ဝါရှင်တန်၊ မေ-၂၅-၂၀၂၄မျိုးဆက်(VOM)အမေရိကန်ကာကွယ်ရေးဝန်ကြီး လွိုက်အော်စတင်ဟာ စင်ကာပူတွင်ပြုလုပ်မယ့် လုံခြုံရေးဖိုရမ်မှာ တရုတ်ကာကွယ်ရေးဝန်ကြီး ဒေါင်ဂျွန်နဲ့ တွေ့ဆုံဆွေးနွေးသွားဖို့ စီစဉ်ထားကြောင်း အမေရိကန် ကာကွယ်ရေးဝန်ကြီးဌာနက အတည်ပြုပြောဆိုပါတယ်။မေ ၃၁ ရက်မှာ စင်ကာပူမှာကျင်းပမယ့် ရှန်ဂရီလာဆွေးနွေးပွဲပြင်ပမှာ ကာကွယ်ရးဝန်ကြီးနှစ်ယောက် ဆွေးနွေးရန် စီစဉ်ထားကြောင်း ပင်တဂွန်စစ်ဌာနချုပ်က ထုတ်ပြန်ပါတယ်။ ဒါဟာ ၂၀၂၂ ခုနှစ်နောက်ပိုင်း အမေရိကန်နဲ့ တရုတ်ကာကွယ်ရေးဝန်ကြီးတို့ ပထမဆုံးအကြိမ် လူချင်းတွေ့ဆုံဆွေးနွေးမှုလည်းဖြစ်ပါတယ်။အမေရိကန်သမ္မတ ဂျိုးဘိုင်ဒင်နဲ့ တရုတ်သမ္မတရှီကျင်းပင်တို့ဟာ ပြီးခဲ့တဲ့ နိုဝင်ဘာလအတွင်းက ထိပ်သီးဆွေးနွေးပွဲမှာ နှစ်နိုင်ငံ ကာကွယ်ရေးတာဝန်ရှိသူတွေအကြား တွေ့ဆုံဆွေးနွေးမှုတွေ ပြန်လည်စတင်ဖို့ သဘောတူခဲ့ပါတယ်။အော်စတင်နဲ့ဒေါင်ဂျွန်တို့ရဲ့ ဆွေးနွေးမှုများအတွင်း တောင်တရုတ်ပင်လယ်အရေးနဲ့ ထိုင်ဝမ်အရေးတို့လည်း ပါဝင်ဖွယ်ရှိပါတယ်။ တရုတ်နိုင်ငံဟာ ထိုင်ဝမ်ကျွန်းအနီး စစ်ရေးလေ့ကျင့်မှုတွေပြုလုပ်ခြင်းအပါအဝင် ဖိလစ်ပိုင်နဲ့လည်း တောင်တရုတ်ပင်လယ်အရေး တင်းမာမှုတွေ မြင့်တက်နေပါတယ်။အမေရိကန်ကာကွယ်ရေးဝန်ကြီး လွိုက်အော်စတင်ဟာ သူ့ရဲ့ စင်ကာပူခရီးစဉ်အတွင်း ဂျပန်၊ တောင်ကိုရီးယား ကာကွယ်ရေးဝန်ကြီးတွေနဲ့လည် ထိပ်သီးဆွေးနွေးဖို့ စီစဉ်ထားကြောင်း ပင်တဂွန်စစ်ဌာနချုပ်က ထုတ်ပြန်ထားပါတယ်။Ref:NHKPhoto:Getty Images

သည်ဟိတ်၊ မေ-၂၅-၂၀၂၄မျိုးဆက်(VOM)ဂါဇာကမ်းမြှောင်ဒေသ ရာဖာမြို့ကို အစ္စရေးရဲ့ ထိုးစစ်ဆင်မှုတွေကို ချက်ချင်းရပ်တန့်ဖို့ ကုလသမဂ္ဂရဲ့ အိုင်စီဂျေတရားရုံးက အမိန့်ထုတ်လိုက်ပါတယ်။အစ္စရေးဟာ ဂါဇာကမ်းမြှောင်ဒေသမှာ လူမျိုးတုန်းသတ်ဖြတ်မှုတွေကို အရှိန်မြှင့်လုပ်ဆောင်နေတယ်လို့ တောင်အာဖရိကကလည်း ပြီးခဲ့တဲ့သီတင်းပတ်က အိုင်စီဂျေမှာ တင်ပြတိုင်ကြားခဲ့ပါသေးတယ်။ဂါဇာမှာ အခြေအနေတွေ တိုးတက်ကောင်းမွန်လာဖို့အတွက် အစ္စရေးကို အိုင်စီဂျေက နောက်ဆုံးအမိန့်ထုတ်လိုက်ပြီးနောက်ပိုင်း ဂါဇာရဲ့အခြေအနေတွေ ပို ဆိုးလာတယ်လို့ အိုင်စီဂျေ တရားသူကြီး Nawaf Salam ကပြောပါတယ်။“အစ္စရေးအနေနဲ့ ရာဖာမှာပြုလုပ်နေတဲ့ ထိုးစစ်ကို ချက်ချင်းရပ်တန့်ရပါမယ်။ ဒါအပြင် ရာဖာမှာ နိုင်ငံတကာဥပဒေအရ လူမျိုးတုံးသတ်ဖြတ်မှုလို့ ယူဆသတ်မှတ်ရမယ့် ပါလက်စတိုင်းတွေအပေါ် ရုပ်ပိုင်းဆိုင်ရာ ထိခိုက်မှုဖြစ်ပေါ်လာနိုင်တဲ့ လုပ်ရပ်တွေကိုလည်း ရပ်တန့်ရမယ်” လို့ Nawaf Salam စီရင်ချက်ကို ဖတ်ကြားခဲ့ပါတယ်။အစ္စရေးအနေနဲ့ လူမျိုးတုံးသတ်ဖြတ်မှုစွပ်စွဲချက်တွေကို စုံစမ်းစစ်ဆေးနေတဲ့ ကုလသမဂ္ဂကျွမ်းကျင်သူအဖွဲ့ကို ဂါဇာကမ်းမြှောင်သို့ အတားအဆီးမရှိ ဝင်ရောက်ခွင့်ပြုရမယ်လို့ အိုင်စီဂျေရဲ့ အမိန့်မှာ ဖော်ပြထားပါတယ်။အစ္စရေးကတော့ အိုင်စီဂျေရဲ့စီရင်ချက်ကို ပယ်ချခဲ့ပြီး ဂါဇာမှာ ပြုလုပ်နေတဲ့…

Voice of Myanmarအမေရိကန်သမ္မတ ဂျွန်အက်ဖ် ကနေဒီသည် ဆယ်စုနှစ်မကုန်မီတွင် လကမ္ဘာပေါ်သို့ လူသားများ ခြေချနိုင်ရမည်ဟု ကတိပြုကာ ၁၉၆၁ ခုနှစ် မေ ၂၅ ရက်တွင် ကွန်ဂရက်ထံ ဒေါ်လာ ၅၃၁ သန်း တောင်းခံခဲ့ပြီး ယင်းရည်မှန်းချက်မှာ ၁၉၆၉ ခုနှစ်တွင် အပိုလို-၁၁ အာကာသယာဉ်မှူး နေးလ်အမ်းစတောင်းက လကမ္ဘာပေါ်သို့ ပထမဆုံး ခြေချနိုင်ခဲ့ခြင်းဖြင့် ပြီးမြောက်ခဲ့သည်။