Month: September 2025

စက်တင်ဘာ ၉ – ၂ဝ၂၅ KKO(VOM) ယနေ့ နံနက်ပိုင်းအချိန်ကပဲခူးတိုင်းဒေသကြီး၊ရေတာရှည်မြို့အနီးမှာ အင်အား ၄.၉ ရစ်(ခ်) တာစကေးရှိ မြေငလျင်ငယ်တခုလှုပ်ခတ်ခဲ့တယ်လို့ သိရပါတယ်။ ပြည်တွင်းမိုး/ဇလညွှန်ကြားမှုဦးစီး ဌာနကတော့ ယနေ့ (၇-၉- ၂၀၂၅) ရက်၊(၀၉း၄၇း ၀၆)အချိန်ကရေတာရှည်မြို့ရဲ့အနောက်၊အနောက် တောင်ဘက်(၉)မိုင်ခန့်အကွာဗဟို ချက်တည်နေရာကိုဗဟိုပြုပြီးအင် အားပမာဏ ၄.၉ ရစ်(ခ်)တာစကေးအဆင့်ရှိမြေငလျင်တခုလှုပ်ခတ်ခဲ့တယ်ဆိုပြီး ထုတ်ပြန်ထားပါတယ်။ “အိမ်ကသိမ့်ခနဲတုန်သွားတယ်။သိ သာတယ်။လန့်ပြီးဘယ်ပြေးရမှန်းမသိဘူး”လို့ တောင်ငူမြို့မှာ နေထိုင်တဲ့ ဒေသခံပြည်သူတယောက်က ပြောပါတယ်။ ယနေ့ နံနက်ပိုင်းကလှုပ်ခတ်ခဲ့တဲ့ ငလျင်ကိုတောင်ငူ၊ရေတာရှည်၊ပြွန်တန်ဆာ၊နေပြည် တော်၊ အုတ်တွင်းနဲ့ ဖြူးမြို့နယ်တို့မှာရှိကြတဲ့ဒေသခံပြည်သူတွေအနေနဲ့ သိရှိခံစားလိုက်ရတယ်လို့ သိရပါတယ်။ မြေငလျင်များသတင်းစင်တာက တော့ယခုလှုပ်ခတ်ခဲ့တဲ့မြေငလျင်ဟာမြေအောက်အနက် ၆ မိုင်ရှိပြီး ပဲခူးတိုင်းဒေသကြီး၊တောင်ငူအ နောက်မြောက်ဘက် ၆ မိုင်ခန့်မှာ မဂ္ဂနီကျု ၄.၉ အဖြစ်လှုပ်ခတ်ခဲ့တာဖြစ်တယ်လို့ ထုတ်ပြန်ထားပါတယ်။ ယခုနှစ် မတ်လ ၂၈ ရက်နေ့မှာ လှုပ်ခတ်ခဲ့တဲ့ ၇.၇ အဆင့်ရှိ စစ်ကိုင်းနဲ့…

Read More

စက်တင်ဘာ၊ ၆-၂၀၂၅ KKL(VOM) ဧရာဝတီတိုင်းထဲက တိုက်ပွဲဖြစ်နေတဲ့ ဒေသတွေမှာစက် သုံးဆီဈေးနှုန်း တလီတာကိုကျပ် ၈၅၀၀ ကျော်အထိမြင့်တက်လာတယ်လို့ ဒေသခံတွေဆီကနေ သိရပါတယ်။ လေးမျက်နှာ၊ ရေကြည် ၊ သာပေါင်း အင်္ဂပူစတဲ့ တိုက်ပွဲ ဖြစ်ပွားမှုရှိနေတဲ့ကျေးရွာတွေမှာ လက်ရှိ စက်သုံး ဆီတလီ တာကိုကျပ် ၈၅၀၀ အထိဈေးတက်လာပြီး တိုက်ပွဲတွေ မဖြစ်ခင်ကစက်သုံးဆီတလီတာကျပ် ၃၀၀၀ ဝန်းကျင် အထိသာဈေးပေါက်ခဲ့တယ်လို့ ဆိုပါတယ်။ ”ဒီဘက်မှာ ဘယ်ဆိုင်ဝယ်ဝယ် ၈၅၀၀ နဲ့အထက်မှာပဲ။ များများလည်းဝယ်မရဘူး။ စက်သုံးဆီတွေနဲ့စားသောက်ကုန်တွေကို အကန့်အသတ်နဲ့ပဲသယ်ယူခွင့်ပြုထားလို့ ဒီဘက်မှာဈေးထိုးတက်နေတာ။”လို့ လေးမျက်နှာမြို့နယ်က ဒေသခံတယောက်ကပြောပါတယ်။ လေးမျက်နှာ၊ ရေကြည် ၊ သာပေါင်းနဲ့ အင်္ဂပူစတဲ့တိုက်ပွဲဖြစ်ပွားမှု ရှိနေတဲ့မြို့နယ်တွေထဲက ကျေးရွာတွေမှာလက်ရှိ စက်သုံး ဆီတလီတာကိုကျပ် ၈၅၀၀ အထိဈေးတက်လာ တဲ့အပြင်လိုသလောက်မရဖြစ်နေပြီး ရေသန့်ဗူးနဲ့ရောင်းတဲ့ အရပ်ထဲကဆိုင်တွေမှာသာ ဝယ်နေရတယ်လို့ ဆိုပါတယ်။ ”ငသိုင်းချောင်းမြို့အထွက် ပုသိမ် –…

