ဇန်နဝါရီ ၂၃ – ၂၀၂၅ SN (VOM) ချင်းပြည်နယ်၊ ဖလမ်းမြို့မှာ နစကတပ်နဲ့ ချင်းညီနောင်နဲ မဟာမိတ်တပ်ဖွဲ့တွေကြား တိုက်ပွဲ ပြင်းထန်နေဆဲဖြစ်တယ်လို့ ဒေသခံတွေက ပြောပါတယ်။ ချင်းညီနောင်နဲ့ မဟာမိတ်တပ်ဖွဲ့တွေဟာ ပြီးခဲ့တဲ့ ၂၀၂၄ ခုနှစ်၊ နိုဝင်ဘာလ ၉ ရက်နေ့မှစတင်ကာ ဖလမ်းမြို့ကို ထိုးစစ်ဆင်နေခြင်းဖြစ်ပြီး လက်ရှိမှာတော့ ဖလမ်းမြို့ရှိ ခြေလျင်တပ်ရင်း (ခလရ – ၂၆၈) လက်အောက်ခံ တပ်ကုန်းစခန်းကို တိုက်ခိုက်နေခြင်းဖြစ်တယ်လို့ သိရပါတယ်။ “အခုဆို တိုက်ပွဲက နှစ်လကျော် ကြာနေပြီပေါ့။ ချင်းညီနောင်ဘက်ကလည်း ထိုးစစ်အရှိန်မြှင့်ထားသလို နစကဘက်ကလည်း ဖလမ်းမြို့ မပေးရရေး လေကြောင်းပစ်ကူတွေနဲ့ပါ ကာကွယ်နေတယ်။ ‌ဒေသခံတွေကတော့ မြို့ပေါ်မှာရော၊ မြို့နားကရွာတွေမှာပါ မနေရဲကြတော့ဘူး။ အကုန်လုံးလိုလို ဘေးလွတ်ရာကို ရှောင်နေကြရတယ်။ မြို့ထဲမှာ ဘယ်မှ မသွားနိုင်၊ မလာနိုင်တဲ့ သက်ကြီး၊ နာမကျန်းနဲ့ အိမ်စောင့်တွေလောက်ပဲ…

ဇန်နဝါရီလ ၂၃ – ၂၀၂၅ GG (VOM) ထိုင်း – မြန်မာနယ်စပ် ၊ကရင်ပြည်နယ်၊မြဝတီခရိုင်အတွင်းရှိ အွန်လိုင်းကနေ ငွေလိမ်မှုလုပ်နေတဲ့ကျားဖြန့်လုပ်ငန်း၊ လူကုန်ကူး၊မသမာမူ၊ ဒုစရိုက်မှုတွေ ကို လက်မခံကြောင်းနဲ့ ကျူးလွန်သူတွေကို တားဆီးနှမ်နင်းသွားမယ်လို့ ကရင်ပြည်နယ် ၊နယ်ခြားစောင့်တပ်BGF ကဇန်နဝါရီ၂၂ရက်မှာအသိပေးလာပါတယ်။ ကျားဖြန့်ဂိုဏ်းတွေကို နှိမ်နင်းရာမှာ နစက အပြင် ဒေသတွင်းမိတ်ဖက် အဖွဲ့အစည်း၊ ဒေသအာဏာပိုင်အဖွဲ့အစည်း၊ နိုင်ငံတကာအဖွဲ့အစည်း၊ နိုင်ငံတကာကိုယ်စားလှယ်တွေနဲ့ အတူ ပူးပေါင်းပြီး ဆောင်ရွက်သွားမယ်လို့ BGF ကဆိုထားပါတယ်။ BGF ကတော့ သူတို့အနေနဲ့ ဒေသအတွင်းလာရောက်ပြီး ဖွံ့ဖြိုးရေး လုပ်ကိုင်မယ့် လုပ်ငန်းရှင်ကိုသာ ဖိတ်ခေါ်လက်တွဲခြင်းဖြစ်ပြီး ဒုစရိုက်မှု၊ မသမာမှု၊ လူကုန်ကူးမှု ကို