ဘူး။ ဒီတိုင်းဆိုရင် ကျနော်တို့မှာ တဖြည်းဖြည်းနဲ့ လူမျိုးတောင် ပျောက်လာမယ့် အလားအလာတောင် ရှိနေပြီ။” လို့ သက် စာပေနဲ့ ယာဉ်ကျေးမှု အသင်း နာယက က ပြောပါတယ်။ မြန်မာ တနိုင်ငံလုံးမှာ အိမ်ထောင်စု ၃၀၀ ဝန်းကျင်သာရှိပြီး ခန့်မှန်းခြေ လူဦးရေ ၆၀၀၀…

မေ ၂၊ ၂၀၂၅ Shy V (VOM) ရှမ်းပြည်နယ် မြောက်ပိုင်း၊ လားရှိုးမှာ ဒီနေ့ မေလ ၂ ရက်နေ့ကစ ခုတင် ၅၀၀ ဆံ့ပြည်သူ့ဆေးရုံကြီး ပြန်ဖွင့်မှာဖြစ်ကြောင်း ဒေသခံတွေဆီက သိရပါတယ်။ “ဒီနေ့ ဆေးရုံ ဖွင့်ဖွဲ လို့မယ်လို့ သိရတယ်။ ဆေးရုံ သန့်ရှင်းရေး လုပ်နေကြတယ်။ ရှုပ်ပွထေအာင် လုပ်သွားကြတယ်။ သန့်ရှင်းရေး လုပ်နေကြတယ်။ ဆေးရုံအတွင်းဘက်ရော သန့်ရှင်း ရေး လုပ်နေကြတယ်။” လို့ ဒေသခံ တယောက်က ပြောပါတယ်။ ယမန်နေ့ မေလ ၁ ရက်နေ့ကစ လားရှိုးက ဌာနဆိုင်ရာရုံးတွေ စဖွင့်တာလို့ သိရတယ်လို့ သူက ပြောပါတယ်။ “ဆေးရုံကတော့ ဖွင့်ပေမယ့် ကောင်းကောင်းလည်ပတ်နိုင်ဖို့ မလွယ်ဘူး ထင်တယ်။ တံခါးတွေကတော့ ဧပြီလ ၃၀ ရက်နေ့ ကတည်းက ဖွင့်ထားတယ်။…

မေ ၂ – ၂၀၂၅ SN (VOM) မိုးလေဝသနှင့် ဇလဗေဒညွှန်ကြားမှု ဦးစီးဌာနမှ မြန်မာတနိုင်ငံလုံး လွှမ်းခြုံတဲ့ လျှပ်တပြက် ရေကြီးခြင်းဆိုင်ရာ ကြိုတင် သတိပေးစနစ်မှ ရရှိတဲ့ အချက်အလက်တွေအရ မန္တလေးတိုင်းနဲ့ ရှမ်းပြည်နယ်တို့မှာ လျှပ်တပြက် ရေကြီးမှုတွေ ဖြစ်ပေါ်နိုင်တယ်လို့ သိရပါတယ်။ မိုး/ဇလဌာနရဲ့ မနေ့ မေ ၁ ရက်၊ နေ့လယ် ၁၂ နာရီခွဲအချိန် တိုင်းထွာချက်အရ နောက် ၂၄ နာရီအတွင်း မန္တလေးတိုင်းရှိ ရမည်းသင်းနဲ့ မိတ္ထီလာခရိုင်၊ ရှမ်းပြည်နယ်ရှိ တောင်ကြီး၊ ဓနုကိုယ်ပိုင်အုပ်ချုပ်ခွင့်ရဒေသ၊ ပအိုဝ်း ကိုယ်ပိုင်အုပ်ချုပ်ခွင့်ရဒေသ၊ လွိုင်လင်၊ လင်းခေးနဲ့ ကျိုင်းတုံခရိုင်တို့မှာ လျှပ်တပြက် ရေကြီးမှုတွေ ဖြစ်ပေါ်နိုင်တယ်လို့ သိရပါတယ်။ “ဒီ လျှပ်တပြက်ရေကြီးမှု ဆိုတာက ကျွန်တော်တို့ မိုး/ဇလဌာနမှာ တပ်ဆင်ထားတဲ့ မော်ဒယ်တွေမှာ ပြတဲ့အတိုင်း အခြေအနေသတင်းအနေနဲ့ သတိပြု…