Read More

စက်တင်ဘာ ၅၊ ၂၀၂၅ Shy V (VOM) ရှမ်းပြည်နယ် မြောက်ပိုင်း၊ ကျောက်မဲခရိုင်၊ ကျောက်မဲမြို့နယ်၊ ခေးနင်းကျေးရွာအုပ်စု၊ ကုန်းကော်ရွာမှာ ဒီကနေ့ စက်တင်ဘာလ ၅ ရက်နေ့ မနက် အစောပိုင်းက လက်နက်ကြီး ကျလို့ လူ နှစ်ဦး ထိုခိုက် သေဆုံးသွားကြောင်း ဒေသခံတွေဆီက သိရပါတယ်။ “ကျောက်မဲ မြို့ပြင်ဘက် လက်နက်ကြီးကျတယ်ဆိုတာ ဟုတ်တယ်။ မြို့နဲ့ ဝေးပါတယ်။နှစ်ယောက်ထိသွားတာပါ။ သေဆုံးသွားပါတယ်။” လို့ ဒေသခံ အမျိုးသား တယောက်က ပြောပါတယ်။ သေဆုံးသွားသူတွေက အမျိုးသား တယောက်နဲ့ အမျိုးသမီးတယောက်လို့ ကနဦး သိရပြီး အဲဒီဘက်ရွာမှာ မရှောင်ကြတဲ့ သူတွေရှိသေးတယ်လို့ သူက ပြောပါတယ်။ ခိုက်တုန်ဟုန်းရွာရဲ့ အနောက်ဘက်က မက်မန်း ကုံးကော်/ကုန်းကော်ရွာ ဖြစ်ပြီး လမ်းမကြီးဘေးကနေ အတွင်းထဲ ဝင်ရတဲ့ရွာဖြစ်ကာ လမ်းတွေလည်း ပိတ်ထားတယ်လို့ သူက…

Read More

စက်တင်ဘာ ၅၊ ၂၀၂၅ GG(VOM) ပဲခူးမြို့ရှိ ဟံသာဝတီမြို့ဟောင်းမြို့ရိုးနဲ့ ကျုံးကို ပြန်လည်ထိန်းသိမ်းဖို့အတွက်ဆိုပြီး ကျုံးနဲ့ မြို့ရိုးနယ်နမိတ်အတွင်းတည်ဆောက်ထားတဲ့ နေအိမ်တွေကို ဖျက်သိမ်းပြောင်းရွှေ့ပေးဖို့ အာဏာပိုင်တွေဘက်က ညွှန်ကြားလာမှုအပေါ် ပြန်လည်စဥ်းစားသုံးသပ်ပေးစေလိုကြောင်း နေအိမ်ပိုင်ရှင်တွေက တောင်းဆိုလိုက်ပါတယ်။ နေအိမ်တွေဖျက်ပေးရမယ့်ကိစ္စက ရပ်ကွက်နေထိုင်တဲ့ အခြေခံလူတန်းစား၊ လူလတ်တန်းစားအားလုံးအတွက် ဆုံးရှုံးနစ်နာမှုကြီးမားပြီး အချို့သော မိသားစုတွေမှာဆိုရင် အိမ်ခြေယာမဲ့ဘဝကိုရောက်ရှိသွားနိုင်တယ်လို့ ရပ်ကွက်နေထိုင်သူတွေဆီကသိရပါတယ်။ “အင်းဝင် အရှေ့ဘက်ခြမ်းတွေပါ။ညီမတို့မြေတွေက ညီမတို့ ဘိုးဘွားတွေလက်ထက်ကတည်းက နေလာတာပါ။ဘိုးဘွားပိုင်မြေပါ။ဂရမ်တော့မရှိပါဘူး။အခုက ကျုံးနဲ့ ပေ ၂၀၀ မလွတ်လို့ ဖျက်ပေးရမယ့်အထဲပါသွားတာပါ။ဆုံးရှုံးမှုကတော့ ပြောမပြတတ်အောင်ပါဘဲ။ညီမတို့ ငယ်ငယ်လေးထဲက အိမ်ငှားမနေခဲ့ဖူးဘူး။အခု အိမ်ဖျက်ပြီးဖယ်ရတော့မယ်ဆိုတော့အိမ်ငှားဖို့ကြတော့လည်းအဆင်မပြေဘူး။အိမ်ငှားတာက လချုပ်တွေဆိုတော့ ညီမတို့လို့ တနေ့လုပ်တနေ့စားတွေအတွက်ဒုက္ခရောက်ပါတယ်။” လို့ ဖျက်သိမ်းခံရမယ့် အိမ်ထဲပါဝင်တဲ့ နေအိမ်ပိုင်ရှင် တယောက်ကပြောပါတယ်။ နေအိမ်တွေဖျက်ပေးရမယ့်နေရာတွေကတော့ကျုံးနဲ့ မြို့ရိုးအနီးရှိ ဆိုရှယ်လစ်ရပ်ကွက် ၊ပုဏ္ဍားစုရပ် ကွက်၊ စကြာခြံရပ်ကွက် ၊မှော်ကန်ရပ်ကွက် နဲ့ အလင်းရောင်ရပ်ကွက်ရှိ နေအိမ်တွေကို စက်တင်ဘာလ ၃…