လုံးဝ( လုံးဝ) လက်မခံဘဲ အတိအလင်းတားမြစ်ထားတယ်လို့ ထုတ်ပြန်စာမှာရေးသားထားပါတယ်။ ဒါပေမယ့်လည်းကျားဖြန့်ဂိုဏ်းတွေ ကတော့ BGF ဒေသဖြစ်တဲ့ ကရင်ပြည်နယ်၊မြဝတီခရိုင်ထဲက KKpark နဲ့ရွှေကုက္ကိုလ်မြို့တွေမှာ အဓိကလုပ်ငန်းဆောင်ရွက်နေကြတာဖြစ်ပြီး…

ဇန်နဝါရီ ၂၃ – ၂၀၂၅ GG (VOM) ရေး-ထားဝယ်လမ်းမကြီး၊ မလွှဲတောင်အတက်၊ ၁၄ မိုင်ဘုန်းကြီးကျောင်းအကွေ့မှာ ခရီးသည်တင်ကား လမ်းဘေး ချောက်ထဲကျတိမ်းမှောက်ပြီး ငါးယောက်သေဆုံးကာငါးယောက်ထိခိုက်ဒဏ်ရာရရှိခဲ့တယ်လို့သိရပါတယ်။ ဇန်နဝါရီ ၂၂ ရက်နေ့ ၊နေ့လယ်၂ နာရီလောက်မှာ ရေးမြို့ကနေပြန်လာတဲ့ ခရီးသည်တင်ကားတိမ်းမှောက်ခဲ့တာဖြစ်ပြီး သေဆုံးသူငါးယောက်ထဲမှာ Grade-11 ကျောင်းသူနဲ့ ဘွဲ့ယူပြီးပြန်လာတဲ့ကျောင်းသူ တွေပါဝင်တယ်လို့သိရပါတယ်။ “သေတာက အမျိုးသား နှစ်ယောက်နဲ့ အမျိုးသမီးသုံးယောက်ပါ။ သေတဲ့အထဲမှာ မန္တလေးကနေဘွဲ့ယူပြန်လာတဲ့ကောင်မလေးလည်းပါတယ်။သူနဲ့အတူပါတဲ့အဖိုးနဲ့အဖွားလည်းဆုံးတယ်။ကားကအရှိန်လွန်ပြီးချောက်ထဲကျတယ်လို့ယူဆရတယ်။ သူတို့ကိုမေးတော့လည်းကားက ဝုန်းဒိုင်းဆိုပြီးမှောက်သွားတာပဲသိတယ်။ကားပေါ်မှာက ၁၁ယောက်ပါတာကို တယောက်ပဲခုန်ချလို့လွတ်သွားတယ်။ဒဏ်ရာရတာက ယောကျ်ားလေးသုံးယောက်နဲ့အမျိုးသမီးနှစ်ယောက်ပါ။ ” လို့ ကူညီကယ်ဆယ်ရေးလုပ်ခဲ့တဲ့ အောင်မင်္ဂလာနာရေးကူညီမှုနှင့်လူမှုကယ်ဆယ်ရေး အသင်းဝင်ကပြောပြပါတယ်။ အဆိုပါ ခရီးသည်တင်ကားက တနင်္သါရီတိုင်း ၊ရေဖြူမြို့နယ်၊ မင်းသားအုပ်စု၊ မော်ကြီးကျေးရွာက ကားဖြစ်ပြီး ရေးမြို့နယ်ကနေပြန်လာစဥ် အရှိန်များပြီးတိမ်းမှောက်ခဲ့တာဖြစ်ကြောင်း၊ ထိခိုက်ဒဏ်ရာရသူတွေထဲကလေးယောက်ကိုရေးဆေးရုံကိုပို့ထားပြီး ဒဏ်ရာပြင်းထန်တယောက်ကိုတော့ မော်လမြိုင်ဆေးရုံကိုပို့ဆောင်ထားတယ်လို့သိရပါတယ်။ အဆိုပါ မလွှဲတောင်တက်လမ်းမှာ ခရီးသည်တင်ကားတွေ မကြားခဏတိမ်းမှောက်လေ့ရှိပြီး မိုးတွင်းကာလမှာပိုပြီးအဖြစ်များတယ်လို့သိရပါတယ်။ဒါကြောင့် ယာဥ်မောင်းတွေအနေနဲ့…

