ဇန်နဝါရီ ၂၄ – ၂၀၂၅ SN (VOM) AA က စစ်သုံ့ပန်း နှစ်ယောက်ကို ညှဥ်းပန်းနှိပ်စက်ခဲ့မှုနဲ့ ပတ်သက်လို့ နိုင်ငံတကာရာဇဝတ်ခုံရုံး (ICC) က စုံစမ်းစစ်ဆေးပေးဖို့ အရှေ့တောင်အာရှအခြေစိုက် လူ့အခွင့်အရေးအဖွဲ့တခုဖြစ်တဲ့ Fortify Rights က မနေ့ ဇန်နဝါရီ ၂၃ ရက်နေ့မှ ထုတ်ပြန် တောင်းဆိုထားပါတယ်။ “ဖမ်းဆီးရမိတဲ့ ရန်သူစစ်သားတွေကို စစ်သုံ့ပန်းတွေအဖြစ် အမြဲတမ်း ဂုဏ်သိက္ခာရှိစွာ ဆက်ဆံသင့်ပြီး ဂျီနီဗာကွန်ဗင်းရှင်းတွေရဲ့ အကာအကွယ်တွေကို ပေးဆောင်ကာ စစ်ရာဇ၀တ်မှုတွေအတွက် တာဝန်ရှိသူတွေကို တရားစွဲဆိုသင့်တယ်” လို့ Ejaz Min Khant က ပြောပါတယ်။ ICC အနေနဲ့ NUG မှအပ်နှင်းထားပြီးတဲ့ အာဏာတွေကို အသုံးပြုပြီး AA စစ်ရာဇ၀တ်မှုတွေကို စုံစမ်းစစ်ဆေးသင့်ကာ ယင်းကို ပျက်ကွက်ပါက ICC အဖွဲ့ဝင်နိုင်ငံတွေအနေနဲ့ ဒီပြစ်မှုတွေကို ရောမဥပဒေရဲ့…

ဇန်နဝါရီ ၂၄၊ ၂၀၂၅ Shy V VOM ကချင်ပြည်နယ်၊ ဗန်းမော်မြို့မှာ ဇန်နဝါရီလ ၂၃ ရက်နေ့ မနက်ပိုင်းကစပြီး တိုက်ပွဲ ပြန်လည် ပြင်းထန်နေကြောင်း ဒေသခံ‌ေတွဆီက သိရပါတယ်။ “ဗန်းမော် မနေ့က မနက်ကစ အပြင်းအထန် ပြန်ချနေကြတယ်။ ဒီနေ့ ဇန်နဝါရီလ ၂၄ ရက်နေ့ မနက် ၆ နာရီ ၁၅ မိနစ်ကစပြီး ဗန်းမော် မြို့ထဲ Y12 နဲ့ လေယာဉ် ဗုံးကြဲနေတာ။” လို့ ဒေသခံ တ‌ေယာက်က ပြောပါတယ်။ ယမန်နေ့ ည ၇ နာရီ ၄၈ မိနစ် အထိလည်း ဗန်းမော်မြို့ထဲ ဂျက်ဖိုက်တာတွေနဲ့ ဗုံးကြဲနေတာ ကြားရပြီး ဘယ်သူ့အိမ်တွေ ထိမှန်သလဲ ဆိုတာ တော့ မသိရဘူးလို့ ဆိုပါတယ်။ ဗန်းမော်မြို့ရဲ့မြစ် တဖက်ကမ်းကနေ…

