ဒေလီ၊ နိုဝင်ဘာ-၃-၂၀၂၃ မျိုးဆက်(VOM) အိန္ဒိယနိုင်ငံ မြို့တော်ဒေလီမှာ လေထုညစ်ညမ်းမှုပိုမိုဆိုးရွားလာတာကြောင့် မူလတန်းကျောင်းတွေကို နိုဝင်ဘာ ၃ ရက်မစပြီး အာဏာပိုင်တွေက နှစ်ရက်ကြာ ပိတ်ထားလိုက်ပါတယ်။ မြို့တော်ရဲ့လေထုအရည်အသွေးဟာ ယခုရာသီမှာ ပထမဆုံးအကြိမ်အဖြစ် ဆိုးရွားစွာကျဆင်းနေကြောင်း တာဝန်ရှိသူတွေကဆိုပါတယ်။ လာမယ့်နှစ်ပတ်အတွင်း မိုးရွာသွန်းဖွယ်အခြေအနေရှိကြောင်း မိုးလေဝသပညာရှင်တွေက ခန့်မှန်းထားပါတယ်။ လေထုညစ်ညမ်းမှုနဲ့ပတ်သက်ပြီး အခြေအနေကိုပြန်လည်သုံးသပ်ဖို့ ဒေလီသဘာဝပတ်ဝန်းကျင်ဝန်ကြီးက အရေးပေါ်အစည်းအဝေးခေါ်ယူခဲ့ပါတယ်။ ဒေလီဟာ ကမ္ဘာပေါ်မှာ လေထုညစ်ညမ်းမှု အဆိုးရွားဆုံးဖြစ်ပွားလေ့ရှိတဲ့ မြို့တွေထဲက တမြို့ဖြစ်ပါတယ်။ လယ်သမားတွေဟာ ကောက်ပဲသီးနှံတွေရိတ်သိမ်းပြီးနောက် စိုက်ခင်းတွေကို မီးရှို့ခြင်း၊ လေတိုက်နှုန်းနည်းပါးခြင်း၊ ပွဲတော်တွေအတွင်း မီးရှူးမီးပန်တွေဖောက်ခြင်းစတဲ့ အကြောင်းရင်းတွေကြောင့် ဒေလီရဲ့ လေထုအရည်အသွေးဟာ အထူးသဖြင့် ဆောင်းရာသီမှာ ပိုမိုညစ်ညမ်းလေ့ရှိပါတယ်။ အိမ်နီးချင်းပန်ဂျပ်နဲ့ ဟာယာနာပြည်နယ်တွေမှာ စိုက်ခင်းတွေကိုမီးရှို့မှုတွေပြုလုပ်ချိန်ဖြစ်တဲ့ နိုဝင်ဘာ ၁ ရက်ကနေ ၁၅ ရက်အတွင်း မြို့တော်ရဲ့ လေထုဟာ အညစ်ညမ်းဆုံးဖြစ်ပွားလေ့ရှိကြောင်း ဒေလီ လေထုအရည်အသွေးထိန်းချုပ်ရေးကော်မတီက ထုတ်ပြန်ထားပါတယ်။ Ref:BBC…

  Voice of Myanmar အမေရိကန်သမ္မတ ဂျော့ချ်ဒဗလျူဘုရှ်သည် ၂၀၀၄ ခုနှစ် နိုဝင်ဘာ ၃ ရက်တွင် သမ္မတအဖြစ် ဒုတိယသက်တမ်း ပြန်လည်ရွေးချယ်ခံခဲ့ရသည်။  