မေ ၂ -၂ဝ၂၅ KKO(VOM) တိုင်းရင်းသားလက်နက်ကိုင်အဖွဲ့တွေဖြစ်တဲ့ ညီနောင်မဟာမိတ်သုံးဖွဲ့က တဖက်သတ်အပစ်ရပ်ကာလသက်တမ်းကို (၁) လထပ်တိုးလိုက်တယ်လို့ ထုတ်ပြန်လိုက်ပါတယ်။ ကြေညာလိုက်တဲ့အဖွဲ့တွေကတော့ ညီနောင်မဟာမိတ် သုံးဖွဲ့ဖြစ်တဲ့ မြန်မာအမျိုးသားဒီမိုကရက်တစ်မဟာမိတ်တပ်မတော်(MNDAA)၊ ပလောင်(တအာင်း)အမျိုးသားလွတ်မြောက် ရေးတပ်မတော်(TNLA)၊အာရက္ခတပ်တော် (AA)တို့ပဲဖြစ်ပါတယ်။ တဖက်သတ်အပစ်ရပ်ကာလသက်တမ်းကို တလထပ်တိုးခဲ့တဲ့ ညီနောင်မဟာမိတ်သုံးဖွဲ့ဘက်ကတော့ ငလျင်နောက်ဆက်တွဲတိုက်တာအဆောက်အအုံတွေ ရှင်းလင်းဖို့နဲ့ လူသားချင်းစာနာထောက်ထားရေးလုပ်ငန်း တွေကို ဆက်လက်ဆောင်ရွက်ဖို့အတွက် အပစ်ရပ်တာဖြစ်တယ်လို့ သူတို့ရဲ့ထုတ် ပြန်ကြေညာချက်မှာဖော်ပြထားပါတယ်။ ပြီးခဲ့တဲ့ မတ်လ ၂၈ ရက်က လှုပ်ခတ်ခဲ့တဲ့ စစ်ကိုင်းနဲ့ မန္တလေးငလျင်ကြီးအတွက်ဟုဆိုကာ အပစ်ရပ်ကာလကို ဧပြီ ၁ ရက်ကနေ ၃၀ ရက်ထိ ကြေညာခဲ့ပြီးနောက် အခုသက်တမ်းကို တလအထိထပ်မံတိုးမြှင့်လိုက်တာလည်းဖြစ်ပါတယ်။ “အပစ်အခတ်ရပ်စဲဖို့က သိပ်မထင်ပါဘူး။ဘက်အသီးသီးက ကိုယ်ကျိုးစီးပွားတွေရှိနေကြပါတယ်။နောက်ပြီးအပစ်ရပ်ဖို့ဆိုတာက မြေပြင်မှာတကယ်တိုက်နေတဲ့အဖွဲ့တွေကိုယ်တိုင်က တကယ်အပစ်ရပ်ဖို့လိုတယ်။ ငြိမ်းချမ်းရေးစကားပြောရင်အပစ်အခတ်က ခဏလေးပဲရပ်ရပ်ပေါ့။အပစ်ရပ်တဲ့အပေါ်မှာကြိုဆိုတယ်။ ထောက်ခံတယ်၊သဘောတူတယ်။ဒီလိုမျိုးအပစ်ရပ်ဖို့ဘက်အသီးသီးကပါဝင်လာဖို့ဆိုရင် ဒါကိုလည်းခဏခဏပြောပါတယ်။အင်အားအကြီးဆုံးအဖွဲ့ကြီးတွေကလျော့ပေးရမယ်။တိုင်းပြည်ကိုအမျှော်အမြင်ရှိစွာနဲ့ နောင်ရေးအတွက်အမျှော်အမြင်ကြီးကြီးနဲ့ လျှော့ပေးရမယ်။ဒါအရေးကြီးပါတယ်”လို့ နိုင်ငံရေးလေ့လာသုံးသပ်သူ တယောက်က VOM ကို ပြောပါတယ်။…