ဒီဇင်ဘာ ၂၇ – ၂ဝ၂၄KKO(VOM)ဂွမြို့နယ် တိုက်ပွဲတွေကြောင့် ဧရာဝတီတိုင်းအတွင်းသို့ ရခိုင်စစ်ဘေးရှောင်လာသူတွေ အများအပြားရှိနေပြီးအကူအညီတွေလိုအပ်နေတယ်လို့ ဂွမြို့နယ်စစ်ဘေးရှောင်ကူညီရေးပူးပေါင်းအဖွဲ့ ထံကနေ သိရပါတယ်။အဲဒီလို ဧရာဝတီတိုင်းအတွင်းသို့ စစ်ဘေးရှောင်လာတဲ့သူတွေကို သက်ဆိုင်ရာတာဝန်ရှိသူတွေက လက်ရှိမှာ စိစစ်မှုတွေနဲ့ ပြန်လည်ရွှေ့ပြောင်းခိုင်းမှုတွေလည်းရှိနေတယ်လို့ အဲဒီစစ်ဘေးရှောင်ကူညီရေးအဖွဲ့က ပြောပါတယ်။လက်ရှိမှာ ဧရာဝတီတိုင်း၊ရေကြည်မြို့နယ်၊ခွေးတောက်ကွက်သစ်အုပ်စု၊ကုန်းပြင်အနီးဝန်းကျင်နဲ့ တခြားဧရာဝတီတိုင်းမြို့နယ်အတွင်းက ကျေးရွာတွေမှာနေထိုင်ကြတဲ့ ရခိုင်စစ်ဘေးရှောင်ပြည်သူတွေကိုအတင်း ရွှေ့ပြောင်းကြဖို့ သက်ဆိုင်ရာတာဝန်ရှိသူတွေက ဖိအားပေးဆောင်ရွက်နေတာဖြစ်တယ်လို့လည်း ဂွမြို့နယ်စစ်ဘေးရှောင်ကူညီရေးပူးပေါင်းအဖွဲ့က ဆိုပါတယ်။ဒါအပြင် ယခုလက်ရှိဖြစ်ပွားနေတဲ့ရခိုင်ပြည် နယ်၊ဂွမြို့နယ်အတွင်းက တိုက်ပွဲတွေဟာ ဧရာဝတီတိုင်းအထိ ကူးစက်ဖြစ်ပွားလာမှာကို ဧရာဝတီတိုင်းဒေသခံတွေစိုးရိမ်နေကြတာပါ။ ယနေ့အချိန်အထိ အဲဒီ ရခိုင်၊ဧရာဝတီအစပ်ဒေသတလျှောက်မှာ ယနေ့အထိ တိုက်ပွဲတွေပြင်း ထန်စွာဖြစ်ပွားနေတယ်လို့ ဒေသခံတွေရဲ့ ပြောကြားမှုတွေအရ သိရပါတယ်။ဂွမြို့နယ်အတွင်းက တိုက်ပွဲတွေကြောင့် မြေမြှုပ်မိုင်းနင်းမိလို့ ထိခိုက်ဒဏ်ရာရသူ ပြည်သူ(၅)ယောက်နဲ့ သေဆုံးသူ ပြည်သူ(၁)ယောက်အထိရှိလာခဲ့ပြီဖြစ်တယ်လို့ ဂွမြို့နယ်စစ်ဘေးရှောင်ကူညီရေးပူးပေါင်းအဖွဲ့က ဒီဇင်ဘာ ၂၃ ရက်နေ့မှာ သတင်းထုတ်ပြန်ထားခဲ့ပါတယ်။“လက်နက်ကြီးသံတွေက ဒီဘက်တွေအထိတောင်ကြားနေရတယ်။နေ့ရော၊ညရောပဲကြားနေရတယ်။မနေ့ညကဆို လက်နက်ကြီးအသံတွေ ၅ ခါလောက်ကြားရတယ်။ အိပ်လို့တောင်မပျော်ဘူး။ စိုးရိမ်စိတ်နဲ့ပဲ…

