စက်တင်ဘာ ၁၁ – ၂ဝ၂၅ GG(VOM) ရခိုင်ပြည်နယ်နဲ့ နယ်နမိတ်ထိစပ်နေတဲ့ ဧရာဝတီတိုင်း ၊မကွေး ၊ ပဲခူးတိုင်း အစပ်ရှိ နေရာတွေမှာ နလအဘက်မှ အင်အားအများအပြားနဲ့ထိုးစစ်ဆင်တိုက်ခိုက်လာတာကြောင့် AA နဲ့ နလအ တပ်ဖွဲ့တွေအကြား တိုက်ပွဲပြင်းထန်ဖြစ်ပွားနေတယ်လို့သိရပါတယ်။ ဧရာဝတီတိုင်းမှာဆိုရင် စက်စက်ယိုရွာ အနီးပတ်ဝန်းကျင်တဝိုက်မှာတိုက်ပွဲဖြစ်ပွား နေပြီး ပဲခူးတိုင်းအစပ်မှာဆိုရင်တော့ ဆင်လမ်ရွာ အနီးပတ်ဝန်းကျင်တဝိုက် နေရာတွေနဲ့ ရိုးတောင်အစပ် နေရာတွေမှာ တိုက်ပွဲဖြစ်ပွားနေကာ မကွေးတိုင်းမှာဆိုရင်တော့ငဖဲမြို့နယ်၊ စွန်တက်ကျေးရွာ တဝိုက် နဲ့ ကုန်းဘက်မှာ တိုက်ပွဲတွေပြင်းထန်နေတာဖြစ်တယ်လို့ သိရပါတယ်။ ” တိုက်ပဲဲဖြစ်နေတဲ့ ဆင်လမ်ရွာနဲ့ ညောင်ကျိုးဘက်တွေမှာ ရွာသားတွေမရှိကြတော့ဘူး။အဲဒီဘက်မှာ ပစ်ခတ်နေကြတာကြာပြီ။ခုရက်ပိုင်းတော့ပိုကြမ်းလာတဲ့သဘောရှိတယ်။လက်နက်ကြီးသံတွေကြားရတယ်။စစ်ကားတွေလည်းသွားတယ်။အဲဒီရွာတွေက ပဲခူးအစပ်ကရွာတွေပါ။အဲဒီဘက်တွေက သွားလို့လဲမရပါဘူး။ရှောင်တဲ့သူတွေကလည်း နီးစပ်ရာရွာတွေမှာနေကြတာ။” လို့ ဒေသခံကပြောပါတယ်။ မကွေး၊ငဖဲမြို့နယ်ထဲက စွန်တက်ရွာနဲ့ နတ်ရေကန်ဘက်မှာလည်း စွန့်လွှတ်လိုက်ရတဲ့တပ်စခန်းပြန်ရရှိရေးနဲ့ ငဖဲမြို့နယ်ထဲက ကပစ စက်ရုံတွေဆီ AA ထိုးဖောက်ဝင်ရောက်လာမှုမရှိစေရေးအတွက် အင်အားအများအပြားသုံးကာ ထိုးစစ်ဆင်လာနေတယ်လို့သိရပါတယ်။…
Read Moreရခိုင်နဲ့နယ်နမိတ်ထိနေတဲ့ ပဲခူး၊မကွေးနဲ့ဧရာဝတီတိုင်းအစပ်က ဒေသတွေမှာ စစ်ရေးအရှိန်မြင့်လာနေ
