အောက်တိုဘာ ၁၂၊ ၂၀၂၄ZY(VOM)မိုးသည်းထန်ရွာစွာသွန်းပြီး ရေကြီးရေလျှံမှု၊ နေအိမ်တွေ ရေနစ်မြှုပ်မှု၊ စိုက်ခင်းတွေ ရေနစ်မြှုပ်မှုကြောင့် ရှမ်းပြည်နယ်တောင်ပိုင်း၊ ညောင်ရွှေမြို့နယ်၊ အင်းလေးဒေသမှာ တလအတွင်း ခရမ်းချဉ်သီးဈေး ၁၅ဆကျော် ရုတ်တရက်ပြန်လည်မြင့်တက်လာတယ်လို့ ဒေသခံတောင်သူတွေထံကနေ သိရပါတယ်။အင်းလေးဒေသအပါအဝင် ရှမ်းပြည်နယ်တောင်ပိုင်းရှိ မြို့နယ်တွေမှာ ပြီးခဲ့တဲ့ စက်တင်ဘာလ ၁၁ရက်က စတင်ပြီး အဆိုးရွားဆုံး ရေကြီးမှု၊ မြေပြိုမှု၊ ရေနစ်မြှုပ်မှုဖြစ်ပွားပြီးနောက် ခရမ်းချဉ်သီး စိုက်ခင်းဧကပေါင်း ၂၀၀၀ကျော် ထိခိုက်ပျက်စီးခဲ့ပြီး အခုလို စျေးပြန်တက်လာတာလို့ သိရပါတယ်။“ရေဘေးဖြစ်တော့ ခရမ်းချဉ်သီးတွေက ရောင်းဖို့ကို အသာထားအုံး၊ အိမ်ထဲမှာ ပုပ်ပွနေလို့ ရေထဲလွှင့်ပစ် လိုက်ရတယ်။ ရေဘေးမဖြစ်ခင်ကတည်းက ဈေးက ကျနေတာ၊ ရေဘေးဖြစ်တော့ ပိုဆိုးသွားတာပေါ့။ အခုက ခရမ်းချဉ်သီး ထွက်တာ မရှိတော့ ဈေးကရုတ်တရက်ပြန်တက်လာတာ။ ဒေသတွင်းထွက်တာ မရှိသလောက်ကို နည်းသွားပြီ။ နောက်နှစ်ပြန်စိုက်ဖို့လည်း လွယ်တော့မလွယ်ဘူး၊ ဒီနှစ်မှာ အကုန်ရှုံးထားကြတာလေ”လို့ အင်းလေးဒေသခံ မသွယ်သွယ်အိမ့်က…

အောက်တိုဘာ ၁၂၊ ၂၀၂၄ZY(VOM)ရှမ်းပြည်နယ်ရဲ့မြို့တော်၊ တောင်ကြီးမြို့မှာ နေရပ်ရွေ့ပြောင်းနေထိုင်လာကြသူ(စစ်ဘေးရှောင်)တွေ များပြား လာတာကြောင့် အောက်တိုဘာလ အစပိုင်းကနေ ဒီကနေ့အထိ သိန်း ၃၀၀မှ ၅၀၀ကြားတန်ဖိုးရှိ မြေကွက်တွေ အရောင်းသွက်နေတယ်လို့ အိမ်ခြံမြေရောင်းဝယ်ရေးလုပ်ကိုင်သူတွေထံကနေ သိရပါတယ်။တောင်ကြီးမြို့တွင်းမှာ အရောင်းအဝယ်မရှိသလောက် အေးစက်နေပေမယ့် ကံကြီးရပ်ကွက် တောင်ဘက်ရှိ ပန်သခွား၊ ညို့မီးစတဲ့ ဒေသတွေက ကျပ်သိန်း ၃၀၀မှ ၅၀၀ကြားတန်ဖိုးရှိ မြေကွက်တွေ အရောင်းအဝယ် သွက်နေတယ်လို့ ဆိုပါတယ်။“စစ်ဘေးရှောင်လာကြတဲ့အချိန်မှာ တချို့က ပိုက်ဆံတွေကိုင်ပြီး ပြေးလာကြတဲ့သူတွေလည်း များတယ်။ မြို့တွင်းမှာ ငှားနေကြတဲ့သူတွေကော၊ ဝယ်နေကြတဲ့သူတွေကော များလာတဲ့အခါကြတော့ ဈေးတွေက တက်ကုန်ကြတယ်။ ဒီတော့ မြို့ပြင်ဖက်မှာ ခြံကို သိန်း ၃၀၀၊ ၄၀၀နဲ့ဝယ်ပြီး အိမ်ဆောက်မယ်ဆိုရင် သိန်း ၇၀၀၊ ၈၀၀လောက်ပဲကုန်တော့ ပန်သခွား၊ ညို့မီးဖက်က အဝယ်လိုက်နေတယ်။ တောင်ကြီးမှာကလည်း မြို့တောင်ဖက်ကိုပဲ ချဲ့ဖို့ရှိတော့တာဆိုတော့ အဲဒီဖက်ကိုပဲ အဝယ်လိုက်နေကြတာ”လို့ ရွှေမိုးရတီ…