  အစ္စလာမ္မာဘတ်၊ နိုဝင်ဘာ-၂-၂၀၂၃ မျိုးဆက်(VOM) ပါကစ္စတန်အစိုးရဟာ တရားမဝင်ရွှေ့ပြောင်းဒုက္ခသည်တွေကို ပြည်နှင်ဒဏ်ပေးရေးလုပ်ငန်းစဉ် စတင်နေပြီး အထောက်အထားမဲ့ ဒုက္ခသည်များကို နိုဝင်ဘာ ၂ ရက်ကစပြီး ထိန်းသိမ်းရေးစခန်းတွေကို စတင်လွှဲပြောင်းပေးနေပါတယ်။ အာဖဂန်မှာ တာလီဘန်တို့ အာဏာပြန်လည်ရရှိပြီးနောက် လုံခြုံရေးဆိုင်ရာ စိုးရိမ်ပူပန်မှုတွေကြောင့် အာဖဂန်ပြည်သူအများအပြားဟာ အိမ်နီးချင်း ပါကစ္စတန်နိုင်ငံကို ထွက်ပြေးခဲ့ကြရပါတယ်။ မြို့တော်အစ္စလာမ္မာဘတ်ရှိ အာဖဂန်ဒုက္ခသည်တွေ နေထိုင်ရာနေရာအချို့ကို ပါကစ္စတန်အာဏာပိုင်တွေက ဖြိုချမှုတွေပြုလုပ်ခဲ့ပြီး ဒုက္ခသည်တွေအနေနဲ့ တရားမဝင်နေထိုင်ဖို့ ကြိုးစားတဲ့လုပ်ရပ်တွေကို အဆုံးသတ်ဖို့ လိုအပ်တယ်လို့ ု အာဏာပိုင်တွေကပြောပါတယ်။ အာဖဂန်ဒုက္ခသည်အများအပြားဟာ သူတို့ရဲ့ သဘောဆန္ဒအလျောက် နေရပ်ပြန်နေကြပြီး ကုန်တင်ကားတွေနဲ့အတူ နယ်စပ်လမ်းကြောင်းတလျှောက်မှာ တန်းစီနေကြပါတယ်။ လက်ရှိချိန်ထိ အာဖဂန်ဒုက္ခသည် တသိန်းခြောက်သောင်းကျော် နယ်စပ်ဖြတ်ကျော် ထွက်ခွာသွားပြီဖြစ်ကြောင်း ပါကစ္စတန်အစိုးရက ပြောပါတယ်။ ပါကစ္စတန်မှာ မကြာသေးမီကဖြစ်ပွားခဲ့တဲ့ အသေခံဗုံးခွဲတိုက်ခိုက်မှုတွေရဲ့ နောက်ကွယ်မှာ အာဖဂန်နိုင်ငံသားတွေ ပါဝင်နေတယ်လို့ ပါကစ္စတန်အာဏာပိုင်တွေက ယုံကြည်နေပါတယ်။ ပါကစ္စတန်မှာ အထောက်အထားမဲ့…

  ဝါရှင်တန်၊ နိုဝင်ဘာ-၂-၂၀၂၃ မျိုးဆက်(VOM) နျူကလီးယားလက်နက်ထိန်းချုပ်ရေးနဲ့ပတ်သက်ပြီး တရုတ်နဲ့အမေရိကန်တို့ဟာ လာမယ့်သီတင်းပတ်မှာ ဆွေးနွေးကြမှာဖြစ်ပြီး ဒါဟာ သမ္မတအိုဘားမားလက်ထက်ပြီးနောက် ပထမဆုံးအကြိမ်ဖြစ်တယ်လို့ ဝေါလ်စရိဂျာနယ်က ရေးသားဖော်ပြထားပါတယ်။ တရုတ်နိုင်ငံခြားရေးဝန်ကြီး ဝမ်ယီဟာ မကြာသေးမီက ဝါရှင်တန်ကိုသွားရောက်ခဲ့ပြီး အမေရိကန်နိုင်ငံခြားရေးဝန်ကြီး ဘလင်ကင်နဲ့ နျူကလီးယားလက်နက် ထိန်းချုပ်ရေးနဲ့ မပြန့်ပွားရေးဆွေးနွေးပွဲတွေ ပြုလုပ်ဖို့အပြင် ရေကြောင်းဆိုင်ရာ အငြင်းပွားမှုတွေကို သီးခြားဆွေးနွေးခဲ့တယ်လို့ တရုတ်နိုင်ငံခြားရေးဝန်ကြီးဌာနက ထုတ်ပြန်ထားပါတယ်။ နျူကလီးယားလက်နက်ထိန်းချုပ်ရေး ဆွေးနွေးပွဲကို လာမယ့် တနင်္လာနေ့ နိုဝင်ဘာ ၆ ရက်မှာ ပြုလုပ်သွားမှာဖြစ်ပြီး အရေိကန်နိုင်ငံခြားရေးဝန်ကြီးဌာန အကြီးတန်းအရာရှိ မယ်လိုရီစတိဝပ်နဲ့ တရုတ်နိုင်ငံဘက်ကတော့ နိုင်ငံခြားရေးဝန်ကြီးဌာန လက်နက်ထိန်းချုပ်ရေးဌာနအကြီးအကဲဆန်ရှီအိုဘိုတို့က ဦးဆောင်သွားမှာဖြစ်ပါတယ်။ ဒီဆွေးနွေးပွဲနဲ့ပတ်သက်ပြီး ဆွေးနွေးမယ့် အချိန်အသေးစိတ်နဲ့ ဆွေးနွေးမယ့်အခြေအနေတို့ကို ရိုက်တာရဲ့ မေးမြန်းမှုအပေါ် အမေရိကန်နိုင်ငံခြားရေးဝန်ကြီးဌာနနဲ့ ဝါရှင်တန်ရှိ တရုတ်သံရုံးတို့က မှတ်ချက်ပြုပြောဆိုခြင်းမရှိသေးပါဘူး။ တရုတ်နိုင်ငံရဲ့ နျူကလီးယားလက်နက်ထုတ်လုပ်မှုတွေအပေါ် အမေရိကန်ရဲ့စိုးရိမ်ပူပန်မှုတွေကို ကိုးကားပြီး မဟာဗျူဟာတည်ငြိမ်ရေးဆိုင်ရာ ရှေ့ဆက်ဆွေးနွေးမှုတွေကို စတင်ဖို့…