ဇန်နဝါရီ ၂၂ – ၂၀၂၅ KKO(VOM) ချောင်းသာကမ်းခြေက ဟိုတယ်တွေကိုဆက်လက်ဖွင့်လှစ်ထားပေမယ့် ရွှေသောင်ယံတကြောက တိုက်ပွဲတွေကြောင့်လက်ရှိကာလ မှာ ခရီးသွားဧည့်သည်တွေ မရှိသလောက်နည်းပါးနေတယ်လို့ ချောင်းသာဒေသခံတွေထံကနေ သိရပါတယ်။ “ဧည့်သည်ကမရှိသလောက်နည်းသွားပြီ၊အတော်လေးပါးသွားပြီ။အခုဘောမိတို့ဘက်မှာဖြစ်တဲ့သတင်းတွေကြောင့် ချောင်းသာကိုဧည့်သည်တွေမလာကြတော့ဘူး။ဟိုတယ်တွေကတော့ မပိတ်ဘူး၊ ပိတ်လို့လည်း မရဘူးလေ။အခုတိုက်ပွဲတွေဖြစ်နေတယ်ဆိုတဲ့ ဘောမိနဲ့ ချောင်းသာက အတော်လေးလှမ်းပါ သေးတယ်။သူကကြားမှာ မြစ်နှစ်ခုလောက်ဖြတ်ရသေးတယ်။ကုန်းလမ်းကဆိုရင်သူက ဘောမိကနေ ဒီဘက်ကိုလာဖို့ ဆိုင်ကယ်လမ်းပဲရှိမယ်။မြစ်ရှိတဲ့နေရာတွေဆို ဆိုင်ကယ်ကိုလှေပေါ်တင်ပြီး ကူးပေါ့။ရေလမ်းကဆိုရင်တော့တိုက်ရိုက်လာလို့ရတယ်။အခုဘောမိဘက်မှာလည်းအသံတွေကြားနေရတော့ ချောင်းသာဘက်က တချို့ရှောင်တဲ့သူတွေလည်းရှောင်၊ ပစ္စည်းရွှေ့တဲ့သူတွေလည်းရွှေ့ပေါ့၊ ဒါလေးတွေတော့ရှိတယ်၊ တွေ့ရတယ်။မဖြစ်သော် လည်းကြိုတင်ပြင်ဆင်ကြတဲ့သဘောပါ။ ခရီးသွားဧည့်သည်တွေကတော့ မရှိကြတော့ဘူး၊မလာကြတော့ဘူး” လို့ ချောင်းသာကမ်းခြေဒေသခံ တယောက်က VOM ကို ပြောပါတယ်။ ဒီလိုအခြေအနေတွေကြောင့် ချောင်းသာကမ်းခြေသို့ လာရောက်လည်ပတ်ကြတဲ့ ခရီးသွားဧည့်သည်တွေအနေနဲ့ ယခုချိန်ခါမှာ လာရောက်လည်ပတ်ဖို့မသင့်လျှော်ဘူးဆိုတဲ့ အသိပေးနှိုးဆော်မှုတွေလည်းရှိနေတာဖြစ်တယ်လို့ သိရပါတယ်။ ဒေသခံတွေရဲ့ ပြောပြမှုအရ ချောင်းသာကမ်းခြေမှာ ခရီးသွားဧည့်သည်တွေမရှိသလောက်နည်းပါးသွားပြီး ခရီးသွားဝင်ရောက်မှုတွေမရှိသော်လည်း ဟိုတယ်တွေကိုတော့ ဆက်လက်ဖွင့်လှစ်ပေးထားတယ်လို့ သိရပါတယ်။ “လမ်းကတော့…