အောက်တိုဘာ ၁၁ – ၂၀၂၄SS (VOM)မွန်ပြည်နယ်၊ ပေါင်မြို့နယ်မှာ အသက် ၁၄ နှစ်အရွယ် ကိုယ်ဝန်ဆောင် မိန်းကလေးငယ်တယောက် အသတ်ခံရပြီး အလောင်းဖျောက်မှု ဖြစ်ပွားခဲ့တယ်လို့ ဒေသအခြေစိုက် လူမှုကူညီရေးအသင်းတွေဆီက သိရပါတယ်။အဲဒီ မိန်းကလေးဟာ ပေါင်မြို့နယ်၊ ဇင်းကျိုက်ရပ်ကွက်မှာ နေထိုင်သူဖြစ်တယ်လို့ သိရပြီး ငါးရက်ကြာ ပျောက်ဆုံးနေရာမှ မနေ့ အောက်တိုဘာ ၁၀ ရက်မှာ ဓားဒဏ်ရာနဲ့ သေဆုံးနေတဲ့ ရုပ်အလောင်းကို ပြန်လည် တွေ့ရှိခဲ့တာဖြစ်တယ်လို့ သိရပါတယ်။“ပျောက်နေတာကတော့ အောက်တိုဘာ ၅ ရက်နေ့ကတည်းကပေါ့။ အဲဒီနေ့ ညနေပိုင်းက သူ့အဘွားကို ရေတံခွန် သွားလည်မယ်လို့ ခွင့်တောင်းပြီး အိမ်ကထွက်သွားကတည်းက ပြန်မလာဘဲ ပျောက်နေတာ။ ပြန်တွေ့တော့ အလောင်းကတော့ ပုပ်ပွနေပြီ။ ဝမ်းဗိုက်မှာ ဓားဒဏ်ရာတချက် တွေ့တယ်။ သူဝတ်ထားတဲ့ နားကပ်လည်း မရှိတော့ဘူး။ နောက်ပြီး ခန္ဓာကိုယ်မှာလည်း အဝတ်အစားတွေ ကျွတ်နေတာမျိုးတွေ့ရတယ်” လို့…

အောက်တိုဘာ ၁၁ – ၂၀၂၄SN (VOM)ဂျမ်ဘိုခြင်ဆေးခွေ အပါအဝင် ပိုးသတ်ဆေး အမျိုးအစားပေါင်း ၂၀ ကျော်ကို မှတ်ပုံတင်စာရင်းကနေ ပယ်ဖျက်လိုက်တယ်လို့ မြန်မာနိုင်ငံ ပိုးသတ်ဆေးမှတ်ပုံတင်အဖွဲ့မှ မနေ့ အောက်တိုဘာ ၁၀ ရက်မှာ ထုတ်ပြန် ကြေညာလိုက်ပါတယ်။ခြောက်လအထက် မှတ်ပုံတင်သက်တမ်း ကျော်လွန်ပြီး သက်တမ်းတိုးဖို့ ပျက်ကွက်တဲ့ ပိုးသတ်ဆေး ၁၁ မျိုးကို မှတ်ပုံတင်ခွင့်ပြုထားတဲ့ ပိုးသတ်ဆေးစာရင်းမှ ပယ်ဖျက်လိုက်သလို ကုမ္ပဏီတွေကနေ မှတ်ပုံတင် ဖျက်သိမ်းလိုကြောင်း တင်ပြလာတဲ့ ပိုးသတ်ဆေး ၁၂ မျိုးကိုလည်း မှတ်ပုံတင် ခွင့်ပြုထားတဲ့ ပိုးသတ်ဆေးစာရင်းမှ ဖျက်သိမ်းလိုက်ခြင်းဖြစ်တယ်လို့ သိရပါတယ်။“ဒီအချိန်မှာ လုပ်ငန်းတွေကို ရှေ့ဆက် လုပ်ကိုင်နိုင်ဖို့အတွက် အခွင့်အလမ်းကောင်းတွေကလည်း မရှိတော့ဘူးလေ။ အခွင့်အလမ်း နည်းတယ်ဆိုတာထက် ရှိကို မရှိတော့တာ။ ဒါကြောင့် လုပ်ငန်းတွေ ရပ်လိုက်ကြတာများတယ်” လို့ စီးပွားရေးလုပ်ငန်းရှင် တယောက်က ပြောပါတယ်။လက်ရှိ မှတ်ပုံတင်စာရင်းမှ ပယ်ဖျက်လိုက်တဲ့…