ဒီဇင်ဘာ ၂၆ – ၂၀၂၄CC (VOM)ရန်ကုန်တိုင်း၊ ဗဟန်းမြို့နယ်၊ ဆရာစံမြောက်အရှေ့ရပ်ကွက်၊ ဆရာစံလမ်း၊ အမှတ် ၁၄၀၊ မြေညီထပ်မှာဖွင့်ထားတဲ့ AK အလှကုန်ပစ္စည်းအရောင်းဆိုင်မှာ လုယက်မှုဖြစ်ပြီး ဆိုင်ပိုင်ရှင်အမျိုးသမီးအသတ်ခံခဲ့ရတယ်လို့သိရပါတယ်။ဒီနေ့ ဒီဇင်ဘာ ၂၆ ရက်နေ့ မနက် ၈ နာရီကျော်လောက်မှာ ဆိုင်ပိုင်ရှင်ဖြစ်သူ မအေးအိခိုင်က ဆိုင်ဖွင့်နေချိန် ဆိုင်အတွင်းကိုအမျိုးသားနှစ်ယောက်ဝင်ရောက်လာပြီး ဆိုင်ပိုင်ရှင်ဝတ်ဆင်ထားတဲ့ ရွှေထည်ပစ္စည်းကိုလုယက်ခဲ့တဲ့အပြင် လူကိုပါ ဓားနဲ့ထိုးသတ်ခဲ့တာဖြစ်တယ်လို့ သိရပါတယ် ။” မနက်က ဖြစ်တာကို ကျွန်မတို့လည်းဖြစ်ပြီး ရဲတွေဘာညာရောက်မှသိတာ။ ဆွဲကြိုးနဲ့ဖုန်းပါသွားတယ်။လူလည်းသတ်သွားတယ်။ရန်ကင်းစင်တာနဲ့မျက်နှာချင်းဆိုင်ဘက်ကပါ။အလောင်းကိုတော့မနက်က ဆေးရုံကိုပို့လိုက်ကြပြီ။ ပစ္စည်းပဲယူရင်တော်သေးတာပေါ့။အ ခုကလူပါသတ်သွားတယ်။နေရတာကိုမလုံခြုံတော့ဘူး ။ ” လို့ ရန်ကင်းစင်တာအနီးနေထိုင်သူကပြောပါတယ်။လူသတ် လုယက်မှုဖြစ်ပြီးနောက် လုံခြုံရေးတပ်ဖွဲ့ဝင်တွေရောက်လာပြီး စစ်ဆေးမေးမြန်းပြီး ကျူးလွန်သူကို ဖမ်းဆီးရမိရေး ဆောင်ရွက်နေပေမယ့် ခုချိန်ထိတော့ ဖမ်းမိခြင်းမရှိသေးဘူးလို့သိရပါတယ်။ဒီဇင်ဘာလ ၂၄ ရက်နေ့ကလည်း စမ်းချောင်းမြို့နယ်၊ ဟုမ်းလမ်းဘူတာရပ်ကွက်အုပ်ချုပ်ရေးမှူး ဦးစန်းငွေ ပစ်သတ်ခံခဲ့ရတယ်လို့ သိရပါတယ်။ဒီဇင်ဘာလ ၅ ရက်နေ့ကလည်း…

ဒီဇင်ဘာ ၂၆ – ၂၀၂၄GG (VOM)ရန်ကုန်တိုင်း၊ စမ်းချောင်းမြို့နယ် ဟုမ်းလမ်းဘူတာရပ်ကွက်အုပ်ချုပ်ရေးမှူး ဦးစန်းငွေကို ပစ်သတ်သွားရာမှာပါဝင်တဲ့ ကျူးလွန်သူနှစ်ယောက်ကိုဖမ်းဆီးရမိပြီဖြစ်တယ်လို့ ရဲတပ်ဖွဲ့နဲ့ နီးစပ်တဲ့အသိုင်းအဝိုင်းက သိရပါတယ်။အဆိုပါ ကျူးလွန်သူနှစ်ယောက်ကို ဒီဇင်ဘာ ၂၄ ရက်နေ့ညပိုင်းက အင်းစိန်မြို့နယ်၊ အောင်ဆန်းရပ်ကွက်၊ ရွာသစ်အနောက်(၁)မှာ ရှိတဲ့ အဆောင်တခုမှာ သေနတ် ၁ လက်၊ ကျည်ဆံတွေနဲ့အတူ ဖမ်းဆီးရမိခဲ့တာဖြစ်ပြီးကျူးလွန်သူကအမျိုးသားတယောက်နဲ့အမျိုးသမီးတယောက်ဖြစ် တယ်လို့သိရပါတယ်။” အုပ်ချုပ်ရေးမှူး