ဇန်နဝါရီ ၁၆ -၂၀၂၁ သိင်္ဂီထွန်း(VOM) ရှမ်းပြည်နယ်အရှေ့ပိုင်း၊ အထူးဒေသ(၄) နဲ့ အထူးဒေသ(၂)ထဲက ကြံခင်းတောထဲမှာ မြန်မာအလုပ်သမား ၁၅၁ ဦး ပိတ်မိနေတာ ဒီနေ့ ဇန်နဝါရီလ ၁၆ ရက်နေ့အထိဆိုရင် ၃ ရက်ရှိပြီဖြစ်တယ်လို့ အလုပ်သမားတွေဆီကနေ သိရပါတယ်။ အလုပ်သမားတွေဟာ ” ဝ “ကိုယ်ပိုင်အုပ်ချုပ်ခွင့်ရဒေသမှာရှိတဲ့ ကျင်းဝါ ဆေးလိပ်စက်ရုံမှာ အလုပ်သွားရောက်လုပ်ကိုင်ခဲ့ကြတဲ့ မြန်မာအလုပ်သမားတွေဖြစ်ပါတယ်။ လက်ရှိမှာက ကိုဗစ်ကပ်ရောဂါဖြစ်နေတာကြောင့် “ဝ”ကိုယ်ပိုင်အုပ်ချုပ်ခွင့်ရဒေသမှာလည်း စက်ရုံတွေကို လည်ပတ်ခွင့်ကန့်သတ်ထားတဲ့အတွက် အလုပ်သမားတွေမှာ စားဝတ်နေရေးအားလုံး အခက်အခဲဖြစ်နေတာကြောင့် နေရပ်ဒေသကိုပြန်လာခဲ့ရာ မြန်မာဘက်ကို ဝင်ခွင့်မရရှိသေးဘဲ ကြံခင်းတောထဲမှာ ပိတ်မိနေကြတာဖြစ်ပါတယ်။ ” စက်ရုံကနေလိုက်ပို့တယ်။ နာရီဝက်လောက်ကြာတယ်။ သူတို့ပြောတာက မိုင်းယန်းဘက်ကပိတ်ထားတယ်ဝင်လို့မရဘူး၊ ဖြတ်မရဘူး ပိတ်ထားတယ်ပေါ့ ၊အဲ့ဒီတော့ ဒီဘက်မှာတစ်လမ်းရှိတယ် လိုက်ပို့မယ်ဆိုပြီး လိုက်ပို့တာပေါ့။ ခိုးလမ်းမှန်းတော့ မသိဘူး။ ကိုဗစ်ကြောင့် စက်ရုံတွေကပိတ်ကြတယ်။ ဒီဇင်ဘာလကတည်းက ပိတ်တယ်။ သူတို့က…

ဇန်နဝါရီ ၁၆ -၂၀၂၁ အေးချမ်းသူ(VOM) ရန်ကုန်မြို့၊ အင်းစိန်ထောင်ရှေ့မှာ ဦးဝီရသူအပါအဝင် အမျိုးသားရေးသမားတွေကို ရုံးထုတ်စစ်ဆေးပေးဖို့ ဒီကနေ့မနက် ၁၀ နာရီက သံဃာတော်တွေနဲ့ အမျိုးသားရေးသမားတွေ ဆန္ဒပြနေချိန် ရဲတပ်ဖွဲ့နဲ့ ဆန္ဒပြသူတွေ ပဋိပက္ခဖြစ်ပွားပြီး အမျိုးသားရေးလှုပ်ရှားသူတစ်ဦး ဖမ်းဆီးခံခဲ့ရပါတယ်။ ” ဒီကနေ့မနက်ပိုင်း ဆန္ဒပြတကို သံဃာတော်တွေဘက်က ဇန်နဝါရီ ၁၃ရက်နေ့က အင်းစိန်ရဲစခန်းမှာ ငြိမ်းစုစီတင်ခဲ့ပေမယ့် ဇန်နဝါရီလ ၁၅ရက်နေ့ အင်းစိန်ထောင်ဗူးဝရှေ့မှာ မပြုလုပ်ဖို့ ညှိနိုင်းခဲ့တယ်”လို့ အမျိုးသားရေးလှုပ်ရှားသူတစ်ဦးက VOMကိုပြောပါတယ်။ အင်းစိန်ထောင်ဗူးဝရှေ့မှာ ဆန္ဒပြတာမပြုလုပ်ဖို့နဲ့ အခြားနေရာမှာသာ ဆန္ဒပြဖို့ခွင့်ပြုကြောင်း ရန်ကုန် မြောက်ပိုင်ခရိုင်ရဲတပ်ဖွဲ့မှူး ရဲမှူးကြီးလှဝေက သံဃာတော်တွေကို လျှောက်ထားခဲ့ပါတယ်။ အဲ့ဒီလို လျှောက်ထားနေတာကို သံဃာတော်တွေက လက်မခံဘဲ ဆက်လက်ဆန္ဒပြတောင်းဆိုနေခဲ့တာဖြစ်ပါတယ်။ “ယနေ့ပြုလုပ်တဲ့ပွဲဟာ ဆရာတော်ဦးဝီရသူနဲ့ အမျိုးသားရေးအကျဉ်းသားများအား ပြန်လည်လွတ်မြောက်ရေးအတွက် ဆန္ဒဖော်ထုတ်ရခြင်းဖြစ်တယ်”လို့ ဆန္ဒပြပွဲဦးဆောင်သူ ဆရာတော်အဂ္ဂဓဇကမိန့်ပါတယ်။ အဲ့ဒီလိုပြောကြားပြီးမကြာမီ ရဲတပ်ဖွဲ့ဝင်တွေနဲ့ သံဃာတော်တွေ ရုန်းရင်းဆန်ခတ်ဖြစ်ကာ…

ဇန်နဝါရီ ၁၅ -၂၀၂၁ နေနန်းနွယ်(VOM) NLD ဗဟိုအလုပ်မှုဆောင်အဖွဲ့ဟာ ရှမ်းပြည်နယ်၊ တောင်ကြီးမြို့ရှိ အမျိုးသားဒီမိုကရေစီအဖွဲ့ချုပ်ရုံးမှာ ဒီကနေ့မနက်ပိုင်းက ရှမ်းတိုင်းရင်းသားများဒီမိုကရေစီအဖွဲ့ချုပ်(SNLD)၊ ရှမ်းတိုင်းရင်းသားများဒီမိုကရက်တစ်ပါတီ(SNDP)၊ လားဟူအမျိုးသားဖွံ့ဖြိုးတိုးတက်ရေးပါတီ နဲ့ “ဝ”အမျိုးသားစည်းလုံးညီညွတ်ရေးပါတီတို့နဲ့ တွေ့ဆုံခဲ့ပါတယ်။ NLD နဲ့တွေ့ဆုံမှုအပြီးမှာတော့ SNLDပါတီ အတွင်းရေးမှူး(၁) ဦးစိုင်းကျော်ညွန့်က “ကျွန်တော်တို့ မူဝါဒအကြောင်းပြောတယ်၊ ဒီလိုလုပ်ဆောင်ကြတဲ့အချိန်မှာ ဘယ်လိုပူးပေါင်းဆောင်ရွက်နိုင်မလဲပေါ့၊ လွှတ်တော်ထဲမှာရော ၊ ဥပဒေပြုရေးရော ၊ အုပ်ချုပ်ရေးမှာရော၊ အခြားအပိုင်းမှာရော ဘယ်လိုပူးပေါင်းဆောင်ရွက်နိုင်မလဲပေါ့၊ NLDဆိုတာကလည်း SNLDနဲ့လွန်ခဲ့တဲ့ နှစ်ပေါင်း ၃၀ ကျော်ကတည်းက အတူတူ အလုပ်လုပ်ခဲ့တဲ့ အဖွဲ့အစည်းဖြစ်တယ်၊ ပြီးခဲ့တဲ့ ၂၀၁၅ လောက်တုန်းကတော့ အကြောင်းအမျိုးမျိုးကြောင့် ပူးပေါင်းဆောင်ရွက်နိုင်ခဲ့တာတွေ မရှိခဲ့ဘူး၊ ဒီတစ်ခေါက်ကတော့ ကျွန်တော်တို့ ဒီအမျိုးသားညီညွတ်ရေးတည်ဆောက်တဲ့ကိစ္စတွေ၊ ငြိမ်းချမ်းရေးလုပ်ဆောင်မယ့်ကိစ္စရပ်တွေမှာ ပူးပေါင်းဆောင်ရွက်နိုင်မယ်လို့လည်း မြင်တယ်၊ အဲ့ဒါကြောင့်မို့ ကျွန်တော်တို့ကို တာဝန်ပေးအပ်လာမယ်ဆိုရင် SNLDအနေနဲ့ကတော့ ကြိုစားပြီးလုပ်ဆောင်သွားမယ်”လို့ ဖြေကြားခဲ့ပါတယ်။ ဒီကနေ့တွေ့ဆုံမှုဟာ အလွန်ကောင်းမွန်တဲ့…

ဇန်နဝါရီ ၁၅ -၂၀၂၀ အေးချမ်းသူ(VOM) တရုတ်အစိုးရက အကြောင်းအမျိုးမျိုးကြောင့် ဖမ်းဆီးထိန်းသိမ်းထားတဲ့ မြန်မာအကျဉ်းသားတွေကို ဒီကနေ့မနက်ပိုင်းက ထပ်မံလွှတ်ပေးခဲ့တယ်လို့ မူဆယ်မြို့ တရုတ်ကျောင်း ကွာရန်တင်းစင်တာကနေ သိရပါတယ်။ မူဆယ်မြို့ တရုတ်ကျောင်း ကွာရန်တင်းစင်တာ မှ ထောင်လွဲတာဝန်ခံဦးမျိုးမြင့်က “ဒီနေ့ပြန်လွှတ်တာ ယောက်ကျ်ားလေး ၁၀၉ယောက်၊ မိန်းခလေး ၉ယောက် အားလုံးပေါင်း ၁၄၀ပါ၊ ပြစ်ဒဏ်ခံယူပြီးတဲ့ မြန်မာနိုင်ငံသားအကျဉ်းသားတွေကို မြန်မာ-တရုတ် နှစ်နိုင်ငံပြည်ဝင်ပြည်ထွက် စစ်ဆေးရေးဂိတ်ဖြစ်တဲ့ နန်းတော် ဂိတ်ကတဆင့် မြန်မာနိုင်ငံကို ပြန်လည် လွဲပြောင်းပေးခဲ့တာဖြစ်တယ်၊ အများစုက ကွမ်းတုံထောင်နဲ့ ဟွေ့ကျိုးထောင်တွေက အများဆုံးဖြစ်တယ်”လို့ VOMကို ပြောပါတယ်။ ပစ်ဒဏ်ကလွှတ်မြောက်လာသူတွေကို ကိုဗစ်ရောဂါပိုး ရှိ၊မရှိ စစ်ဆေးကာ မူဆယ်ကွာရန်တင်းစင်တာမှာ ၄ ရက်ထားရှိပြီး ဇန်နဝါရီလ ၁၉ ရက်နေ့မှာ နေ့ရပ်ကိုပြန်လည်ပို့ဆောင်ဖို့ စီစဉ်သွားမယ်လို့ ထောင်လွဲတာဝန်ခံ ဦးမျိုးမြင့်ကပြောပါတယ်။ ဒီကနေ့ပြန်လည်လွှတ်မြောက်လာသူအများစုဟာ ရခိုင်ပြည်နယ်မှာ နေထိုင်သူအများစုဖြစ်ပြီး လ.ဝ.ကအမှုနဲ့ပြစ်ဒဏ်…