အောက်တိုဘာ ၁၁ – ၂၀၂၄SN (VOM)ထိုင်းနိုင်ငံမှာ ဗီဇာသက်တမ်းတိုးဖို့ သံရုံးထောက်ခံစာအတု ပြုလုပ်ရင် ထိရောက်စွာ အရေးယူမယ်လို့ ဘန်ကောက်မြို့ရှိ မြန်မာသံရုံးက အသိပေးချက် ထုတ်ပြန်ထားပါတယ်။အရေးယူမှု ဆောင်ရွက်ရာမှာ ဗီဇာသက်တမ်းတိုးဖို့ သံရုံးထောက်ခံစာ အတုအပ ပြုလုပ်ပေးသူတွေလည်း ပါဝင်တယ်လို့ သိရပြီး အတုအပ ထောက်ခံစာနဲ့ ထိုင်းနိုင်ငံရှိ သက်ဆိုင်ရာဌာနတွေကို လာရောက်တာ တွေ့ရှိတဲ့အခါမှာလည်း နိုင်ငံကူးလက်မှတ်ကို ပယ်ဖျက်ခြင်း၊ ဥပဒေကြောင်းအရ အရေးယူခြင်းတွေ ပြုလုပ်ဖို့ သက်ဆိုင်ရာဌာနတွေနဲ့ ညှိနှိုင်းထားပြီးဖြစ်တယ်လို့ သိရပါတယ်။“ထိုင်းမှာက ဗီဇာသက်တမ်း ကျော်လွန်နေတဲ့သူတွေ များတယ်။ အခုနောက်ပိုင်းမှာ မြန်မာသံရုံးရဲ့ ထောက်ခံစာအတုနဲ့ ဗီဇာသက်တမ်းတိုး လျှောက်တဲ့သူတွေ အရမ်းများလာတယ်။ အဲဒါကြောင့် ထိုင်းလဝက (လူဝင်မှုကြီးကြပ်ရေး) က အကြောင်းကြားလာတဲ့အတွက် မြန်မာသံရုံးဘက်ကနေ အခုလို ကြေညာချက် ထုတ်တာပါ” လို့ သံရုံးနဲ့ နီးစပ်သူတယောက်က ပြောပါတယ်။ထိုင်းနိုင်ငံရှိ မြန်မာနိုင်ငံသားတွေအနေနဲ့ ဗီဇာသက်တမ်းတိုးရာမှာ မြန်မာသံရုံးဆီက…

အောက်တိုဘာ ၁၁ – ၂၀၂၄SN (VOM)ရခိုင်ပြည်နယ်၊ ကျောက်တော်မြို့မှာ မနေ့ အောက်တိုဘာ ၁၀ ရက်၊ ညနေပိုင်းက လေကြောင်း တိုက်ခိုက်ခံရမှု ဖြစ်ပွားခဲ့ပြီး သေဆုံးသူနဲ့ ဒဏ်ရာရသူ များစွာ ရှိခဲ့တယ်လို့ ဒေသခံတွေနဲ့ လုံခြုံရေးတပ်ဖွဲ့နဲ့ နီးစပ်သူတွေဆီက သိရပါတယ်။ကျောက်တော်မြို့နယ်ရှိ ဒေသခံတွေရဲ့ ပြောဆိုချက်အရ မနေ့ ညနေ ၄ နာရီခွဲဝန်းကျင်က ဖြစ်ပွားခဲ့တဲ့ အဲဒီ လေကြောင်း တိုက်ခိုက်ခံရမှုမှာ လူလေးယောက် သေဆုံးခဲ့ပြီး အယောက် ၃၀ ကျော် ဒဏ်ရာ ရရှိခဲ့တယ်လို့ သိရပါတယ်။“ကျောက်တော်မြို့မဈေးနဲ့ အထက (၂) စာသင်ကျောင်းဝင်းထဲကို လက်နက်ကြီး ကျခဲ့တာ။ လေယာဉ်သံကြားတာနဲ့ လက်နက်ကြီး ချက်ချင်းကျလာတာ။ လေယာဉ်လာမှန်းတောင် မသိလိုက်ကြဘူး။ ဂျက်ဖိုက်တာ တစီးနဲ့ လေကြောင်း တိုက်ခိုက်ခံခဲ့ရတာ။ ဒဏ်ရရာ ပြင်းထန်တဲ့သူတွေလည်း ရှိတော့ သေဆုံးသူအရေအတွက် ထပ်တိုးလာနိုင်လောက်တယ်” လို့…