Read More

စက်တင်ဘာ ၅ – ၂ဝ၂၅ KKO(VOM) ဗြိတိန်အခြေစိုက်သတင်းဌာနတခုဖြစ်တဲ့ The Independent သတင်းဌာနက ဒေါ်အောင်ဆန်းစုကြည် နှလုံးရောဂါခံစားနေရကြောင်း ရေးသားဖော်ပြလာပါတယ်။ The Independent သတင်းဌာနရဲ့‌ ရေးသားဖော်ပြမှုတွင် အသက် ၈၀ နှစ်ရှိနေပြီဖြစ်သော မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်ဟာ နှလုံးရောဂါဆိုးရွားစွာခံစားနေရပြီးဆေးကုသခွင့်မရရှိဘူးလို့ ရေးသားထားတာကိုတွေ့ရပါတယ်။ သို့သော်လည်း ယခုသတင်းအပေါ်အုပ်ချုပ်ရေးအသိုင်းအဝိုင်းနဲ့ နီးစပ်ပတ်သက်သူ နေပြည်တော်သတင်းအရင်းအမြစ်တယောက်ကတော့ ယခုဒီသတင်းက ဖြစ်နိုင်ချေနည်း ပါးတယ်လို့ သူကပြောပါတယ်။ “မဟုတ်ပါ။ အန်တီစုကအရင်တုန်းကလိုထောင်ထဲမှာမဟုတ်ပါ။ ပြင်ပနေရာတစ်နေရာမှာလုံခြုံစွာနဲ့အကျယ်ချုပ်နဲ့ပြည့်စုံစွာနေထိုင်နေရပါတယ်။ အဲလိုတော့သိရတယ်”လို့ သူက VOM ကို ပြောပြပါတယ်။ ဒါအပြင် NLD ပါတီနဲ့နီးစပ်တဲ့ဝါရင့်နိုင်/ကျဉ်း(နိုင်ငံရေးအကျဉ်းသားဟောင်း)တယောက်ကလည်းဒေါ်အောင်ဆန်းစုကြည်ရဲ့ကျန်းမာရေးအခြေအနေနဲ့ ပတ်သက်ပြီးသူသိထားသလောက်ကို အခုလိုဆက်ပြီး ပြောပြခဲ့ပါတယ်။ “အန်တီကျန်းမာရေးနဲ့ ပတ်သက်လို့က အန်တီကသွားရောဂါပေါ့။သွားကျန်းမာရေးကတော့သိပ်မကောင်းဘူးလို့သိရပါတယ်။ ကျန်တဲ့ရော ဂါကြီးကြီးမားမားကတော့အန်တီမှာရှိတယ်လို့မကြားမိပါဘူး။သွားနဲ့ ပတ်သက်တဲ့ရောဂါတော့အန်တီမှာရှိတယ်။ အခုသတင်းကလည်းအတည်ပြုဖို့ကျွန်တော်တို့အနေနဲ့ အလွန်ခက်ပါတယ်။မှတ်ချက်ပေးဖို့လည်းခက်ပါတယ်။ အန်တီကျန်း မာရေးဘယ်လိုအနေအထားရှိလဲပေါ့လေ၊ ဒါကသိရဖို့ခက်‌နေပါတယ်။‌ နေပြည်တော်အကျဉ်းထောင်ကလည်းသိတဲ့အတိုင်းလုံခြုံရေးတွေထူထပ်များပြားပါတယ်။ အန်တီတို့ကိုထားတဲ့နေရာဆိုရင်အစောင့်တွေထူထပ်တယ်။ အဝင်၊အထွင်ခက်တယ်ဆိုတော့ကျွန်တော်တို့လည်း အန်တီကျန်းမာရေးသတင်းအချက်အလက်တွေနဲ့ပတ်သက်လို့လက်…

Read More