ကလည်းဒီနေ့မနက်ပဲဆုံးသွားပြီ။ သူကဒဏ်ရာပြင်းတယ်။ ဆေးရုံစတက်ကတည်းက အရေးပေါ်ခန်းထဲမှာကုရတာလေ။အုပ်ချုပ်ရေးမှူးကိုပစ်တဲ့သူတွေလည်းအင်းစိန်ဘက်မှာမိတယ်ဆိုပြီးသိရတယ်။”လို့ စမ်းချောင်းမြို့နယ် နေထိုင်သူကပြောပါတယ်။ဟုမ်းလမ်းဘူတာရပ်ကွက်အုပ်ချုပ်ရေးမှူး ဦးစန်းငွေက ဒီဇင်ဘာလ ၂၄ ရက်နေ့မနက်ပိုင်း အုပ်ချုပ်ရေး ရေးမှူးရုံးမှာရှိနေစဥ် သေနတ်နဲ့ပစ်ခတ်ခံခဲ့ရတာဖြစ် ပြီး အဲဒီနောက် ရန်ကုန်ပြည်သူ့ဆေးရုံကြီးမှာ အရေးပေါ်ကုသခဲ့ပေမယ့် ဒီနေ့မနက်ပိုင်းမှာသေဆုံးသွားပြီဖြစ်တယ်လို့သိရပါတယ်။ဟုမ်းလမ်းဘူတာရပ်ကွက်အုပ်ချုပ်ရေးမှူးကိုကို တော့ Freeland Attack Force (FLA) အဖွဲ့ကသူတို့ ပစ်ခတ်ရှင်းလင်းခဲ့တာဖြစ်ကြောင်းပြောဆိုထားပါတယ်။ ယခုနစကဘက်မှထုတ်ပြန်လာတဲ့ ဖမ်းဆီးရမိသူနှစ်ယောက်နဲ့ပတ်သက်ပြီး တစုံတရာတုံ့ပြန်ပြောဆိုခြင်းမရှိသေးပါဘူး။နိုဝင်ဘာလ ၂၄ ရက်နေ့ကလည်း ဒဂုံမြို့သစ်…

ဒီဇင်ဘာ ၂၆ – ၂၀၂၄ SN (VOM) မကွေးတိုင်း၊ ကမ္မမြို့မှာ စစ်ရေးအခြေအနေ တင်းမာနေတဲ့အတွက် မြို့ပေါ်က ပြည်သူ သောင်းနဲ့ချီ စစ်ဘေး တိမ်းရှောင်နေရတယ်လို့ ဒေသခံတွေဆီက သိရပါတယ်။ မနေ့ ဒီဇင်ဘာ ၂၅ ရက်နေ့၊ မွန်းလွဲပိုင်းကစပြီး နစကစစ်ကြောင်း ရောက်ရှိလာကာ နယ်မြေရှင်းလင်းရေး လုပ်ဆောင်နေပြီး တိုက်ပွဲတွေဖြစ်လာမှာကို စိုးရိမ်တာကြောင့် ကမ္မမြို့ပေါ်ရှိ ရပ်ကွက် ၁၂ ခုနဲ့ အနီးအနားဝန်းကျင်ရှိ ကျေးရွာ ၁၈ ရွာမှသောင်းနဲ့ချီတဲ့ ပြည်သူတွေ ဘေးလွတ်ရာကို တိမ်းရှောင်နေရခြင်းဖြစ်တယ်လို့ သိရပါတယ်။ “နစကတပ်တွေက ညောင်ဂျစ်ပင်နဲ့ ရေလာလေးရွာမှာရှိတဲ့ စခန်းတွေကနေ ဒီဘက်ကိုရောက်လာတာ။ နယ်မြေရှင်းလင်းရေးလုပ်ရင်း ရောက်လာတာပေါ့။ ဒီနေ့မနက်ဆို ကမ္မအရှေ့ဘက် နတ်စဉ်ခွက်ကို ကျော်နေပြီ။ တိုက်ပွဲတွေဖြစ်လာမှာစိုးရိမ်လို့ မြို့ပေါ်မှာ ဘယ်သူမှ မနေရဲကြတော့ဘူး။ တော်တော်များများ စစ်ရှောင်ကုန်ကြတာ” လို့ ဒေသခံတယောက်က ပြောပါတယ်။…