ဇန်နဝါရီ ၂၂ -၂၀၂၅ GG (VOM) ရုပ်ရှင်သရုပ်ဆောင် ကျော်သူ ပါဝင်သရုပ်ဆောင်ထားတဲ့ “ခြေဆယ့်တစ်လှမ်းရုပ်ရှင်”ပြသခွင့် ဆိုင်းငံ ခံရတယ်လို့ သိရပါတယ်။ ခြေဆယ့်တစ်လှမ်းရုပ်ရှင်က လာမယ့်ဇန်နဝါရီ၂၄ ရက်နေ့မှာ ရန်ကုန်အပါအဝင် တနိုင်ငံလုံးကရုပ်ရှင်ရုံတွေမှာတပြိုက်နက်တည်း ရုံတင်ပြသခွင့်ရရှိထားပြီးမှ ရုပ်ရှင်ပြသခွင့်ကို ပြန်ကြား​ရေးဝန်ကြီးဌာနက ပြသခွင့်ရပ်ဆိုင်းလိုက်တာဖြစ်တယ်လို့ သိရပါတယ်။ ရုပ်ရှင်ပြသခွင့်ဆိုင်းငံခံရတာနဲ့ပတ်သက်ပြီး အဆိုပါရုပ်ရှင်ဇာတ်ကားကြီးရဲ့ ဇာတ်ညွှန်းဆရာမ မေခိုင်ကလည်း” ကျမရဲ့ ခြေ ၁၁ လှမ်း ရုပ်ရှင်ကား မပြဖြစ်တော့တဲ့ အတွက် ကျမဖိတ်ကြားထားသူ အားလုံးကိုအားနာပါတယ်။”လို့ သူရဲ့လူမှုကွန်ယက်ကနေအသိပေးထားပါတယ်။ ရုပ်ရှင်ထဲမှာ ပါဝင်သရုပ်ဆောင်ထားတဲ့ ရုပ်ရှင်သရုပ်ဆောင် အလင်းရောင်ကလည်း ” ခြေဆယ့်တစ်လှမ်းရုပ်ရှင်ကားကြီး မပြဖြစ်တော့လို့ ဒီနေ့ဖိတ်ကြားသူများအားလုံးကို အားနာရပါတယ်ခင်ဗျာ။”လို့ ပြောထားပါတယ်။ အလားတူ ခြေဆယ့်တစ်လှမ်းရုပ်ရှင် အမည်ရှိလူမှုကွန်ယက်စာမျက်နှာကနေလည်း ” premiere show ပျက်ပါတယ်။ ရုံတင်ရက်လည်းပျက်ပြယ်သွားပါပြီ။ ဖိတ်ကြားထားသူများအားလုံးကိုတောင်းပန်တယ်ဆ်ိုတာကလွဲပြီး တခြားပြောစရာမရှိတော့ပါဘူး။ အားလုံးကိုတောင်းပန်ပါတယ်” ဆိုပြီး အသိပေးထားပါတယ်။ အဆိုပါ…

ဇန်နဝါရီ၂၃-၂ဝ၂၅ Ms(VOM) မြန်မာနိုင်ငံအတွင်းသို့ ပြည်ပနိုင်ငံပေါင်း ၃၁နိုင်ငံကနေ တရားမဝင် ဝင်ရောက်လာသူတွေဟာ တနှစ်ကျော်အတွင်းမှာ အရေအတွက် ၅၅၇၁၁ ဦးရှိနေတာကို စီစစ်ဖော်ထုတ်နိုင်ခဲ့ကြောင်း လဝက စာရင်းတွေအရ သိရပါတယ်။ အဆိုပါ တရားမဝင်ဝင်ရောက်လာတဲ့ပြည်ပနိုင်ငံသားတွေကို သက်ဆိုင်ရာ လူဝင်မှုကြီးကြပ်ရေးဌာနက စီစစ်ဖော်ထုတ်တာတွေ ဆောင်ရွက်ရာမှာ အများစုဟာထိုင်းနိုင်ငံအပါအဝင် အိမ်နီးချင်းနိုင်ငံအချို့ကို တစ်ဆင့်ခံဖြတ်သန်းကာ မြန်မာနိုင်ငံ နယ်နိမိတ်အတွင်းကို ကိုယ်ကျိုးစီးပွားအတွက် အလုပ်လုပ်ကိုင်ရန် တရားမဝင် ဝင်ရောက်လာကြသူများဖြစ်ကြောင်း တွေ့ရှိရတယ်လို့ ဆိုပါတယ်။ မြန်မာပြည်ကို တရားမဝင်ဘဲ ဝင်ရောက်လာသူတွေအနေနဲ့ Online လိမ်လည်မှုများ၊ Online လောင်းကစားမှုများကို မြန်မာနိုင်ငံအတွင်း‌ နေထိုင်ကာကျူးလွန်နေကြသူတွေအများစုဖြစ်တယ်လို့စစ်ဆေးတွေ့ရကာ နယ်စပ်ဒေသများဖြစ်တဲ့ လောက်ကိုင်၊ မူဆယ်၊ တာချီလိတ်၊ မြဝတီ မြို့များနဲ့နယ်စပ်မြို့တွေကနေဖမ်းမိကြတာဖြစ်ကြောင်း သိရပါတယ်။ ” တရားမဝင်ဘဲ မြန်မာကိုဝင်လာတဲ့ပြည်ပနိုင်ငံသားတွေအများဆုံးလုပ်တဲ့ Online လိမ်လည်မှု ဆိုတာ အခု နာမည်ကြီးနေတဲ့ ကျားဖြန့်လုပ်ငန်းအမျိုးအစားတွေပါ။ ငွေကိုလိမ်တာတွေအပြင် လူကိုအသက်အန္တရာယ်ပေးတဲ့အထိ ဖြစ်စေတဲ့မကောင်းမှုလုပ်ငန်းတွေပေါ့။…